نوحه غارت خیمه ها به سبک ای قلم سوزلرینده اثر یوخ خیمه لر اود دوتوب یاندی قارداش زینبون قلبی اودلاندی قارداش زینبون دوشدی باشی بلایه خیمه لر یاندی گل سن هرایه یا حسین یا حسین یا حسین جان 2بار گل باجون قلبی بیر پارچا قاندی دشمن اود وردی اخیامه یاندی ایندی گل. داده قارداش اماندی گل باجون گور نه گریاندی قارداش یا حسین یا حسین یا حسین جان 2بار شعله ور اولدی اود خیمه یاندی زینبون حالی قارداش. یاماندی خیمه لر غارت اولدی تالاندی زینبون قلبی گل قاندی قارداش یا حسین یا حسین یا حسین جان 2بار گل حسین جان چیخوب عرشه آهیم خرداجا قیزلار اولموش سپاهیم گوندر عباسی یوخدور پناهیم قلب زاریم پریشاندی قارداش یا حسین یا حسین یا حسین جان 2بار نهرین اوسته یاتوب تشنه سقا خیمه گاهه دولوب یکسر اعدا حالی پوزقوندی غملرده زهرا گل آنام ایندی نالاندی قارداش یا حسین یا حسین یا حسین جان 2بار گور نه مظلوم اولوب آل. حیدر قیزلارین چوللره قاچدی یکسر نچه سی گول کیمی اولدی پرپر گل رقیه اورک قاندی قارداش یا حسین یا حسین یا حسین جان 2بار هارداسان ای مه انوریم گل ای منیم جدیمه بنزریم گل یاتما یورقون منیم اکبریم گل نیلیوم قانه غلطاندی قارداش یا حسین یا حسین یا حسین جان 2بار آل هاشیم باتوب قانه قارداش آغلوری بو غمه ایندی داغ داش وار یئری آغلیام منده قان یاش خیمه ده گور نه طوفاندی قارداش یا حسین یا حسین یا حسین جان 2بار ایلدی سعدین اوغلی جسارت یوز قویوب خیمگاهه. جماعت دشمن دین ایدوب قتل و غارت خیمه لر گور نه سوزاندی قارداش یا حسین یا حسین یا حسین جان 2بار ای حسین ای شهنشاه خوبان دین اسلامه ویردون سوسوز جان «مهدی» زینب سوزون ائتدی اعلان زینبون دردی پنهاندی قارداش یا حسین یا حسین یا حسین جان 2بار ملتمس دعا مهدی ملکی #سبک_ای_قلم_سوزلرین_اسر_یوخ_ #نوحه_غارت_خیمه_ها_

خلایقین گوزلی اشکباریوم تئز گل هدایتین گونشی انتظاریوم تئز گل قرار عالم امکان ، امید خلق جهان اورک دوگونمه دوتوب، بیقراریوم تئز گل ادب طریقینی گر بیلمسم ارادت ده باغیشلا لطفیوله شرمساریوم تئز گل نقدری پرده ی غیبت ده نازه شایق سن کمند عشقیده دیلسیز شکاریوم تئز گل پائیز دی، قیش دی، طبیعت ده کی بهار سنسیز گورم جمالیوی لحظه شماریوم تئز گل اورکده نقش اولونان خط عشقه آند اولسون صداقتیله سنین جان نثاریوم تئز گل گوزل آدین دیلیمن ازبری اولوب ای گل چمنده لاله کیمی داغداریوم تئز گل زمانه سیخدی بیزی منجنیق غربت ده اماندی داده یئتیش دلفکاریوم تئز گل ایکی جهاندا منیم شان و عزتیم سنسن نقدری عمروم اولا وامداریوم تئز گل خیال خالین ائديب گور نئجه منی مدهوش ئولونجه باده پرست و خماریوم تئز گل #محمد_هوشمند #مدهوش با نوای آقای فریدی 👇

ظلم به سر میرسد ای یار از او خبر میرسد ای یار او می آید تکیه به دیوار حرم میزند او می آید قدم به چشمان ترم میزند او می آید او می آید متی ترانا و نراک و لا موعود سواک ذکر لبم به زیر خاک یابن الحسن روحی فداک یابن الحسن روحی فداک **** او پناه عالمین است منتقم خون حسین است او می آید درد همه خلق دوا میشود او می آید قبله ی ما کرب و بلا میشود او می آید او می آید این الحسن این الحسین و این ابناء الحسین مع امامٍ منصور ایشالله بین الحرمین یابن الحسن روحی فداک **** بانی روضه ی محرم سینه زنه ذبیح اعظم او می آید روضه ی ارباب به پا میشود او می آید عرش خدا بیت عزا میشود او می آید او می آید متی ترانا و نراک و لا موعود سواک ذکر لبم به زیر خاک یابن الحسن روحی فداک یابن الحسن روحی فداک

یامهدی (عج الله ) مشکلون اولسا بو دنیاده دئنن یامهدی لطفی چوخدور گلر امداده دئنن یامهدی اسم اعظمدی آدی آدینه قربان آقادی سعی ائله سیندیر ئوزون بو قاپودا گور هارادی نه بشر ذکر ملائکدی بو سردارین آدی حاجتون اولسا گل افتاده دئنن یامهدی اؤ سوزی که ائلیوبدور سنی مین درده دچار فاش ائدنمورسن او سرّی اولوسان زار و نزار ئوز ائوینده دئموسن محرمیوه دلده نه وار ایندی اخلاصیله سال یاده دئنن یامهدی ناامید اولما نه دردون اولا درمان ائده جاق نیّتون پاک ائله هر مشکلون آسان ائده جاق او کریم اوغلی کریمدی سنه احسان ائده جاق سنده صدقیله اول آماده دئنن یامهدی عرض ائله یوخدی دؤزوم هجریوه اصلا آقاجان بسدی اول پرده ی غیبتدن هویدا آقاجان یانوری هجر اودونا قلب احبّا آقاجان ذکر ائله آدینی گل داده دئنن یامهدی سیزه مژده اولا ای امت آزاده شیَم آقامیز بحر سخادی داخی عشاقه نه غم سائلی بوش یولا سالماز قاپودان اهل کرم وار گوزون لطف او مولاده دئنن یامهدی https://eitaa.com/kobradsg

گل گوزلریوین قربانی ای فاطمه نون ریحانی گل سفره عدلیوی سال گل صود امرین قانینی آل تز گل گلن یولاره قربان مولا بوجمعاً ایله احسان بین الحرمده ایله مهمان آقام آقام آقام آقام گل سنه فدا آتام آنام گل هجرون زری خشت ایلر زیبالری زیشت ایلر گلسن قدمون مولا دنیانی بهشت ایلر تز گل گلن یولاره قربان مولا بو جمهاً ایله احسان بین الحرمده ایله مهمان آقام آقام آقام آقام گل سنه فدا آتام آنام گل غیبتده قالان تزگل اوت جانه سالان تزگل زهرا آنوین قانین ثانیدن آلان تز گل تزگل گلن یولاره قربان مولا بوجمعاً ایله احسان بین الحرمده ایله مهمان آقام آقام آقام آقام گل سنه فدا آتام آنام گل 🥀🌸🥀🌸🥀🌸🥀🌸🥀🌸

یا حسین عاشقوم آه و نوادن دویمارام آغلارام احوالیوه بزم عزادن دویمارام گر قسمت اولا شش گوشه قبرون یا حسین عمر ائدیب یوز ایلده قالسام کربلادن دویمارام

نجه دریـای شـرفـده اولا گـوهـریاراشار کشتی دینَه ده زینب کیمی لنگـر یاراشار قهرمـانلیق لقبین هـرکسه ویرمزلـه یقین بـولـقـب عـالـم آرا زینـبـه بـهـتـر یـاراشار بیرخانم کـی آدینـی خالق رحمان بَیَنیب کیمـه آد قـویسـا اگـرخـالـق داور یاراشار نجه زینب که علی تـک آتاسی واردی بلی دیـهَ احسـن قـیزینـا فـاتح خیبـر یاراشار وار ولی بیر آناسـی بیرتوکی دنیایـه دَیَـر ویـره صـود دلبرینـه دخـت پیمبر یاراشار هله بیرقارداشی واردیللری تسخیرایلیلب ایـاقـیـن ئوپـاغـیـنـا فوج مـلـکـلـر یاراشار بوشهین قنداقـی عـرش اللهَ زینت ویردی غم گونی همدمی زینب کیمی خواهریاراشار بـیـر اَبَالفَضلیده وار جـانینـه عـالـم قربان بـیلـه بـیـرخـواهـره عـبـاس دلاور یاراشار کیم دوشه مشگـلـه سسلرآدینی صدقـیلـه چاره سیزدرده ائده چاره اوسرور یاراشار آنداولاجرعه سواوسته کـسـیلـن قولارینـا یخمـاغـا ظلـم ائـوینی دخترحیدر یاراشار قتلگهده کسیلـن وقته حسینـون بـوغـازی خنجـرِ شمـری تـوتـاتـک بـیلـه اللـر یاراشار اوت ایچیندن چخادیب سیدسجادی خانم چون بولوردی اوشهی عالمه رهبر یاراشار کوفـه وشامیده سـن باخ خانیمین همتینه خـوار ائـده آل یـزیـدی بـو دلاور یاراشار نطقیلـه یخدی یزیدین ائوینی ئـوز باشینا فخر ائده زینبه چون ساقی کـوثـر یاراشار بزم اغیاریده گوردی دیلی شمشیرایشینی لـفـظ گـفــتـاریـنــه آیـات مُـسَـوَّر یـاراشـار قازانیب درس شجاعت بـو خانم زهـرادن بیلـه بـیرشیره آناسـی کیمـی مادر یاراشار سنگر دیـن و دیانـتده دوروب شیـر کیمـی بیرق دینـی اوجـالـدا بـیلـه رَهـوَر یـاراشار قولاری باغلی گیدیب فتح ایلدی شاماتـی بیلـه بیر فتحـه بلـی زینب مضطـر یاراشار بو شهامتده خانم شامیده تک جان ویردی جان ویرن دمده باجی اولسا برادر یاراشار صون نفسده گوزونی کرب وبلایه چووروب گل جمالین دیدی گورماقه بو گوزلریاراشار گل ئوزون باغلا بو حسرتله آخان گوزلریمی منـتظـرگـوزلـری یومّمـاغـه او اللـر یاراشار غـم عشقونده یانیب (عاجز)و(عبداللهی) یازمـاغـا نوحه وی بـو ایکّی بـرادر یاراشار

سلام الله در کوفه ‍ حضرت زینب سلام الله در کوفه قارداشيم نيزه باشندا بورونوبدور نوره منی هردم گتورور هاله ی نوری شوره باخورام لبلرينه منتظرم دستوره منه امر ايلسه شمشير اله آل آللام من طلقازاده لرین جانینه اود سال ساللام من دانیشان لحظه‌ده چوخلار منی حتما تانيدی بيلمين بيلدی وجوديم اسرانين جانيدی شريانيمده گزن قانلار علينون قانيدی كيم دئسه شير شرربارم و شمشير زنم دئيرم منده علينون قيزيام شير زنم زينبم طيب و طاهردی منيم بنياديم قورخو بيلمم ‌ندی چون فاطمه‌دی ‌استاديم بير اشاريله اگر امر ايلسه سجاديم بی تفاوت قالا بیلمم ایاقا دورام من كوفه سركرده لرين وقرينی سينديرام من نيزه باشنده مگر حرمت ائدللر قوناقا سسله سم فاطمه نی غيضيله دورسام اياقا او يارالي باشي آرام گتورم اشاقا سيلرم لبلريني ، ال چكرم گوز قاشنا قان دولان گوزلرينی آچسا دولانام باشنا ديرم باخ اسرا گور نجه ويلاندی حسين بالالار خسته‌دی ، احوالی پريشاندی حسين كربلادن بو ربابين اورگی قاندی حسين گلشن عزتینه باد مخالف اسيلوب بوشدی گهواره‌سی هريردن علاجی كسيلوب * کربلایی ابوالفضل فرهنگی https://eitaa.com/kobradsg

ورود به کوفه زبانحال حضرت رباب (س) بسره حضرت علی اصغر(ع) ورود به کوفه زبانحال حضرت رباب (س) بسره حضرت علی اصغر(ع) باشون   جداده    باغریمی  ایتدی کباب  اوغول بو حاله  من  نئجه دوزوم  ئولسون رباب اوغول هانسی شل  اولموش ال باشوی نیزیه ساچوب بو    باشویله   نوک   جدا    غنچه   گل   آچوب اما     نه    ستمله    رنگی  رخ   آلوین   قاچوب بیجا    دگل    یوزه   توکورم    اشکناب  اوغول باشون    جداده     بنزوری   رخشنده     اولدوزا اما    گونوز    گوزیمده    اولوب     لیل     غمفزا یوخسا    گران   دگل   بله   غم   بو  اوغولسوزا من  سسلینده   ویرمیه   سن  بیر جواب  اوغول غم منجنیقی    باغرین   آناوین  سیخوب  علی کوفه    اناثی   غرفه   و    بامه    چیخوب  علی گورسونله   تا   منیم   ایویمی کیم  یخوب  علی بو چرخ دون ایوی گوروم اولسون خراب اوغول دائم    فغان   ایدر    بالاسی    اوخلانان      آنا ای کاش   حالیمی    بو     تماشا    چیلر     قانا بو   قوم   کینه جو     منی    قویمش   یانا   یانا بیکس آنان دولوبدی بوگون چون  سحاب اوغول باد      صبا    دگور     بالاجا    تللرون       اسیر مقراض    غم    طناب   توان      دلی       کسیر سن   نوک    نیزه ده   من   علی  دشمنه  اسیر چاره    یولونی   باغلیوب   اهل   عذاب    اوغول رخت     علایقی    نئجه   بو  جسمدن   سویوم ویرمولله     باشوی    اورگیم    باشینه     قویوم قانین   سیلوم   یوزوندن اوپوم  ایگلیوم دویوم اشگیمله   بیر   سپوم   یوزوه من  گلاب اوغول تیترر   اورک     باخاندا    او    چشم    خماریوه ایتسه       قبول       یالوارام          نیزه  داریوه باشون    ویره    قویام   یوزیمی  گل    عذاریوه تا   بلکه   ایتمسه   اوره گیم  اضطراب   اوغول باشون   دالنجا   هر    یئره   گتسن   گلر   آنان باخدوقجا    باشیوه   یوزه    اشکین   الر    آنان آهو    کیمی   گزر    چولی     دائم    ملر     آنان مجنون گورر   باخان  دگلم   من   رباب   اوغول گوردوقجا    باشوی   یوزیمه گوز   یاشیم  آخور بو  نسگلون   اوغول    آناوی   یاندیرور   یاخور امجکدن    ال  چکوبلر   اوشاقلار   سنه   باخور بو حال   گور  آناندا    قویار  صبر  و تاب  اوغول پیکان کیمی  غمون  دلوری  هر   اورک  باشین باشون گورن   یوزه  توکوری قانلو گوز  یاشین ورمازلا   نیزه    باشینه   هیچ  صود امر   باشین سالسا    روادی کونه   بو   غم   انقلاب   اوغول حسرت   قویان  منی سنه حسرت  گوروم  قالا گئتسم   مدینیه   من    اگر    ای   گوزل      بالا صغرا    باجون   اگر     سنی    مندن   خبر    آلا بس  اوندا  نیلیوم  نه  دیون  من  جواب  اوغول لابد    گرک   دیم    غمی   اندازه دن    گچوب سو   ویرمیوبله   سو    یرینه    قاننی    ایچوب اما   نئجه   دیوم   بوغازین  اوخ دگوب  بچوب جان ویردی تشنه ایچمدی بیر جرعه  آب  اوغول قویماز    آنا    بالا سنیی  گوزدن   گیده    اوزاق گئتدون   نگار   محضرینه   سن   علی    قوناق گورسم   آلوب   قوجاقه   آنا   صود  امر  اوشاق بس   نیلیوم    او    دمده   من   دلکباب    اوغول صدقیله (( اعظمی ))  بو کمنده    سالوب  اوزون یوخدور    لیاقتی   سنه    اما    تکوب    گوزون شهزاده    سن   قبول  ایله  بو  نوکرین سوزون تا    عمری   وار   قاپوندا   اولا  کامیاب   اوغول ** بیوک اعظمی

احوالات کوفه ای   کوفه لیلر    ای    قانیلن   اللری     رنگین تاریخی    بوتون    ننگ   و   جنایاتیله   ننگین حقّوزدی که  قان  آغلیه سوز  شام  و سحرگاه قان  آغلاماقوزدان  سیزی   قورتارماسون  الله ساکت   اولون   آز    آغلیون    ای   ملّت   مکّار بی جا    بو   عبث   آغلاماقوزدا     نه   اثر   وار سیز   مرتکب    اولدوز   او   جنایاته   نه  اغیار بیر  ایله   جنایت   که   جهان   مثلینی    گورمز تا   وار   بو جهان   پیر  و  جوان  مثلینی گورمز سیز   مثل   او   گُلسیز   که   اولار  مزبله  یرده برگینده    کثافات    اوتورار    پرده    به   پرده موجودیّتوز      دست        جنایات         بشرده سیز   اسلحه ی   جنگ سوز  اشرارین   اَلینده شمشیر   و   سپر سوز   هامی  کفّارین   اَلینده اوز    دینوزی    دنیایه   نه  آز   قیمته   ساتدوز آزادگی      و      عزّتوزی        ذلّته      ساتدوز انسانیتی    یک    سره       وحشیّته     ساتدور سیز   ملّت   آییلماز    ایله    غفلتده   یاتوبسوز شخصیّتوزی    قولاروزا       مفت    ساتوبسوز افسوس    او    پیغمبره   که   امّتی    سیزسوز وای  اولسون  او   بیر  مملکته  ملّتی   سیزسوز ویران   اولا   بو  شهری که  جمعیّتی  سیزسوز سیز عاطفه سیز   ملّته   انسان  دیماق   اولماز سیز  ملّت    بی دینه   مسلمان  دیماق   اولماز وار   هانسی   دیانتده    ایا    دین سیز     امّت مهمان    آدینا    امّت    امامین    ایده    دعوت مهمانین   آلوب   دورین   ایده   قتلینه  سبقت قتلینده   ز  بس  چوخلی  جسارت لر   اولوندی ئولدوردوله     صبریله       جنایتلر       اولوندی ای    دعوی    اسلام    ایلین     قوم      منافق بی رحم   و   شقی،  سنگدل   و  فاجر و فاسق نفرین  ایده جاق  سیزلری  هر  لازم  و  لاحق دنیاده   سیز   ایتدوز   او     فجایعله     جنایت دنیا    بویی   جانی لر   ایده لّر    سیزه    لعنت هیچ    بُلدوز   اَیا   دین سیز  امّت   نلر   ایتدوز اسلاموزون    ارکانینی    زیر    و   زبر    ایتدوز اسلامه  اَلوزدن   نه   جفا  گَلدی   سیز   ایتدوز بو سهلیدی قویدوز  اوزوز  اوز خانه زی ویران ویران   اولونوب    ظلموزوله    خانه ی   ایمان اوز   ظلموزی   عالم لره   بُلدورموسوز  ای قوم اسلام   گلستانینی   صولدورموسوز    ای   قوم پیغمبروزون   اوغلونی ئولدورموسوز    ای  قوم یخدوز اوزونی ایستی قوم اوستونده لب عطشان کَسدوز سو کنارینده سوسوز قوچ کیمی قربان ای کاش    فقط   قوچ کیمی   قربان کَسیلِیدی ای کاش   فقط  باشی  لب  عطشان کَسیلِیدی بیر   ضربتیله    فدیه ی     جانان      کَسیلِیدی بیر  خنجرینه    اون ایکی   ضربت   وورولِیدی نه   پیکرینه      سُمّ        عداوت      وورولِیدی ** مرحوم ذهنی زاده (سائل)

به سبک ای قلم سوزلینده زینبم درد هجرانه یاندیم کوفه شهرین پریشان دولاندیم نیزه ده باشوه داش دگنده من باخیب گؤزلریندن اوتاندیم . یا حسین یاحسین یاحسین جان ۲بار سرزمین محبت سراجی عشق بازارینون سن رواجی ان اوجا نیزه دن بیر اشاقه زینبین وار سنه احتیاجی باشدا یاره حسین غملی ساعت سوره کهفی ایله تلاوت صبر ایدنمور ئورک سن یارالی من گزم ناقه لرده سلامت . عاشقم باشیمی منده یاررام قانیلن عشق باغین سوواررام باش یاراسین بو غملی سفردن یثربه الده سوغات آپاررام . درد و غم زینبه یولداش اولدی دوندی اشک تریم قانیاش اولدی سینه مه کربلا داغ چکوبدی کوفه کرب و بلادن باش اولدی کوفه نین ملت بی حیاسی ائتدیلر بیزلره ناسپاسی نیزه ده باشوه داش وورانلار ووردیلار زینبه دیل یاراسی . قافله باشینه کوچه لردن کول توکور کوفیان غرفه لردن سن کولی یاره وه مرهم ایله من دوا آختاریم نیزه لردن

#امام_حسین_ع_مناجات_محرمی سرم خاک کف پای حسین است دلم مجنون صحرای حسین است بُوَد پرونده‌ام چون برگ گل پاک در این پرونده امضای حسین است بهشت ارزانی خوبان عالم بهشت من تماشای حسین است به‌وقت مرگ چشمم را نبندید که چشم من به سیمای حسین است تمام هستی‌ام باشد دل من که لبریز از تولاّی حسین است چراغ از بهر قبر من نیارید چراغم روی زیبای حسین است خوش آن صورت که در فردای محشر بر آن نقش کف پای حسین است دلی جای خدا باشد که آن دل پر از نور تجلاّی حسین است نترسانیدم از روز قیامت قیامت قدّ و بالای حسین است ✍️ #غلامرضا_سازگار

🌴 اوصاف عاشق 🌴 عاشق بَلانی عشقینه  بیر  آرمان بیلر جان نَقدی اَلده یاره اونی اَرمغان بیلر عشقین یولوندا جام بَلا نوشیدور اونا طاووسی آختاران  رَه هندوستان بیلر چوخلار مَجازون اَهلیدی غافلدی عشقیدن نَفسیندَن ئوتری عشق سوزون داسِتان بیلر فرهادکوه کَن غَلط عاشق قویوب آدین داش سِیندیران نَدورئوزونی سِیندیران بیلر گرچه بو سِیندیران اولوری عیب قافیه اهل اَدب  وَلیکن اونی  شایگان  بیلر عَنقاکیمی قَنادلانار عشق اهلی اوج اِئدر هاردا بو قافی شب پَره لَر آشیان بیلر شیریندی شَهدیدن بو یولون هَر اذیّتی منصور او داریده  مگر آزار جان بیلر ؟ عاشق بویانسا باشدان اَیاقه قِزل قانا ِ‌‌اِئتمَز گِلایَه یاری گنه  مهربان  بیلر نفس سلیمِ زاده ی خیرُ النّسایه باخ گرداب عشقی تخت زَبرجَد نشان بیلر واحد قالوب او چولده حسینِ بنِ فاطمه جدّی گورَن مَصائبی صاحب زمان بیلر قوریان دوداقلاری دگوب آهسته بیربیره قرآن آچیلدی اهل سَماوات عیان بیلر جدّ مُطهّریمدی دئدی خَتمُ الاَنبیا وار اَشرفیّتی هامیا اِنس و جان بیلر حیدر ولیّ حَق اَسَدُاللّهیدور آتام خالق اونون حریمینی خَط اَمان بیلر بیر گون گلر که مَاذَنَه ده حق مُوذّنی شیر خدانون آدینی زِیب اَذان بیلر زهرا آنامدی ، اُمِّ اَبیهادی جَدّیمَه کَرّوبیاندا شَانینی عرش آستان بیلر مَهریَّه سی همان نَنَه مون بو فَراتیدور تَحریمینی رَوا منه شمر و سنان  بیلر عطشان دوداقلاریم یانوری پارچا پارچادی بوسه اِئدنده لَبلَریمی خیزَران  بیلر من مِحورم بو دایره ی قُطبِ خلقته خالق حریمِ دینه منی  پاسبان بیلر آزاد ائدن او فُطرسی گردابیدن منم گویلر سَحاب رَحمتیمی بیکَران بیلر مَروَه صَفا و معنی  غار حَراء  منم معصوم مُطلقم هامی اهل جهان بیلر عین مِنا منم ،  شرف ماسَوا  منم خالق حسینی قبلیه روح و روان بیلر زور و زَریله سَلطنته  لا دِیَن  منم خیبر شِکن آتامدا منی قهرمان بیلر نامردلَر صَفینده گرفتار اولان حسین میدان جنگی مَعرکهء  امتحان بیلر امّا ئورک باشیندا منیم واردی بیر یارام هرکیمسَه نون که اوغلی ئولوبدور جوان بیلر مین اوغلوم ئولسه ده گنه ظُلمه باش اَگمرم گَلَه خطرده اولسا اَزلده  شَبان بیلر انگشترین وئروبدی رکوعینده مرتضی حاتَم گِدادی دَرگهینه این  و آن بیلر منده همان سَخالی سلیمانون اوغلیام دیداریمه گلر بو گجه ساربان بیلر انگشتریله بارماقیدا وئرم اوستَلیک خَنجر گورَر سخاوتیمی میهمان بیلر اولسون خلاص(نادر)اگر قِید نَفسیدن زهرا سنی حُسینینه بیرنوحه خوان بیلر

حضرت زینب (س) در کوفه (سبک : هرآی حسینجان ....) یورولدی جانیم - قزشدی قانیم اوخی حسینجان - جداده قرآن غم آشناسی - دیلون فداسی اوخی حسینجان - جداده قرآن **** قسم او جانه - او تازه قانه بو کوفیانون - وفاسی یوخدی بیزه جماعت - ایدور شماتت منه بو شهرین - صفاسی یوخدی وروبلا بیر داش - او باشه قارداش منیم الیمده - دواسی یوخدی اولوبدی زینب - غمونده گریان اوخی حسینجان - جداده قرآن ایدوم نه چاره - فراق یاره وروبدی قاتل - جدایه باشون باجون قان آغلار - سنی سراغلار چاتوبدی اهل - جفایه باشون ئولوب دیریلدیم - الیکه بولدیم گیدوبدی مطبخ - سرایه باشون خراب اولیدی - بو چرخ دوران اوخی حسینجان - جداده قرآن باشیمدا قاره - اورکده یاره دیلیمده ناله - دالونجا گللم ندندی ئولمم - هایاندا بولمم چاتام وصاله - دالوجا گللم ئوزون بولورسن - که عاشقم من او مه جماله - دالونجا گللم بو جان خسته - او باشه قربان اوخی حسینجان - جداده قرآن * حاج ولی الله کلامی زنجانی

ورود کاروان امام حسین ( ع) به کوفه قلم دایانما اگر سنده حال خدمت وار گتور عیانه او سوزلرده که هدایت وار ائمه نین سوزونی خلقه ائله اعلانی عیان ائله ندی منظور حق فراغت وار عزیز اولوبدی اولار که خداسینی تانیوب خدانی کیم تانیا اوندا معنویت وار خدا آدیله گله شیعه مجلس دینه جزا گونی گوره جاق عشقینه نه قیمت وار ریاسیز اولسا عمل خالقون قبول ائده جاق موفق اولمیاجاق کیمده گر منیئت وار گلنده مجلس عشق حسینه ای عاشق خلوص نیتیله گل او یئرده عزت وار او بزمیده گوروسن ظاهراً عزاداری ولیکن عالم معناده آیری حکمت وار عزا مجالسینی فاطمه گزر نالان کیمون نه دردی اولا دوز دئسه طبابت وار ائدوبدی بیر نفر عصرین امامینی رویا دئدی آقا بولوسن منده غملی حالت وار توسلیله سیزه دردیمی بیان ائدورم او درگهوزده آقا لطف واردی رافت وار ولیک دردیمه دنیاده اولموری درمان یورولموشام بولوسن سنده چوخ کرامت وار گلوب دیله او زمان حجت زمین و زمان دئدی او شخصه سوزومده بیر آیری محنت وار اولاندا دردوز اگر عمه مه آیدون اعلان توسلیله دییون اوندا چوخ عنایت وار دییوبدی صدقیله کیم دردین اولمیوب مایوس آلوبدی مطلبینی هر او کس حاجت وار ولی توسل ائدنده دییوم سیزه بو سوزی خدا آچوبدی اونا درگه سعادت وار وئروبدی منصب باب الحوایجی خانما اونون مصایبینه خلق ایچینده شهرت وار سالون خیاله اونون کوفه شام محنتینی اوغملری دئماقا هانسی دلده طاقت وار مصیبتون یازا بولموب تمام اهل قلم او شهریده اونا چوخ منتهای صحبت وار اولاندا کوفیه وارد ائدوب بی بیمون اعلان گلون دئدی یاخینا بیزلره جسارت وار دئدی سریه رباب ام کلثوم اهل حرم بو شهریده دییورم ئوزگه سر حکمت وار بئش ایل خانمیلق ائدن شهره گلمیشم غمگین چوخی تانور منی دللرده لیک عداوت وار منی آرایه آلون کوفه دن چیخیجا هاموز شمادت ائتماقا گو کینه جو جماعت وار گوروب او محفلی چوخ اضطراب زینب زار چالولا کف هاموسی مرد وزن که عشرت وار حنا یاخوبدی اله جمله پیشوازه گلن خدا بولور او جماعتده نه خبا ثت وار بیری گولور بیری اما آتور جفا داشینی چوخی توکور باشا کول ئوزگه بیر خیانت وار دایان بولمدی دلبند فاطمه حاصل گوروب او شهریده بی منتها شمادت وار او کوفیانه خانم اسکوتو خطاب ائلدی باتوبدی سسلر اودم بیله بیر روایت وار دیله گتوردی سوزون مرتضایه نودوعین گورن دییردی علی صحبت ائلور حشمت وار ائله دانشدی خانم خلقی ائلدی بیدار او خطبیه باخا کیم راه حقه دعوت وار نه اضطرابیدی سسلندی شهروز بوریوب بیله خیال ائدوسوز سیزده مهر و شوکت وار نه بی وفاسیز هاموز عار اولا سیزه هرآن زیادین اوغلونا بئل باغلادوز نه علت وار پیمبر عترتینه خارجی خطاب ائدوسوز قباقدا هیچ بولوسوز قبر وار قیامت وار (( بهشتی )) یاز اولارا وئردی منزل ابن زیاد سالوبلا محبسه گور ائله بیر مصیبت وار ** غلامرضا بهشتی https://eitaa.com/kobradsg