ورود به ماه محرم 🍁حسینین آستانینده کربلایی رحیم شایان خداوندا نه عزت وار حسینین آستانینده عجب عالی جلالت وار حسینین آستانینده گلیب کیم دوز بو درگاهه مقام اولیا تاپدی کیم اولسا نوکر دربار او گنج پربها تاپدی قوجالسا کیم بو درگهده بهشتی جابه جا تاپدی بلی رضوان و جنت وار حسینین آستانینده بویورموش آیت بر حق جناب حضرت بهجت حسین مافوق انسان دور اونا وار آیری شخصیت اونون آدی عبادتدور عزاسی روضه و جنت نیجه گور افضلیت وار حسینین آستانینده تشیع مکتبی عالی دی هر مکتبدن افضلدی عبادت دی حسین ذکری بو هر مطلب دن افضلدی حسینه گوز یاشی توکماق نماز شبدن افضلدی بیر آیری قدر و قیمت وار حسینین آستانینده بو درگهده حبیب ابن مظاهر لر اولوب نوکر هزاران عشقیله عباس نام آور اولوب نوکر بلی فخریله جبریل وفا پرور اولوب نوکر صفا وارمعنویت وار حسینین آستانینده گله هر کیم بو درباره گرکدور بی ریا گلسین بو والا آستانه کیم گلور بی ادعا گلسین ایده للر دردینه درمان چه شاه و چه گدا گلسین کرامت وار طبابت وار حسینین آستانینده اولوب دور چون شب عاشورگیدن گیتدی قالان قالدی تصرف ایلیوب مولا اولاردان اختیار آلدی هره اءوز جایگاهینه بهشته بیر نظر سالدی وصال و بزم وصلت وار حسینین آستانینده ولیکن گوردولر عباس آییرمیر دیده مولادن ایکی شهلا گوزون تیکمیش اولور سرمست مینادن بهشته بی توجه سان؟ سوالی ایتدی سقا دن بیله عشاق وحدت وار حسینین آستانینده گوزوندن اشک اولوب جاری بویوردی سن روانیم سن من آیری بیر یره باخمام تماما روح و جانیم سن بهشتی نیلیرم مولا بهشت جاودانیم سن اگر عز و شرافت وار حسینین آستانینده گیدیبدیر روز عاشورا که ایتسین اکتساب آب آلوب نهری ووروب پرچم ایدیبدی مشگینی سیراب دیدی سو ایچمرم اما نه قدری تشنه دور ارباب منه اسباب خجلت وار حسینین آستانینده دییردی دایما مولام منیم شان و وقاریم دی سوزوندن چیخمارام اصلا که صاحب اختیار یمدی حسین سیز قالمارام بیر دم که قلبیمده قراریم دی اءولونجه فیض خدمت وار حسینین آستانینده دوشن ساعت ده قوللاری دییردی داده گل قارداش کسیلدی اللریم دگمیش گوزومدن اوخ اولوب خونپاش یاخونلاردان قلج خنجر اوزاقلاردان دگور اوخ داش گر ئولسم چوخ سعادت وار حسینین آستانینده #حسینیه #ورود_به_محرم https://eitaa.com/kobradsg

من حسینم نه غمیم یاوریم الله دی منیم اگمرم‌‌ ظلته باش داوریم الله دی منیم اعتنا ایلمرم طعنه و تحقیریلره خط بطلان چکرم خدعه و تزویریله ره دییرم دردیمی اللرده کی شمشیریله ره گوی کسیلسین بو الیم باوریم الله دی منیم سوسوز اولدوردوله سقای حرم قارداشیمی دئمه ظلت دی کی توکدوم یوزومه گوز یاشیمی اکبریم باتدی قانا سجدیه قویدوم باشیمی نینیرم اکبری من اکبریم الله دی منیم آند ایچیب نامه یازانلار یادا سالمیلا منی اولدرور کوفه لیلر قیدیمه قالمیلا منی یوسف عشقم و هئچ قیمته آلمیلا منی آلماسین مدعی لر مشتریم الله دی منیم کیم دیور گون بولوت آلتدا قالاجاخ،قالمیاجاخ کیم دیور غم منی دیلدن سالاجاخ ، سالمیاجاخ کیم دیور وردیگین الله آلاجاخ ، آلمیاجاخ آفتاب شرفم محوریم الله دی منیم اگمرم ظلته باش داوریم الله دی منیم یازدیلار خارجیم تا توکلر تئز قانیمی کسدیلر سو یولونی تا آلالار تئز جانیمی ولی من ورمدیم‌الدن علوی ایمانیمی دییرم نیزه دع تاج سریم الله دی منیم اگمرم ظلته باش داوریم الله دی منیم #حسینیه #رازونیاز #من_حسینم_نه_غمیم #سید_طالع https://eitaa.com/kobradsg

دل اورگشن گوندن سسلیرم سنی آقا آتام آنامدان چوخ ایستیرم سنی آقا ائلیم آییم هفته ام، گونلریم گچیر سنلن هدر اولار عمروم راضی اولماسان مندن آنام ویرن صودون حقینی ایلرم ادا بوقدری آغلارام جانم اولا سنه فدا کاش، بزم ماتمینده گوزلریم سولا قاره کوینگیم منه کفن اولا صبر ایله کرم هیئتده ئولم عزیزیم حسین عزیزیم عزیزیم عزیزیم حسین نه طالب تخت و جاه و شهرت و تاجم شاه جهان اولسام کربلایه محتاجم شام و سحر روحیم کربلاده مهماندی حرم فراقینده یاندی قلبیم اولاندی سنی آنان جانی قویما منی شمادته داریخمشام آقا ایسته گلیم زیارته بو، قلبی تیر عشقیله گرک بولم آلتی گوشه قبریوی گورم ئولم عشقیمدی حسین بین الحرمین عزیزیم حسین عزیزیم عزیزیم عزیزیم حسین #حسینیه #مقدمه👇👇👇

آرزوی زیارت   آقا ششگوشه قبرین نه گوزل دلربادی بیر اوغوج خاک پاکون هامی درده دوادی   یارالی سینه ن اوسته بالان اصغر یاتوبدی ایاقین آتدا یورقون علی اکبر یاتوبدی نجه بیر قبر ایچینده نچه پیکر یاتوبدی بوبنای حقیقت ابدی بیر بنادی   نه گلوب نهرین اوسته مه هاشم باتوبدی نیه شرمنده لیقدان اوزه قانیاش قاتوبدی اوکیچیک قبر ایچینده نجه قولسوز یاتوبدی اومقدس وجوده هامی جانلار فدادی   بولوسن گوگلوم ایستور اوگوزل بارگاهی نولی بیر وقفه دعوت ایله بوروسیاهی گوزی یاشلی گلوم بیر دولانوم قتلگاهی دیوم آلله رقیه دولانان یر بورادی   اوجا بیر تلی واردی که اورکلر قان اولدی حرم اوردان تالاندی بالالار نالان اولدی او مکاندا یازولار باجی قارداشدان اولدی بوسبب دن هواسی بیله محنت فزادی    #حسینیه #روضه #مداحی #اربعین https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr