حسینین یاسی باشلاندی ... مناسب شب #عید_قربان . . #سبک_علی_اصغر_مه_انور ( بیش از 8سبک) با صدای سید محمد #عاملی . مرحوم جبار مضطر اردبیلی . خبردار ای عزاداران حسینین یاسی باشلاندی اولونسون عالمه اعلان حسینین یاسی باشلاندی . . آلور بازاریدن گوردوم کی بعضی شخصیلر قاره خبر آلدیم نه اوضاعدور آچوبلار نطق گفتاره مگر گورمورسن اطفالی دوشوبلر کوچه بازاره دیوللر با دل سوزان حسینون یاسی باشلاندی . . دیدی ای شاعر نالان ندن بیلدون بو پیغامی اونا عرض ایتدیم ای مومن بو سوزلر اولدی الهامی اولور چون نهم ذی الحج کی یعنی بایرام آخشامی سحر کی کسدیلر «قربان» حسینون یاسی باشلاندی . . او گوندن کی حسین اولموش قتیل لشگر اعدا همان گوندن الی .... . . #ورود_محرم #عید_قربان #خبردار_ای_عزاداران_حسینین_یاسی_باشلاندی #مضطر_اردبیلی #ترکی https://eitaa.com/kobradsg 👇

‍ ئوزوم گوردوم... زبانحال حضرت امیرالمومنین علیه السلام حاج جوادرسولی زنجانی ئوزوم گوردوم قاپیم یاندی تماشایه گلن دوردی ئوزوم گوردوم که زهرانی او نامرد زَمَن ووردی ئوزوم گوردوم اشاریله دیوردی قنفذا ثانی دایانما ویر ایاقدان سال ئورگی داغلی زهرانی ئوزوم گوردوم نه نوعیله یره زهرا یخلمیشدی ئوزوم گوردوم که دیواره نه قدری قان یاخلمیشدی ئوزوم گوردوم بالام محسن دوشوب یرده چخور جانی نه زهرا گوردی ئوز اوغلون نه محسن گوردی زهرانی ئوزوم گوردوم عُمَر آلدی الینه بیر یانق هیزم منیم باغلیدی قوللاریم او ووردی من باخوب دوردوم ئوزوم گوردوم حسینون گوزلری گریان دایانمیشدی ئوزوم گوردوم که مسمارین اوجوندا قان دایانمیشدی ئوزوم گوردوم قاچور زینب دیور وای بی کمک قالدیم گلون آی قونشولار ئولدی ننم اللرده تک قالدیم ئوزوم گوردوم حسن آغلور دیور الله ننم ئولدی کیچیکدور سنّیم حیف اولسون بو غصّه قلبیمی بُولدی ئوزوم گوردوم قیزیم کلثوم ائله رنگی سارالمیشدی ایتیرمیشدی ئوزون گویا بالام آواره قالمیشدی ☑️ زبانحال حضرت امام حسن علیه السلام رضا ماه پری زنجانی ئوزوم گوردوم آنام زهرا سولوب گل تک سارالمیشدی ایشقلی صورتین گوردوم که بیر سمتی قارالمیشدی ئوزوم گوردوم آنام زهرا قالوب تک سینه داغلیردی حیاسیندن یانایانه یواشجا سسیز آغلیردی ئوزوم گوردوم آنام زهرا  ائدوردی تکیه دیواره ئوزوم گوردوم قولاقیندن یره دوشموشدی گوشواره ئوزوم گوردوم آنام زهرا نه حالیله یخلمیشدی قنادسیز قوش کیمی گوردوم که دیواره سخلمیشدی دین اولمادی ای ظالم قباله ملکنی جیرما پیمبردن امانتدور الین سینسین اونی ویرما #سبک_منیم_ای_تشنه_قربانیم #سبک_علی_اصغر_مه_انور ( بیش از 7 سبک سینه و زنجیر)

#_وداع حضرت اباعبدالله الحسین علیه السلام اولوبسان قتله آماده حسین بس نیلسون زینب سن ئولسن گر بو صحراده حسین بس نیلسون زینب اَلَست عهدین دگل ممکن بو گون بو چولده سیندیرماخ بلایه امتحان وقتی گرگ قلبی دایاندیرماخ ولیکن خوردا قیزلاری اولور مشکل اوساندیرماخ بالالار گلسه فریاده حسین بس نیلسون زینب – وداع آخِر اعلانی ویرنده سن منه قارداش حرملر باش آچوب یکسر گلوبله شیونه قارداش آتوب اوز فکریمی منده بو گون یانّام سنه قارداش دایانسون گلمه سن داده حسین بس نیلسون زینب – ملول اولما گوزوم یاشی حسین آردونجا گر آخسا نه من یانّام بو احواله، یانار بیگانه لر باخسا یِری وار عالمی آهیم شراری یاندیروب یاخسا شراره دوشسه ایجاده، حسین بس نیلسون زینب – نجه قان آغلاماز سنسیز حسین خونین جگر زینب سنون تک قارداشی اُلسه دوام ایلر مگر زینب عزاده ایتمَسون جاری جگر قانین مگر زینب بو صحرای غم افزاده حسین بس نیلسون زینب – آدیم زینب اولان گوندن منیم بختیم قرا اولدی آنام زهرا کیمی عالم منه ماتم سرا اولدی جهاندا هانسی بیر عورت منیم تک مبتلا اولدی بو قدری ظلم و بیداده حسین بس نیلسون زینب – فلک سندن صورا بوللم توکر بو باشیمه کُللر اجازه ویر بوغازوندن اُپوم باری من مُضطر آنام ایلوب وصیّت چون قویار شمر لعین خنجر دوشَن ساعت او سوز یاره حسین بس نیلسون زینب – منه معلومیدی قارداش بُلوردوم بو قضایانی اودور گُلموب ازل گوندن یوزوم دنیاده بیر آنی فراقون گرچه مشکلدور دایانّام گیت حسین جانی یِتر هر غم بو ناشاده حسین بس نیلسون زینب – مرامون گرچه بو چولده سنون قارداش شهادتدور منه امّا بو هجرانون قیامتدن علامتدور گورنده نیزده باشون منه مطلق قیامتدور قوپار حشریم بو مَاواده حسین بس نیلسون زینب – منی امر ایلسن صبره دایانّام ای شه عالم گلوگیر ایلیوب غصّه اوجالماز بیرده بیر نالم قیزون ایستَر سنی مندن اودور پژمرده احوالم گیدنده طاقتی باده حسین بس نیلسون زینب – نه چاره ایلیوم قویمور محبّت آیریلام سندن ملول اولما یانور قلبیم باغشلا، اینجیمه مندن دایان بیر لحظه منظوریم بودور بو داد و شیوندن سن ئولسن گر بو صحراده حسین بس نیلسون زینب – او گونکه باشوه دوشدی سنون کرب و بلا شوقی سالوبدور بوینونا زینب او ساعتدن بلا طوقی ویرنمز امتحان هر کس باشندا اولماسا شوقی ئولونجه گلمه سن داده، حسین بس نیلسون زینب #سبک_علی_اصغر_مه_انور ._دلتنگ کربلا یا اَرحَمَ الرّاحِمین

مرحوم شهاب تبریزی . حسین تعجیللن گئتمه ایاق ساخلا دایان قارداش دالونجه گور گوزوم یاشی نجه اولموش روان قارداش . دوشوبدور جانیمه رعشه گلوبدور خاطریم درده گوزوم یاشی آخار آمال کاریم نقش اولور یئرده بویور قارداش گوروم گئتسن گلورسن خیمیه بیرده و یا اینکه امان وئرمز سنه بو کوفیان قارداش . سنه زحمتدی عرض ائتسم من نالانی بیر دیندیر و یا کی تک به تک بو جمع سرگردانی بیر دیندیر جوان اوغلی اولوب قلبی یانوب لیلانی بیر دیندیر یاخوندی آیریلا روحی ائده تسلیم جان قارداش . شرار نار هجرانه وروب بیله اتک گئتمه سنی یالقوز گوروب روحیم گلور آردونجه تک گئتمه یول اوسته صف چکوب هشتاده تک قاره لئچک گئتمه دولان بیر اهل بیتون گور نجه ایلر فغان قارداش . سکینه مرغ بسمل تک حسین چوخ اضطراب ایلر اونون اول مضطرب حالی منی بی‌صبر و تاب ایلر ایله حسرت باخور آغلور ئوره‌‌ک باشین کباب ایلر تسلی وئر اولا آرام بلکه بیر زمان قارداش . آنام زهرادن ازل گون دوزوم سرمشقنی آلدیم جهاندا هر غمه دوزدوم عجب دور اولمدیم قالدیم اولوم میداننه آخر سنی عطشان یولا سالدیم منیم تک بیر مصیبت‌کش وئرن یوخدور نشان قارداش . آتام رحلت ائدن گوندن اگر چه شور و شینیم وار حسین ایله حسن تک من دیردیم نور عینیم‌وار حسن کی گئتدی دنیادن دئدیم قارداش حسینیم وار گئدورسن سنده بس نیلوم من بی‌خانمان قارداش . دایان اطرافوی بیرده حسین اهل حرم دوتسون دئمه‌ شه سن سپاهون یوخ سنی نامحترم دوتسون اجازه وئر قباقنده باجین زینب علم دوتسون شکسته گورمسون حالون باخاندا کوفیان قارداش . بو قدری بی‌پناه عورت اوشاق غربت ولایتدی بدنلر بید تک لرزان حسین گویا قیامتدی سنی اولدورسه‌لر بوللم بو قومون قصدی غارتدی نه باشلاردا قالار معجر نه رخت بانوان قارداش . #سبک_علی_اصغر_مه_انور (بیش از 7 سبک) _دلتنگ کربلا یا اَرحَمَ الرّاحِمین

مرحوم شهاب تبریزی . حسین تعجیللن گئتمه ایاق ساخلا دایان قارداش دالونجه گور گوزوم یاشی نجه اولموش روان قارداش . دوشوبدور جانیمه رعشه گلوبدور خاطریم درده گوزوم یاشی آخار آمال کاریم نقش اولور یئرده بویور قارداش گوروم گئتسن گلورسن خیمیه بیرده و یا اینکه امان وئرمز سنه بو کوفیان قارداش . سنه زحمتدی عرض ائتسم من نالانی بیر دیندیر و یا کی تک به تک بو جمع سرگردانی بیر دیندیر جوان اوغلی اولوب قلبی یانوب لیلانی بیر دیندیر یاخوندی آیریلا روحی ائده تسلیم جان قارداش . شرار نار هجرانه وروب بیله اتک گئتمه سنی یالقوز گوروب روحیم گلور آردونجه تک گئتمه یول اوسته صف چکوب هشتاده تک قاره لئچک گئتمه دولان بیر اهل بیتون گور نجه ایلر فغان قارداش . سکینه مرغ بسمل تک حسین چوخ اضطراب ایلر اونون اول مضطرب حالی منی بی‌صبر و تاب ایلر ایله حسرت باخور آغلور ئوره‌‌ک باشین کباب ایلر تسلی وئر اولا آرام بلکه بیر زمان قارداش . آنام زهرادن ازل گون دوزوم سرمشقنی آلدیم جهاندا هر غمه دوزدوم عجب دور اولمدیم قالدیم اولوم میداننه آخر سنی عطشان یولا سالدیم منیم تک بیر مصیبت‌کش وئرن یوخدور نشان قارداش . آتام رحلت ائدن گوندن اگر چه شور و شینیم وار حسین ایله حسن تک من دیردیم نور عینیم‌وار حسن کی گئتدی دنیادن دئدیم قارداش حسینیم وار گئدورسن سنده بس نیلوم من بی‌خانمان قارداش . دایان اطرافوی بیرده حسین اهل حرم دوتسون دئمه‌ شه سن سپاهون یوخ سنی نامحترم دوتسون اجازه وئر قباقنده باجین زینب علم دوتسون شکسته گورمسون حالون باخاندا کوفیان قارداش . بو قدری بی‌پناه عورت اوشاق غربت ولایتدی بدنلر بید تک لرزان حسین گویا قیامتدی سنی اولدورسه‌لر بوللم بو قومون قصدی غارتدی نه باشلاردا قالار معجر نه رخت بانوان قارداش . #سبک_علی_اصغر_مه_انور (بیش از 7 سبک) _دلتنگ کربلا یا اَرحَمَ الرّاحِمین

#سبک_منیم_ای_تشنه_قربانیم … #سبک_علی_اصغر_مه_انور ( 8 سبک سینه و زنجیر) مرحوم حاج خالق فکری اردبیلی .. . حسین شاماتون اهلین من عجب حیران ائدوب گلدیم ستمگر کاخینی قارداش ئوزوم ویران ائدوب گلدیم .. .. .. .. .. کنارِ قتلگهده عترتون باغلاندی قوللاری سرشکیم کربلادن شامه تک ایسلاتدی یوللاری رقیّم یولدا آغلاتدی حسین داغ داشی کوللاری هامی داغ داشی سوزِ آهیله سوزان ائدوب گلدیم .. .. .. .. .. یارالی باشیلن قارداش بیابانی دولاندیم من شرارِ آهیلن شعله چکوب یوللاردا یاندیم من دگنده باشیوه داش یاره سی قانه بویاندیم من آغارمیش ساچلاریمی کوفه دن الوان ائدوب گلدیم .. .. .. .. .. گئدنده کوفیه مرجانه اوغلین ایلدیم رسوا بیان و منطقه گوش ایلینلر اولدیلار شیدا پشیمان اولدی باخدوقجا یارالی باشوه اعدا ستمکاران دنیا کاخینی لرزان ائدوب گلدیم .. .. .. مکان اولدی حریمِ عصمته ویرانه لر قارداش باخاندا آغلیوردی حالیمه فرزانه لر قارداش مسلمان اولدی شهر شامیده بیگانه لر قارداش حقیقت بذرینی شاماتیده افشان ائدوب گلدیم .. .. .. .. .. خرابه گوشه سینده ایلدیم احداثِ دانشگاه علوم دینی تدریس ایلدیم ویرانه ده ای شاه یزیدون نقشه سیندن ایلدیم انسانلاری آگاه اگر چه غرقیدیم اما ئوزوم طوفان ائدوب گلدیم .. .. .. .. .. یازاندا «فکرینون» گوز یاشی رخساره اولور غلطان حسین جانانه قرباندور حسینه جانیمیز قربان گرک فریاد و واویلا ائدم هر لحظه و هر آن دیم زینب دیلیجه عالمی حیران ائدوب گلدیم . .ر..__دلتنگ کربلا یا اَرحَمَ الرّاحِمین

توسل بر حضرت خاتم الانبیا (ص) ✍️ بقلم حاج مهدی ملکی زنجانی 🎼سبک:اوزوم گوردوم که تپراقه قباله پاره دوشموشدی... 🎼سبک: چه میشد گر مرا مادر از آن کوچه نمیبردی... الیم بوشدی یوزوم قاره عنایت یا رسول الله گناهیم چوخدی قیل چاره عنایت یا رسول الله قاپوندا سائلم مولا گنهکارم پریشانم الیم بوشدی یوزوم قاره گناهیمدن گریانم قاپوندان قوما مولا جان گناهیمدن پریشانم عطا ایله منِ زاره عنایت یا رسول الله سنه جانیم فدا اولسون منه لطف ایله مولا جان عنایت ایله مولا جان ایله سن دردیمه درمان منیم دردیم آشوب داشدی اولوب قلبیم منیم القان دخیل اولدوم بو درباره عنایت یا رسول الله گوتورمم دامنیندن ال منه ایله آقا احسان کیمه سالسان نظر مولا اولار عالملره سلطان گنهکارین پناهگاهی الا ای خسرو خوبان وُرولدوم سن کیمی یاره عنایت یا رسول الله آقاجان قلبیم اود دوتدی یانوبدی شمع تک مولا دولوبدی ظلمیله دنیا ایدور ظلاّملر غوغا مسلملانلاره ظلم ایلر جهاندا ای آقا اعدا اورکلر اولدولار یاره عنایت یا رسول الله جهانی جور و ظلم آلموش عنایت ایله مولاجان مسلمانلار یانوب اودّا حمایت ایله مولا جان حقیقت ایتمیش عالمده کرامت ایله مولا جان یوخ امید آیری غمخواره عنایت یا رسول الله سایر گون شیعه لر تا که گله مهدی بالان مولا عدالت برقرار ایتسون پوزولسون نقشه ی اعدا علینون با وقار اوغلی ایدر دشمنلرین رسوا چاتا عشّاق دلداره عنایت یا رسول الله گله مهدی بو عالمده شریعت برقرار ائتسون حسینون قانینی آلسون یزیدی بیرده خوار ائتسون سالوب دشمنلری درده مسلمان افتخار ائتسون گلوبدی اهل دین زاره عنایت یا رسول الله #سبک_منیم_ای_تشنه_قربانیم #سبک_علی_اصغر_مه_انور ( 8 سبک سینه و زنجیر)        ._دلتنگ کربلا یا اَرحَمَ الرّاحِمین