#یازدهم_محرم #کوچ_از_قتلگاه چون دوشدی قتلگاهه طرف راه قافله غم یوز وئروب گورنده گولون غملی بلبله تاپدی اوز اوغلون هر آنا، هر باجی قارداشین اگلشدی نعشی اوسته نثار ائتدی گوز یاشین بزم عزا قورولدی چوخور یئرده برملا ماتم سرا اولوبدی او گون دشت کربلا لیلا علیِّ اکبرینون تاپدی پیکرین گوردی گون ایستی سینده خانم ماه منظرین سسلندی دور ایاقه منی سال یولا علی قلبیم یانوبدی قانیله قویما دولا علی هجران اودون کی قلبیمه سالدون من آغلارام عمروم نقدری وار یانارام سینه داغلارام ایلوم نه چاره دشمنه من اولموشام اسیر "مقراض غم" دی رشته ی صبری علی کسیر صحرالره سالار منی مجنون کیمی غمون امکانی یوخ بو چولده دوتام بزم ماتمون بنذور بو پاره پاره بدن گور نه سوسنه باشون ووروبلا نیزیه شام اهلی وای منه بیر خواهشیم وار ای گل گلزار مصطفی' امکانی اولسا دور آناوی شامه سال یولا قویمازلا بیر دویونجا سنه بوردا آغلیام ایوای اوغول صداسی چکوب سینه داغلیام یثربده عمروم اولسا اگر لطف یاریله یاس ساخلارام سنه دیده ی اشکباریله قرآن یولوندا قانه باتوب اولموسان شهید ائتدون آنالار ایچره منی یاخشی رو سفید ای ماه چارده شبِ لیلا نه باتموسان بیکس آناوی گوزدن اوغول بیله آتموسان کول باشیمه فلک منی ایلوبدی دربدر گئتسه اوغول هارا، آناسی آردیجا گئدر صحرای عشقه سالدون عجب من حزینه نی یوخدور امید بیرده گورم من مدینه نی #بداهه_دلجو https://eitaa.com/kobradsg

#کوچ_از_قتلگاه عجبدی، ظلم ایلیوب خصم دون دوباره عجب اولوبدی جسمیوی مقتلده پاره پاره عجب خدا بولور نه قَدرِ اوخ دَگوبدی پیکریوه یارالارون سایورام گَلموری شماره عجب باخاندا جسمیوه جانا کباب اولور اورکیم گینه بو حالیله من ایلورَم نظاره عجب گوله گوله سَنی من سالمیشام یولا هر چند ولی غمون سالوری قلبیمه شراره عجب قوری یر اوسته اولوب پیکرون پراکنده کانَهُ سَپیلوب لاله کوهساره عجب ویروبدی گلشن دینه غریبه پیرایه چَکوبدی جذبه سی ارواحی لاله زاره عجب مشام جانه یتور عطر حضرت خاتم بو عطر طعنه ویرار عطر مشکباره عجب نه عالی عطریله مملو اولوبدی دشت بلا خزان دونوب ایله بیر فصل نوبهاره عجب باجیوی جور و جفا آغلادور بیله قان یاش گیدر گوزومده آخان گوز یاشیم مزاره عجب نه ائدوم گِِچن گیجه بو یرده حشر اولوب بر پا یولومدا دوشمدی اول دمده بو گذاره عجب کَسنده اللریوی اول شقی جفایله گَلوبدی جن و ملک یکسر آه و زاره عجب بو ظلمی ایلینین آللَری گوروم قورسون کسوبدی بارماقی تندن، سالوب کناره عجب دوشوبدی لرزیه نهر اوسته پیکر سقا دئیوب قلم قولی سقای نامداره، عجب بولوبدولر او اوزون قولاری دگور تنده اودور جسارت اولوب غملی شهریاره عجب جهان عاریه نین اعتبارینه لعنت گدادی معتبری بیله اعتباره عجب گهی فرحلنیرم دلده عشقیوه یارالی گهی غمون سالور اود قلب بی قراره عجب عجب زمانه دی هِی یوز ویرور منه مُحنت عجیبه چرخیدی کردار کجمداره عجب عتیق عجب دَگور هر چامه که اولور تکرار عجیب عجبدی، که تکرار اولا دوباره، عجب https://eitaa.com/kobradsg

#کوچ_از_قتلگاه چون دوشدی قتلگاهه طرف راه قافله غم یوز وئروب گورنده گولون غملی بلبله تاپدی اوز اوغلون هر آنا، هر باجی قارداشین اگلشدی نعشی اوسته نثار ائتدی گوز یاشین بزم عزا قورولدی چوخور یئرده برملا ماتم سرا اولوبدی او گون دشت کربلا لیلا علیِّ اکبرینون تاپدی پیکرین گوردی گون ایستی سینده خانم ماه منظرین سسلندی دور ایاقه منی سال یولا علی قلبیم یانوبدی قانیله قویما دولا علی هجران اودون کی قلبیمه سالدون من آغلارام عمروم نقدری وار یانارام سینه داغلارام ایلوم نه چاره دشمنه من اولموشام اسیر "مقراض غم" دی رشته ی صبری علی کسیر صحرالره سالار منی مجنون کیمی غمون امکانی یوخ بو چولده دوتام بزم ماتمون بنذور بو پاره پاره بدن گور نه سوسنه باشون ووروبلا نیزیه شام اهلی وای منه بیر خواهشیم وار ای گل گلزار مصطفی' امکانی اولسا دور آناوی شامه سال یولا قویمازلا بیر دویونجا سنه بوردا آغلیام ایوای اوغول صداسی چکوب سینه داغلیام یثربده عمروم اولسا اگر لطف یاریله یاس ساخلارام سنه دیده ی اشکباریله قرآن یولوندا قانه باتوب اولموسان شهید ائتدون آنالار ایچره منی یاخشی رو سفید ای ماه چارده شبِ لیلا نه باتموسان بیکس آناوی گوزدن اوغول بیله آتموسان کول باشیمه فلک منی ایلوبدی دربدر گئتسه اوغول هارا، آناسی آردیجا گئدر صحرای عشقه سالدون عجب من حزینه نی یوخدور امید بیرده گورم من مدینه نی #بداهه_دلجو https://eitaa.com/kobradsg

#کوچ_از_قتلگاه                                                       کاروان کوفیه یولاندی امان قارداش اویان زینبون قولاری باغلاندی امان قارداش اویان قافلم گورنه دوشوب نظم و نظامه گیدیرم باشمون محنتی یتموبدی تمامه گیدیرم گورموشم کرب و بلا ظلمنی شامه گیدیرم گیدیسن دور گیداق ای شاه جهان قارداش اویان ایله سندن صورا یالقوزلادی غم زینبوی تانیماز بیرده گورن قامتی خم زینبوی دوتدی صیاد قضا صید حرم زینبوی دام اوستونده ایدوب باغریمی قان قارداش اویان بیر دویونجه سنه من آغلاماقا قویمادیلار نعشین اوستونده جگر داغلاماقا قویمادیلار جان ویرنده گوزیوی باغلاماقا قویمادیلار نجه بی رحمیدی گور شمر و سنان قارداش اویان قان اولوب گوزدن آخار سیل سرشکیم یوزیمه بو نه حالتدی سالوبلار سنی، تپراق گوزیمه اوزی شاهددی خداوند منیم بو سوزیمه که الوم خوشدی بو وقتیمده اینان قارداش اویان چوخالوب درد و غم و محنت و اندوه و ملال یوخدی فرصت که آچا طوطی نطقیم پر و بال شامه عازمدیله بو بی کس عیالون، یولا سال دور مسافر دالسینجه ویر اذان قارداش اویان جانیمی لرزه دوتوب بس که آغردور بو سفر هم اوزون گل همی ویر قارداشیم عباسه خبر علمین آلسون اله باجیلاری شامه گیدر ایلسون شیر خدا سهمین عیان قارداش اویان سنه باخدوقجه دگر اود بو دل و جانه یانار نجه که شمع اودینا شوقیله پروانه یانار ایتمیسن لیلنی مجنون کیمی دیوانه یانار هم سکینون یتیرور عرشه فغان قارداش اویان گورورم گونلر او گوندز قالوب عریان بدنون نه سنون دفن ایدنون وار نه برادر کفنون نولدی بس کل باشیمه مندن آلان پیرهنون بو سویولماقیوه گلمزدی گمان قارداش اویان او قدر عشقیده سن طی مراحل ایلدون که دالونجه گلن عاشقلری کامل ایلدون اوز مبارک آدیوی زیب محافل ایلدون بیر حسین ذکریدی، بیر کون و مکان قارداش اویان زینبم منده آنام اوغلی کشیده قدیمی اگمیشم بار غم آتدا بیر امیده قدیمی آپارام یثربه بسدور بو خمیده قدیمی شامدن تربت زهرایه نشان قارداش اویان (صافیا) شرح ایله یاز هر نه مقرردی سنه عالم بدویده بو رشته مقدردی سنه شاه بیتون اوزی بیر ذکر مکرردی سنه کاروان کوفیه یولاندی امان قارداش اویان https://eitaa.com/kobradsg

#کوچ_از_قتلگاه #بینوا_قفقازی بینوا از شعرای بامعلومات خطۀ قفقاز است و اشعار ذیل از آن بزرگوار است گوردی حسینی زینب بی یارو غمگسار دوشموش یر اوسته جسم همایونی زخمدار گلدی فغانه زینب او دم قتلگاهیده سالدی جهانه شورو نوا ایتدی آه و زار عرض ایتدی یا اخا بوقَدر یاره کیم ووروب بو جسمه نه روادی دگه زخم بی شمار سویدی لباس و رختیوی شرم ایتمدی عدو؟ اهل جفا ایدوبدی بو گون ظلمین آشکار شل اولسون اللّری کسوب هرکیمسه اللّرون قویموب قالا باجوندا داخی  ظلملر قرار اعوان و یاوریم یتوشوب قتله یا اخا ایتدی اسیر عترتیوی قوم بد شعار ووردی دوشاخه سیّد سجّاده شمردون رحم ایتمدی امامه او بیرحم و بد تبار عریان دَوَده من گیدورم شامه دل ملول ایلوم ننوعی کوچه و بازاریدن گذار یاز #بینوا بو نوحه نی آغلا صباح و شام اولماز بو غمده آغلاسا هر کیمسه شرمسار سرمایه دور بو بزمیده هرکیمسه آغلاسا گوزیاشی حشریده اولی بیر دُرّ شاهوار

#انور_اردبیلی #کوچ_از_قتلگاه عشقون خزانی یوخدی گرک نوبهار اولا حاکمدی عشق هاردا گرک لاله زار اولا زهرانون اوغلی ایتدی گلستان بلا چولون دنیا نقدری وار او گلستاندا وار اولا سولماز شهید سینه سی اوسته شگفته گُل کیم قائل اولسا سولماقینا شرمسار اولا بلبل لر اَندی ناقه لر اوستن او گلشنه جهد ایلر عندلیب یری شاخسار اولا تاپدی پناهِ خاریده ، هر بلبل اوز گُلون سوز پرده دن بو یرده گرکدی کنار اولا زینب اوزون یتوردی شتابان چوخور یره فکر ایلورم بو یر دئدی بَزمِ نگار اولا باشسیز بدنده جاذبه وار ساخلادی منی گوگلوم چتین بو دایره دن ، بر کنار اولا عاشق وصال مجلسینی آختارار تاپار فرق ایلمز ایشیقلی گونی ، لیلِ تار اولا عاشق مسیرِ عشقینی ترک ایلیه محال حَتّی اگر قدملری آلتدا ، شَرار اولا چوخ شکری واردی محضرِ دلداره چاتموشام حاشا حضوری زینبه قسمت دو بار اولا افسوس وقتیم آزدی ، سوزوم چوخدی ، یورقونام قلبیم اویاقدی ، گوزلریم ایستور خمار اولا قیلدی طواف مقتلی باشلاندی دردِ دل شرح ایلرم قلمده اگر اختیار اولا فکر ایلورم ازل دئدی قارداش باشون هانی؟ شمری گوروم همیشه سیَه روزگار اولا ای گُل سنی تیکانلارا دشمن اوجوز ساتوب ممکن دگول گُل اوسته بو اندازه خار اولا نفرین ایدم لیاقتی یوخ شأنیمه ولی گُل قدری بولمیَن گوروم عالمده خوار اولا مُهرِ نبوّت اوسته اوشاق وقتی نازیله سندن صورا کیمیدی حسینیم سوار اولا؟ تختِ جلالتیدی سنه دوشِ مصطفی اگلش دییردی جدیّوه ده افتخار اولا هاردان هارا چکوب سنی گور دورِ روزگار! انصافدور فَلک بو قدر کج مدار اولا ؟ بیر نُقطیه مسافرتون اولمادی باجون نوح عمری ایتسه ده یولووا انتظار اولا شایان لباسیوی دِئمورم کیم سویوب حسین کهنه قمیصوی آپاران شخصه عار اولا گون یاندیرور جنازوی ، سینون برهنه دور ای کاش دوغرانان بدنه بیر مزار اولا من که سنون جنازوه بیر ایش گورنمدیم شاید حمایت ایلیه نی ، رَهگذار اولا تنگه سالوبلا زینبوی ، قافلم کُوچور کیم وار گلوب حرملریوه پاسدار اولا تختِِ روانیدن منی عبّاسیم اندیروب عزّتلیَم کُوچومده گرک با وقار اولا حسرت گوزوم بو چولده جلوداریمی گزور عبّاسیمی چاغور منه یوللاردا یار اولا پیغام ائله عزیزه باجون دوشدی چوللره وقت اولمادی جنازوه پروانه وار اولا حلّالِ مشکلات قیزی دوشدی مشکله آخر کیمیم قالوبدی منه اعتبار اولا قیزلار جحازسیز دوه اوسته مینمیور عالمده سانما ، بیر بیله پوزقون قطار اولا تکلیف شاقّ دور قسم اوز جانیوه حسین عریان شترده خوردا بالا برقرار اولا مقصد اوزاقدی ، یوللارین آلچاق اوجاسی وار قورخوم بودور سفر بولارا مرگبار اولا وقت اولمویوب اوپوم دوداقین نازدانه وین قویمازدیم هئچ رقیّه تلینده غبار اولا هر حالیده ، ادامه ویرم نهضته گرک افسارِ دولتِ اُمَوی لر مَهار اولا اورگدموشم بالالاریوا درسِ انقلاب سعی ایلرم یاتان عَلَمون پایدار اولا برّنده تیغ دور ، لبهء تیغِ منطقیم نطقیمده وار گمان اثرِ ذوالفقار اولا شش ماهه اوغلوون قانینا وار تَوسّلوم قویماز او قان علی قیزینی شرمسار اولا چوخ یالواروب ، آناسینی ساکت ایدنمدیم سینه دولوبدی کاش دیور شیرخوار اولا وار آرزوسی مسکن ائده کربلا چولون امّا یانیندا خورداجا بیر گاهواره اولا. مرحوم انور اردبیلی(حاج قدیر جلیل زادگان) https://eitaa.com/kobradsg

مرحوم_انور #کوچ_از_قتلگاه ___________ لوح محفوظیده زینب آدی ثبت اولدی صبور گئتدی یتمیش ایکی موسی او چولی ایلدی طور اسرا کوفیه مقتلدن ائدن وقته عبور باخدی موسالرینه دوشدی نوادن زینب محمل اوستن ئوزونی آتدی یره مام بلا دردمندیدی زبس دردینه آختاردی دوا کعبه عشقه چکوب زائری چاووش قضا محرمیدی ولی احرام قرادن زینب کعبه دن آرتوق حسین مقتلینی قیلدی طواف ریزه ریزه اولونان گوهری تاپدی صراف پیکر شاهه باخوب عضولرین گورمدی صاف دیله گلدی ستم اهل جفادن زینب مرتبون اوجیده گودالیده قالمیش بدنون نه عبا وار نه قبا وار نه قالوب پیرهنون نعشوی دفن ائدن اولسا هانی قارداش کفنون دست خالیدی ئوزی کهنه عبادن زینب ای سلیمان نئجه بلقیس لرون دوشدی چوله چوخونون قلبینی وحشت اوخی آز قالدی بوله یاخین اولدی بالا قیزلار ایاق آلتیندا ئوله گونوزون گوردی قرا لیل دجادن زینب ترک معشوق ایلمز عاشق اولا ئوز خوشونا دولی جامی قویوب هئچ کیمسه ال آتماز بوشونا منی عفو ایله حسین نیلوم اسیرم قشونا فرصتی یوخ گوتوره نعشون آرادن زینب https://eitaa.com/kobradsg

_مرحوم_انور #کوچ_از_قتلگاه ___________ یوز قویوب مقتل عباسه پریشان زینب یتیشوب گوردی عجب منظره وار یاللعجب بیر خانیمدور اوتوروب باشدا قرا چادر شب باخور السیز بدنه ذکری فقط اوخشامادی ایله آغلور ایله بیل اوغلی ئولن بیر آنادی دئدی کیمسن اوتوروبسان بو بیابانیده تک مسکنون کرب و بلادور مگر ای قاره لچک گوز یاشون آخدوقیجا ایلوری زهرایه کمک گلوسن شدتیله نالیه تیترور بدنون مثل اینکه داغیلان پیکر ئوز اوغلوندی سنون زینبون اوخشیوسان یاخشی عزیز قارداشینی سوزوون سوزشی رخساره چکر گوزیاشینی او خانم ضجه چکوب بیردن اوجالتدی باشینی دئدی گل وئر منیله باش باشا من فاطمیم قیزیلان خوشدی آنا آغلاشا من فاطمیم نچه گوندور منه مسکن دی قیزیم کرب و بلا نوفلین ظلمی سالوبدور بالامی گور نه حالا من دیوم اوخشاما یا سن دیوسن غملی بالا سن دنن بو داغیلان جسمه هما سایمدی من دیوم اللری محشر گونی سرمایمدی https://eitaa.com/kobradsg

مرحومین مشهدی حسن تعریفی(عاصی تبریزی) و حاج عبدالحسین فاکر تبریزی #کوچ_از_قتلگاه #عاصی #فاکر بو گیر و داریده گلدیم گورم یاران نجه دی باجین ئوله یارالی دردینن آران نجه دی اگر چه دوشدی یولوم قتلگاهیدن بیر باش اوزومده مایلدیم بیر سنی گوروم قارداش بو باشسیز عتریتوه دور حسین اوزون چک باش قالوب نه حالته گور حالِ بانوان نجه دی ز بسکه تنگیدی فرصت ایتورموشم اوزومی سرشگِ نابله دولدورموشام ایکی گوزومی اگر چه دوتموری دل شرح ایدم اورک سوزومی اجازه ویرسن ایدم مختصر بیان نجه دی بو قدر وار آنام اوغلی یوخ ایمدی عزّتیمیز اسیرلیق بیزیم اولدی بو چولده قسمتیمیز سنیله گیتدی او جاه و جلال و شوکتیمیز سوروشما زینبه رفتارِ کوفیان نجه دی آلاسان اصغریوی سن بو یرده آغوشه بالان یارالیدی یورقوندی بیر گیده هوشه آناسینون گَله گوزیاشی دمبدم جوشه اولا عذارینه صبح و مسا روان نجه دی هانی شبیهِ پیمبر؟ آناسی لیلانی گیدور اوزاق سفره ترک ایدور بو صحرانی اوزی گلوب یولا سالسون او خانه ویرانی بولور اگر چه غمِ هجرِ نوجوان نجه دی نه وار بو چولده بیزه بیر نفر پناه و معین نه ال چکولّه جفادن بو قومِ بد آئین جهازسیز دوه لر ایلیوبدیلر تعیین حیالی قیزلارا بی شرم شامیان نجه دی بویور بو دم اله عبّاس بیدقین آلسون دیارِ شامه حرم اهلینی یولا سالسون دیمم بیوکلرین ، اصفال قیدینه قالسون اوزی بولور سفرِ اهلِ کاروان نجه دی سوروشما نجه دی حالِ عابدِ زار برهنه ناقیه ظلمیله ایلیوبله سوار اوزی اسیریدی ناخوشدی، ناقه بد رفتار گور ایمدی حالتِ بیمارِ ناتوان نجه دی حیالی قیزلاریوی ایتدیلر بو چولده اسیر وورولّا خوردا اوشاقلاریوی بو قومِ شریر هراسِ دشمنِ بی رحمیدن بالالار اسیر رقیّه نین بولوسن حالی بو زمان نجه دی نشان ویرور بالاوون حالی دلده محنتینی توکور عذارینه دائم سرشکِ حسرتینی من ایلرم بو یتیمون ئولونجه خدمتینی دیمه نه اولدی بالان، قالما ناگران نجه دی ولی خرابه ده گَل بیر اوزونده دردینه یت او گلماقیله بو طفلِ یتیمی خرسند ائت یرینی راحت ایله قوی مزاره جسمین، گیت گور اولدی مدفنی آخر نجه مکان نجه دی یازاردی بو سوزی (فاکر) ولی دایاندی مداد یازانمادی اوزی، سوز صاحبی ایدوب امداد یتیشدی دادینه(عاصی) خوشکلام استاد گوروم اونی دیمسون نیلوم الاَمان نجه دی. https://eitaa.com/kobradsg