#کوچ_‌از_قتلگاه #مرحوم_استاد_شأنی زبانحال حضرت لیلا سلام الله علیها در کوچ از قتلگاه نجه گوندوز گوزومده دونمه سین شامه علی اکبر سنی دفن ایتمه میش من عازمم شامه علی اکبر دیمه الفت کسوب سندن بو تئزلیقدا دویوب گیتدیم علایق رختینی جان و جگر دلدن سویوب گیتدیم علاجیم اولمادی نعشون اوغول یرده قویوب گیتدیم اسیرم دستگیرم لشگرِ شامه علی اکبر منیم اشکیم کیمی گوزده سنون زخمونده سان ویرمز بیله بیر ظلمی بیر کس گورمیوب گورمز نشان ویرمز نجه بی رحمدور گور سنگدل دشمن امان ویرمز دوتام ماتم سنون تک بیر دل آرامه علی اکبر سونوب شمعِ وصالون شعله لندی نارِ هجرانون اوزون سو ایچمدون صحرالره سو تک آخوب قانون بولن یوخ صورتِ احوالینی بیچاره لیلانون بولور قمچی ضرورتدور قرا جامه علی اکبر نه لازم شرحِ مطلب ظلمیده بیدادِ اعدایه بو صورتده عیاندور عینِ مطلب اهلِ معنایه سنه قاتل اولان نیلر نگهبان اولسا لیلایه قالان بیر ظلمینی گور ویرمز اتمامه علی اکبر؟ نجه ممکندی سنسیز بیرده لیلانون یوزی گولسون نجه یانّام جوان اوغلی ئولنلرده چتین بولسون ئولونجه سینه ده بیر حسرتیم قالدی آنان ئولسون جوان ئولدون جهاندا یتمدون کامه علی اکبر اگر چه آنانون گلشنِ عیشی خزان اولدی جوان اوغلی ئولوب ناکام ، باغری قانیله دولدی ولی هانسی آنا اوغلی ئولن گونده اسیر اولدی گله لعنت بو دورانه بو ایّامه علی اکبر دونر قانه گوگل باخدوقجا گوز بو قان دولان چشمه اوجالسا شیونیم بولّم گلور مأمولر خشمه یانار قلبیم ، اولور جاری یوزه گوزدن ایکی چشمه اوغول چوخ تشنه سن باخ بو ایکی جامه علی اکبر دیوللر کربلادن شامه قرخ منزل مسافت وار منازل سِیری وار ، اغیار وار ، بیمِ اسارت وار باشیم اوسته اوغول مأمورِ بی رحم و مروّت وار مکدّر اولما گر گوندرمسم نامه علی اکبر نه زحمت بولمورم وار دشمنه بو داد و شیوندن امان ویرمز دویونجا نعشون اوسته ایلیم شیون اوجالسا هر اسیرین ناله سی قمچی وورار دشمن دایانّوخ بیز ولی مشکلدی ایتامه علی اکبر حجاز اهلین مخالفلر گوروب هر یاندا یالقوزلار گلوب شوره نوا باشلار ، آتا داغی گورن قیزلار اوغول وای ناله سیله دولدوروب دشتی اوغولسوزلار گوز آچ گور نه محشردور نه هنگامه علی اکبر ئولونجه عکسِ رویون زایل اولماز صفحهء دلدن آدیم لیلادی ، نه مجنون ، دییم لیلا دوشم دلدن وفاسیز قوی آدیمی تا وارام سالسام آدون دلدن خوشام گویچک بو اسمه بو گوزل نامه علی اکبر گلنده سن منه یولّاردا لطفِ کامل ایلردون منی چوخ احترامیله سوارِ محمل ایلردون اننده هانسی منزیلده دیزیوی حایل ایلردون باخان حیران قالاردی بیله اکرامه علی اکبر اوغول بیرده آناوا لطفِ خاصّون آشکار ایله مرتّب محملیم یوخدور دییم باخ افتخار ایله شکسته محمله باری منی دور سن سوار ایله مسافردور آنان آخر گیدور شامه علی اکبر اوغول (شأنینی) قورتار بو فشار و رنج و محنتدن اوغول وای ناله سین گوردون ایشیتدی تا او عورتدن همان یرده دوروب سالدی سنی یاده محبّتدن همین عنوانیله آلدی اله خامه علی اکبر. https://eitaa.com/kobradsg

مرحوم_انور #کوچ_از_قتلگاه ___________ لوح محفوظیده زینب آدی ثبت اولدی صبور گئتدی یتمیش ایکی موسی او چولی ایلدی طور اسرا کوفیه مقتلدن ائدن وقته عبور باخدی موسالرینه دوشدی نوادن زینب محمل اوستن ئوزونی آتدی یره مام بلا دردمندیدی زبس دردینه آختاردی دوا کعبه عشقه چکوب زائری چاووش قضا محرمیدی ولی احرام قرادن زینب کعبه دن آرتوق حسین مقتلینی قیلدی طواف ریزه ریزه اولونان گوهری تاپدی صراف پیکر شاهه باخوب عضولرین گورمدی صاف دیله گلدی ستم اهل جفادن زینب مرتبون اوجیده گودالیده قالمیش بدنون نه عبا وار نه قبا وار نه قالوب پیرهنون نعشوی دفن ائدن اولسا هانی قارداش کفنون دست خالیدی ئوزی کهنه عبادن زینب ای سلیمان نئجه بلقیس لرون دوشدی چوله چوخونون قلبینی وحشت اوخی آز قالدی بوله یاخین اولدی بالا قیزلار ایاق آلتیندا ئوله گونوزون گوردی قرا لیل دجادن زینب ترک معشوق ایلمز عاشق اولا ئوز خوشونا دولی جامی قویوب هئچ کیمسه ال آتماز بوشونا منی عفو ایله حسین نیلوم اسیرم قشونا فرصتی یوخ گوتوره نعشون آرادن زینب https://eitaa.com/kobradsg

#کوچ_از_‌قتلگاه مرحوم استاد حضرت مولانا کریم آقا صافی چون دوشدی قتلگاهه طرف کاروان یولی آل اللّهه آچیلدی اَنین و فغان یولی آهو سوروسی تک هامی دوشموشدیلر چوله بولمزدیلر هایاندی ولی آشیان یولی اوغلون گیدردی گورماقا هر مهربان آنا کسمیشدی لیک فرقهء نامهربان یولی یول واریدی گچن گون او صحرای عشقیده آخمیشدی چشمه چشمه ایتورموشدی قان یولی عبّاس قوللاریندان آخان قانیدور یقین میدانیدن خیامه کیمی باغلیان یولی دوتموشدی اوخ قلج سینقی کربلا چولین تاپسون نه نوعی زینبِ بی خانمان یولی یتدی خیالینه که اوزی گوستروب گیدوب آخر دونن گون اورتا امامِ زمان یولی امّا اوزون او بی کس ایتورمشدی هولیدن دوشدی قضا قباقینه ویردی نشان یولی بیر یرده یتدی تاپدی یوزی اوسته بیر بدن باخجاق دوتولدی صحبته نطق و بیان یولی گر ایتمه سیدی غصّه گلو گیر زینبی مطلق تاپوب چیخاردی او مرغِ روان یولی گوردی نه باشی وار نه الی نه لباسی وار یوخ اول وجوده معرفته امتحان یولی حتّی او کهنه پیرهنینده سویوبدولار ایله سویولماقا یوخودی هیچ گمان یولی بی اختیار سسلدی یارب حسیندی بو؟ کیم باغلادیلار حق یوزینه شامیان یولی گلدی ندا کسوک بو غازیندان باجی منم ویردیم نشان سیزه بیله بیر جاودان یولی کج یول دوتوبدی شمر ، کسوب تشنه باشیمی چون هرکسه آچیخدی جهنّم و جِنان یولی ویرمز ئولنده مهلت اونا مالکِ سَقَر قالموب بو کافره داخی بیرده امان یولی استاد محتشمدی بو عنوانه (صافیا) اما ایتورسه حقّی دگل هر تاپان یولی. https://eitaa.com/kobradsg

توسل به حضرت ولیعصر علیه السلام به سبک از صلابت و ملت وارتش سپاه ما یابن فاطمه گل گلن یوللارا  _  جانیم فدا گل قدملرینله آقا بو جهان  _  تاپا صفا گل جهاندا ویر ئوزون بو ظلمه خاتیمه هاردا قالدون ای عزیز جان فاطمه یا مهدی جان آقام آقام یا مهدی جان 2بار ای سلاله ی    پاک مصطفا نور کبریا       شاه اولیا قدملرین قوی گوز اوسته آقا بو گولشنه گل آقا ویر صفا یا مهدی جان آقام آقام یا مهدی جان 2بار یابن فاطمه مقدمینن جهان  _  جنان اولار بیرده مصطفانین گوزل جلوه سی  _ عیان اولار ظلم و جور آشوب داشوب آقا ظهور ائله اذن حقیله گل عالمی چو نور ائله یا مهدی جان آقام آقام یا مهدی جان 2بار سن پیمبرین   یادگار سان آل مصطفا.     مه لقاسسان علی کیمی آل آله ذوالفقار جهاندا نورین اولا آشکار یا مهدی جان آقام آقام یا مهدی جان 2بار ظلم ائدور جهاندا آقا اجنبی _ بو امته خاتیمه گلوب ویر ئوزون سن آقا _ بو ذلته غزه ده سالوبلار ایندی گور نه ولوله ظلم ائدور جهاندا بیرده نسل حرمله یا مهدی جان آقام آقام یا مهدی جان 2بار ذوالفقاری سن آل آقا آله ظلم ائدنلری ریشه کن ائله جهاندا ویر ظلمه سن خاتمه سن ای عزیز دل فاطمه یا مهدی جان آقام آقام یا مهدی جان 2بار یئر یوزونده گل بر قرار ایت آقا  _ عدالتی قانین آل حسینون ئوزون حفظ ائله _ بو نهضتی گون سایور بو شیعه لر گوزون تیکوب یولا ای عزیز مصطفا سنه سلام اولا یا مهدی جان آقام آقام یا مهدی جان  2بار فخر انبیاء      نور سرمدی ای گل گلستان   احمدی  جهانی ایله پراز عدل و داد جهاندا اولسون بوتون شیعه شاد یا مهدی جان آقام آقام یا مهدی جان 2بار یابن العسکری ای گل گلشن _  محمدی بر جهان هستی تو ای سیدی _ سرآمدی شهریار ملک این جهان امام ما کن نظر به حال زار  شیعیان آقا یا مهدی جان آقام آقام یا مهدی جان 2بار پور مرتضا    یار امتی بر جهان هستی   تو علتی عزیز جان دل مصطفا به مقدمت جان امت فدا یا مهدی جان آقام آقام یا مهدی جان 2بار ملتمس دعا مهدی ملکی

اون بیر امامین آناسی فاطمه ختم رسالت بالاسی فاطمه . همسر شاه دو سرا فاطمه فخر ملک خیر نسا فاطمه . مریم ایدر غبطه مقاماتینه ناز ایدر ئوز خالقی حالاتینه . گیتمزیدی فوته نماز شبی سجده ده کشف ایتدی نیاز شبی . ناز ایده مریم اگر عیسی سینه فاطمه ده فخر ایدر عبّاسینه . گرچه اونون اوغلی دگول روحیدی قزلارینین وقت بلا نوحیدی . فاطمه دریای کَرَم دُرّیدی منطقی والا أؤزیده حُرّیدی . شهرتی وار گویده که راضیّه دی بیر آدی منصوره و مرضیّه دی . شیرزن صالحه و کامله اوخشوری اقیانوس بی ساحله . حقدن آلوب رتبۀ با امتیاز بیر زن پاکیزه نسب بحر راز . سیل خروشان عطا و سخا سائلی سالماز او الى باش یولا . شیعه لرین گر غم عقباسی وار غم یمه سین حضرت زهراسی وار . دوزخ و جنّت آراسندا دورار نامه اعمالوزا امضا وورار . بو سوزی یازدیم سوزیمون لبّیدور رمز جنان فاطمه نین حُبّیدور

یا هو نهر علقمی گورسم دیرم قان اولاسان سو يانسين اورگون آتش سوزان اولاسان سو بير دفعه سنه باب الحوائج يولی دوشدی سقّا اَل اوزاتدی سنه وُردون قولی دوشدی صاق صول يارالاندی صاقی دوشدی صولی دوشدی عباس تک عمرونده پشیمان اولاسان سو بس کیم وئره جاق اصغرين عقباده جوابين سخت ايله خدا حرمله نین درد و عذابين بير شوربه سویا گوزياشی قان اولدی ربابين گوز ياشی کيمی قانيله اَلوان اولاسان سو دریا کيمی آخدون چوله جوشان و خروشان قالدی علی اولادی حسین قیزلاری عطشان اصغر دوداقين اَمدی رقيّه ائدوب افغان زینب کيمی احوالی پريشان اولاسان سو https://eitaa.com/kobradsg

اویان ای یار وفاداریم اویان اویان ای یار وفاداریم اویان منی تک قویما علمداریم اویان یولووی خیمه ده گوزلور بالالار سنه قربان اولا قیزلاریم اویان شرف الناسیم اویان                    گوزل  عباسیم   اویان سنه من قانه باتان ای دیرم سینووی لاله لره تای دیرم داش اتانلاردان اگر اولسا امان توکرم گوز یاشی لایلای دیرم قره معجرلریمون وای گونونه صود امر اصغریمون وای گونونه شرف الناسیم اویان                    گوزل  عباسیم   اویان * سرویمون لطمه دگوب خوللارینا توکولوب قانی شرف یوللارینا سنی اکبر جانی کیمدن سوروشوم نه گلوب قارداشیمون قوللارینا من ئوپن قاره گوزوندن اوخ ئوپوب داش. گوزل سینووی مندن چوخ ئوپوب شرف الناسیم اویان                    گوزل  عباسیم   اویان دئمورم قارداشووام گویلومی ال دئمورم دور گئدک اخیامیده قال دیورم دشمنی گولدورمه منه کسیلن قوللاریوی بوینوما سال صاق گوزوندن توکولن قانه قسم ایاقیم خیمیه گلمور قئیدم شرف الناسیم اویان                    گوزل  عباسیم   اویان یارالی باشووه قربان اولانیم گوزووی اچ باشیووا من دولانیم نجه سنسیز گئدرم خیمه لره ئوزون انصاف ائله ای قهرمانیم گوزووه پرده چکوب قان یارالی نیه بو حاله قالوبسان یارالی شرف الناسیم اویان                گوزل عباسیم اویان بویاما گل یوزووی گوز یاشووا دیله گل ایله بیان قارداشووا سنی زهرا ننمون جانی دانیش نه اغیر یاره ووروبلار باشیووا ئورگین اودلادیلار قارداشووین بلیمی اگدی یاراسی باشووین شرف الناسیم اویان                گوزل عباسیم اویان اسمان باشیمه غم گردی الور سینمی ماتمووین تیری دلور نقدر اختارورام یوخدی ننم باشون اوستن ننمون عطری گلور بو مبارک ئولومین وار نه غمی خوش سنون حالووه گوردون ننمی شرف الناسیم اویان                گوزل عباسیم اویان   غفاری اردبیلی https://eitaa.com/kobradsg

_مرحوم_انور #کوچ_از_قتلگاه ___________ یوز قویوب مقتل عباسه پریشان زینب یتیشوب گوردی عجب منظره وار یاللعجب بیر خانیمدور اوتوروب باشدا قرا چادر شب باخور السیز بدنه ذکری فقط اوخشامادی ایله آغلور ایله بیل اوغلی ئولن بیر آنادی دئدی کیمسن اوتوروبسان بو بیابانیده تک مسکنون کرب و بلادور مگر ای قاره لچک گوز یاشون آخدوقیجا ایلوری زهرایه کمک گلوسن شدتیله نالیه تیترور بدنون مثل اینکه داغیلان پیکر ئوز اوغلوندی سنون زینبون اوخشیوسان یاخشی عزیز قارداشینی سوزوون سوزشی رخساره چکر گوزیاشینی او خانم ضجه چکوب بیردن اوجالتدی باشینی دئدی گل وئر منیله باش باشا من فاطمیم قیزیلان خوشدی آنا آغلاشا من فاطمیم نچه گوندور منه مسکن دی قیزیم کرب و بلا نوفلین ظلمی سالوبدور بالامی گور نه حالا من دیوم اوخشاما یا سن دیوسن غملی بالا سن دنن بو داغیلان جسمه هما سایمدی من دیوم اللری محشر گونی سرمایمدی https://eitaa.com/kobradsg

یا مهدی(عج) مرحوم میرزا یوسف شهاب تبریزی ایا صاحب زمان یا حجّةالله اورکلر اولدی قان یا حجّةالله رکابه قوی قدم چک ذوالفقاری ظهور ایت الأمان یا حجّةالله دوتوبدور ظلمت غم ماسوانی جمالون ویر نشان یا حجّةالله زمان غیبتون چوخ طول چکدی بو طوله یوخ توان یا حجّةالله حسینون قویما قالسون قانی یرده او قانی یوخ آلان یا حجّةالله گتوردی کوفیان کرب و بلایه حسینی میهمان یا حجّةالله یوزینه باغلادی راه فراتی او چولده کوفیان یا حجّةالله فرآت آخدی چوله ویردی سوسوز جان نچه پیر و جوان یا حجّةالله مگر مهریّه ی زهرا دگلدی همان آب روان یا حجّةالله امامون اللری اوستنده اصغر ویروردی تشنه جان یا حجّةالله سولی پیکانیله گویا سو ویردی او طفله شامیان یا حجّةالله دگوب اوچ شعبه اوخ بچدی بوغازین روانه اولدی قان یا حجّةالله او قانی اَخذ ایدوب سپدی سَمایه او شاه بیکسان با حجّةالله ایدوب اکبر غمی لیلانی مجنون قویوب بی خانمان یا حجّةالله دوتوبلار قاسمه بیر طوی او چولده عروس ایلر فغان یا حجّةالله گوروبدور کیم جهاندا بیر بیله طوی بیله داماد اولان یا حجّةالله ابوالفضلون دوشوب قوللاری اولدی حسین قدّی کمان یا حجّةالله او اللر دوشمسیدی ایلمزدی جسارت ساربان یا حجّةالله اولوبدور جدّیون بو ماجراسی سنه خیلی گران یا حجّةالله او ساعت که خیامه ذوالجناحی گلوب شیهه کنان یا حجّةالله او صحرای بلاده ویردی جدّون غریبه امتحان یا حجّةالله ویروبدور شمره باش اَل ساربانه ایدوب عشقین عیان یا حجّةالله ((شهاب )) ایسته فَرَج هر دم بو اسمی ایله ورد زبان یا حجّةالله #امام_زمان_عج https://eitaa.com/kobradsg

عرض ارادت به ساحت مقدس حضرت اباعبدالله الحسین (ع) یاحسین عشقون گوارا دی شیرین جاندان منه مجلس روضه ن مصفاتردی رضواندان منه پاک آدون گلجک آخور دامانه اشک اشتیاق پر بهادور گوز یاشیم یاقوت و مرجاندان منه بو خراب آباد دلده عشقیوی تا بسلدیم سوز و آهیم باشدی الان کون و امکاندان منه هر حسینیم وای دئدوقجا کام جان شیرین اولور گوئیا داود اوخور آیات قرآندان منه ائت دعا الله بو عشقی قلبیمیزدن آلماسین اولماسا عشقون نه واردی غیر خسراندان منه بو مدال نوکریت تا نه قدری سینه ده شأنیده والادی مین کسری و خاقاندان منه گوز یاشیم دور قورتاران صحرای محشردن منی قطره سی افضل دی والله گنج شایاندان منه سینه یه ووردوقجا زنگاریم ئوره کدن پاک اولور گوئیا هی باب آچیللار شهر عرفاندان منه قبر پاکون مامن عشاق عالمدور سنون مدفنون باشدور یقین ملک سلیماندان منه کربلانی شوط ائدندن بیقرار عشقیوم ایله بیر دعوت گلوبدور عرش رحماندان منه معصیت قویمور ولی مندن سنون عطرین گله بو مصیبت یوز وئریر نفسیمله شیطاندان منه روسیاهم بارگه ده مایه ننگم سیزه هر خطا ايتدوقجه گلدی لطف سلطاندان منه منده یوخدور بو لیاقت شأنیوی شعره چکم هر نه واردور سن ویربسن فضل و احساندان منه گر چه شهریمده غریبم لیک لطفوندن سنون صوت یوللار نوحه خوانلار کل ایراندان منه گاه اوخوللار شعریمی آهنگیمی تبریزده یوللانار گاه اردبیلدن گاه زنجاندان منه نشر و بسط شعری گورجک سجده شکر ایلرم چوخ سعادتدور گلور شاه شهیداندان منه شعر بی جانه ويریر جان نوحه خوان قارداشلاریم لطف چوخدور حمد لله فضل سبحاندان منه شعر یازماقداندا أرتیخ کاش اولام پرهیزکار لمعه لمعه تا گله انوار ایماندان منه واقفم هر بیتمه بیر قصر اولار جناتیده وئر بو دنیاده بیرین جود فراواندان منه ** رحیم شایان ارومیه برچسب‌ها: رحیم شایان https://eitaa.com/kobradsg

حضرت زهرا سلام الله علیها ‍ زبانحال حضرت زهرا سلام الله علیها (سبک : گل اوتور خیمده اکبر باشیوا من دولانیم) فضّه جان گئت وئر خبر گلسین عم اوغلوم یانیمه ثانی ئولدوردی قاپوم یاندی بویاندوم قانیمه اوز ائویمده قویمادی ثانی دویونجا آغلییام جدیمه ماتم دوتام من باشه قاره باغلییام بولدوکی جدیم ئولوب اوچ گوندی سینه داغلییام بیعتی عنوان ائدوب یوز قویدی دودمانیمه احتجاج ائتدیم نقدری باخمادی اُول نابکار نه پیمبردن اوتاندی نه خدادن ائتدی عار وُردی اود درگاهیمه اولدوم اوزومده زخمدار جور و ظلم ثانیدن صدمه یتوب بو جانیمه سینمی مجروح ائدوب مسمار اولور قانیم روان هم قولوم سیندی اوزومده قالمادی تاب و توان سن عم اوغلوم مرتضایه گئت خبر وئر فضّه جان ائیلسین چاره منیم بو درد بی درمانیمه بی حیا ثانی منیم عرشه اوجاتدی آهیمی اود ووروب یاندیردی ظلمیله منیم درگاهیمی اولمادی ممکن هرایه سسلییم دلخواهیمی سن دایانما تئز خبر وئر اُول عزیز جانانیمه ثانی بیر ظلم ایلیوب صولدی صفالی گلشنیم قویدولار دیوار آراسیندا اوجالدی شیونیم مُحسنیم سقط اولدی آخر کامه یئتدی دشمنیم اولمادی رحم ائیلیین بو ناله و افغانیمه وئر خبر شیر خدایه هارداسان امداده گل درک ائله زهرانی ای میر هدا فریاده گل قالمادی تاب و توانی دختر طاهاده گل چوخ چتیندور گرچه اول سرور دوزه هجرانیمه وار یئری عالم لری آغلار قویا بو مِحنتیم قورخورام باشسیز قالا گول یوزلی نازلی عترتیم دوشموشم دیلدن ایاقه دورماقا یوخ طاقتیم باخسا هر کیمسه یانار بو دیده ی گریانیمه حال مظلومیّتیم مُنجر اولوبدور بیر یئره آز قالور آخر منی ثانی جفاسی ئولدوره بیر نفر یوخ بو غمی شیر خدایه بولدوره سو سپه اشک تریله بو دل سوزانیمه عاقبت ئوللم بو دردیله علاج اولماز منه نیسگیلیم چوخدی بیرین ذکر ائیلرم امّا سنه قویما اطفالیم گله مندن صورا چوخ شیونه آغلیاندا وئر تصلّی زینب نالانیمه نوحه یاز آغلا (( فریدی )) بو بتول اطهره حاجتین وار عرض ائله ریحانه ی پیغمبره بو سوزی آغلار گوزیله یاز دوباره دفتره فضّه جان گئت وئر خبر گلسین عم اوغلوم یانیمه ** حاج علی اصغر فریدی برچسب‌ها: حاج علی اصغر فریدی https://eitaa.com/kobradsg

زبانحال حضرت زینب (س) در شهادت حضرت زهرا (س) منی سالما آتش محنته آناجان فدا سنه زینبون نجه صبر ائدیم بو مصیبته آناجان فدا سنه زینبون **** بو ائوین بویوک قیزیام ولی هله وار منیم آنا دورت یاشیم غم الینده تئزدی یتیم اولام توکوله عذاریمه گوز یاشیم گوزونی تیکوب ایکی گوزلره نگران باخیر ایکی قارداشیم باخ حسن حسینیده رقته آناجان فدا سنه زینبون ئورگیم اسور ندور علتی تله سیرسن ئولماقا ای آنا مگر هانسی قیز دوزر آهیله گیینوب قرا دئیه وای آنا بو نه قاندی کوینگون ایسلادوب قوی اوپوم یاراوی هرای آنا آخی کیم دوزر بو جراحته آناجان فدا سنه زینبون وئر اجازه فضه نی سسلییم کمک ائیلیاق بیر ایاقه دور کمک ایستین دیلیوه فدا منه ده خزینی اوزون بویور باخیشون بسیمدی گورر منی نه بو زلفیمی نه ده شانه وور سالوسان ئوزون نیه زحمته آناجان فدا سنه زینبون دیلیوه گتورمه ئولوم سوزین ئورگیمدن آهیله قان گئدور هله تئزدی یومما او گوزلری که سنیله تاب و توان گئدور نه یوزیله تای توشوما دئیوم آنام الدن ایندی جوان گئدور هله دوز وطنده بو غربته آناجان فدا سنه زینبون آناجان معلم حکمت اول هامی ماجرانی دانیش منه گوزیوین اشاره سینه فدا غم کربلانی دانیش منه نیه وای حسین دئیوب آغلیسان خبر نهانی دانیش منه گله جاق قوشون نیه غارته آناجان فدا سنه زینبون آنا هر نه امر ائله سن منه یئره سالمارام عمل ایلرم ولی غصه گورسه حسین اگر داخی صبر ناقه می پیلرم ییخیلاندا مقتله قارداشیم سویولاندا کوینگی نیلرم آخی کیم دوزر او قیامته آناجان فدا سنه زینبون ** حاج ولی الله کلامی زنجانی برچسب‌ها: ولی اله کلامی https://eitaa.com/kobradsg

‍ حالات حضرت زهرا (س) آغلا قلبی آتا هجرینده اَسن فاطمیه ئولومه هر نه دن آرتوق تلسن فاطمیه رشته ی عزتینه دست جفا وردی دوگون هورمدی ختم نبیدن صورا زلفون هوروگون یاشادی دایره ی غصه ده یتمیش بش گون هر گونه ائتدی مین ایل درد و محن فاطمیه غملری لشکره بنذوردی خانم یالقوزیدی غم مدارینده کأنّه یورولان اولدوزیدی باجی قارداشی یوخیدی آتاسیز بیر قیزیدی غصه لر نیلدی گور غصه چکن فاطمیه زندگی شربتی آلوده اولا زهریله یا گولون ریشه سینه تیشه دگه قهریله سارالار رنگی سو گر وئرسله مین نهریله رمز و ایمادی سوزوم الده ئولن فاطمیه قورودی خوش گونونون چشمه لری نهرلری چاره سی اولمادی نوش ائتدی آجی زهرلری دادینه گلمدی همسایه و همشهریلری وطنی تنگ ائلدی اهل وطن فاطمیه نه گلوبدور نه گلر فاطمه نون دردی سانا آتانون رحلتی آسایشینی قیلدی فنا بیت الاحزان ائلدی شهر کنارینده بنا آغلاماق اولدی ائوینده قدغن فاطمیه گون به گون برگ شقایق مثلی صولدی یوزی آغلادار دردینه نرگسلری بیمار گوزی گل نیلوفرین اولسا دیلی سویلر بو سوزی رنگدن اوخشیورام سیلی دگن فاطمیه کاش او بلوا گونی گئتمیدی خانم پشت دره ائوده قالسیدی دچار اولمازیدی اهل شره عشق مولایه گوره سالدی ئوزین هر خطره عشق خیّاطینه باخ بیچدی کفن فاطمیه ارزیابی ائله تاریخ بتولین سخنین حامله بیر خانمون ایله مجسم بدنین در و دیوار آراسیندا ائلدی سقط جنین محسنی گئتدی قالوب زخم بدن فاطمیه وردی صیاد ستمکار وران قوش کیمی پر گورمدی بیر کسی گلدی دیله اول پاک سیر جبرئیل هاردا قالوبسان باباما ایله خبر قتلگاه ائتدی ائوین اهل فتن فاطمیه امّتون صفحه ی تاریخی سوله قاره لدی قلبوین یاره سینی وردی عدو یاره لدی ئوپدوقون سینه نی مسمار دلوب پاره لدی گل علاج ایله علاجی کسیلن فاطمیه ** مرحوم انور اردبیلی برچسب‌ها: انور اردبیلی

یافاطمة الزهرا(س) گینه یا فاطمه گلدیم بو کرملی قاپیا ئوزی حلال مشاکل آدی غملی قاپیا قویموشام قاره یوزی گوزلری نملی قاپیا آند اولا محسنووه چوخ سُورَم بو قاپونی درد الیندن یورولاندا دویَرم بو قاپونی سینه سین اوخ کیمی مسمار یاران زهراسن پشت درده یخلوب قان آپاران زهراسن حیدری دشمن الیندن قوتاران زهراسن گوزلریم چوخ کرم و لطفیوی گورمیشدی خانم او سینان اللره بیر یولدا ایشیم دوشدی خانم گرچه اوز درد و غمون هامیدان آرتوخدی خانم غملرون تک قاپوون سایلیده چوخدی خانم منده گلدیم قاپووا اوز ویرنیم یوخدی خانم آی حسینون ننه سی طرد ائیلیوب خار ائلمه قاپووین سائلیم سائل بازار ائلمه * غلامرضا هادی اردبیلی برچسب‌ها: غلامرضا هادی اردبیلی

مرحومین مشهدی حسن تعریفی(عاصی تبریزی) و حاج عبدالحسین فاکر تبریزی #کوچ_از_قتلگاه #عاصی #فاکر بو گیر و داریده گلدیم گورم یاران نجه دی باجین ئوله یارالی دردینن آران نجه دی اگر چه دوشدی یولوم قتلگاهیدن بیر باش اوزومده مایلدیم بیر سنی گوروم قارداش بو باشسیز عتریتوه دور حسین اوزون چک باش قالوب نه حالته گور حالِ بانوان نجه دی ز بسکه تنگیدی فرصت ایتورموشم اوزومی سرشگِ نابله دولدورموشام ایکی گوزومی اگر چه دوتموری دل شرح ایدم اورک سوزومی اجازه ویرسن ایدم مختصر بیان نجه دی بو قدر وار آنام اوغلی یوخ ایمدی عزّتیمیز اسیرلیق بیزیم اولدی بو چولده قسمتیمیز سنیله گیتدی او جاه و جلال و شوکتیمیز سوروشما زینبه رفتارِ کوفیان نجه دی آلاسان اصغریوی سن بو یرده آغوشه بالان یارالیدی یورقوندی بیر گیده هوشه آناسینون گَله گوزیاشی دمبدم جوشه اولا عذارینه صبح و مسا روان نجه دی هانی شبیهِ پیمبر؟ آناسی لیلانی گیدور اوزاق سفره ترک ایدور بو صحرانی اوزی گلوب یولا سالسون او خانه ویرانی بولور اگر چه غمِ هجرِ نوجوان نجه دی نه وار بو چولده بیزه بیر نفر پناه و معین نه ال چکولّه جفادن بو قومِ بد آئین جهازسیز دوه لر ایلیوبدیلر تعیین حیالی قیزلارا بی شرم شامیان نجه دی بویور بو دم اله عبّاس بیدقین آلسون دیارِ شامه حرم اهلینی یولا سالسون دیمم بیوکلرین ، اصفال قیدینه قالسون اوزی بولور سفرِ اهلِ کاروان نجه دی سوروشما نجه دی حالِ عابدِ زار برهنه ناقیه ظلمیله ایلیوبله سوار اوزی اسیریدی ناخوشدی، ناقه بد رفتار گور ایمدی حالتِ بیمارِ ناتوان نجه دی حیالی قیزلاریوی ایتدیلر بو چولده اسیر وورولّا خوردا اوشاقلاریوی بو قومِ شریر هراسِ دشمنِ بی رحمیدن بالالار اسیر رقیّه نین بولوسن حالی بو زمان نجه دی نشان ویرور بالاوون حالی دلده محنتینی توکور عذارینه دائم سرشکِ حسرتینی من ایلرم بو یتیمون ئولونجه خدمتینی دیمه نه اولدی بالان، قالما ناگران نجه دی ولی خرابه ده گَل بیر اوزونده دردینه یت او گلماقیله بو طفلِ یتیمی خرسند ائت یرینی راحت ایله قوی مزاره جسمین، گیت گور اولدی مدفنی آخر نجه مکان نجه دی یازاردی بو سوزی (فاکر) ولی دایاندی مداد یازانمادی اوزی، سوز صاحبی ایدوب امداد یتیشدی دادینه(عاصی) خوشکلام استاد گوروم اونی دیمسون نیلوم الاَمان نجه دی. https://eitaa.com/kobradsg