یا باقرالعلوم (ع) . . #رسول_بابایی (شاهد زنجانی ) . باقر آل عبایم من محرم گورموشم کربلا دشتینده یاران حزن و ماتم گورموشم . عشق بازارینده جانین وئردی مردان خدا مکتب عرفانیده عشاقی همدم گورموشم . علقمه سمتین گورنده آخدی گوزیاشیم منیم یرده بیرجوت قطع اولان قول مشک وپرچم گورموشم . نچه گون سواولمادی یاندی سوسوزدان اهلبیت یاغمادی گویدن یاغش گوزلرده شبنم گورموشم . خیمه لریاندی بابام آز قالدی یانسون خیمه ده عمه می اوتلار ایچینده چوخ مصمم گورموشم . دولدی محراب عبادت ثار و ثاراللهیلن دشمنی خنجر الینده ابن ملجم گورموشم . یرده قالمشدی بدنلر بی کفن اوتلانمشام تپراق اوسته من ئوزوم.اسرارمبهم گورموشم . نیزه لر باشینده گوردی باشلاری فوج اسیر کربلادن شامه تک اطفالی پر غم گورموشم . عمرومی وئردیم باشا اما یادیمدان چیخمیوب قتلگاهی گورمشم هم نهر علقم گورموشم . اکبریم دوغراندی الله قاسمیم اولدی شهید اصغرین اوخلانماقین رنج معظم گورموشم . گوردوقوم اول ماجرانی گورمسین بیرکس خدا گورسه هرکس گوزلرین بوغمده پرنم گورموشم . آغلاسا هر کس حسینه حق ئوزی عزت وئرر آغلا شاهد ، گوزیاشی هردرده مرهم گورموشم . #باقر_آل_عبایم_من_محرم_گورموشم #باقریه_شهادت #باقریه_مدح #ترکی