هرکه در ماتمسرای شاه خوبان می نشیند #ورود_محرم 🍀✨▪️🍀✨▪️🍀 #مصائب کربلا . مرحوم صابر همدانی . هرکه در ماتمسرای شاه خوبان می نشیند گرچه با اندوه دل با چشم گریان می نشیند لیک اگر امروز او سر در گریبان می نشیند روز محشر شاد در نزد محبّان می نشیند در مقام قرب حق با روی خندان می نشیند . . هرکجا گردد لوای ماتمش بر پا به دوران جمع آیند اهل معنی با دلی از غم پریشان آن یکی بر سر زند این یک نماید آه و افغان در قیامت آنکه چشمش از غم وی بود گریان ز اشک چشم او شرار عندلیبان می نشیند . . یادم آمد این زمان از اهل بیت شاه بی سر کز کنار قتلگه بردنشان آن قوم کافر ریختند از بهر تودیع شهیدان مام و خواهر بر سر هر نوگل بشکفته ای از تیر و خنجر دید زینب هر زنی چون عندلیبان می نشیند . . زینب آمد بر سر بالین شاه تشنه کامان دید بی سر جسم شه افتاده از بیداد عدوان هرچه زاری کرد از دل عقده اش نگشود آسان خم شد و زد بوسه بر حلقوم سلطان شهیدان گفت زین مشکل مرا سوز دل آسان می نشیند . . گفت ای جان عزیز این سان به خون غلتان چرائی؟ ای گل باغ نبی، خار کف عدوان چرائی؟ داشتی پیراهنی بر تن، چنین عریان چرائی؟ غافل از حال دل زینب در این دوران چرائی؟ کز پس قتل تو جغدآسا به ویران می نشیند . . خیز و بنگر از سر کوی تو چون گشتم روانه بازوی طفلان چو مویت شد سیه ز تازیانه کرد آخر مرغ دل را تیر هجرانت نشانه کی گمانم بود ببینم از جفاهای زمانه بر تن پاک تو پیکان روی پیکان می نشیند . . گرچه رفتیم و غم هجرت به دل گردید مدغم لیک امشب ای سلیمان اندرین وادی پر غم دیو خصلت بجدل انگشت برد از بهر خاتم گرچه من رفتم ز کویت ای شهنشاه معظّم در عزایت «صابر» غمدیده گریان می نشیند

دریاده آغلار ماهی لر ای ماهی عطشان سنه #اصغریه 🏴🥀▪️🏴🥀▪️🏴 #نوحۀ حضرت علی اصغر علیه السلام مرحوم غمکش . دریاده آغلار ماهی لر ای ماهی عطشان سنه کرببلاده سو وئروب اوچ شعبه لی پیکان سنه . . عاشقلرین قلبی سنون دؤندی ملالوندن قانا لای لای چالاندا طفلینه مین سوزیلن هر بیر آنا آغلار سنون احوالوه ای آلتی آیلیق دردانا سسلر علی لای لای منیم اولسون بالام قربان سنه . . وار شیرخواری هر کیمون قلبین دوتار شور و شرر چون روز عاشورا اولار ایلر اونا عشقون اثر اؤز طفلینه خلعت بیچر اصغر لباسی گئیدیرر دیلسیز بالاسین اوخشادار ای غنچۀ خندان سنه . . کرببلاده باغلانوب سو یوللاری آل اللهه سوز عطشدن ناله لر اوج ایلدی مهر و مهه یاندی سوسوزدان لبلرون سعد اوغلی چئکدی قهقهه ارض و سما قان آغلادی ای سودامر قربان سنه . . چاره حرملر تاپمادی دردونده حیران قالدیلار اشکین توکوب بیربیر سنی قیزلار قوجاقه آلدیلار گاهی سنه ای وای دئیوب حسرتله لای لای چالدیلار خیمه به خیمه گزدیلر تاپمادیلار درمان سنه . . آغوشینه آلدی آتون گتدی بلا میدانینه بیر جرعه بلکه سو آلا شش ماهۀ عطشانینه افسوس توش اولدون او دم سن حرمله پیکانینه رحم ائتمدی میدانیده او ظالم نادان سنه . . اوچ شعبه لی پیکان دگوب بیچدی او نازک حنجرون باشون اوزولدی جسمیدن گولدی حسینه لبلرون قوش تک قاناد چالماقلیقا باغلیدی افسوس اللرون گویده ملکلر چئکدی های آغلاشدی اشک افشان سنه . . یاندی دل زار حسین بو محنته بو نیسگله باخدی او غملی صحنیه گولدی جفاجو حرمله سس گلدی گویدن یا حسین اصغر غمینده صبر ائله صبر جمیل اجر جزیل الله ائدر ارزان سنه . . قیتر او طفلی خیمیه یانسین آناسی آغلاسین الدن اله قیزلار وئروب ای وای دئسین دل داغلاسین آلسون قوجاقه مهریلن زینب یاراسین باغلاسین اولسون شریک غم باجون ای بی کمک سلطان سنه .

هوا هوای محرم، هوا هوای حسین ▪️🍂✨▪️🍂✨▪️ #هوای حسین حضرتی آذرشهری . هوا هوای محرم، هوا هوای حسین دیلیمده آیری سوزوم یوخ به جز، نوای حسین . نه فرقی واردی دیئه م جان سنه فدا، یا کی خدا کند که بمیرم، فقط برای حسین . آنام دیل اورگه دنی، اورگدیب سنه قربان دئییبدی دم به دم اوغلوم ده جان فدای حسین . اوشاقلیقیمدا یادیم دا، غدیر رد اولجاق توانیمیز اولانی، الده بیر لوای حسین . دوشردوخ عشقیله کوچه به کوچه گون باتانی شیرین دیلیله دیردوخ امان و وای حسین . بو عشقی ساتمارام عالملره، قوجالسامدا ئولونجه باشدا گزیر شوق نینوای حسین . دئیون طبیبه باشیم اوسته گلمه، ئولسمده مریض عشقه روادی فقط دوای حسین . من عاشقم دلی دیوانه یم، یازون آدیمی ئولنده قبریمین اوستونده مبتلای حسین . سینم یاریلسا گورسوز که قانلی بیر الیله اورکده نقش اولونوب نقش کربلای حسین . نه کربلا که ائدر عرشه ناز، فخریله قویولدی سینه سی اوسته اوگون کی پای حسین . خدابهشتیده باب الحسینه فخر ائلیور که یعنی هر ایکی دنیاده وار صفای حسین . کیم ائتسه عهد حسینه وفا بو دنیاده یقین که شامل حالی اولار وفای حسین . ئولنده حتمی یولون گوزلرم که بیر عمری اورکده گوزلمیشم تا گله عزای حسین . ائدنده اوغلی اوشعر قدیمی دفن، گوروب که کم دی وزن تنینده نئچه هجای حسین . سوزون چیخیر داهی نظم و نظامیدن «هاتف» شُعوریوله سیخیشماز غم و بلای حسین

ای کرب و بلانین یری سن کوی وفاسن #کربلا ▪️🌱🌱▪️🌱🌱 #در وصف زمین کربلا علومی تبریزی . ای کرب و بلانین یری سن کوی وفاسن ظاهرده اگر مدفن شاه شهدا سن . الله قانی سنده توكلوب توپراقا بی حد علت اودی سن شیعه لره خاک شفاسن . سنده کسیلوب قوچ قوزی قربانی حسینون سن کعبیه علّت سن اوزون اصل مناسن . یوخ سندہ کی عزّت نه مناده نه حرمده اولمازلا برابر سنه سن عرش خداسن . ای خاک مقدّس سنه توپراق دیماخ اولماز کهل البصرِ دیدۀ حوران وفاسن . یرلرده تاپولماز اولا بیر بیرسنه همتا سن خوابگه محترم آل عباسن . اسلامه ویرن روح روان سنده یاتوبدی علّت اودی سن قبله گه اهل عزاسن . سنده یخلان پرچم عباس وفادار اسلامی اوجالدوبدی اگر کرب بلاسن . هر چند بلا كلمه سی وار غملو آدوندا امّا سنه قربان چمن اهل ولاسن . هر درده دوا خاک شفا سنده دی ای یر سن ملّت اسلامه بیوک دار شفاسن

خون احمردور جداده باشیمه تاجیم باجی #وداع ✨🍂🥀✨🍂🥀 #وداع امام حسین علیه السلام ثابت اردبیلی . خون احمردور جداده باشیمه تاجیم باجی مهر اولوب روز ازل حکمتده معراجیم باجی . . عاشقم محتاج جانان جانی قربان ایتمگه نیزه ده قانلو باشیم تفسیر قرآن ایتمگه گلمیشم اللهیلن بیر عهد و پیمان ایتمگه عاشقم پیکان عشقه واردور آماجیم باجی . . گون دوشه اود یاندرا اوخ یاره سین قان شربتیم چون شهادتده بو امضادور قیامت قیمتیم لوح اعلایه یازیلمیش قانیله کیفیتیم عشقلر چانماز بو عشقه عشق بهّاجیم باج . . سینۀ زهراده بسلنمیش بدن باتسون قانا ایلرم اللهه دعوت شرط وار دل اوخلانا علم صندوقی سینا سینم شکاف اولسون اونا باغلادی احرام منای بیت حجّاجیم باجی . . دایر اولدی عاشقه زهرا قزی میدان عشق غرق ایدنمز عاشقی موج ایلسه طوفان عشق قان حسینون قانیدور محشر گونی درمان عشق بارگاهیم نیزه دور درگاه تاراجیم باجی . . قتلگاهی ایلرم خلوت ایدم راز و نیاز قانیلن باش وئرمگه آخر نمازه دستماز گون قباقینده رکوع حالینده آلّام امتیاز نور واحد قلبم اولموش نوره محتاجیم باجی . . هنده نون اوغلی گوروب عشق حسینی جاودان قبله گاه کعب ام باش اندروبدور قدسیان خلق اولونموش حجّتم ایتدی دلی الله مکان شهر یثربدن واریم دنیاده اخراجیم باجی . . ثابتا یاز حکمتی بیردور حسین قرآنیلن بیر اذان وئردی او باشسیز پیکر عریانیلن ناقه لر فوراً دایاندی فرقۀ عدوانیلن شه دیدی من باش وئروم قوی باش آچاباجیم باجی

سو اوسته قانون آخوب یرده سو به سو قارداش 🏴💫▪️🌿🏴💫▪️🌿 #زبانحال امام حسین علیه السلام در بالین برادر . مرحوم نجمی تبریزی . سو اوسته قانون آخوب یرده سو به سو قارداش گوزوم یاشی کیمی قانه دونیدی سو قارداش . فرات اوتانموری قانون آخوب گینه آخوری سولاردا قویمادی دنیاده آبرو قارداش . گل جمالوا قان شبنمی ویروبدی صفا هانی سنون کیمی بیر گلده رنگ و بو قارداش؟ . ورق ورق داغیلان پیکرون حکایت ایدر سو اوسته ایلمیسن سعی مو به مو قارداش . بلاد عشق و محبّتده بیر مجاهد عشق سنون کیمی دولانوب هاردا کو به کو قارداش . باشونداکی بو یارا خشک بند اولا هیهات سو ساخلاماز سینا گر کاسه و صبو قارداش . الون اولیدی گر ال سنه تاپاردی مگر بو قانلی معرکده قوم کینه جو قارداش . ایکی کسیک الیله بیر تیمّم ایلمیسن او بیر تیمّمه غبطه ایدر وضو قارداش . ستاره تک بدنونده یارا شماره سی یوخ ووروب نقدری یارا جسموه عدو قارداش؟ . قلج یاراسینا نوک خدنگ اصابت ایدوب سپور کنارینه قان زخم تو به تو قارداش . گوزون فداسی گوزون آچ نه خواب نازیدی بو؟ تراب تیره نی فرض ایتمه پر قو قارداش . سو صحبتی دله بیرده گتورمز اطفالیم کسیلدی خیمه لر ایچره بو گفتگو قارداش . اولاردی سرو سرافکنده شرمگین شمشاد چمنده سنله اولان دمده روبرو قارداش . دانشمیسان نیه ای مرتضی عزیزی مگر دولوبدی قانیله توپراقیله گلو قارداش؟ . چوخ آرزو ایدرم بیرده سسون ایشیدم دانیش که قالمیه دلده بو آرزو قارداش . سنیله الفت دیرینه وار نجه دایانوم یارالی جان ویروسن تشنه نیکخو قارداش . گل وصالی ایله نوک خار هجرانون یاروب اولا او یاره چوخ چتین رفو قارداش . گلنده دوشدی یولوم قولّارون دوشن یولدان سرشگیم ایلدی رخساری شستشو قارداش . خیام طاهرده شور حشر اولوب پیدا عیالیمه دور ایداخ چاره جستجو قارداش . داخی قرانلوق اولار آل هاشمین چرخی دوتولدون آی کیمی قانیله ماهرو قارداش . دوشنده آتدان اولون اولمادی اولا حایل که اوخلار اولمیه گل جسموه فرو قارداش . سکینه فاطمه نازلی رقیه مخیمده تکوبله گوز یولا دلده عمو عمو قارداش . سو جامی الده نوا دلده گوزلری یولدا آخار سرشگلری یوزده مثل سو قارداش . نجه بو محنت عظماده آغلاماز «نجمی» که خون فرقون آخوب یرده سو به سو قارداش

تشنه لب بهر حقیقت آبرو باید گرفت ✨▪️✨▪️✨▪️✨▪️ #فداکاری حضرت امام حسین علیه السلام . مرحوم هادی تبریزی . تشنه لب بهر حقیقت آبرو باید گرفت در دیار نینوا از خون وضو باید گرفت . از رقیبان هر خدنگی میرسد از بهر دوست مقدمش را محترم چون آبرو باید گرفت . تیر اگر نمرود ثانی سوی معشوق افکند ماهی تشنه به تیرش روبرو باید گرفت . از مساجد دیگران زینت بگیرند عاشقان در تنور و در کلیسا رنگ و رو باید گرفت . اهرمن مأیوس گر گردد به محراب وفا درکف انگشتر بدو ، بی گفتگو باید گرفت . بیند عاشق جلوۀ معشوق اگر در شش جهت شش جهت رفته سراغش کوبکو باید گرفت . سر دهد پیکر دهد انگشت و انگشتر دهد تا بفهماند هجوم زشتخو باید گرفت . لب گشاید با کلام حق بلی اندر جهان با کلام حق کلام بذله گو باید گرفت . نهضتی بر پا نماید خواهرش در شام شوم انتقام کربلا را از عدو باید گرفت . افکند زلف سیه بر روی همچون ماه خود پیش نامحرم زنان را چشم و رو باید گرفت . دست زن «هادی» به دامان همان سیمینه رو هر کسی را در جهان دامان او باید گرفت

گر بابا هجران سنی بو چولده بیتاب ایلدی #اکبریه 🏴💫▪️🏴💫▪️🏴💫▪️ #استمداد شهزاده علی اکبر علیه السلام علومی تبریزی . گر بابا هجران سنی بو چولده بیتاب ایلدی ائتمه غم جدّیم منه سو گتدی سیراب ایلدی . . تشنه لوق آلموشدی طاقت بو سوسوز تندن بابا ایستدیم علّت اودور بیر شربه سو سندن بابا اولمادی ممکن سنه محزونیدون مندن بابا ائتمه غم جدّیم منه سو گتدی سیراب ایلدی . . چوخ اؤزوم شرمنده ام سو ایستدیم اوّلده من چون سنی گوردوم که مندن فوق العاده تشنه سن ساخلیوبدی سو سنه جدّیم رسول ممتحن ائتمه غم جدّیم منه سو گتدی سیراب ایلدی . . اولمادی ممکن خیامه بیرده من سالم گلم یخدیلار آتدان منی بو چولده اشرار ظلم ایسترم گل صورتین بیرده گورم اوندان ئولم ائتمه غم جدّیم منه سو گتدی سیراب ایلدی . . ویردی جدّیم مصطفی ایله گوارا سو منه اولمارام بیرده سوسوز ویردیم خبر بابا سنه صون نفسده گل تماشا ایت بو پوزقون گلشنه ائتمه غم جدّیم منه سو گتدی سیراب ایلدی . . ویر تسلّی خیمه ده لیلایه آز ایتسون نوا قاتلیم ایتسه یارالی باشیمی زیب جدا سربلند ایلر اونی صبر ایله سه بو ماجرا ائتمه غم جدّیم منه سو گتدی سیراب ایلدی . . گل بابا گل پارچالانمیش باشیمی آغوشه آل سایۀ لطفون بو صون دم باشیم اوسته بیرده سال شاد اولوم دیداریویله بو زمان ارتحال ائتمه غم جدّیم منه سو گتدی سیراب ایلدی . . بیرده من گتدیم بابا امر ایله سن زین العبا خاک پایونده منی دفن ایله سین بو چولده تا قبریمه زائر اولانلار گورسون ای شاه ولا ائتمه غم جدّیم منه سو گتدی سیراب ایلدی . . بسدور ال ساخلا علومی مطلبه چوخ ویرمه طول آزدا اولسا خدمتون ایلر علی اکبر قبول بیرده دئ بو مصرعی حضّار اولا دلدن ملول ائتمه غم جدّیم منه سو گتدی سیراب ایلدی

اولان بوقاننه غلطان سنون حسینوندور #کوچ_کربلا 🏴🌿🍂🏴🌿🍂🏴 مرحوم حقیر_خویی . اولان بوقاننه غلطان سنون حسینوندور اولوبدی زینت میدان سنون حسینوندور . همین بو سینه دی بسلردی سینه ده زهرا اولوب نشانه‌ی پیکان سنون حسینوندور . گهی لبوندن او پردون گهی بوغازیندان گل اوپ کسوک بو غازیندان سنون حسینوندور . ورو بلا سینه سینه دورت مین اوخ یاراسی هنوز یارا لاریندان آخارقان سنون حسینوندور . او قدر یاره دگوب جسمینه بو گل بدنی اولوبدی خاکیله یکسان سنون حسینوندور . یارالی جسمیده بیر گُل آچوبدی هر یاراسی اولوبدی جسمی گلستان سنون حسینوندور . کسوبدی اهرمن انگشتر اوسته انگشتین سریر عشقه سلیمان سنون حسینوندور . حجازی ترک ایلین کینه‌ی مخالفلن عراق اهلینه مهمان سنون حسینوندور . گوزی فراتده حسرتله العطش گویان ویرن سو اوسته سوسوز جان سنون حسینوندور . کمال شوقیله بو کربلا مناسینده اولان شریعته قربان سنون حسینوندور . قوری یر اوسته ویرن پاره پاره گُل بدنی گویون ستاره‌لرین سان سنون حسینوندور . حقیریمون غمی یوخ عرصه‌گاه محشرده او گونده داور دیوان سنون حسینوندور

ای محبان آل پیمبر مسجده منبره وار سلامیم 🏴🍁✨🏴🍁✨🏴🍁 #ورود ماه محرم الحرام . محسن محمدی هشترودی ( ناطقی ) . ای محبان آل پیمبر مسجده منبره وار سلامیم عاشقانه قوران بزم ماتم آغلیان گوزلره وار سلامیم . . شاه دینه ازل آدم آغلوب ساقلیقیندا اوپوب خاتم آغلوب فاطمه اوخشویوب مریم آغلوب زینبه کیم اولوب همدم آغلوب سبط پیغمبره وار سلامیم . . روح ختم پیمبر حسیندور میوة قلب حیدر حسیندور زیب محراب و منبر حسیندور شافع روز محشر حسیندور رتبه ده برتره وار سلامیم . . اهل عیالین اوگون گوزدن آتدی دینه خاطر گیدوب قانه باتدی مسلخ عشقیده وصله چاتدی زینبین درد و غمله قوجاتدی با وفا خواهره وار سلامیم . . کربلاده اولان یاری ئولدی قالمادی یار و انصاری ئولدی دینه خاطر علمداری ئولدی گون کیمی قالدی آثاری ئولدی قطع اولان اللره وار سلامیم . . اذن آلوب اکبری کارزاره لیلینی گتدی غم آه زاره گورمگه ممکن اولوب دوباره ایتدیلر جسمنی پاره پاره مه لقا اکبره وار سلامیم . . قانه غرق اولدی شهزاده قاسم دوشدی طوفانه دریاده قاسم گوزلری سوی مولاده قاسم بس چاغردی گله داده قاسم منتظر گوزلره وار سلامیم . . گیتدی میدانه سقّا ابوالفضل مرد میدان و هیجا ابوالفضل قانینی ایتدی اهدا ابوالفضل مقصده چاتدی مولا ابوالفضل با وفا سروره وار سلامیم . . اولمادی سو لب عطشاندی اصغر تشنه لیقدان او گون یاندی اصغر آخرین وقته اوخلاندی اصغر مطلقاً دینه قرباندی اصغر صود امر اصغره وار سلامیم . . نوبه چاتدی غرض بی معینه یاور و یار مستضعفینه گلدی غملر غم اوستن حسینه اولمادی رحم ایدن دلغمینه خشک اولان لبلره وار سلامیم . . آچدی بیر منظره قتلگاهی قبله ی عشقدو ر رازگاهی رمز توحید دور هر نگاهی گوزلیور عدنده دل بخواهی ذبح اولان حنجره وار سلامیم . . “ ناطقا “ شمر دوسداق اولیدی دشمنان یکسر اوراق اولیدی کاش ابوالفضل او گون ساق اولیدی زینبه لحظه اوتراق اولیدی زینت دفتره وار سلامیم

باجی زینب لشکرعشقه آخرین سربازقانینه باتدی 🏴✨🍃🏴✨🍃🏴✨ #شهادت حضرت علی اصغر علیه السلام زبانحال حضرت ابا عبدالله الحسین علیه السلام به حضرت زینب علیها سلام #سبک_شبانگاهان . عدلی تبریزی . باجی زینب لشکرعشقه آخرین سربازقانینه باتدی زبس تشنه ایدی اموب پیکان اللریم اوسته گوزیوموب یاتدی باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . . سموم کفرگلستانیمده آچمیین گولومی سولدوربدی باجی دگوب اوچ پراوخ بوغازیندان قانی قونداقین دولدوروبدی باجی قیامتین عالمین بو بالا عالم اهلینه قوپدوروبدی باجی فنادن تاپدی بقا ایلدی حقیلن سودا جاننی ساتدی . باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . من آچدیم تا مکتب قرآن اصغریم ایتدی آلتی آی تحصیل منیله گلدی بو میدانه پایۀ عشقین ایلسون تکمیل ویروبلااوخ بوآخان قانی مُجمَلِ دینی ایلدی تفصیل بو تحصیل وبو شهادتده سود امربالام مقصده چاتدی . باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . منه سرباز هنگ عشقیمده وصل معشوقه هریان آختاردی دئیدی لبیک هل معینمه تا بومناده گلوب قربان آختاردی حمایت ایتسون بوچولده منه یوسف مصریم کنعان آختاردی عزیزاولدی مصرعشقه بالام اوخلانوب قانین قانیمه قاتدی باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . قوجاقیمده خوشلادی یرینی غنچۀ نورس برگ گل آچدی ولی اولمازگل تکانسیز اولا اوچ پراوخ گتدی بیر تکان ساچدی ساچلمش یرایسّی قانویردی دیسگنوب بیردم رنگ رخ قاچدی منه باخدی گوزلری آخدی ایلدی خسوف آی کیمی باتدی . باجی گل آل ویر آناسینا ایدرچاره یاراسینا یاوریم زینب یاوریم زینب .