عالمده عالمین عجب عالمدی یاحسین #ورود_محرم 🌿▪️✨🌿▪️✨🌿▪️✨ #یا حسین … . مرحوم دلسوز تبریزی . عالمده عالمین عجب عالمدی یاحسین (1) بو عالمینده غرق هر عالمدی یا حسین . سر شهادتونده قالوب عاجز انبیا عالم بو سره خالق عالمدی یاحسین . هر کیمسه ایستیه ایلیه مشق عشق حق معنای عشق سنده مجسمدی یاحسین . هر عاشقیکه عشقیده ثابت قدم دگول هاردا حریم یارینه محرمدی یاحسین . هر کیم همیشه وصل بهشت ایلور بلموری سنسیز بیزه بهشت جهنمدی یاحسین . هر ایل بیر آی محرم اولی لیک شیعیه هر آن و هر دقیقه محرمدی یاحسین . روز ازلده خالق اوزی نوحه خوان اولوب بلمم نه غمدی بو نجه ماتمدی یاحسین . گوگده ملائکه یر اوزینده فغانیله اول سنه عزا دوتان آدمدی یاحسین . کعبه باتوب قرایه صفادن دوشوب صفا قان آغلیان بو محنته زمزمدی یاحسین . یالقوز نه تک نوح سنه اولدی نوحه گر بیر آغلیاندا عیسی مریمدی یا حسین . بار غمین زبسکه آغردور چکنمیوب پشت فلک اودور که بیله خمدی یاحسین . شرح و بیان محنتیوی ایتماقا بیان مجموع نطق لال ، دل ابکمدی یاحسین . (1) از مرحوم #شبخیز : #مستانه_عالمین_عجب_عالمدی_یا_حسین

طشت جامی حاضر ایلون یاد ائدون شه انامی #ورود_محرم 🏴🏴🏴✨🏴🏴🏴✨ #طشت گذاری مرحوم کاتب اردبیلی . طشت جامی حاضر ایلون یاد ائدون شه انامی دوغرانان ستمله جسمی اول امام تشنه کامی . . شیعه کاش اولیدی اول گون طشت جام کربلاده غش ائدن زماندا اصغر اول دیار پر بلاده آل مصطفایه اولدی شدت عطش زیاده یاندرور بو درد و محنت حشر اولونجا خاص عامی . . کربلاده اهل کوفه چونکه سد آب قیلدی آل حیدری سوسوزدان یاندروب کباب قیلدی شاه دین نه قدر محنت چکدی صبر تاب قیلدی ایلدی قبول او چولده ظلم لشکر ظلامی . . دونمدی فراتی قانه جاری اولدی هر دیاره قسمت اولمادی حسینه اول غریب دلفکاره حسرتیله سمت آبه قیلدی هر زمان نظاره سیزده یاد ائدون همیشه اول امام تشنه کامی . . باغلادی سو صاحبینه سو یولینی اهل کینه یاندی سوزش عطشدن عترت شه مدینه العطش دیوب دمادم آغلادی خانم سکینه بیرجه جرعه سودان اوتری گزدی سربه سر خیامی . . ظلم قوم بیحیادن سولدی گلشن پیمبر اولدی اوخلارا نشانه حلق شیرخواره اصغر آغلادی بو ماجرایه عرشده هامی ملکلر اهل بیت مصطفانون تیره اولدی روز شامی . . بسدی کاتبا تمام ائت سن بو غملی ماجرانی حشره دین یازیلسا گلمز شرحه ظلم اشقیانی فرد بیتیله مزیّن ایله مجلس عزانی اشک چشموی نثار ائت حاصل ایله هر مرامی

گلدی گینه ماه غم دیللره دوشدی نوا #ورود_محرم # ▪️✨🏴▪️✨🏴▪️✨🏴 #سبک_می_گذرد_کاروان #سبک_ای_بوغازین_اوچ_پر_اوخ . کربلایی محمدرضاصادقی . گلدی گینه ماه غم دیللره دوشدی نوا فاطمه گلدی گینه اوغلونا دوتسون عزا ترک ایلدی جنتی خاتم پیغمبران دیلده اوغول وای گلوب بزم غمه مرتضا گلدی ماه ماتم یا حسین گییدی قاره عالم یاحسین یا ثارالله یا ثارالله ( 3 ) . . . چکدی گینه عرشینه قاره اوزی کبریا دشت غمه یکسره گلدی هامی انبیا گلدی ملکلر یره سالدیلا باشه قرا ایوای آقام سسلدی اهل زمین و سما دیللره غم دولدی یا حسین گوزلره نم دولدی یاحسین یا ثارالله یا ثارالله . . . زینبه غم باشلانار خیمده ایوای دیر اللری اوسته رباب اصغره لایلای دیر سسلر اوغول آغلاما جانیوه جانیم فدا ال ایاقون چالما چوخ دردیوه یوخدور دوا بو غمده سینمی داغلارام چاره یوخ اللرون باغلارام یا ثارالله یاثارالله . . . الده پیاله دورار نازلی سوسوز قیزلارون سسلر عمو العطش خیمده اولدوزلارون زینب او حالی گوروب غم اودونا اودلانار ناله چکر سسلنر ایوای اوغولسوزلارون وای اوگون حالینه زینبون یانام احوالینه زینبون یا ثارالله یا ثارالله . . . دوشسه ابالفضل گوزی قیزلاروون اشکینه مشکی سالارچگینینه آل عبا عشقینه جوت قولی باهم وئرر گورسه رقیه یانور بیر گوزیده لطف ائدر دگمیه اوخ مشکینه سو غمی سقانی یاندیرار قیزلاردان چوخلی اوتاندیرار یا ثارالله یا ثارالله .

چیخوب شیرازه دن قرآن بو آیدا #ورود_محرم 🌿▪️✨🍂🌿▪️✨🍂🌿 #ماه محرم جوشی زنجیر رضوی زنجانی . چیخوب شیرازه دن قرآن بو آیدا اولوب قانه حسین غلطان بو آیدا . . چخوبدی مکه دن شاه مدینه گلوب چاتدی بلالی سرزمینه آخوب قانی جلالت وئردی دینه گوی اهلی ایلیوب افغان بو آیدا . . اولوب لرزان بو آی عرش معلا حسینه آغلاشور دریا و صحرا حسینیم وای دیور طاها و زهرا اولوبدی گوزلری گریان بو آیدا . . پوزولدی زینبین جاه و جلالی چوخالدی دلده دردیله ملالی باتوب قانه حسینون مه جمالی آخوب دشت بلاده قان بو آیدا . . بو آیدا دوغرانوب شهزاده اکبر گل عمری بو آیدا اولدی پرپر عبا ایچره گلوب اول ماه منظر کسیلدی تشنه لب قربان بو آیدا . . اولوب جان وئرمگه آماده قاسم زره سیز جنگ ائدوب آزاده قاسم قیزیل قانه باتوب شهزاده قاسم دوتولدی اوُل مه تابان بو آیدا . . فرات اوسته بو آی سقا یخیلدی دوشوب قولّار گل زهرا یخیلدی آت اوستوندن یره مولا بخیلدی حسین قدّی اولوب چوگان بو آیدا . . باتوب قانه حسینون جان نثاری وصیّ مصطفانون یادگاری حسینون سر سپاه نامداری پریشاندی شه مردان بو آیدا . . علی اصغر بو آیدا قانه باتدی امیب بیر اوخ جهانی گوزدن آتدی او شش ماهه بالا قان ایچدی یاتدی اونی سیراب ائدیب پیکان بو آیدا . . قماطه حنجریندن قان سوزولدی لباسه دانه ی مرجان دوزولدی باخان فکر ایلدی باشی اوزولدی اولوبدی قانیله الوان بو آیدا . . یومولدى گوزلری اول شیرخوارین بوکولدی قامتی چون شهریارین دولاندیردی ال اوسته گل عذارین اولوب پرپر گل خندان بو آیدا . .

گل ای امام زمان یتیشدی ماه عزا #ورود_محرم # 🏴💫🏴💫🏴💫🏴 ورود ماه محرم #سبک_ای_آسمان_غمون . محمد رضا صادقی . گل ای امام زمان یتیشدی ماه عزا دوشوبدی نُه فلکه دوباره شور و نوا باشلاندی مه ماتم قاره پوش اولوب عالم دولدی قلبیلره غم اباصالح اباصالح (۲) . . گل ای امام زمان حسینون ای بالاسی دوباره شال عزا سالوب باشا آناسی جنتده یانار آغلار گوزیاشین یوزه باغلار بو غمده سینه داغلار اباصالح اباصالح 2 . . بو آیدا قوم عدو دوتار سو یوللارینی سالار یره عموون یول اوسته قوللارینی جسمیندن آخار القان سو مشکین ائدر الوان لب تشنه او وئرر جان اباصالح اباصالح 2 . . سالار ربابی غمه گینه سوسوز بالالار ال اوسته اوز بالاسی بالیق کیمی چابالار سسلر ای گُل نالان گل ائتمه بیله افغان نیلوم یوخ سووا امکان اباصالح اباصالح 2 .

گلدی ایام عزا باشلانوب شور و نوا #ورود_محرم 🌴🏴🍂🌴🏴🍂🏴 #سبک_ای_گل_مینای_من . کربلایی محمدرضاصادقی . گلدی ایام عزا باشلانوب شور و نوا شیعه لر قاره گیوب سسلوری ایوای آقا عرشیده سسلر ملکلر یا حسین مظلوم فرشیده یاندی اورکلر یا حسین مظلوم . . . آدم و حوا گلوب مریم و سارا گلوب باشینه قاره سالوب حضرت زهرا گلوب جنتی ترک ایلیوب طاها ئوزی گلدی وای بالام وای اولدی مولانین سوزی گلدی . . . کربلاده غم گلر آیلارا اولدوزلارا قورخودان لرزه دوشر اول وفالی قیزلارا خیمه لرده العطش فریادی اوج ایلر دیلده یا زهرا سسی عرشه عروج ایلر . . . سینه لر اولدی کباب یاندی بیچاره رباب اصغره سو تاپمادی خانه سی اولدی خراب چون ابالفضلی گلوبدور اکبره یاسه شرمیدن دردین دئمز اول اشجع الناسع . . . کیم مریض اولسا سالار باشینه شور و نوا حضرت عباسیدن دردینه آلسون دوا کیم اورکدن صدقیلن دوتسا حسینه یاس « صادقی » ایلر مداوا حضرت عباس . . @rozevanoheayammoharramsoghandi

قالان گل پیکری بی سر حسین وای #ورود_محرم 🌱▪️🍀✨🌱▪️🍀✨ #ماه محرم #میانداری جوشی زنجیر مرحوم دلسوز . قالان گل پیکری بی سر حسین وای جلالیندن کیچن یکسر حسین وای . . نه ماتمدور گونی خلقون قرادور باتوب یاسه ، جهان ماتم سرا دور بو ماتمده خدا صاحب عزادور ورار باشینه پیغمبر حسین وای . . نه ماتمدور باتوب عالم قرایه گلوب پیر و جوان یکسر عزایه گیوبلر قاره شاه کربلایه غمینده اودلانوب دللر حسین وای . . ویرن جان تشنه لب عطشان آقام وای قالان گل پیکری عریان آقام وای اولان امت لره قربان آقام وای او گون هاردایدی بس حیدر حسین وای . . اولان تالان هر مال و منالی پوزولان ظلمیله جاه و جلالی گیدن شامه اسیر اهل و عیالی تمامی گوزده اشک تر حسین وای . کسن اللّرینی اؤز ساربانی اولان غسل و حنوطی پاک قانی قویان آغلار غمینده ماسوانی یانان احوالینه کافر حسین وای . . نه ماتمدور اولوب (دلسوز) نواخوان اولوب دنیا نواسندن هراسان دلینده اوزگه ذکرى یوخ محبّان شهید نیزه و خنجر حسین وای . . @rozevanoheayammoharramsoghandi

ئورک اولدی محنتیندن غمه مبتلا ابالفضل #ورود_محرم 🏴🏴▪️✨🏴🏴▪️✨ #ورود ماه محرم توسل به حضرت ابوالفضل علیه السلام . #سبک_سو_یوخومدی_قزلاروندان … 5 سبک مشابه . . معروفان اهری . ئورک اولدی محنتیندن غمه مبتلا ابالفضل آدوین اسیری ام من آدوا فدا ابالفضل . . . آدوا سنون دییللر شه کربلا وزیری یل با وقار حیدر آقامون یارالی شیری ید قدرتین بیلنلر اولوب عشقوین اسیری که تمام شیعه ایلر سنه اقتدا ابالفضل . . . یازیلوب کتاب عشقه آقا سرو قامتین وار دوتوب عالمی جلالین نه گؤزل جلالتین وار آقاسان آتان علی تک کرم و سخاوتین وار قاپوا دییلله باب کرم و سخا ابالفضل . . . نه اولار گؤنول خزانی دؤنه نوبهاره سندن آقاجان جهاندا ایستر هامی درده چاره سندن که خدا اجابت ایلر اولا بیر اشاره سندن سنه واردی ابتدادن نظر خدا ابالفضل . . . آقاجان هر ایل محرم گبیرم قرا عزاده دیوب آغلارام غمیندن گئنه بزم غم فزاده یازارام سرشکیمیله سنه نامه سرگشاده ئورگیمده حاجتیم وار ائده سن روا ابالفضل . . . قاپوا گلن دخیلون یولا سالما دست خالی هامی مشکله دوشنلر الوی تانور سخالی بو حقیر مبتلانین بودی درد بی دواسی او سخا الی بدندن کیم ایدوب جدا ابالفضل .

گنه بو غملی گوگل غرق بحر ماتمدور #ورود_محرم ▪️🌿🌾▪️🌿🌾▪️🌿🌾 #ماه محرم #گریز به #حضرت_ام_البنین سلام الله علیها . غفاری زنجانی . گنه بو غملی گوگل غرق بحر ماتمدور پوزولموش عالم امکان بیر آیری عالمدور بو شورش و بو نوادن یقین محرّمدور حسینچیلر یوزونه رنگ ابتلا چکیلوب تمام مسجد و منبرلره قرا چکیلوب . . صفای کعبه چخوب کعبه دن صفا گتوروب منای عشقده قربان ویره فدا گتوروب اوشاق بیوک هاموسون میر اتقیا گتوروب قوتاروب آلتی آیین اصغر ملک منظر فدای اکبر اولا شوقیله گلوب اکبر . . همان بو آیدا گیچوبدی چراغ پیغمبر حسیننون باشینی کسدی شمر تشنه جگر گوروندی کرب و بلاده نمونه محشر بو آیدا فاطمه نون قلبی غصّه دن سخلوب شهید اولوبدی حسین مرتضی ایوی یخلوب . . بو آیدا اهل جفانون گوزونی قان دوتدی بو آیدا یر یوزونی ضجّه و فغان دوتدی نقاب غمده یوزون گوگده کهکشان دوتدی ستاره لر هامی دوتقون فضاده گورسندی بیر آیری رنگده آی گون سماده گورسندی . . بو آیدا دست فلک نقشۀ الم چکدی جلال زینبه دست قضا قلم چکدی خدا بلور نه بلالر او محترم چکدی خدنگ غم دل مجروحه سین دوباره یاروب بیر آز زماندا دیلّر که زلفلری آغاروب . . بو آی او آیدی اوغولسوز قالوب خانم لیلا ویروبدی اکبری دینه فدا او کنز حیا گلنده پیکر اکبر بیله دیوب گویا گرک بو چولده اوغول مطلبیم حصول اولسون منای حقده بو قربانلقوم قبول اولسون . . همان بو آیدا دگوب حلق اصغره پیکان ایچوبدی سو یرینه لخته لخته قرمزی قان ربابی قویدی فراقینده دیده سی گریان دییردی ای سووا حسرت قالان مارالیم وای سه شعبه تیریله ای اوخلانان غزالیم وای . . باتوبدی قانه بو آیدا لواسی عبّاسین شماره گلمدی زخمی یاراسی عبّاسین ایدوبدی بو سوزی ازبر آناسی عبّاسین دیردی دوغرانان ای سرو قامتی بالاوای اولان بپا سودان ئوتری قیامتی بالاوای . . محالبدور چخا یادّان قیامتون عبّاس رقیه دن سودان ئوتری خجالتون عبّاس ورار نهادیمه اود غملی ساعتون عبّاس یوخوما گل دانش اول انقلابدن یارالی نجه یوز اوسته یخلدون عقابدن یارالی . . بو واضح امردی اوغلوم هامی آلار نظره بیری اگر اوجا یردن بالا یخلسا یره وئرر الین قاباقا تا سپر اولا خطره ایشتمیشم غم الینده سخلموسان عبّاس عقابدن یره السیز یخلموسان عبّاس . . نه نن ئولیدی بالا گلدی نه بلا باشوا یغشوب هُوسه زنان قوم اشقیا باشوا وروبلا دست عداوتله بیر یارا باشوا او یاره باعث اولوب گوزده کی بو گوز یاشما او یاره سالدى ئولونجه منیم قرا باشما . . دانشدولار منه اوغلوم مزاروین حدّین گلوبدی سیل محن یخدی صبریمین سدّین اوجِیدی سرو مثالی اوغول سنون قدّین روادی تیر محن قلبیمی همیشه یارا او سرو قدّ هارا خردا بیر مزار هارا . . دیدوم سبب ندی زینب ایله بیان دیمه دی بو ماجرانی ایدوبدی اودا نهان دیمه دی نقدر ایلدیم اصرار او مهربان دیمه دی بیله خیال ایدورم ای اولان قمر چهره کیچیلموسن یارادان گئتموسن کیچیک قبره . . /// تغییر وزن/// . اوغلانلار آناسی دیدولر عرشه اوجالدیم اوغلانلاریمی کرب و بلایه یولا سالدیم یولّاره باخوب محنت هجراندا قوجالدیم من آغلیورام عونمیله فضلیم ئولوبدی جعفر بویانوب قانه ابوالفضلیم ئولوبدی . . پوزقوندی بو حالیم کیمی چون شهر مدینه ایلردی مباهات بو شهر اهلی حسینه حسرتدی نه وقتی گوزوم اول ماه جبینه آغلار منی هجرینده قویوب نور دو عینیم دونّم باشنا بیرده اگر گلسه حسینیم . . .

🏴ورودبه محرم🏴 🎼سبک:یاامام زمان شیعه ده احساس باخ.... گینه ای شیعه‌لر ایلیون آه و نوا نصب ایدون هریره پرچم ما عزا عرض ائدون یکسره- تسلیت حیدره یا حسین جان - یا حسین جان ---------------------------------- کربلا عشقینه دایر ایدون هیئتی آغلیون صدقیلن پاک ایلیون نیتی سعی ایدون دائماً حفظ ایلیون وحدتی ایستوسوز گرحسین دردوزه ایتسون دوا عرض ایدون یکسره  تسلیت حیدره یا حسین جان   یا حسین جان ---------------------------------- آغلیون بی‌ریا عترت پیغمبره فاطمه آدوزی ثبت ایلسون دفتره ایستوسوزشادمان عزم ایده‌سوزمحشره قویمیون خوار اولا نهضت کرب و بلا عرض ایدون یکسره  تسلیت حیدره یا حسین جان   یا حسین جان --------------------------------- کربلا عاشقی حامی اولار مکتبه فخر ایدر فاطمه بذل ایلین منصبه قلبینون سرّینی فاش ایلیر زینبه چوخ مریضه خانم لطف ایلیوبدور شفا سائله یوخ دیمز- ناامید ایلمز یا حسین جان- یا حسین جان ------------------------------------ او خانم غم چکوب اگمدی باش ذلَّته قویمادی دشمنی ضربه ویرا نهضته بیر یانان خیمه‌ده بانی اولوب هیئته اوّلین شخصیدی خیمیه چکدی قرا قوردی بیر هیئتی- ساخلادی نهضتی یا حسین جان- یا حسین جان ✍شاعر احسان بدرخانی #ورود_محرم #محرم1402 ✨اَللّهُمَّ عَجِّل لِوَلیِّکَ الفَرَج @madahi_moharram

‍ #ورود به ماه محرم #سبک_می_گذرد_کاروان #سبک_ای_بوغازین_اوچ_پر_اوخ #کربلایی محمدرضاصادقی گلدی گینه ماه غم دیللره دوشدی نوا فاطمه گلدی گینه اوغلونا دوتسون عزا ترک ایلدی جنتی خاتم پیغمبران دیلده اوغول وای گلوب بزم غمه مرتضا گلدی ماه ماتم یا حسین گییدی قاره عالم یاحسین یا ثارالله یا ثارالله ( 3 ) چکدی گینه عرشینه قاره اوزی کبریا دشت غمه یکسره گلدی هامی انبیا گلدی ملکلر یره سالدیلا باشه قرا ایوای آقام سسلدی اهل زمین و سما دیللره غم دولدی یا حسین گوزلره نم دولدی یاحسین یا ثارالله یا ثارالله زینبه غم باشلانار خیمده ایوای دیر اللری اوسته رباب اصغره لایلای دیر سسلر اوغول آغلاما جانیوه جانیم فدا ال ایاقون چالما چوخ دردیوه یوخدور دوا بو غمده سینمی داغلارام چاره یوخ اللرون باغلارام یا ثارالله یاثارالله الده پیاله دورار نازلی سوسوز قیزلارون سسلر عمو العطش خیمده اولدوزلارون زینب او حالی گوروب غم اودونا اودلانار ناله چکر سسلنر ایوای اوغولسوزلارون وای اوگون حالینه زینبون یانام احوالینه زینبون یا ثارالله یا ثارالله دوشسه ابالفضل گوزی قیزلاروون اشکینه مشکی سالارچگینینه آل عبا عشقینه جوت قولی باهم وئرر گورسه رقیه یانور بیر گوزیده لطف ائدر دگمیه اوخ مشکینه سو غمی سقانی یاندیرار قیزلاردان چوخلی اوتاندیرار یا ثارالله یا ثارالله #ورود_محرم #محمدرضاصادقی ✨اَللّهُمَّ عَجِّل لِوَلیِّکَ الفَرَج @madahi_moharram

نوحه اول ماه محرم ✅ گریز به عاشورا و قتلگاه حاج رحمان شاجری سبک : ای باشی سرنیزه ده ... محرمون گلدی آقایاحسین شیعه لرون گیدی قرایاحسین حسین حسین جان حسین جان سنه قربان حسین ای آدی گوشوارهٔ عرش برین چکدی سنون نازیوی روح الامین سینهٔ زهراگُلوسن بی قَرین سنله جهان تاپدی صفایاحسین سایه وی کسمه باشیمیزدان آقا امتون اولدی ئورگی قان آقا کرب وبلایه ائله مهمان آقا سنده دی بودرده دوایاحسین یاسه گلوب حسینی لرسربه سر باشین آچوب دلدن حسین وای دیر مسجدومحرابه قراچکدیلر عالَم اولوب بزم عزایاحسین ناله ائدورگویده ملکلرسنه اهل ولایرده گلوب شیونه آزقالورآفت یتشه گلشنه غنچه لرون پرپراولایاحسین فاطمه جنتده اورک داغلوری اوغلی حسینون حالنا آغلوری باشینه بوغمده قراباغلوری دلدن ائدورآه ونوا یاحسین ائیل دولانوب ماه محرم گلوب نالیه عرش اهلی دمادم گلوب دسته لرالده قره پرچم گلوب موج ائدوری بحر بلایاحسین ای سوکنارینده سوسوزجان وئرن جاننی جاناننه عطشان وئرن دینینه یتمیش ایکی قربان وئرن ای ایلین عهده وفا یاحسین واریری شیعه سنه دلدن یانا چون بدنون یاره سی گلمز سانا قتلگه ایچره بویانوبسان قانا اورک یاراسینه یارایاحسین یاره دگنده دل ناشادیوه اولمادی بیرکس یتشه دادیوه گلدی حسین جان باجون امدادیوه سسلدی دوریاندیم اخا یاحسین «شاجری»یازنوحه حسینه مدام یازدیقیوی دفتره ائت انضمام دردیوی یالوار دئ آقایه تمام عرض ایله ای کان سخا یاحسین #ورود_محرم