دایان آنام اوغلی دایان باشوا دولانیم گیت وداع 🥀🥀🥀🥀 زبانحال حضرت زینب (س) با امام حسین (ع) در وداع . 🥀سبک_خداحافظ_ای_آنام_باجی … 3 سبک مشابه . مرحوم تائب تبریزی دایان آنام اوغلی دایان باشوا دولانیم گیت فداگیدن یوللاریوا بو بلالی جانیم گیت آخور نجه گور عذاریمه حسرتیله گوز یاشیم ای بلالی قارداشیم . . بو گلستاندا نقدر اودلانوب سولان گل وار یانوب سولان هر گله بیر خوش ترانه بلبل وار تیكوبله گوزلرین سنه دلده نار نسکل وار اولاردان آل درد دل ای خسته باغبانیم گیت . . گلوب شکسته نی کیمی گور نجه دله قزلار شبیه اولوبلا تک به تک بیر سولان گله قزلار ایله دوشوبله وحشته آز قالور ئوله قزلار اولاره ویر قوّت دل طاقت و توانیم گیت . . گتور او اودلی سینه ده اوز محبتون جوشه بو آیریلیقدا قزلارون وصلدن آلا توشه بو نازنین رقیه وی لطف قیل آل آغوشه بابا دینده ویر جواب ای عزیز جانیم گیت . . رقیه حسرتله سنه گور نجه باخار آغلار شرار آهیله منی یاندیرار یاخار آغلار بولود کیمی دولوب یوزه گوز یاشی آخار آغلار دانیشدیروب گوگلین آل ای شاه انس و جانیم گیت . . بو خردا قز تاب ایلمز افتراقیوه قارداش یارالی قوش تک سخیلوب گل بوداقیوه قارداش سنه قانادلانور اونی آل قوجاقیوه قارداش یوزیندن اوپ اشگینی سیل جسمده روانیم گیت . . سنی گورنمرم عیاندور بو سوز و سازوندان دلیم یانار شرارۀ هجر جانگدازوندان آنام وصیت ایلیوب گل اوپوم بوغازوندان اورکده قالماسون حسین حسرت نهانیم گیت . . روا دگل حسرتیله من قالوم آنام اوغلی گتور باشون بو سینه مه بیر آلوم آنام اوغلی یوزون اوپوم بوینوا بیر قول سالوم آنام اوغلی آلوم مشامه عطریوی ای گل جنانیم گیت . . بو نوع پوزما حالیوی ای شهنشه عطشان شکسته حالیوه حسین زینبون اولا قربان دایان باشون اوسته دوتوم بو یول اوسته بیر قرآن دالونجا سَپسون سو یولا چشم خونفشانیم گیت . . غم ایلمه بو دشتده یوخدی بیر هوادارون سینوبدی لشکرون سنون قالمیوب علمدارون باشی قرالیلار قوشون من اوزوم جلودارون باشیمدا وار قرخا یاخین یاسلی باغریقانیم گیت . . ئولوب هامی کمکلرین وار نه یار و نه یولداش باخوب صاقا صولا بیله توکمه عارضه قانیاش دایان گلوم رکابوی من اوزوم دوتوم قارداش سوار ایدیم سالوم یولا مایۀ گمانیم گیت . . گیدورسن ایمدی که گیدن یوللاروا من قربان گورنمرم بیرده سنی ئولمه میش من نالان بیر آز ایاق ساخلا دایان ای شهنشه عطشان دویونجا بیر گوروم سنی باشوه دولانیم گیت . . محالدور ال چکه سن سن حسین بو سودادن ایدنمرم منع سنی منده بو تمنّادن باجوا لیک صبر دل آل خدای یکتادن دوزوم غم فراقوه حالیمه بانانیم گیت . . بو غمده آغلا تائبا گل همیشه فریاده یاز آغلا عشقیله گتور خلقی شوریله داده ویرر حسین نجاتوه بیر برات عقباده در بهشته ای منیم غملی نوحه خوانیم گیت

گل پرپر شدۀ زهرا حسین حسینیه سازگار .🍂🥀🍂🥀🍂🥀🍂🥀🍂 . حاج غلامرضا سازگار . گل پرپر شدۀ زهرا حسین بابی انت و امی یا حسین . . . تو همان کشتۀ صد پاره تنی که نمانده به تنت پیرهنی شد سرت بریده از قفا حسین بابی انت و امی یا حسین . . . جگر خاک خروشید حسین خون ز رگهای تو جوشید حسین تیغ کین خون تو نوشید حسین شد ز خون دشت بلا دریا حسین بابی انت و امی یا حسین . . . گرگ ها قلب تو را چنگ زدند به جمال تو ز خون رنگ زدند که به پیشانی تو سنگ زدند وا حسینا وا حسینا وا حسین بابی انت و امی یا حسین . . . تو کجا چشم ز خون بسته کجا تو کجا روی ز خون شسته کجا تو کجا سینۀ بشکسته کجا تو کجا شمر و سنان کجا حسین بابی انت و امی یا حسین . . . قبر تو قبر علی اکبر تو قلب تو جای علی اصغر تو پاره تر از دل تو پیکر تو ای سرت بر سر نیزه ها حسین بابی انت و امی یا حسین . . . وای بر من که چه آمد به سرت داغ اکبر شده نقش جگرت داغ عباس شکسته کمرت می زدی نالۀ یا اخا حسین بابی انت و امی یا حسین

باجون زینبی دور گور اماندور آتام اوغلی 🌾🍁🌾🍁🌾🍁🌾🍁🌾🍁🌾 زبانحال خواهر امام در کوچ از کربلا . 🌾سبک_علی_جان_بالا_لبیک مشابه . علومی تبریزی . باجون زینبی دور گور اماندور آتام اوغلی باشون آردیجه شامه رواندور آتام اوغلی . . دونن قانه غمینده بو گون گوز یاشیم ایوای دوشن درد و بلایه بلالی باشیم ایوای قالان پیکری عریان سوسوز قارداشیم ایوای بو حالون من زاره گراندور آتام اوغلی . . باجون واریری یانسا ئولونجه محنینده نه بارماقون الینده نه باشون بدنینده گیدوب غارته مندن آلان پیرهنینده حسین وای منه ورد زباندور آتام اوغلی . . نه رحم ایلوری دشمن من زاره یارالی گلور قمچی الینده ویرور یاره یارالی نه اطفاله باخولّار نه بیماره یارالی و اولوم حالی بالاندا عیاندور آنام اوغلی . . اوزون رسم و فانی بو صحراده نشان ویر باجون قلبینه بیرده آنام اوغلی توان ویر مسافر دالسینجا ایاقه دور اذان ویر باجون شامه گورورسن رواندور آتام اوغلی . . نه مهلت ویرور اعدا سنه آغلیه زینب توکوب گوزیاشی گوزدن سینه داغلیه زینب قلنن نیزه یاراسین قالوب باغلیه زینب و بو غمدن قد زینب کماندور آنام اوغلی . . بو صحرایه گلنده باجون یاریله گلدی علی اکبر و قاسم علمداریله گلدی نه نوعی گئده یالقوز چوخ انصاریله گلدی ولی همرهی شمر و سناندور آنام اوغلی . . ندن بیله یاتوبسان بو میدان آراسندا قالوب باشسیز عیالین بیابان آراسندا یارالی بیله یاتما قزل قان آراسندا اویان گور نجه شور و فغاندور آتام اوغلی . . سوزوم یوخ که لب عطشان کسوب باشوی عدوان نه انصافدور اما ایا خسرو خوبان بیله گون قاباقندا قالا پیکرون عریان باشون ظلمیله زیب سناندور آنام اوغلی . . دیسم نجم سمادن یاران جسمده چوخدی یقیندور یاراسیز یر بوگل جسمده یوخدی منی یاندوران اما بو اوچ شعبه لی اوخدی که قان چشمه تک اوندان رواندور آتام اوغلی . . هامو اهل عزایه علومی ایله خدمت سنه اردبیل اهلی ایدوب مهر و محبت ایله مطلعی بیرده او احبابه قرائت باجون زینبی دور گور اماندور آتام اوغلی

هارداسان گل یامان گونومدی آی بالا 🌾🍁🌾🍁🌾🍁🌾اصغریه زبانحال حضرت رباب در شام غریبان . . 🍃سبک_نوایی_نوایی 📣 حاج نادر جوادی اردبیلی . . فتح اللهی . . هارداسان گل یامان گونومدی آی بالا ورد و ذکریم اولوب وای بالا وای بالا ربابین سود امر مارالی اصغریم یارالی یارالی یارالی اصغریم . . . . کاش اوغول بوگجه سنیله قالیدیم صبحه جک صود ویروب گویلووی آلیدیم دمبدم هی ئوپوب لایلایون چالیدیم گوریدون ربابی وفالی اصغریم . . . . هر گجه رقیه سسلردی آی قارداش یوخلا باجون قربان یوخلا لایلای قارداش بو گجه سسلیور دمبدم وای قارداش کاش گلوب گوریدون بو حالی اصغریم . . . . گر بیلم هایاندا یاتوبسان گلرم وای بالام وای دیوب اشگیمی الرم سوسوزلوقون یاده هی سالوب ملرم چوللری دولاننام عزالی اصغریم .

🥀اهل بیت حسین بیر بلایه قالوب غارت_خیام یحیوی_اردبیلی🥀 نوحه راجع به شیر و فضه . 🍂سبک_خیمه_نی_سیلمیشم مشابه . مرحوم یحیوی اردبیلی . اهل بیت حسین بیر بلایه قالوب تاپمیور چاره زینب قالمیش آواره زینب یوخدی بیر دادرس نه علاج ایلسون بو گونی قاره زینب، قالمیش آواره زینب . فخر أئدردی گلنده یار و انصاره زینب ایندی محتاج اولوبدور بیر مددکاره زینب . . . جمع اولوب محنت ابتدا انتها قرعه ی امتحاندا کربلایه دوشوبدور ذره ذره بو غم آیریلوب پایلانوب ذره ی کایناته مأسوایه دوشوبدور هر بلایه دوشن عالم کونیده عترت مصطفا تک کیم بلایه دوشوبدور اضطرار بلا قهری ناچار ائدوب شیره یالواره زینب قالمیش آواره زینب . . . فضه تعجیل ائله سو یانیندا سؤله قولسوز عباسیم ایندی یأتماسون داده گلسون دی باجون زینبون ساعت سختی دور اکبریمی گوتورسون فوراً امداده گلسون اهل بیت حسین بحر طوفاندادور غرق اولا قویماسون تا قانلو دریاده گلسون دورت طرف دور و بر اود دوتوب آز قالور یانسون أودلاره زینب قالمیش آواره زینب . . هاردا قالمیش حسین هاردادور قاسمیم هاردادور عون و جعفر هاردادور یار و انصار فایده وئرمیور قوم بی همته هرچه آغلار سیزیلدار یالوارور قاره ساچلار ابن سعد لعین بو قدر ظلم ائدوب دویمیوبدور جفا دن ایلیور ظلمی تکرار نه علاج ایلسون فضه سعد اوغلینون چکدیگی چاره زینب قالمیش آواره زینب . . . قطع اولوب چاره میز گئت نجف سمتینه چوخ چتین وقتمیزدور سسله شیر خدانی عرض ائله یا علی ای پناه جهان یاتما دور گل نجفدن سیر ائله کربلانی کوفیان آتلانوب تازه فرمان یتوب پایمال ایلسونلر پیکر شهدانی درد سوزانینی بس کیمه سؤیله سون ایندی بی چاره زینب قالمیش آواره زینب

🍁باجی بو وداع آخریمدور هنگام شهادتیمدی زینب وداع عاصی_تبریزی وداع حضرت اباعبدالله الحسین علیه السلام . 🍃سبک_قارداش_یارالی_باشیم_قالوبدور مشابه🍃 . مرحوم عاصی تبریزی . باجی بو وداع آخریمدور هنگام شهادتیمدی زینب یغ باشیمه آل مصطفانی دیدار بو ساعتیمدی زینب . . سن باخما منه که غم پوزوبدور جاریدی عذاره اشک آلیم دوروبره ایلورم نظاره پوزقوندی اوزوم کیمی جلالیم اوز حالیمه هم سیزه باخاندا قلبیم یانور آرتوری ملالیم هر بیر غم و غصّه و محندن آرتوق بو مصیبتیمدی زینب . . پیراهن دامن حسینی واردور یری اشک ناب دوتسون آهیم شرری جهانی یاخسون دنیانی بو التهاب دوتسون یوخ بیر کمگیم بو غملو وقتیم زینب منه تا رکاب دوتسون یتمیش بیره دین کومکدن آیت باشسیز قالان عترتیمدی زینب . . باجی نه پوزول بیله نه آغلا نه سوزِ غمه اؤرک کباب ائت نه وور یوزیوه نه گل فغانه نه کثرت غمدن اضطراب ائت فرض ائت یوخوموش حسین ازلدن بو عالمی ده فنا حساب ائت هر حالده ویرمه صبرون الدن بو عُمده وصیتیمدی زینب . . سن مظهر خیرة النساسن سن دخت شهنشه عرب سن وار سنده مقام زینبیت سن معدن عصمت و ادب سن بیر کس سنه شاینده یتشمز سن فخر حسین و زین اب سن فخریم بودی هر ایکی جهاندا بیر جزو جلالتیمدی زینب . . بو وقعۀ کربلا او گونکه طرح اولدی تمام انبیایه بالجمله ایدوبله شانه خالی تن ویرمدیلر بو ماجرایه من لفظ قبول ویردیم اولدوم عاشق بو بساط کربلایه اول لفظ قبوله ایمدی دلدن هنگام اطاعتیمدی زینب . . فکر ائتمه بو دشتیده حسینون یوخدور کمگی قالوب اوغولسوز سن وحدتیمه باخوب اورکدن چکمه بئله آه خانمانسوز سن باخما یوخومدی یار و یاور دشمنلر ایچینده سانما یالقوز یر گوگ هامی بو عوالم اهلی آمادۀ نصرتیمدی زینب . . امّا بولوسن اولوبدی مخصوص تنها منه رتبۀ شهادت عزمیمده خلل تاپولماز اولسا ذرّات هامی سپاه نصرت ممکن دگی نفس قدرت الله پیدا ایده حاجت اعانت هر ذی نفسیکه وار جهاندا مرهون اعانتیمدی زینب . . ای فاطمه یادگاری زینب ناموس خدای حیّ غفار بو شیون و داد و آه و ناله هرگز دگی شأنوه سزاوار آخر گوروسن سن آغلیاندا خوردا بالالار سراسر آغلار هر چند اولان سیزه موثر بو محنت فرقتیمدی زینب . . چوخ وورما منی یول اوسته لنگه تیز سال یولا گتملی قوناقم خلوتگه یاره دعوتیم وار باشدان باشا شوق و اشتیاقم یوخ دورماقا فرصت و مجالیم بی طاقت و صبر و تابی طاقم اول دعوته عمریدن بو ساعت هنگام اجابتیمدی زینب . . مندن صورا غم مراحلینده سنسن باجی قائد قوافل همراهون اولور طریق غمده مین شوقیله حلقۀ سلاسل طی ایله حسین آدی دلونده وار عشقده هر نه که مراحل بولسونله ایدن ظهور سنده انوار هدایتیمدی زینب . . گوزدن هامی ماسوانی آتدیم سالک اولالی بو راه عشقه دل ملکنی سیرده سراسر مقهور ایلدیم سپاه عشقه وابسته اولوبدی اعتکافیم مقصورۀ خانقاهِ عشقه آغاز مراسم شهادت انجام ریاضتیمدی زینب . . اوضاع و عوالم شهادت قالمور او قدر تاپا نهایت ترک ایلمیشم تعلّقاتی وار الده ولی ایکی امانت بیر جان که لزومی واردی اولسون ایثار تجلّیِ شهادت بیرده بو رقیه دور که دلده سرمایۀ طاقتمیدی زینب . . قانیم توکولر ستمله ایلر تخمیر تراب کربلانی حشره کیمی خاک دلده ساخلار چون گوهر پر بلا او قانی اکسیر حیات اگر چه بیر گون بالفرض دوتا هامی جهانی رنجورلره علاج قطعی خاصیت تربتیمدی زینب . . من مفخر نفس کائناتم من علّت خلقت جهانم من سلسلۀ رُسُلدن ایمدی تنها یر اوزونده بیر نشانم با اینهمه بیر گجه گورر چرخ مطبخده کول اوسته میهمانم بیر قدرتیله او اعتکافیم ملزوم قناعتیمدی زینب . . مندن صورا قوم اشقیایه منهوب اولی خیمگاه عصمت یغمایه آچالّا ال اراذل تاراجه گیدر اساس شوکت تنها نه سنه نه اهل بیته برپا اولی شورش قیامت قان ایچره منیمده اُول زماندا غوغای قیامتیمدی زینب . . من باجی باش اگمرم یزیده گر وورسالادا سرِ سنانه ویرمم او لعینه دست بیعت ال گلسه زوال ساربانه حاشا من ایدم قبول ذلّت تن ویرمرم عزّت جهانه بو قانه بویانماقیم بو ئولمک برهان حقیقتیمدی زینب . . من باجی ذبیح کوی عشقم بو کرب و بلا منه منادور فخر ایلسه کربلا منایه زیبنده دی شأنینه سزادور ثاراللهه قارداشوندی مصداق قانیم باجی خون کبریادور کونینده عزّ و رفعتمدن بو اسم کفایتیمدی زینب . . عاصی که مقام التجاده گلزاریمه مرغ خوش سخندور مهمان شهیردور او یرده بیر عدّیه شمع انجمندور نالانیله فاطمی و عابد بیرده او که سیرتاً حسندور هر تک تکی موقف جزاده محتاج شفاعتیمدی زینب

شب عاشور بلا عاشقه وصلت گجه سی 🍁 هدایت_تبریزی شب عاشورا . 🍂سبک_یارالی_جان_یارالی … 4 سبک مشابه . . هدایتی تبریزی . شب عاشور بلا عاشقه وصلت گجه سی شهدا زمره سنه عشق و سعادت گجه سی . . جمع اولوبدور سعدا شاه شهیدین باشنا یوخ باخان مست می دلبرین آز چوخ یاشنا دوغرانا قارداشی سبقت دوتور اوز قارداشنا آیری بیر عالم اولوب خیمه ده وحدت گجه سی . . سوندروب لر چراغی عشقده بیگانه گئده تیره بختان شقی کوه و بیابانه گئده تک قالا دشمن آرا رهبر فرزانه , گئده ترک ائده بزم صفانی گئده سبقت گجه سی . . گئتدی بیهوده گلنلر قالئب اصحاب صفا جمع اولوب بیر یئره مستانه گروه سعدا تک تکی عاشق برجسته ی شاه شهدا ائدیب اظهار وفا تک تکی خدمت گجه سی . . ائتدی تکلیف هامیا ترک ائده لر معرکه نی یوخ مذمّت ائلین کوی بلادن گئدنی کیم قالا دوغرویاجاق پیکرینی قوم دنی مانعیز یوخدو گئدین مأمنه فرقت گجه سی . . هر نه تکلیف ائلیب میر هدا گتمه دیلر بیلدیلر کی قورولوب دام بلا گتمه دیلر اولدولار اؤلماقا حاضر سعدا گتمه دیلر گجه ده تاپدی شرف اولدو شهادت گجه سی . . شه بویوردو گلین اوز منزلزی رؤیت ائدین سیر جنّات ائلین عشق ده گرمیّت ائدین صبحه تک خیمه ده معشوقوزولا خلوت ائدین مجلس انسون اولار ارجهی خلوت گجه سی . . هر کس اوز منزلنی گوردو اولوب مست و خرام آرزو ایلدی تئز دام بلادن قوتارام صبح آچلسا دئدی کی جنّته شهپر آچارام چاتاجاق باشه هاچان بس بو مسرّت گجه سی . . دوتدی عبّاسه یوزون شه بویوروب بال و پریم دایاقیم , قول قانادیم , سرسپهیم , شیرنریم قدی طوبا گوزو شهلا یوزو قرص قمریم سنده گل منزلوه باخ بو حقیقت گجه سی . . دئدی جنّت منه سن سن سنه من قربان اولوم میر فردوس و عدن سن سنه من قربان اولوم حسنوه احسن حسن سن سنه من قربان اولوم فخریم آرتار گجه ام اولسا سنه خدمت گجه سی . . دولانیم باشوه قوی دفع بلا سندن اولا مگر عبّاسین اولوب صورتوین رنگی صولا قویمارام زاغ و زغن گلشن طاهایه دولا سون گجه ام سنله اولور عشقده بیعت گجه سی . . گوردولر قاسمی ده شوق شهادت واریدی التماسه دل آچئب قلب ده محنت واریدی واقفیدی اونا شاهون نه محبّت واریدی دئدی خوشدور منه ده اولسا بشارت گجه سی . . بو گجه شه دئدی عشّاق اوچون آخر گجه دی بعضی نین نوبتی تئز بعضیه نوبت گجه دی قاسمیم , سویله شهادت نظرنده نجه دی مستفیض ایله بیزی , گل دله قربت گجه سی . . دئدی بالدان دا شیرین شهد شهادتدی منه جان رکابنده وئرم اوج سعادتدی منه جانفدا اولماقین عشقمده نهایتدی منه قیل محبّت بو گجه اولسون عنایت گجه سی . . شه بویوردی سنه ده جام شهادت یئتشر شهدادن بیر اضاف عارض و محنت یئتشر آت ایاقندان اوغول چوخ چوخ اذیّت یئتشر گورونر گوزلره ظاهرده قیامت گجه سی . . ای هدایت گونو ای سیّد احرار جهان سنین عشقنله دولوب لحم و عظام و شریان شب عاشور بلا قلبیمه دولموش هیجان لطفوله باخ بو گجه ام اولسون ( هدایت ) گجه سی .