شب عاشور بلا عاشقه وصلت گجه سی 🍁 هدایت_تبریزی شب عاشورا . 🍂سبک_یارالی_جان_یارالی … 4 سبک مشابه . . هدایتی تبریزی . شب عاشور بلا عاشقه وصلت گجه سی شهدا زمره سنه عشق و سعادت گجه سی . . جمع اولوبدور سعدا شاه شهیدین باشنا یوخ باخان مست می دلبرین آز چوخ یاشنا دوغرانا قارداشی سبقت دوتور اوز قارداشنا آیری بیر عالم اولوب خیمه ده وحدت گجه سی . . سوندروب لر چراغی عشقده بیگانه گئده تیره بختان شقی کوه و بیابانه گئده تک قالا دشمن آرا رهبر فرزانه , گئده ترک ائده بزم صفانی گئده سبقت گجه سی . . گئتدی بیهوده گلنلر قالئب اصحاب صفا جمع اولوب بیر یئره مستانه گروه سعدا تک تکی عاشق برجسته ی شاه شهدا ائدیب اظهار وفا تک تکی خدمت گجه سی . . ائتدی تکلیف هامیا ترک ائده لر معرکه نی یوخ مذمّت ائلین کوی بلادن گئدنی کیم قالا دوغرویاجاق پیکرینی قوم دنی مانعیز یوخدو گئدین مأمنه فرقت گجه سی . . هر نه تکلیف ائلیب میر هدا گتمه دیلر بیلدیلر کی قورولوب دام بلا گتمه دیلر اولدولار اؤلماقا حاضر سعدا گتمه دیلر گجه ده تاپدی شرف اولدو شهادت گجه سی . . شه بویوردو گلین اوز منزلزی رؤیت ائدین سیر جنّات ائلین عشق ده گرمیّت ائدین صبحه تک خیمه ده معشوقوزولا خلوت ائدین مجلس انسون اولار ارجهی خلوت گجه سی . . هر کس اوز منزلنی گوردو اولوب مست و خرام آرزو ایلدی تئز دام بلادن قوتارام صبح آچلسا دئدی کی جنّته شهپر آچارام چاتاجاق باشه هاچان بس بو مسرّت گجه سی . . دوتدی عبّاسه یوزون شه بویوروب بال و پریم دایاقیم , قول قانادیم , سرسپهیم , شیرنریم قدی طوبا گوزو شهلا یوزو قرص قمریم سنده گل منزلوه باخ بو حقیقت گجه سی . . دئدی جنّت منه سن سن سنه من قربان اولوم میر فردوس و عدن سن سنه من قربان اولوم حسنوه احسن حسن سن سنه من قربان اولوم فخریم آرتار گجه ام اولسا سنه خدمت گجه سی . . دولانیم باشوه قوی دفع بلا سندن اولا مگر عبّاسین اولوب صورتوین رنگی صولا قویمارام زاغ و زغن گلشن طاهایه دولا سون گجه ام سنله اولور عشقده بیعت گجه سی . . گوردولر قاسمی ده شوق شهادت واریدی التماسه دل آچئب قلب ده محنت واریدی واقفیدی اونا شاهون نه محبّت واریدی دئدی خوشدور منه ده اولسا بشارت گجه سی . . بو گجه شه دئدی عشّاق اوچون آخر گجه دی بعضی نین نوبتی تئز بعضیه نوبت گجه دی قاسمیم , سویله شهادت نظرنده نجه دی مستفیض ایله بیزی , گل دله قربت گجه سی . . دئدی بالدان دا شیرین شهد شهادتدی منه جان رکابنده وئرم اوج سعادتدی منه جانفدا اولماقین عشقمده نهایتدی منه قیل محبّت بو گجه اولسون عنایت گجه سی . . شه بویوردی سنه ده جام شهادت یئتشر شهدادن بیر اضاف عارض و محنت یئتشر آت ایاقندان اوغول چوخ چوخ اذیّت یئتشر گورونر گوزلره ظاهرده قیامت گجه سی . . ای هدایت گونو ای سیّد احرار جهان سنین عشقنله دولوب لحم و عظام و شریان شب عاشور بلا قلبیمه دولموش هیجان لطفوله باخ بو گجه ام اولسون ( هدایت ) گجه سی .

ای عم اوغلی گتوروب درد و غمون جانه منی راه_شام 🍃🍃🍂🍂🍃🍃🍂 زبانحال عروس در راه شام خطاب به سر مبارک جناب قاسم(ع) . سبک_یارالی_جان_یارالی … . مرحوم حاج رضا صراف تبریزی . . ای عم اوغلی گتوروب درد و غمون جانه منی سالوب آهو کیمی بو دشت و بیابانه منی . . نه بولر سلسلۀ عشقه دوشن عار ندور جور بیگانه ندور، طعنۀ اغیار ندور باخمارام دیر و کلیسا ندی، بازار ندور گئدرم جذبۀ عشقون چکه هر یانه منی . . من عزیزم گرک عالمده اولام عزّتیلن هودج تخت روانیم چکیله حرمتیلن ایندی هودج یئرینه اهل جفا ذلّتیلن میندیریبدور باش آچیخ ناقۀ عریانه منی . . نیزه باشیندا باشون گون کیمی جولانه گلوب نه تجلّادی، تماشاسینه بیگانه گلوب چکمیشم هر نه مصیبت، بو چوروک جانه گلوب اؤلدورور ایندی ندیم طعنۀ بیگانه منی . . من مریض غم عشقم، منه تدبیر ندور زلف زنجیری بسیمدور، داخی زنجیر ندور بولمورم آتش آهیمده کی تأثیر ندور قویوب عالمده بو نوعیله یانا یانه منی . . گئتمرم شامه عم اوغلی، بویور آخر نئدرم معجریم یوخسا یوزه زلفومی حایل ائدرم آلمیشام گوشۀ ویرانه سراغین، گئدرم خانه ویران ائده تا منزل ویرانه منی . . نیزه ده بیرجه دولان حال پریشانیمه باخ دل بریانیمه باخ، سینۀ سوزانیمه باخ قاریشیبدور گؤزیمون یاشی جگر قانیمه باخ نئجه گؤز غرق ائیلیوب لاله صفت قانه منی . . عقرب زلفی قرین مه تابان ائلدون من پریشانی عجب زار و پریشان ائلدون سینه می ناوک مژگانیله شان شان ائلدون ائلدون خانۀ زنبوریله هم خانه منی . . اگلنوب آیینۀ حُسنوه کونلوم کیمی گرد دوزولوب عورت، اوشاق، پیر و جوان و زن و مرد هامینون فکری بودور دردیمون اوسته قویا درد گتیروب نی کیمی بو درد و غم افغانه منی . . بو قدر زلفوی رخساره نقاب ائتمه گیلن بوندان آرتیق منی گل خانه خراب ائتمه گیلن قوی جمالون گؤره شام اهلی، حجاب ائتمه گیلن چون بولور قوم جفا، بوش یئره دیوانه منی . . آغلارام بزم مصیبتده سنه تا ساغَم شهر #تبریزده صراف کیمی دوستاقم نئچه مدتدی سنون درگهوه مشتاقم ایسته حضّاریله بو وقفه قربانه منی؟ . .

🔳 شهادت_امام_سجاد(ع) 🌴روضه امام سجاد علیه السلام 🌴از گلستان لاله های پرپرم آید به یاد 🎤 سید_مهدی_میرداماد 😭روضه

روز و شب دائم حسینه اوغلى سجاد آغلادی 🍁🍁🍁🍁🍁🍁🍁🍁 گریه های حضرت امام سجاد (ع) بعد از وقایع کربلا . 🍁سبک_زینبم_جان_اوستیم … 4 سبک . مرحوم کهنمویی . روز و شب دائم حسینه اوغلى سجاد آغلادی کاخ ظلمی ایلدى اشگیله بر باد آغلادی . . آغلادی بو آغلاماقدا خلقی بیدار ایلدی قویمادی گیزلینده قالسون کشف اسرار ایلدی آغلادی ظالم لری انظارده خوار ایلدی جور و ظلم شامیانی ایلدی یاد آغلادی . . عاقل ایلر خانۀ ایمانی آباد آغلاماز حاجت ثروت ایدر مِسکینی دلشاد آغلاماز بند دشمنده گر اولسا مرد آزاد آغلاماز کیم گوروبدور ائتدی ناله مرد آزاد آغلادی . . بو امام بی کسه یوز وئردی بیر أمر عجیب کیم اولوبدور ئوز ایوینده زادگاهینده غریب آشنا و یار و احبابیندن اولدی بی نصیب بزم غم ئوز منزلینده ائتدی ایجاد آغلادی . . کیم دیر دنیاده هر بیر آغلاماق مذمومدور کیم دیر قورخسا خدادن گریه نامفهومدور آغلاماق اثبات حقده شیوۀ مظلومدور دینه گوز یاشیله گوردوخ ائتدی امداد آغلادی . . آغلادی آدم بهشتین فرقتینده صبح و شام ترک اولادن ایدوب توبه سزیلداردی مدام تا قبول ائتدی دعاسین کردگار لاینام ایلدی حوانی ده بو امره ارشاد آغلادی . . آغلادی یعقوب ، یوسف فرقتینده ماه و سال عارضه گوز یاشینی توکدی به امید وصال ائتمدی توبیخ اونی هرگز خدای لایزال تا اولونجا یوسفی زنداندان آزاد آغلادی . . عاشقه هر کس رقیب اولسا کراهت ایلمز آغلاماقدا عاشقی هرگز ملامت ایلمز عاشق ئوز عشقینده اظهار ندامت ایلمز فرقت شیرین ده سمی چکدی فرهاد آغلادی . . آغلادی زهرا یتوردی خلقه منویّاتینی تا گیدوب مسجد ده ائتدی حقینون اثباتینی پوزدی غاصب دولتین معناده تشکیلاتینی ایلدی غصب فدک امرینده ایراد آغلادی . . رسم دنیا بیله دور هر بیر عملده وار اثر هر نهاله وئرمه سن سو خشک اولار وئرمز ثمر گورموشوخ دنیاده چوخ گوز یاشلاری گتدی هدر تیر خورده صیده باخدی گاه صیّاد آغلادی . . گرچه اشگ شور آخار گوزدن وئرر شیرین ثمر اولمادی زینب کیمی بیر آغلیان بیر نوحه گر ایلیوب کاخ یزیدی اشگیله زیر و زبر مجلسینده ایلدی بیر خطبه ایراد آغلادی . . ائتدی فرمایش اوتان ای بی حیا ایله حیا شرب خمر ائتمه حریفیله قماری اویناما قانلو باشه وورما چوب خیزران ائتمه جفا گورموسن خردا اوشاقلار چکدی فریاد آغلادی . . « کهنموئی » سنده توکمه گوز یاشون بیجا یره باغبان لازمدى مُثمِر بیر نهاله سو وئره تا اولاندا فصل میوه شاد اولوب میوه دره چوخلاری محروم اولوندی اولمادی شاد آغلادی .

چوخ آغلاما گلمه دیله یاندیم بالا لایلای 🥀🥀🥀🥀🥀🥀🥀🥀 زبانحال مادر حضرت علی اصغر علیه السلام . سبک_ای_باد_صبا_کرببلایه_گذر_ایله …. 7 سبک . مرحوم تائب تبریزی . چوخ آغلاما گلمه دیله یاندیم بالا لایلای یاندورما آنان بیر بیله یاندیم بالا لایلای . . سو یوللارینی باغلادی بو فرقه کافر گلزار پیمبرده سارالدی هامو گل لر مطلق قورولوب خیمه ده بیر عالم محشر عطشاندی هامو قافله یاندیم بالا لایلای . . یات ایلمه چوخ ناله منیم روح روانیم آرام دوت آرام دلیم صبر و توانیم نیلوم بالا بیر قطره سویا یوخدی گمانیم دوشدوم من عجب مشگله یاندیم بالا لایلای . . گورّم سنی سالموش عطشون سوزی بو حاله دلسیز بالا دل یوخ گله سن نطق مقاله بسدور بیله یاندیرما منی ایلمه ناله بی کس آنان ای کاش ئوله یاندیم بالا لایلای . . حسرتله دولاندیرما بیله چشم خماری حسرت باخیشون اودلوری بو زار و فگاری لایلای بو یانان قلبیمین ای صبر و قراری گلمه بیله نی تک دیله یاندیم بالا لایلای . . صبریم ایوین آز سیل سرشگیله خراب ایت بیر بیله خراش ایتمه عذارون بالا خواب ایت اوز لبلرون آز ام من نالانی کباب ایت گلمز بیر ایچیم سو اله یاندیم بالا لایلای . . یوخسا دگو شَطّین سویی مهریۀ زهرا بس نولدی حرام ایتدی سنه فرقۀ اعد سن سودامریم نسل پیمبر دگوسن یا رحم ایتموری قوم دله یاندیم بالا لایلای . . ای غنچه گلوم سولما که گل غنچه سی سولماز دوشموش بالا بیر درده آنان چاره سی اولماز تشنه آنالار سینه سی هرگز سوده دولماز مشهوردی بو مسئله یاندیم بالا لایلای . . بوللم سنی سوز عطشون یاندیروری چوخ نیلوم آنان ئولسون بالا بو خیمه ده سو یوخ صبر ایله که حاضر ایدوب اوچ شعبه لی بیر اوخ سیراب ایده جاق حرمله یاندیم بالا لایلای . . سینم گُلی گَلمه بو قدر ناله و زاره بو سینه می دیرناقویله ایلمه یاره یوخدور بیر ایچیم سو آنان ئولسون ندی چاره فریاد ایلمه بیر بیله یاندیم بالا لایلای . . یات گلشن امیدیمن ای ذوق و صفاسی سو ایستمه آغلار گوزومون نور و ضیاسی قویما قالا باشوندا علی جان سو هراسی پیکان گتورَر حاصله یاندیم بالا لایلای . . عطشان بالا بیر بیله تلاش ایتمه اوساندون یوردون اوزیوی خسته اولوب جانه دایاندون ئولسون بو آنان اولمادی بیر جرعه سو یاندون واردور پری ایتسن گله یاندیم بالا لایلای . . تائب بیزه بیر عمر بالا نوحه سرادی گوز یاشی نثار ایلر ایشی داد و بکادی خوشدور سوزونون اوّلی ذکر اولسا سزادی چوخ آغلاما گلمه دیله یاندیم بالا لایلای

ای باد صبا کرببلایه گذر ایله اوردا یارالی تشنه حسینه خبر ایله مداح#مرحوم حاج سلیم موذن زاده اردبیلی🥀 🥀🌾🥀🌾🥀🌾🥀🌾🥀🌾🥀

🥀 حضرت رقیه سلام الله علیها 🥀 🏴 📝استاد غفاری اردبیلی سبک:ای کربلانون صودامرجیرانی اصغر ای بلبل شیرین سخن لایلای رقیه ویرانه ده مظلوم ئولن لایلای رقیه آدون قیزیم پاینده دی/سندن بیبون شرمنده دی ایوای رقیه/لایلای رقیه تپراقون اوسته یاتماای زهرانشانی سنسن عزیزیم زینبین آرام جانی قول باغلی اولدون شهرشامون قهرمانی ظالملری رسواائدن لایلای رقیه عشقون باشونداتاج اولار/عالم سنه محتاج اولار ایوای رقیه/لایلای رقیه اولدوزکیمی آخدون گجه ویرانسراده نسگیل اولاربومحنتون زین العباده قالدی سنون حسرت گوزون کرببلاده اولدی سنه غربت وطن لایلای رقیه دیداره دلبرگلمدی/قارداشون اکبرگلمدی ایوای رقیه /لایلای رقیه قالدی حسینیم قوملاراوسته پیرهنسیز کرببلاده نورچشمیم قالدی من سیز سنده گئدورسن وای منه قبره کفنسیز ئوزکوینگون اولدی کفن لایلای رقیه قلبیم سنه پیوسته دی/یات خرداجسمون خسته دی ایوای رقیه/لایلای رقیه مندن نه گوردون داشیمی آتدون عزیزیم اولدوزکیمی ویرانه ده باتدون عزیزیم کوسدون یاتان بختیم کیمی یاتدون عزیزیم قالدی چراغسیزانجمن لایلای رقیه قویدون منی دنیاده تک/دشمن ایچینده بی کمک ایوای رقیه/لایلای رقیه دوزدون فقط اوچ ایل قیزیم غم ماجراسین زینب بیبون چکدی ولی دنیابلاسین الله یتیمون مستجاب ایلردعاسین درگاه حقدن ایسته سن لایلای رقیه وئرسین منیم درمانیمی/غمدن قوتارسین جانیمی ایوای رقیه/لایلای رقیه

‍ 🌾بسم الله الرحمن الرحیم یارحیم یارحمان ویارحیم🌾 🏴 السلام علیک یا بنت الحسین یازهرای سه ساله کیم اولسا درده مبتلا رقیه دامنین دوتار گلر مریض بی دوا رقیه دامنین دوتار ویروب مدال افتخار او مه جماله فاطمه آلاندا شامی آدینه یازوب قباله فاطمه علم وروب خرابیه همان سه ساله فاطمه گیدر غریب و آشنا رقیه دامنین دوتار گر ایتسه خاک پاسینه نظر بو اوچ یاشندا قیز ایدر نظرده تپراقی گهر بو اوچ یاشندا قیز دی حاجتون نه ایسته سن ویرر بو اوچ یاشندا قیز غم اهلی دلده مین نوا رقیه دامنین دوتار اگر مریض عشقیسن واروندی تربته نیاز توسل ایله صدقیله رقییه پس از نماز ئوزی او قبری گورمیوب ولی سنه یازار جواز که عاشقان کربلا رقیه دامنین دوتار نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قباراولان ایاقلارا ادبله سالک وفا رقیه دامنین دوتار سلام او نازدانه نین جلال و افتخارینه که دردمندلر گیدوب دخیل اولار مزارینه گر اولسا معنوی گوزون باخارسان اعتبارینه فرشتگان نه سما رقیه دامنین دوتار اما بوخانم جان ویردی زینبین علاجی هر یردن اوزولوب یوزون دولاندردی کربلایه هایانداسان آی ابوالفضل اوزون قولون قربان بالامین عمری آز اولدی ملالی طولانی قولی کی یوخدی دیم گل اقلی قبرینی قاز غساله گلدی غسل ویره گوزی چاتاشدی اوبالانین بدنینه چکیلدی کناره سسلنده اولما بیزی فقر اوسته گورورسن مایوس المز صاحب احسان خرابه تپراقه اگر سالسا نظر سید سجاد سرتاسر اولار لعل بداخشان خرابه باخما اونا یوخ فرش اوتورموش قوری یرده دنیایه سلیماندی سلیمان خرابه عرض ایتدی خانملار من ئوزوم یارحسینم گیزلینجه نه مدتدی عزادار حسینم هرچند یزیده بئله بیر سوز دیمگ اولماز الرده ئولوب بوبالا غسل ایلمک اولماز زینب باخوب اعضاسینه نیلی یری اوپدی یوزدن آیروب زلفون سیلی یرین اوپدی قبرین قازوب ئوز کوینگینه بوکدی بالانی قبره قویوب آهسته بلند اولدی فغانی سعی ایلدی کی هرچند تسلیم اولا صبره اما اورگی گلمدی تپراق توکه قبره سسلندی خانم زینب غساله الین ساخلا زینب گوزونی اوپسون اونان کفنون باغلا دیدی غساله اوشاقیدی وقتی بابام ننم زهرانین کفنین باغلیردی باش بندین باغلامادی ،اشاره اله دی دیدی قیزیم گل یوزوی قوی ننوین یوزونه گلدیم کفنی کنار اله دیم ایستدیم یوزومی قویام یوزونه گوردوم یوزی بئله گوریب ایستدی رقیه نین ده معجرین وره کنارا یوزون قویا رقیه نین یوزونه گوردی الله یوزی بئله گوریب دیدی بالا دائم قره معجر سالان عمون سنه قربان آرامینی غملر آلان عمون سنه قربان قارداشسیز اوغولسوز قالان عمون سنه قربان

🥀روضه راه شام🥀 🏴 ‍ من بیر قیزام شیرین شیرین سوزوم وار کمان قاشم شوه کیمین گوزوم وار اوچ ایل گچیب هله تولدمنن منده نجه دویولمگه دوزوم وار من بیر قیزام زمانه ساتدی منی قزل گل تک غمدن ساراتدی منی ساربانلار قولاریمی باغلادی سویگونچولار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ (ئوزون بیر مجسم اله ایوینده بالان اولسا بولرسن گئجه نین عالمی بو بالا قالدی چولده چوخ یورقونودولاربیر وقت گوزون آچدی گوردی کاروان گدیب قالب قرنلق چولده بیر صاقا قاشدی بیر صولا قاشدی اله دیردی) من بیر قیزام دردیمی یوخدی بولن غصه توزون قرا تلیمنن سیلن ئولسم اگر بو وحشتلی دمنده کیم غسل ایلر منه کیم ایلر کفن هیچ بولمورم گیدیگیم یول هارادی گئجم کیمی گوندوزومده قرادی بابا عممه ده یورقونلاری یوخلاسون گلنمیرم ایاقلاریم یارادی (نقدر الشدیلر نیزه ده کی اباعبداللهین او یارالی باشوی اوردیدی حرکت المه دی گوردولر آقانین گوزونن قان یاش گلیر گوردولر امام زین العابدین آقا گلدی دایاندی یارالی باشون قاباقندا بابا نیه گیتمیرسن بابا گورورسن بولار بهانه آختارور باجیلاریمی دویه لر عمه لریمی دویه لر بابا نیه دایانبسان گوردی الله بابانن گوزونون گوشه سیندن قان یاش گلیر باخور شامین یولونا بالام قالب یولاردا . زجر ملعون چوخ بیر نامسلمانیدی یولادلار بوبالانین دالسیجا بیر شیخ دییر گوردوم بو سرعتیلن کی بو نامرد گدیر بو بالانی سالم گتیرمیاجاخ دیدیم قوی منده گدیم بونا گوروم بو بالانی شاید الیه بولم بو نامردین الینن قوتارام تا یتیشدیلر اله کی بو بالانی گوردی اول ایش کی گوردی عوض اینکه اوبالانین نازین چکه اولده بیر محکم سیلی وردی اله باخدی دیدی ظالم) ئولدورمه باغلا قولاریمی سال قباقیوه ئولدورمگ ایسته سن اونادا حاضرم گینه اما بو چولده قویما بو محنت دچارینی سال نعشیمی آت اوسته آپار زینب عممه (راوی دییر من دیدیم قیزیم بو چولری سن گلنمه سن پیاده گل منیم ترکیمه سوار اول باخدی باخدی دیدی ) یا شیخ چوخ مروتلی شخصیسن اما بو یرده منطقیوین اشتباهی وار نامحرمیله بیر آتا مینمز حسین قیزی عمم دیوب بو بیر عملین چوخ گناهی وار بو تیکانلار آراسنان ئوزومه یول آچارام سیز چاپون آتلاریزی منده پیاده قاچارام 🎤حاج محمدعاملی

🥀‍ استمداد از حضرت زهرا در شهادت حضرت رقیه(سلام الله علیها)🥀 🏴 ایاقون ئوپدی حسین کرب وبلایه گده سن یومِ عاشوریده اول قانلی منایه گده سن ئوپورم منده الون بذرِ محبت اکسن اولسا امکانی اگر شامه ده بیر باش چکسن دئمورم باشیمیزه کول توکولنده گلَسن دئمورم قامت لیلا بوکولنده گلَسن بالامین رختینی غساله سویاندا گل آنا اوچ یاشیندا نَووی قبره قویاندا گل آنا توکدی سویی غساله ایسلاندی قراتلر ایسلاندقیجا تللر آغلور قره معجرلر سسلندی خانم زینب غساله الین ساخلا زینب گوزونی اوپسون اونان کفنین باغلا (زینب دیدی قیزیم دردین ندی؟ دییر بالانی دانشدردم الیمی چکیرم باشنا جواب منه ویرمیر. قیزیم رقیه آی ننمه بنذر بالا سنون نیوندی بو گئجه؟ دیدی عمه جان یاپش الیمنن ایسترم گیدم بابامن دیدارینه ایلشدی دیدی عمه سنده ایلش یورقونسان یورقونام دیدیم رقیه به نیه منه جواب ویرمیرسن دیدی عمه الیوی قوی یوزومه ) عمه با سمت چپ صورت من حرف نزن سیلی زجرگرفته شنواییه مرا آنجا رقیه فهمید بابا دوبخش دارد بخشی بروی صحرا بخشی بروی نیزه آی قلبیمون قراری لای لای رقیه لای لای عاشقلرون نگاری لای لای رقیه لای لای سینم سنون یروندی تپراقلار اوسته یاتما آی خوش صدا قناری لای لای رقیه لای لای الله نگاریم ئولدی دل خسته یاریم ئولدی قالدی الیم بلیمده دارو نداریم ئولدی لای لای یارالی لای لای 🏴