ای قوم بی شرم و حیا بو عالمه مولا منم 🌾▪️✨🌾▪️✨🌾▪️✨ #اتمام حجت امام حسین مرحوم محمود شعاعی اردبیلی . ای قوم بی شرم و حیا بو عالمه مولا منم ماه محرّم تشنه سی سلطان عاشورا منم . . منسیز بنا دوتماز بو گون ترکیب عالم بند و بست منسیز دوام ایتمز داخی ارکان هر بالا و پست منسیز نظامیندن دوشر عالم تاپار یکسر شکست سرّ خفیاتی ایدن عالملره پیدا منم . . من سرّ غیب وحدتم همراز بزم قربتم کون و مکانه علّتم دوقّوز سمایه زینتم سگّیز بهشته بهجتم یدّى یره بیر حجّتم مصداق کلّ خلقتم دنیا و مافیها منم . . منسیز پیمبر اولمادی عالمده جدّیم مصطفی منسیز خلافت ایتمدی حیدر بابام شیرخدا منسیز جهاندا اولمادی بانو آنام خیرالنّسا قرآن منزل مهبطی اول عبد ما اوحی منم . . منسیز پوزولماز سیّئات منسیز یازیلماز محسنات منسیز آچیلماز مشکلات منسیز گورنمز معجزات منسیزدرست اولماز صلاة منسیز دوزلمز حادثات منسیز یارانماز ممکنات چون عالمه اجزا منم . . کنز خفیّاتی منم عالمده قیلّام آشکار بو ماسواللّهه منم باعث منیمدی هر نه وار مندن تاپوب لوح و قلم عرشیله کرسی اقتدار حکم قضا منشی سینون تقدیرینه انشا منم . . تاپدی قدومیمدن شرف انوار سدر المنتهی قدری جلالیمدن آلوب زینت او عرش کبریا بیر طفلیدیم قیلدی منه گوگده ملکلر اقتدا دوقّوز گوگه معراج ایدن طفل فلک پیما منم . . من مکّه نون میناسیم ملک حجازون سروری هم یثرب و بطحاسیم میقات و زمزم مشعری هم مسجدالاقصاسیم بیت الحرامون منبری هم مروه هم رکن صفا هم طور و هم سینا منم . . منسیز سیزه امّتلره محشر گونی یوخدور نجات منسیز بهشته کیم گیدر گر اولماسا مندن برات منسیز باغیشلانماز صاباح روز جزاده سیّئات وای حالینه سیز امّتون محشر گونی دارا منم . . بوچولده ئولدوردوز منیم یدّی جوان قارداشیمی آلدوز الیمدن اکبری قان ایلدوز گوز یاشیمی ایندی گلون دالدان کسون امّت یولوندا باشیمی امّتلره قربان اولان قربانِ بو مینا منم . . رحم ایلیون من بیکسه من شاه محشر اوغلیام روز جزا امّتلرون دردینه داور اوغلیام یاندیم منه بیر جرعه سو سقّای کوثر اوغلیام کوثر عوض قیلّام سیزه چون کوثره سقّا منم . . صونرا دیون شمره گلوب توکسون بو چولده قانیمی بو گون یتورسون آخره بو عهدیله پیمانیمی نذر ایتمیشم امّتلره عطشان بو چولده جانیمی تشنه بو چولده جان ویرن عطشان بو صحرا منم

ایستیوب گورسون منی قان ایچره جانانیم منیم #حسینیه 🥀▪️✨🥀▪️✨🥀 #اتمام حجت امام حسین علیه السلام . مرحوم ضیائی اردبیلی . ایستیوب گورسون منی قان ایچره جانانیم منیم ایلرم جانانه قربان اولسا مین جانیم منیم . . تاجر عشقم من اولدوم قید ملکیندن بری نقد جان الده متاع عشقه اولدوم مشتری عاشقم من نیلورم یاقوت و درّ و گوهری قطره قطره لعل تک آخسون گرک قانیم منیم . . سالک راه ولایم جان ویرم بو راهیده سو کیمین آخسون گرک قانیم سبیل اللهیده تخت عشقی قورموشام ملک فنا فی اللهیده ئولمگیم دور انتهای سیر عرفانیم منیم . . روز ازّل هر بلایه چون بلى سؤیلوب دلیم چکمگه درد و بلا گلدیم بو یردور منزلیم راضیم عبّاسیم ئولسون تشنه لب سنسون بلیم سنماسون اول ایتدیگیم عهدیله پیمانیم منیم . . قانه باتسون تل به تل تر زلفلر سنبل کیمین یاره لر عریان بدنلرده آچیلسون گل کیمین ناله لر قیلسونلا مرغان حرم بلبل کیمین طرفه الوان گللر آچسون بو گلستانیم منیم . . گر خلیل الله عمرینده ویروب بیر تک فدا او خلیل اللهیدور من هم خلیل کربلا بو اولا فرقیم اونیلا تا قورام من بیر منا ذبح اولا بیر گونده یتمیش تشنه قربانیم منیم . . بیله عهدیم وار تنور خولیه مهمان اولام داخل بزم عبیداله بی ایمان اولام بعد از آن شامه روان با دیدۂ گریان اولام نیزه باشینده باشیم هم دلده قرآنیم منیم . . نور یوخدور درک ایده نوریم عیون کوریده مشتقم بیر نوریدن مین نورم هر بیر نوریده صد هزاران وادی هر وادیده طور هر طوریده واردی مین موسی بن عمران محو و حیرانیم منیم . . معنی تطهیر ذاتم طیّب و طاهر منم بیردی پیدا و نهانیم باطن و ظاهر منم منبع ایجاد خلقم اوّل و آخر منم منده دور یکسر صفات حیّ سبحانیم منیم . . بسکه اولموش پیکریم مملوّ عشق اللهیلن اوچ یوز آتمیش آلتی رگ دولموش خیال اللهیلن مست اولوب یکسر شراب جام حب اللهیلن دورد مجازیم ، بش حواسیم ، چهار ارکانیم منیم . . بیر اشاره ایلسم عالم اولار فوراً فنا قادرم ایتسم بو دنیادن صورا دنیا بنا مطلبیم اتمام حجّتدن بودور روز جزا اولمیا عُذروز اولا اثبات برهانیم منیم . . بو مصیبتدن خلایق قیلسون افغان آغلاسون شیعه لر حشره کیمین زار و پریشان آغلاسون الده نظم غم «ضیائی» ثبت ایدوب قان آغلاسون یاده سالدوقجان بو حال زار و نالانیم منیم