اهل عالم زینبین حیران دی قارداش صبرینه #اربعین 🏴🏴🍁🏴🏴🍁 #حاج حسن رسالور . اهل عالم زینبین حیران دی قارداش صبرینه کوفه و شامی دولاندی گلدی قارداش قبرینه . گلمدی زینب حسینیم قبریوه إئتسین گله بلبل شوریده گلشنده دیر دردین گله . سانه گلمز غملریم ائتسم اگر بیر بیر رقم غصّه دن زلفوم آغاردی قدّیمی غم ائتدی خم . واردی باجی قارداشین عالمده آیری عالمی باجی قارداشه دیر اولسا اورکده هر غمی . واردی منده مرتضی شیر خدانین غیرتی زینب کبری قبول ایتمزحسینیم ذلّتی . گیتماقا بزم زیاده من حسین عار ایلدیم گیتدیم اما أوز ایوینده دشمنی خار ایلدیم . ایسته دی آل علینی خار ایده ابن زیاد منده ایتدیم مرتضا شیر خدانی اوردا یاد . غیضه گلدی قانیله دولدی کور اولموش گوزلری خلق ایچینده خار اولوب دوشدی اثردن سوزلری . ایستدی اول بزمده ظلمون او ظالم بولدوره دوشدی بو فکره بالان، سجادی قارداش ئولدوره . اهل بیتون همّتیله ویردی اوردا ال اله دوتدی یکسر مجلس ابن زیادی ولوله . من حسین کوفه جفاسیندن بیان ایتدیم سنه سنده خولینون تنوریندن بیان ایله منه . ایلیوب الله سنی شأن و جلالت صاحبی قانلی باشون دیرده ایتدی مسلمان راهبی . چارم اولسا الده قارداش قبریوی ترک ایتمرم قبریوه اولّام مجاور یثربه من گیتمرم . کربلا دن شامه جان، نازلی رقیّن آغلادی غصّه مرگ اولدی بالان، قلبین اونون غم داغلادی . گولمدی بیر آن یوزی، بو گردش ایامیده ظلمیله ئولدی بالان، دفن اولدى قالدی شامیده . ای «رسالیور» قلم باشه یتوردی سوزلرون هر نه نقدری آغلاسا آزدی حسینه گوزلرون . زینبین درد و غمی کون مکانی داغلادی باجینون احوالینه، قبرینده قارداش آغلادی . . . #اربعین #حسن_رسالور #اهل_عالم_زینبین_حیران_دی_قارداش_صبرینه #ترکی @rozevanoheayammoharramsoghandi