ورود اهلبیت به شام زینب کبری و تماشاچیان زینبم من کربلادن ، دیده گریان گلمیشم یوخدی خوشگلدون ایدن ، من شامه مهمان گلمیشم شامیان گورسون مسافرلر ، اوزاق یولدان گلوب کربلاده بذل ایدوب ، یتمیش ایکی قربان گلوب داغ چکیلمیش سینه سینده ، خانه سی ویران گلوب شامه بی معجر اوزاق یولدان گلن زینب منم شامیان زهرا قیزی ، داغلار گورن زینب منم آل سفیان مسقطنده ، ظلمه آغاز ایلدوز عترت پیغمبری ، زیبنده ، پیشواز ایلدوز ! دین ایوین یخدوز یزیدی ، سیز سر افراز ایلدوز توکدوقوز قان ، ووردوقوز تهمتدن ، آیا دیموسوز ؟ هی وور سوز طعنه لر ، یوللاردا راحت قویموسوز بو شماتت دیل یاراسی ، اوخ کیمی اوخلار منی یدی قارداش ئولمگی ، بو سینه دن داغلار منی آلدوز عباسی الیمدن ، قویموسوز آغلار منی عترت پیغمبروق ، سیز ایتمدوز حرمت بیزه تازه دن کفره قیتدوز ، شامیان لعنت سیزه جمع اولوبسوز ، بو عراق و شهر شامه ، وحشیلر عرصه نی تنگ ایلدوز بی کس امامه ، وحشیلر عابد بیماری اوخشاتدوز غلامه ، وحشیلر ایندی آل اللهه بی حرمت تماشا ایلدوز دینی تحقیر ایلیوب اللهی حاشا ایلدوز معجری یوخدور باشندا ، گیزلنوب بیکس رباب خیرداجا قیزلار یوزینه ، ساشلارین ایتمیش نقاب آل طاهانی ایدوبسوز ، ظلمیلن کشف حجاب کور اولون ، شرم ایلیون باخمون عیال حیدره گر بیزه رحم ایتمسوز ، رحم ایلیون پیغمبره خارجی آدلاندیروبسوز ، زاده ی پیغمبری روح اکبر آغلادی ، لیلادن آلدوز معجری ناقه ی بی محمل اوسته ، گتدوز آل حیدری کربلا دشتینده سیز ، پیغمبری آغلاتمسوز دینی دنیایه ندن ، ای شامون اهلی ساتمسوز ؟ هانسی باجی من کیمی ، ئولدی سوسوز قارداشلاری نیزه باشینده دولاندور دوز ، کسیلمیش باشلاری زینبی آغلار قویوب ، باشه آتوردوز داشلاری مصطفانی خوار ایدوب ، سفیانی دوتدوز سیز عزیز بی حیالر ، ایسته دوز پیغمبر اولادین کنیز کربلا دشتینده طغیان ، ایلدوز ای اهل شام بارگاه احمد مختاری یاندوردوز تمام شارب الخمری ، ایدوبسوز ایندی اسلامه امام صور اسرافیل اولوب ، مردم گلنده محشره پس ندور اوندا جوابوز ، حضرت پیغمبره ؟ باش کسیرسوز ، داش توکورسوز،غرفه لردن داغلسوز حضرت زهرا قیزین ، ویرانه لرده ساخلسوز اشک تمساحی ، توکوب ، بیجا یئره قان آغلسوز سیز اسیر ایتدوز بیزی ، تحویل ویردوز دشمنه یدی قارداشیم ئولوبدور ، وای منه ایوای منه سقف سیز ویرانه ده ، محبوس و زندان ایلدوز سیز امام عابدی ، بو یئرده دربان ایلدوز زینبی ویرانه ی شامه نگهبان ایلدوز ناز پرورده اوشاقلاریم ، قالوب بو یئرده آج هم اسیرم هم غریبم ، قاموشام من لاعلاج گبر و ترسا و نصارا ، ایلیور حرمت بیزه ای آدین اسلام قویانلار ، ویرمدوز قیمت بیزه آز شماتت ایلیون سیز ، آز وورون تهمت بیزه مصطفی و مرتضانی ، زار و گریان ایلدوز حضرت زهرا قیزین ، سیز خانه ویران ایلدوز بیر بیله ظلم و فسادی ، اهل ایمان ایلمز سیز گورن بو ایشلری ، هیچ نامسلمان ایلمز هیچ بیر انسان ، اوز قوناقین ، قانه غلطان ایلمز کربلاده حسرت ایتدوز ، بو مباح اولموش سویا قویدوز آغلار بیزلری ، الله سیزی آغلار قویا پشت و پا ووردوز ، اصول دین و اسلامتیّته شرکه سوق اولدوز ، مخالفدور بو وحدانیّته واقعاً بیگانه سیز ، دنیاده انسانیّته تولادی دنیا سیزی ، سیز زر خرید اولدوز گیدون باخمیون نامحرمه ، ای شامین اهلی شرم ایدون (( نادری )) یاز مجلس اهلی سنله اولسون هم صدا ای حسینون باجیسی زینب سنه جانلار فدا سن او استبداد ایچینده ، خطبه لر قیلدون ادا بیدق خونین اسلامی ، او گون آلدون اله سن حجازیله عراق و ، شامه سالدون ولوله هر یئره گیتدون بو ظلمی ، خلقه اعلان ایلدون آل سفیانی شهامتله هراسان ایلدون قویمادون باتسون حسین قانین نمایان ایلدون قهرمانلیق مشقی ویردون ، قهرمان انسانلارا نوحه خوانلق اورگدوبسن نوحه خوان انسانلارا ✍مرحوم قدرت الله نادری #شام_بلا #اسارت #حضرت_زینب_علیهاالسلام