ای دوندرن قرا گیجه می گوندوزه على 🍁▪️#راه شام #حاج حسین حسنی افشرد #تضمین از مرحوم #دخیل . ای دوندرن قرا گیجه می گوندوزه على آز قالدى غم طناب حیانی اوزه على نیلوم غم نهانمی سالّام اوزه على قربان اولوم او گل یوزه شهلا گوزه على اگ باشوی جداده قویاق یوز یوزه على . . سن گل که ائتدی عمریوی باد ستم خزان من بلبل ایلرم سنه شام و سحر فغان من ناقه دن جدایه باخوب گورّم هر زمان زلفون تلینه خوش دوزلوب لخته لخته قان کیمدور نظامیله بیله مرجان دوزه على . . باشون جدا باشندا سنه یتموری الیم زلفومله ایستورم یوزیون قانینی سیلیم ناچارم آغلارام سنه یوخ چاره نیلییم شمری گورنده لال اولوری قورخودان دلیم اما گورنده باشوی گلَّم سوزه على . . اللرده قمچی دور و بریم لشگر عراق ورماقه بو رقیه نی ایلوبله اتفاق آجلوق غمی سوسوزلوق اودی محنت فراق اوچ سینّده اوشاق دوه عریان یولوم اوزاق یول گیتماقی سالوبالا گجه گوندوزه علی . . سویلوب بابام که دیدیوه گلّم خرابه ده بولّم علی که واردی نه عالم خرابه ده وار باشمون بلاسی مسلّم خرابه ده شامه گیدینجه ئولمسم ئولّم خرابه ده مشگلدی بو جفایه رقیّه دوزه على . . من آغلورام سنه منه شام اهلی ال چالور قارداشسیز اولسا باجی یامان گونلره قالور باشون یاراسی مندن ایله اختیار آلور قارداش فراقی باجیلاری چوللره سالور بو چوللری رقیّه گرک چوخ گزه على

#راه افتاده سمت دریا دنبال سقا اهل خیمه #سید مجید بنی فاطمه @rozevanoheayammoharramsoghandi

#راه شام زبانحال حضرت رقیه علیها سلام بیاتیلار . 🔰#سبک_امیدو_سقای_حرم اباالفضل مشابه  . شهامت . رقیّیم عمّه مون اوز مارالی فلک سالوب منی ائلدن آرالی قابار اولوب ایاقلاریم سیزیلدار هارا گیدیم یارالیام یارالی . . رقیّیم چوللرده قالموشام من قورخودان تیترورم سارالموشام من بابام منیم امدادیمه گلمه دی آنام زهرادن عطرین آلموشام من . . رقیّیم یوللار یوروب خستیَم جام حقون حقیقی سرمستیَم بو قورخولی چولده اوّل شبدن ایاق یالین تیکانلارین اوستیَم . . رقیّیم قاچوم آخر هایانا نه ایش گوروم عمّه لریم دایانا چوخ ایستورم عمّه عمّه سسلیم قورخوم بودور دشمنلریم اویانا . . رقیّیم عمّم دن آیریلمارام ئولنه جن خدمتینده من وارام کوفه ده باشینی یارا گورندن همیشه گوینیور اورکده یارام . . رقیّیم اوچ یاشیندا بیر قیزام آتام ئولوب اسیرم، آدامسیزام ایللریمی منه یتور خدایا قرانلوق چولده قالموشام یالقوزام . . رقیّیم شهادت گلشنینده یورولموشام آتا قارداش غمینده بو گجه آیری دوشموشم ایلیمدن قمچی الده زجر دوروب كمینده . . رقیّیم ایللر گیدوب قالمادی منی خیاله بیر نفر سالمادی ایاق اوسته ادبله ویردیم سلام زجر لعین سلامیمی آلمادی . . رقیّیم ساری گل تک سولموشام دوتولموشام غم الینده دولموشام زمانه چون منی گوزدن سالوبدی زجر ستمگره اسیر اولموشام . . رقیّیم یار و یولداش آیریسی نیزه ده بیر یارالی باش آیریسی اکبر باشینا دردیمی دییردیم ایتدی فلک منی قارداش آیریسی . . رقیّیم غملریمه غم چاتماز عالم منی آتسادا عمّم آتماز بو گجه صبحه جن گزر چوللری اویاق قالار منی گورمه سه یاتماز . . رقیّیم خانم زهرا بالاسی زینبیمون اورگینون پاراسی عمّم گلوب اگر منی تاپماسا گوینر همیشه قلبینون یاراسی . . رقیّیم عمّم منی چوخ ایستر گجه گونوز منی قوجاقدا بسلر ایندی دوشوب چوللرى هی آختارور هایاندا اولسا جان رقیه سسلر . . رقیّیم داغلار آشوب گلمیشم یوللار کچوب زحمتینی بیلمیشم گجه گونوز اینجمیشم سوزوم یوخ زجری گورنده قورخودان ئولموشم . . رقیّیم سولان گلون مَثَلی دشمن منه زهر ایلیوب عسلی او قدری قاچموشام تیکانلار اوسته یورولموشام گوزلیورم اجلی . . گوزوم یاشی یارالارین بیتیرمز یاراسی اولماسا منی ایتیرمز یقین اونی یاراسی چوخ اینجیدور اینجیمه سه منی باشسیز اوتورمز . . ترحم ایله ای خدای منّان کیمیم وار ایلیه بو درده درمان هارا گیدوم کیمه دیوم دردیمی ایاقلاریم قابار اولوب آخور قان .

کوهها سرگشته از شان و وقار زینب است #کوفه ▪️🌱🥀▪️🌱🥀▪️ #راه کوفه آرمین عاصم اردبیلی (سالک) . کوهها سرگشته از شان و وقار زینب است سرفرازی در مصیبت ها عیار زینب است . بر سریر نیزه ها دارد به راهش لاله ها ژاله می بارد دو چشمش نوبهار زینب است . عشق در راه بلا فرمانروایی می کند عین و شین و قاف هم از اعتبار زینب است . هفت شهر عشق را با یک نظر طی می کند مست روی یار گشتن افتخار زینب است . لشگر ظلمت ربود از ماه عفّت معجرش غافل از اینکه همان دار و ندار زینب است . در پس زلفش نهان شد روی مهر آرای او عاشقان گفتند عجب لیل و نهار زینب است . شمس بیند روی نیزه ماه بیند در طبق کهکشان محنت و غم هم قطار زینب است . چشم خود را دوخته بر چشم خونین حسین جان فدای چشم تو ، زیبا شعار زینب است . می زند آهنگ غم چنگ زمانه دم به دم در عزایش چشم عالم اشکبار زینب است دارد هر کس نزد خود یک یادگاری از سفر یک دل پر درد و پر خون یادگار زینب است . گرچه در دل دارد او طوفان غم دریای خون یا حسین گفتن در این غوغا قرار زینب است . «سالکا» در نار عشقش سوز تا خاکسترت همره بادی رود کانجا مزار زینب است

بی بی جان دادیمه گل عمه امدادیمه گل 🌾▪️🍃🌾▪️🍃🌾▪️🍃 #راه شام . 🔰#سبک با صدای کربلایی صادق فرخ زاده  . #کربلایی رحیم شایان ارومیه . . بی بی جان دادیمه گل عمه امدادیمه گل قالمیشام قوش کیمی چولده بی بی یوخ دادرسیم پر و بالیم اوزولوب خار مغیلان قفسیم . . . بی بی جان دادیمه گل عمه امدادیمه گل چشمه اشگیم اولوب عمه روان چوللره گل قورخودان آز قالوری درک ائده بو جانی اجل چکیلر طفل یتیمون باشینا آی بی بی ال او نوازشلی اله واردی منیم چوخ هوسیم . . . بی بی جان دادیمه گل عمه امدادیمه گل قاچیرام هر طرفه جسمیم اولور خاره نشان من اوشاق بیر بیله آلامه یوخوم جاندا توان قورخورام گلمیسن ایندی گله زجر و سنان وورالار ئولدوره لر چاتمیا بیر یانه سسیم . . بی بی جان دادیمه گل عمه امدادیمه گل عمه جان من سنی هر دردیمه درمان بیلیرم غملی یورقون قوجاقون راحتی جان بیلیرم هاردا جانیم چیخاجاق من بی بی چوخدان بیلیرم آتامین گورماقینا عمه گرکده تلسیم . . . بی بی جان دادیمه گل عمه امدادیمه گل قالیریخ شامه هله چوخدی قاباخدا جریان اهل بیته اولاجاق منزل ویرانه مکان گله جاقدور آتامین باشی اورا لبلری قان گر ائدم بوسه لبیندن ایکی دنیاده بسیم . . . بی بی جان دادیمه گل عمه امدادیمه گل نه قدر ایشلیری گوز خار مغیلاندی فقط همدمیم چولده منیم ایزد مناندی فقط گوزومون کاسه لری آغلیاراق قاندی فقط قورخورام دیسگینیرم هر چوله اسدوقجه نسیم

ای قاسم شهزاده و ای تازه جوان گل 🌱▪️🍃🌱▪️🍃🌱▪️🍃 #راه شام – خرابه شام زبانحال مادر حضرت قاسم علیه السلام #مرحوم محمد خليفه عاجز گرمه رودی(عاجز سرابی) . ای قاسم شهزاده و ای تازه جوان گل گل بیرده گوروم من سنی ای روح روان گل . . گوز یاشی ایله نامه سنه یازا عروسون آلقانیله رخسارا یاخا غازه عروسون قویما گئیه اگنینه قارا تازه عروسون گل بیرده گوروم من سنی، ای روح روان گل . . سنسیز گئجه لر بیکس آنان یاتماز اوغول گل هارداسان الیم دامنیوه چاتماز اوغول گل یاخشی اوغول آنا داشینی آتماز اوغول گل گل بیرده گوروم من سنی ای روح روان گل

بیر اسیرم دوشموشم من کارواندان قالموشام 🍂▪️🍃🍂▪️🍃🍂▪️🍃 #راه شام #زبانحال حضرت رقیه سلام الله علیها #مرحوم شایق اردبیلی . بیر اسیرم دوشموشم من کارواندان قالموشام کاروان کوچ ایلیوب زار و پریشان قالموشام . . قالموشام وحشتلی چولده یکه و تنها بابا نه یانیمدا وار آنام نه زینب علیا بابا تئز یتیش امدادیمه ای سرور بطحا بابا قورخولی چوللرده من با آه و افغان قالموشام . . کیمسه نم یوخدور یانیمدا دردیمی اظهار ائدوم تا بلالی کاروانه یول نشان وئرسون گئدوم بو گئجه وقتی قرانلوق بیلمورم آیا نئدوم عالمی ظلمت دوتوب صحراده ویلان قالموشام . . بیر دایان گئتمه بابا درد و غمیم جوش ایلیوب شمر دون رخساریمی سیلیله منقوش ایلیوب مهربان عمم منی یاددان فراموش ایلیوب طاقتیم گئتمیش الیمدن اشک ریزان قالموشام . . چون بو سس تأثیر ائدوب سلطان دینه گئتمدی گوردی گر گئتسه قالور نازلی رقیه گئتمدی قیلدی گویا که خطاب اول دل حزینه گئتمدی کاروان ایلوب نقدری سندن هجران قالموشام . . گوردی اعدالر دایاندی رأس اطهر نیزه ده ایلدی ترک سفر سلطان محشر نیزه ده ظاهر اولدی لنگر ارض و سمالر نیزه ده بیر بیره سویلوبله بو سرّه هراسان قالموشام . . گلدی بیر ظالم جدایه زوریله وئردی تکان گوردی گئتمز سخت دورموش فرق شاه انس و جان ماجرانی عرض ائدوب بیمار امامه ناگهان من بو اعجاز عجیب آثاره حیران قالموشام . . ائتدی فرمایش او شومه حضرت زین العبا گئتمز ای قوم عدو اُول پادشاه کربلا ناقه دن دوشموش رقیه یولدا قالمیش با نوا عرض ائدر گئتمه بابا من سینه سوزان قالموشام

ایلمه زلفون علی مه یوزه حایل گجه لر #راه-شام 🍂▪️🥀🍂▪️🥀🍂▪️🥀 #مرحوم شهاب تبریزی . ایلمه زلفون علی مه یوزه حایل گجه لر قاره گونلر مهِ تابه اولی مایل گجه لر . . یانه چک زلف پریشانیوی رخساروندن ظلمتی روشن ایله پرتو انواروندن گون کیمی گورسنه گر ذرّه ای آثاروندن دورا بُلمز یوزووه ماه مقابل گجه لر . . شعشات رخ آلونده اولان پرتو نور ایلیوب نیزه نی ای رشک قمر نخلۀ طور دولدوروب جسمیوی موسی کیمی عشقونده کی شور محو مات اولدی گوگل درده گلوب دل گجه لر . . درد عشقون سؤورم چون علی دمسازیم اولور هر دمی بانگ جرس گور نه هم آوازیم اولور اهل عشقه بئله بیر اهل دلی لازم اولور دل دیوب درد دلین ایلیه زایل گجه لر . . قمر رویون ائدوب عقرب زلفونده مقام ایلیوبدور گجه می گوندوزومی قاره تمام بو قراریله گنه اولام علی عازم شام صبح دیداره اولا بلکه دلایل گجه لر . . اولا بُلمز اولا مانند سنه حسنده ماه مه چکوب پرده غمامی یوزه سن زلف سیاه نوک نی برج حملدور علی سن شمس اله رهبر اول باجووا ای شمس شمایل گجه لر . . سنون حسنون اوجالوب دایرۀ شامی دوتوب گور منیم گوزیاشیمی مرکز آرامی دوتوب قانه دونموش کاکلون راه تماشامی دوتوب بر نظر قیلماز اولام وصلیوه نایل گجه لر . . شامیده گورسه بو حُسنیله سنی عورتلر کسیلور عشق زلیخاده اولان صحبت لر یوسف مصر وفاسن سنه یوخ قیمت لر کوی عشقونده من اولام علی سائل گجه لر . . خار الینده ساری گول تک سارالوب گول یوزلر دام ظلمه سپوری اشکینی آهو گوزلر آت قباقینده بیزی شمر قووار گوندوزلر قویماز آسوده ائدر بند سلاسل گجه لر . . گوتور اغیاریدن او قدر فرصت علی ائده معشوقیله عاشق ایله بیر صحبت علی گجه بیگانه یاتار مجلس اولور خلوت علی سنده قیل مرحمتون حالیمه شامل گجه لر

دوشدی ناقه دن قیزون گئتدی کاروان بابا 🏴▪️🌱🏴▪️🌱🏴▪️🌱 #راه شام از ناقه افتادن حضرت رقیه . #زنجیر تک ضرب، سه ضرب  . #احد واحدی زاده #،سبک مسلمون شهادتی . دوشدی ناقه دن قیزون، گئتدی کاروان بابا قورخورام بو چولده من، گئتمه بیر دایان بابا . . سالدی گوزدن عمّه لر بیلمورم ندن منی قالمیشام بو چولده تک یوخدی بیر گزن منی آغلیاندا من سنه ویردی هر گلن منی تیر غصّه لر ائدوب قدّیمی کمان بابا . . آیدا چیخمیور هوا قاره دور یازیم کیمی یوخدور اکبریم چکه دردیمی نازیم کیمی سولدى گوللریم منیم تئز سولان یازیم کیمی توش ائدوبدی قلبیمی درد بی امان بابا . . فرصتی فلک وئروب بو گروه دشمنه یولدا قمچی چوخ ویروب شمر بی حیا منه داش دیبینده ساخلیام دیده تر عزا سنه قویدی چولده تک منی گئتدی کاروان بابا . . پارچالاندی ظلمیلن یاره لی ایاقلاریم قورخودان اسور منیم خشک اولان دوداقلاریم ضرب سیلی دن بابا نیلی دور یایاقلاریم وار جوان ننم کیمین گوزلریمده قان بابا . . هر قرالتی ایلیور چولده نیمه جان منی سن ئوزون هرایه گل قویما باغریقان منی زجر گلسه قورخورام ئولدورر اینان منی اول سببدن اولموشام ایندی باغریقان بابا . . قمچی لر یوروب منی دیلده یوخ توان بابا یوزده سیلی نون یری هم ایاقلاریم یارا یوردومی ایتیرمیشم بیلمورم گئدیم هارا یوخدی بیر یانان منه ایلورم فغان بابا . . هاردا قالمیش اکبریم یوزده گوز یاشیم سیله کاش بابا عَموم گله بوردا حالیمی بیله زجر گلسه نیلرم آلسا قمچی سین اله لااقل اولیدی کاش قاسم جوان بابا . . قورخولی بو چولده من ایلدیم حزین نوا توش اولاندا هر غمه آغلادیم یانا یانا گلدی دادیمه منیم فاطمه آنام بابا گل قوجاقیمه دئدی ای عزیز جان بابا . . قوی دیوم نشانه سین وار یری نوا ائدم آغدی زلفی یوزده وار سیلی ردّی قدى خم گوزدن اوخشیور سنه هم منه جوان ننم نیلی دی گوزل یوزی وار گوزونده قان بابا . . زجریدن سوز آشجاقین آغلادی بویوک ننم آهیله بو قلبیمی داغلادی بویوک ننم هم ایاق قابارلارین باغلادی بویوک ننم سویلدی اورک دولار سن دیینده جان بابا . . باغلانوب طنابیلن قوللاروندا وار یارا کیم ویروبدی گول یوزه سیلی قلبی اوتلاتا سیلی زحمتین بیلور فاطمه ننون بالا منده سسلدیم او گون تک منی قویان بابا . . اولما ناگران دئدی آغلادی یوموب گوزون قویدی بو سولان یوزه آهیله سولان یوزون وئردی چون اورک ننم باشلادیم اورک سوزون تک سنون یروندی بوش باشی ذبح اولان بابا

#راه شام #شبگیر تبریزی . سیر وسلوک قافنین عنقاسییم علی دریای عصمتین دُرِ لالاسییم علی . پنهاندی گرچه صورت و معنی کردگار پیدای صُور صورت معناسییم علی . اشراقدن عروج ائلییوب نفس ناطقه معراج روحمین اودی اقصاسییم علی . اطوار سبعۀ دلی تسخیر ائدوب باجون امّا که محو سرّ سویداسییم علی . الفقر فخری پیشم اولوب افتقاریله مستغنییم ؟ نه ، غرقۀ دریاسییم علی . گرچه بابامدی خازن اسماء عالیه منده مرید و حامل احصاسییم علی . زینب بی بیمدی مظهر اعیان ثابته من واقف رموز الفباسییم علی . سودای کربلاده سهام آلمیشام ازل مرضیّه ام رضای بلایاسییم علی . عیسای کربلا دمی عیسا ائدوب منی مین عازر محبّتین عیساسییم علی . سن آسمان عشقیده تابنده ماهسن مهری بابامدی منده ثریّاسییم علی . تفسیر نور ایلوری رأس منوّرون

#راه شام . مرحوم اعظمی تبریزی . چوللری حیران دولانّام عمّه عمّه گیتمه قالدیم گه تا چوب گاهی دایانّام عمّه عمّه گیتمه قالدیم . . جسممی یورموشدی غملر طاقتیم گتدی دایاندیم گل کیمی خار مغیلان سایه سینده دالدالاندیم عفو ایله یاندیم دیدیم من تیز اویانّام گئج اویاندیم بیرده یاتسام تیز اویانّام عمّه عمّه گیتمه قالدیم . . من او طفلم هاردا یاتدیم لطف ایدوب گلدون اویاتدون بولمورم نه باعث اولدی من یتیمی گوزدن آتدون گور بابام بیله دیمیشدی سن منی یاددان چخارتدون هجره من دلدن تالانّام عمّه عمّه گیتمه قالدیم . . یتسه غم دین اوسته سانما خم یتورم قاشه عمّه بیر بئله درد و مصیبت گور گلر بیر باشه عمّه من یول آزمش بیر غزالم دوشموشم داغ داشه عمّه بو غمه گور من دایانّام عمّه عمّه گیتمه قالدیم . ..

#راه نجات ما از غصه یا حسین حاج سید مجید #بنی_فاطمه 🌾▪️🌾▪️🌾▪️