مهار ناقه می ساخلا ، اماندور ساربان گیتمه #راه_شام #صافی_تبریزی . #سبک_علی_اصغر_مه_انور … 8 سسبک  . مرحوم صافی تبریزی . مهار ناقه می ساخلا ، اماندور ساربان گیتمه قالان وار خردا قیزلاردان دایان دور ساربان گیتمه اماندور ساربان گیتمه . . اگر چه لشگر شامه اسیرم بی هوادارم اوزوم اوز خطّ سیرمدن ازل گوندن خبردارم حسینمدن صورا آخر بو جمعه من پرستارم بیریندن بی خبر قالسام گراندور ساربان گیتمه . . ز بس قارداش فراقینده غم و درد و ملالیم وار نه بیر اوز فکریمی قیلّام بو باشدا مین خیالیم وار جگر داغلی ، قولوم باغلی ، بولن یوخدور نه حالیم وار او حالیم اشک دیدمدن عیاندور ساربان گیتمه . . بو عالمسوز آهمله هامی افلاکی یاندورّام یغوب بی کسلری باشه بو صحرانی دولاندورّام حسینی سسلرم باشین جدا اوسته دایاندورّام بالامی تاپماسام گیتمم اینان دور ساربان گیتمه . . یتیشسه مین بیله محنت گینه منده دوزوم واردی ندیم بیر اهل دل یوخدی اورکده چوخ سوزوم واردی گجه گوندوز دگل بی جا منیم آغلار گوزوم واردی یوزه مین سرّی وار اشکیم رواندور ساربان گیتمه . . یانار قلبون ، حسینون سن او سولموش نوگلین گورسن سرشک چشمینه باخسان اونون سوز دلین گورسن دانشدیرام اگر تاپسام اونون شیرین دلین گورسن بولورسن کیم نجه شیرین زباندور ساربان گیتمه . . هوای طرّۀ اکبر ایدوب آشفته لیلانی خیال ایلر یانار دائم او گیسوی پریشانی اگر بو قصّه نی بولسه پوزار مجموع دنیانی بو قیز قارداشی اکبردن نشاندور ساربان گیتمه . . حسینیم آخر عمرونده که تجدید وصال ایتدی من مظلومیه بیر بیر عیالین تاپشوروب گیتدی ویروب لب تشنه جان گر چه اوزی مقصودینه یتدی او تاپشورماقدا مقصد بو زماندور ساربان گیتمه . . بودور قورخوم گوزوم یاشی او قدری دلنشین اولسون که پای ناقۀ لیلا بو چولده گل نشین اولسون دایانسون کاروان مجنون هامی محمل نشین اولسون دیسون هر دسته بیر دفعه دایان دور ساربان گیتمه . . او گون گیچدی که بو گون تک واریدی شهرت زینب هامی دنیانی دوتموشدی جلال و شوکت زینب آغاردی زلف مشکینیم ، پوزولدی صورت زینب بو قدّیم بار محنتدن کماندور ساربان گیتمه . . سرشک چشمنی یوزدن اونون کیم بیرده پاک ایلر؟ آناسی بولسه بو حالی یقیناً سینه چاک ایلر بالام یالقوز قالوب چولده اوزین ایمدی هلاک ایلر ایشی مدّتدی شیوندور فغاندور ساربان گیتمه . . بو مظلومه قیزی (صافی) سالوب یاده فغان ایله دگل معلوم آدی اولسون غمین ذکر و بیان ایله زیارت ایسته سن ایسته ، حسینی امتحان ایله نه شیرین لفظدور نه خوش بیاندور ساربان گیتمه ⚫️⚫️⚫️⚫️⚫️⚫️⚫️⚫️⚫️⚫️⚫️⚫️

بویردور مدفنیم قارداش خبر ویر کاروان دوشسون 🍃🍃🍃🍃🍃 ورود به کربلای معلی #سبک_علی_اصغر_مه_انور … 7 سبک مشابه  . مرحوم خازن . بویردور مدفنیم قارداش خبر ویر کاروان دوشسون آچلسون هودج زینب دایانسون کاروان دوشسون . . بو چولده ساخلیون قارداش قطار آل طاهانی منه تعیین ایدوبله لطف حقدن بو بیابانی اوزون محملدن اندیر زینب و کلثوم نالانی بو خاک کربلایه مهر و ماه آسمان دوشسون . . گوتورمه گوز خبردار اول سراسر آل حيدردن باجيم كلثوم و زینبدن برادر جان حرملردن گوتورمز ذوالجناحيم بير قدم بو غم فضا یردن منازل طی اولوب يتدیم مرامه رهروان دوشسون . . هوای کربلادن قان اولان گوگلوم گلوب درده گوزوم توکسون سرشکین دمبدم بو عارض زرده گیدیب قوردور سرا پرده برادر بير چوخور پرده سرادقلر قورولسون زینب بی خانمان دوشسون . . اولوب دشمن ازلدن قوم سفیان آل عمرانه ويرولمش قتليمين حکمی گروه نامسلمانه گلور شمر ستمگر الده فرمان بو بیابانه احاطه ایلسون دشت بلانی کوفیان دوشسون . . یتم بو آرزومه چکمیشم بیر عمر دور حسرت منه بیر محفل رنگینیدور بو گوشه غربت ویرم جان تشنه لب جانان يولوندا من اولام راحت رضایم گون اوکنده پیکریم بی سایبان دوشسون . . بو صحراده باتار قانه سر زلف على اكبر دگر گل جسمينه تیر سنان و نیزه و خنجر يقين دیوانه مجنون تک اولور لیلای غم پرور گرک دور آردیجا صحرالره اول ناتوان دوشسون . . بو چولده فرقه کافر فراتین یوللارین باغلار تاپولماز بیر ایچیم سو آل طاها سو دیوب آغلار عياليم تشنه قالسون بوندا وار قارداش رضای یار عطشدن دلدن آخر اصغر شیرین زبان دوشسون . 🍃🌺🍃🌺🍃🌺🍃🌺🍃🌺🍃

گوزون قربانیم آچ گوزلرون ارخام ایلیم قارداش زبانحال امام مظلوم (ع) در سر نعش حضرت ابوالفضل علیه السلام . #سبک_علی_اصغر_مه_انور … 7 سبک . مرحوم حسینی سعدی زمان . گوزون قربانیم آچ گوزلرون آرخام ایلیم قارداش منی یالقوزلیوب دشمن سنوب سنسیز بلیم قارداش . . طریق عشقده باشدان گیچوب خوش امتحان ویردون ندور رسم وفا سن اهل دنیایه نشان ویردون آدون سقّا کنار نهرده لب تشنه جانویردون پوزولدی گلشنیم سنسیز خزان اولدی گُلوم قارداش . . سموم ظلمیله شاخ مروّتدن گلیم سندی نجه گور مزرع عمریمده نورس سنبلیم سندی یخلدی سر و تک قدّون منیم قارداش بلیم سندی بیان حالیمی شرح ائتماقا دوتمور دلیم قارداش . . سو وعده ویرموسن قارداش گلنده آل اطهاره گزوللر خیمه ده قیزلار سو جامی الده آواره دیوللر العطش جاری ایدوللر اشک رخساره تیکوبلر گوز یولا گوزلور یولون باشسیز ائلیم قارداش . . . یارالی سینون اوسته ای یوزی مهر جهان افروز چاتوبدور باش باشا سنبلدی گویا ناوک دلدوز اؤزون گیتدون اوغولسوز قارداشون قویدون عجب یالقوز قلنجیم دوشدی الدن ایمدی پر صولت یلیم قارداش . . یقینیم اولدی ایمدی ای امیدیم جسمده روحیم قالار ایستی قوم اوسته اوچ گون عریان جسم مجروحیم گیدر نوک جداده بزم شربه رأس مذبوحیم کسر بازماقیمی بجدل اولار مقطوع الیم قارداش . . وُروبلار اوخ گوزوندن گوزلریم جاری ایدر قانیاش بو ظلمی گورمییدیم سندن ازّل من ئولیدیم کاش اؤزون گیتدون ولی قالدی کمکسیز قارداشون قارداش بیر آز ایله توقّف بو یولی منده گلیم قارداش . . باخوب بو حالوه اولموم نجه من زار و دلخسته آچوب پر پیکرون بسکه دگوب اوخ دسته بدسته عمودیله سنان باشون گوتور قوی دیزلریم اوسته یوزون سورتمه یره قوی گوزلرون قانین سلیم قارداش . . فدا ویردیم بو گون جانانیمه یتمیش نفر عطشان سنون تک هئچ برینده یانمادیم جانیم سنه قربان بلا قیدیندن آزاد اولمادیم دنیاده من بر آن غمیله گوئیا تخمیر اولوب آب و گلیم قارداش . . «حسینی» محنت دنیاده چوخ اولما پریشان حال یاپوش باب الحوائج دامنیندن ایسته مقصود آل او وقتی یاده سال آغلا حسین سویلردی بو منوال گوزون قربانیم آچ گوزلرون آرخام ایلیم قارداش . . 🌾🌿🌾🌿🌾🌿🌾🌿🌾🌿🌾🌿🌾

سوسوز سان گر چه ای نفسیم شتاب ائتمه سودان ایچمه حضرت ابوالفضل علیه السلام خطاب به نفس سلیم خویش . #سبک_علی_اصغر_مه_انور … 7 سبک . علیرضا عباسی (احسان تبریزی) . «یا نفس من بعد الحسین هونی … » سوسوز سان گر چه ای نفسیم شتاب ائتمه سودان ایچمه حسینیم تشنه دور صبر ائت وفا ایله دایان ایچمه . . تواندان گر چه بو دشتین سالوب دور سوز گرماسی سوسوز لوق طاقتی جاندان آلوبدی یوخدی یاراسی اگر چه تشنه ام واردور باشمدا عشق سوداسی سرافراز اول بو سوداده واروندی امتحان ایچمه . . نئچه گوندور بو صحراده کسیب دیر سو یولون اعدا طراوت دن دوشوب گوللر سولوبدی گلشن زهرا سوسوز دی خیمه ده قیزلار روادی من ایچم آیا وفا قیل آل اطهاره یانور خرد و کلان ایچم . . اوتوز بئش ایلدی عالمده منی سن ائتمیوبس خوار بیزی پاکیزه خلق ایلیب خدای قادر وقهار بو عمرین آخر ینده گل سن ایله عالی بیر ایثار آدین تاریخ عالمده قالا تا جاودان ایچمه . . سوسوز لوق خیمه گاه ایچره آلوب تاب آل عصمت دن سولوبدی اصغرین رنگی دوشوبدی تاب و طاقتدن ربابون سینه سی اوسته یانور سوز و حرارت دن بالام یاندی دییر هر دم عطشدن سنده یان ایچمه . . حسیندن آیریلان لحظه من اوپدوم گل یاناقیندن منی اوپدی اودا اما چخوردی اوت دوداقیندن چخوبلار خیمه دن الان سوسوز لار اشتیاقین دن تیکیبدی گوز یولا گوزلور بیر عده ناگران ایچمه . . چوخ عطشانیدی قارداشیم کی بلّیدی نگاه یندن نفس چکدوقچا یاندیردی بو قلبی سوز آهیندن گتیر بیر آز سو تاپشوردی گلنده خیمه گاهیندن سوسوز دی ایچمینجه سو امام انس و جان ایچمه . . منه تاپشوردی سعی ایله گتیر بیر آز خیامه سو منه واجبدی امری تا یئته میر همامه سو دوادور خیمه ده الان بیر عده تشنه کامه سو خیامه یئتمینجه سو وفا ایله اوتان ایچمه . . اوروج لوق آیی ایستی گون چوخالدوب دیلده احساسی سوسوز لوق قلبه اود ووردی چاغیر دیم اشجع الناسی یازوب بو نوحه نی «احسان» سالوبدور یاده عباسی اودم کی نفسه امر ائتدی سوسوز بذل ایله جان ایچمه . 🌾🍀🌾🌾🌾🌾🍀🍀🌾🌾🌾🌾🍀

سوسوز سان گر چه ای نفسیم شتاب ائتمه سودان ایچمه حضرت ابوالفضل علیه السلام خطاب به نفس سلیم خویش . #سبک_علی_اصغر_مه_انور … 7 سبک . علیرضا عباسی (احسان تبریزی) . «یا نفس من بعد الحسین هونی … » سوسوز سان گر چه ای نفسیم شتاب ائتمه سودان ایچمه حسینیم تشنه دور صبر ائت وفا ایله دایان ایچمه . . تواندان گر چه بو دشتین سالوب دور سوز گرماسی سوسوز لوق طاقتی جاندان آلوبدی یوخدی یاراسی اگر چه تشنه ام واردور باشمدا عشق سوداسی سرافراز اول بو سوداده واروندی امتحان ایچمه . . نئچه گوندور بو صحراده کسیب دیر سو یولون اعدا طراوت دن دوشوب گوللر سولوبدی گلشن زهرا سوسوز دی خیمه ده قیزلار روادی من ایچم آیا وفا قیل آل اطهاره یانور خرد و کلان ایچم . . اوتوز بئش ایلدی عالمده منی سن ائتمیوبس خوار بیزی پاکیزه خلق ایلیب خدای قادر وقهار بو عمرین آخر ینده گل سن ایله عالی بیر ایثار آدین تاریخ عالمده قالا تا جاودان ایچمه . . سوسوز لوق خیمه گاه ایچره آلوب تاب آل عصمت دن سولوبدی اصغرین رنگی دوشوبدی تاب و طاقتدن ربابون سینه سی اوسته یانور سوز و حرارت دن بالام یاندی دییر هر دم عطشدن سنده یان ایچمه . . حسیندن آیریلان لحظه من اوپدوم گل یاناقیندن منی اوپدی اودا اما چخوردی اوت دوداقیندن چخوبلار خیمه دن الان سوسوز لار اشتیاقین دن تیکیبدی گوز یولا گوزلور بیر عده ناگران ایچمه . . چوخ عطشانیدی قارداشیم کی بلّیدی نگاه یندن نفس چکدوقچا یاندیردی بو قلبی سوز آهیندن گتیر بیر آز سو تاپشوردی گلنده خیمه گاهیندن سوسوز دی ایچمینجه سو امام انس و جان ایچمه . . منه تاپشوردی سعی ایله گتیر بیر آز خیامه سو منه واجبدی امری تا یئته میر همامه سو دوادور خیمه ده الان بیر عده تشنه کامه سو خیامه یئتمینجه سو وفا ایله اوتان ایچمه . . اوروج لوق آیی ایستی گون چوخالدوب دیلده احساسی سوسوز لوق قلبه اود ووردی چاغیر دیم اشجع الناسی یازوب بو نوحه نی «احسان» سالوبدور یاده عباسی اودم کی نفسه امر ائتدی سوسوز بذل ایله جان ایچمه 🍂🍃🍂🍃🍂🍃🍂🍃🍂🍃🍂🍃

گوز آچ یاتما قوم اوستونده امیر لشگریم قارداش زبانحال امام حسین (ع) در بالین حضرت ابوالفضل (ع) . #سبک_علی_اصغر_مه_انور … 7 سبک مشابه  . مرحوم صاعد تبریزی . گوز آچ یاتما قوم اوستونده امیر لشگریم قارداش سپهداریم علمداریم بو چولده یاوریم قارداش . . سن آتدان دوشدون اهل کین منی یالقوزلادی قارداش سنون بو حالوه باخجاق گوزومده دورموری قانیاش الییدیم گورمییدیم من سنون بو حالوی ایکاش نه عون و جعفریم واردور قالور نه اکبریم قارداش . . سنی بو لشگر اعدا وروب آتدان یره سالدی آزالدی قوتیم دیزده اورکدن تابیمی آلدی بلیم سیندی جفائیله بلیمده اللریم قالدی توکر قانیاش فراقونده همیشه گوزلریم قارداش . . بو قدری تیر و خنجر یاره سی اعدا ندن ویردی دایاندون مرکب اوستونده گلن ویردی گیدن ویردی گوروبلر صاف یرین یوخدور گینه هر بیر یتن ویردی بلوبلر سنسیز عالمده یوخومدور یاوریم قارداش . . سنی آتدان یخان قارداش یقینا بر عمود اولدی وروب هانسی شل اولموش ال گوزون القانیله دولدی اسوبدور صرصر باد ستم تا گلشنیم سولدی آدون دوشمز دلیمدن چون اولوبدور ازبریم قارداش . . گوزوندن کیم ووروبدور بو جفا تیرین جفائیله سنی آغوشه آلموش هامی پیکان وفائیله دولوبدور پیکرون باشدان باشا قارداش یارائیله باتوبدور قانوه باخسان منیمده پیکریم قارداش . . تیکوبدور گوز یولا گوزلور خیَمدَه خورداجا قیزلار سنه چوخ یالواروب ایتدی گلنده التجا قیزلار دور ایمدی الده سو جامی دوروبدی جابجا قیزلار گتور سو مشگیوی الده گیداخ سر لشگریم قارداش . . آنان یوخدور بو صحراده سنه بیر آغلاسون قارداش دیه ایوای جوان اوغلوم یوزه جاری ایده قانیاش سنون بو حالوی قارداش آنان هیچ بولمسون ایکاش هلاک ایلر اوزون بولسه وفالی مادریم قارداش . . خیامه حمل ایدوم نعشون دگول ممکن ندور چاره زبسکه اشقیای دون یارا اوستن وروب یاره ایدوبلر فطعه به قطعه وجودون پاره به پاره اولوبدور قانیله الوان سراسر اللریم قارداش . . تیکوبدور باب امیده گوزون «صاعد» صله ایستر نجاتین دائما سندن دوشوبدور مشگله ایستر غریق بحر عصیاندور چخاچوخ ساحله ایستر اونی سن ناامید ایتمه وفالی یاوریم قارداش . . 🌿🍁🌿🍁🌿🍁🌿🍁🌿🍁🌿🍁

على باشدان سوفکرین آت بالام لایلای گلوم لای لای 🏴🥀🏴🥀🏴🥀🏴🥀 #زبانحال حضرت رباب سلام الله علیها با حضرت علی اصغر علیه السلام #سبک_علی_اصغر_مه_انور … #سبک_خبردار_ای_عزاداران … #سبک_ئوزوم_گوردوم_قاپوم_یاندی … #سبک_منیم_ای_تشنه_قربانیم … 8 سبک مشابه  . مرحوم خوندل تبریزی . على باشدان سوفکرین آت بالام لایلای گلوم لای لای آز آغلا آز منی آغلات بالام لایلای گلوم لای لای . . سزادور آه جانسوزیم اگر یاندیرسا دنیانی نه سود وار اودلی سینمده نه خرگهده سو امکانی سوسوزلوق دردینون اولمآز اوغول بو چولده درمانی آز آغلا آز منی آغلات بالام لایلای گلوم لای لای . . . نه بیر لایلای دیدیم باخدون اوغول نه بیرجه خواب ایتدون او قدری آغلادون یاندون او قدری اضطراب ایتدون او حسرتلی باخشلاردان اورک باشین کباب ایتدون آز آغلا آز منی آغلات بالام لایلای گلوم لای لای . . . سوفکریله بو خرگاهی گوزی یاشلی دولانام من اله بیر شربه سو گلمز اوغول یانّام دایانّام من او آغلار گوزلره قربان سنه باخدوقجه یانام من آز آغلا آزمنی آغلات بالام لایلای گلوم لای . . . دوتوب سو یولّارین لشگر اوغول یوخ رحم دشمنده اوزومده تشنه ام سن تک بو درده چاره یوخ منده سویوم یوخ آغلیوب سنده منی چوخ ایتمه شرمنده آز آغ آز منی آغلات بالام لای لای گلوم لای لای . . . سولوب گل تک یوزون یانام باخاندا بو رخ زرده شرار آه جانسوزیم چخار افلاکه بی پرده خیال ایتمه علاجیم وار اوغول بو چاره سیز درده آز آغلا آز منی آغلات بالام لایلای گلوم لای لای . . . بو قدری توکمه آهوندن شرر قلب رباب اوسته سنی گوردو قجه یانّام من اوغول بو پیچ و تاب اوسته نه عالمدی هلاک اولدون اوغول بیر شربه آب اوسته آز آغلا آز منی آغلات بالام لایلای گلوم لای لای . . . ایله حالیم پریشاندی که بیر کس حالیمی بولمز اگر مین گل آچا بیرده منیم هرگز یوزوم گولمز عطشدن سن هلاک اولدون عجبدور بو رباب ئولمز آز آغلا آز منی آغلات بالام لایلای گلوم لای لای . . . سوسوزلوق ایلدی شدت سارالدون گل کیمی سولدون آنان گوردون یانار آغلار بهارین ابری تک دولدون بیر آز یات راحت اول آخر گوزوم نوری هلاک اولدون آز آغلا آزمنی آغلات بالام لایلای گلوم لای لای . . . خیام آل عصمتده او گون که قحط آب اولدی اوشاقلاردا بویوکلرده علاوه اضطراب اولدی عطش سوزیله سن یاندون منیم قلبیم کباب اولدی آز آغلا آزمنی آغلات بالام لایلای گلوم لای لای . . . على سوز نگاهونله دل افلاکی یاندیرما علی چشم گهربارون بیله حسرت دولاندیرما على اوز خجلتیم بسدی منی آرتوق اوتاندیرما آز آغلا آز منی آغلات بالام لایلای گلوم لای لای

على باشدان سوفکرین آت بالام لایلای گلوم لای لای 🏴🥀🏴🥀🏴🥀🏴🥀 #زبانحال حضرت رباب سلام الله علیها با حضرت علی اصغر علیه السلام #سبک_علی_اصغر_مه_انور … #سبک_خبردار_ای_عزاداران … #سبک_ئوزوم_گوردوم_قاپوم_یاندی … #سبک_منیم_ای_تشنه_قربانیم … 8 سبک مشابه  . مرحوم خوندل تبریزی . على باشدان سوفکرین آت بالام لایلای گلوم لای لای آز آغلا آز منی آغلات بالام لایلای گلوم لای لای . . سزادور آه جانسوزیم اگر یاندیرسا دنیانی نه سود وار اودلی سینمده نه خرگهده سو امکانی سوسوزلوق دردینون اولمآز اوغول بو چولده درمانی آز آغلا آز منی آغلات بالام لایلای گلوم لای لای . . . نه بیر لایلای دیدیم باخدون اوغول نه بیرجه خواب ایتدون او قدری آغلادون یاندون او قدری اضطراب ایتدون او حسرتلی باخشلاردان اورک باشین کباب ایتدون آز آغلا آز منی آغلات بالام لایلای گلوم لای لای . . . سوفکریله بو خرگاهی گوزی یاشلی دولانام من اله بیر شربه سو گلمز اوغول یانّام دایانّام من او آغلار گوزلره قربان سنه باخدوقجه یانام من آز آغلا آزمنی آغلات بالام لایلای گلوم لای . . . دوتوب سو یولّارین لشگر اوغول یوخ رحم دشمنده اوزومده تشنه ام سن تک بو درده چاره یوخ منده سویوم یوخ آغلیوب سنده منی چوخ ایتمه شرمنده آز آغ آز منی آغلات بالام لای لای گلوم لای لای . . . سولوب گل تک یوزون یانام باخاندا بو رخ زرده شرار آه جانسوزیم چخار افلاکه بی پرده خیال ایتمه علاجیم وار اوغول بو چاره سیز درده آز آغلا آز منی آغلات بالام لایلای گلوم لای لای . . . بو قدری توکمه آهوندن شرر قلب رباب اوسته سنی گوردو قجه یانّام من اوغول بو پیچ و تاب اوسته نه عالمدی هلاک اولدون اوغول بیر شربه آب اوسته آز آغلا آز منی آغلات بالام لایلای گلوم لای لای . . . ایله حالیم پریشاندی که بیر کس حالیمی بولمز اگر مین گل آچا بیرده منیم هرگز یوزوم گولمز عطشدن سن هلاک اولدون عجبدور بو رباب ئولمز آز آغلا آز منی آغلات بالام لایلای گلوم لای لای . . . سوسوزلوق ایلدی شدت سارالدون گل کیمی سولدون آنان گوردون یانار آغلار بهارین ابری تک دولدون بیر آز یات راحت اول آخر گوزوم نوری هلاک اولدون آز آغلا آزمنی آغلات بالام لایلای گلوم لای لای . . . خیام آل عصمتده او گون که قحط آب اولدی اوشاقلاردا بویوکلرده علاوه اضطراب اولدی عطش سوزیله سن یاندون منیم قلبیم کباب اولدی آز آغلا آزمنی آغلات بالام لایلای گلوم لای لای . . . على سوز نگاهونله دل افلاکی یاندیرما علی چشم گهربارون بیله حسرت دولاندیرما على اوز خجلتیم بسدی منی آرتوق اوتاندیرما آز آغلا آز منی آغلات بالام لایلای گلوم لای لای @rozevanoheayammoharramsoghandi