ای اوچ گئجه گوندوز قالان عطشان بالام وای 🥀🍂▪️🥀🍂▪️🥀🍂▪️ #زبانحال حضرت رباب علیهاسلام #🔰سبک_ای_در_بی_درمانلارا … 10 سبک #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم مشابه . #حاج عبدالله اصلی . ای اوچ گئجه گوندوز قالان عطشان بالام وای تشنه کبوتر تک دوشن بی جان بالام وای منقارون آچدون باغلادون من آغلادیم سن آغلادون عطشان بالام وای . . پر بسته قوش تک اوچ گئجه گلدون فغانه باخدیم سنه آخدی سرشگیم یانه یانه اولدون خدنگ ظلمه آخرده نشانه سن مرغک پر بسته سن دینجل بیرآز یات خسته سن عطشان بالام وای . . سانما ملالون قلبدن من سهل ساندیم عطشان دوداقون سوزیشین گوردوقجا یاندیم بیر جرعه سو فکریله اخیامی دولاندیم من ایلدیم سعی و تلاش سن سینمی ایتدون خراش عطشان بالام وای . . چوخ سعی قیلدیم یول تاپام راه نجاته مأیوس اولوب گوز یاشلی بیر باخدیم فراته چارم کسیلدی اللرون سالدیم قماطه گاهی سنه لایلای دیدیم گه اوخشادیم ایوای دیدیم عطشان بالام وای . . ای کاش بو آب فراتی قان اولیدی ویران اولان گوگلوم کیمی ویران اولیدی نه حرمله نه زهریلی پیکان اولیدی نه اوخ اولیدی نه کمان نه سو نه ظلم بیکران عطشان بالام وای . . نالم اوجالدی چرخ بد بنیاد الیندن یاندیم دیدیم بو روزگارین داد الیندن دیلسیز بالام قورتولمادون صیّاد الیندن ظلمیله کسدی چاره می صید ایتدی شیر خواره می عطشان بالام وای . . ظلمونده طغیان ایلدی آل امیّه عمرومجه شِکوه ایلرم خلّاق حیّه کاش گورمیه اوخ یاره سین نازلی رقیه سویلر قان اولدی گوز یاشیم وای شیر خواره قارداشیم عطشان بالام وای . . یاندوردی یانمیش قلبیمی نار ملالون پوزدی پریشان حالیمی آشفته حالون صولدی سارالدی ظلمله گل تک جمالون ای سینه مون خندان گلی دلده قالان دل نیسگلی عطشان بالام وای . . سن شمع دل افروزیدون بو محفلیمده نور رخون خاموش اولوبدی منزلیمده سوز گدازون شعله سی قالدی دلیمده اولدوز کیمی باتدون اوغول چوخ آغلادون یاتدون اوغول عطشان بالام وای . . «اصلی» بیر عمری ایلدون دنیاده عصیان آخر سنه لطف ایلدی خلّاق منّان قوی آلنیوی توپراقلارا شکر ایله هر آن هر وقت دوشسن مشگله بو واگیری تکرار ایله عطشان بالام وای

عزم ایلیوبسن گتمگه میدانه اکبر 🍁🍁🍁🍁🍁🍁🍁 #زبانحال ام لیلا در وداع علی اکبر علیه السلام #سبک_ای_درد_بی_درمانلارا … 10 سبک #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم . سیفی اردبیلی . عزم ایلیوبسن گتمگه میدانه اکبر سن شمع سن لیلا سنه پروانه اکبر هجران قطارین باری دایاندیر لیلانی اوغلوم باشه دولاندیر . . رعنا بویوندا آغ کفن زیبادی زیبا هم نیّتون هم مقصدون اعلادی اعلا دلده منیم دردیم ولی دریادی دریا طاقت چتیندور مادره هجرانه اکبر هجران قطارین … . . سن اوّلین جانبازسن مستانه لیکده یار عشقینه پر شورسن پروانه لیکده خوش قامتون جولانگه مردانه لیکده بنذردی چوخ جدّون شه مردانه اکبر هجران قطارین … . . مشتاق استقبال سن پیک اجلدن دامان عشقون پاکیدور ننگین خللدن بیلدون شهادت باده سین شیرین عسلدن احسن بو عالی همّته ایمانه اکبر هجران قطارین … . . حق جلوه گاهینده سنی سلطان بَیَندی زهرا خلیلیندن سنی قربان بَیَندی منده رضایم هر نه که جانان بَیَند قربان اولوم سن تک گوزل قربانه اکبر هجران قطارین … . . اوّلده دور آدون شهادت دفترینده شوریدہ سن جان بذلنه حق سنگرینده صبر ایت اوزرّیک یاندیروم جان مجمرینده گوز ورماسون شهلا گوزه بیگانه اکبر هجران قطارین … . . اون سگّیز ایل قویدوم جوانلیق جان یولندا بیر گل بجردیم بذل ایدم جانان یولندا سندن گوزلدور هانسی گل قرآن بولندا تقدیم اولا تا محضر جانانه اکبر هجران قطارین … . . افسوس اولا خاموش اولور روشن سراجیم یوخ درده دوشمکدن صورا راه علاجیم بو لحظه ده بیر بوسه وه وار احتیاجیم بیماروه بیر نسخه ویر درمانه اکبر هجران قطارین …