ذرّ عالمی باغلانمیش پیمانه سلام اولسون #سلام_بر_عاشورائیان . مرحوم یحیوی اردبیلی . ذرّ عالمی باغلانمیش پیمانه سلام اولسون یتمیش ایکی دوغرانمیش قربانه سلام اولسون . . موسایه خطاب اولدی گور نوریمی یا موسا بیر نور طلوع ائتدی گیزلندی ید بیضا پخش اولدی حسین نوری نوره بوکولوب سینا اللهَه حسین نائب ثارالله اونا معنا اللهَه اولان مخصوص آلقانه سلام اولسون . . بیر نفس مقدّس که احیای صلات ائتدی بیر دست توانا که اجرای زکات ائتدی بیر قان که عزاداره اهدای نجات ائتدی بیر روح که اسلامه تجدید حیات ائتدی سرتاسر أُو اعضایه اُول جانه سلام اولسون . . بیر ذبح عظیمی که جانانینه جان وئردی اسماعیله میناده ئولمکدن امان وئردی بؤلدى داشی ابراهیم چاقویه مکان وئردی آچدی بوغازین اکبر شمشیره نشان وئردی اول فدیۀ کبرایِ جانانه سلام اولسون . . قلب حسنه یتدی زهرابه نون آثاری تودیع ائدوب اول حضرت مجلسده کی حضّاری هم قاسمه تاپشوردی سربسته بو اسراری هر یئرده حسینیمون اُول یار و مددکاری بازوسینه باغلانمیش فرمانه سلام اولسون . . دورت مین گل آچوب گوردی بیر بلبل بی منقار اندی او گلون اوسته فوراً دوتوب استقرار اول بلبلی گلشنده پنهان ائلدى اوخلار بیر سینه دی بیر اصغر نه بلبل و نه گلزار اُول سینه و اُول طفلِ عطشانه سلام اولسون . . عبّاس که اون یئدّی منصب اونا عنواندور بیر منصبی سقادور سو مشگی دولى قاندور یاتمیش سو کنارینده میراب لب عطشاندور سردار شهیداندور سر دفتر سلطاندور مستوفیِ دربار سلطانه سلام اولسون . . الده قلمیم ناگه بی پرده قیلوب تحریر بند دل طاهانی شام اهلی ائدوب تحقیر عریان دوه اوستونده بوینوندا آغیر زنجیر دل یاره سی استهزا ایلر اونا چوخ تأثیر اول سیّد بیمار و نالانه سلام اولسون . . ویرانه ی شام ایچره یاتمیشدی خانم قزلار زینب ائشیدوب بیر قز بیر سود امرى اوخشار لایلای علی اصغر یات سؤیلر یوخودا آغلار پیکان یاراسین قارداش آیا کیم آچار باغلار یانونده کی گهواره جنبانه سلام اولسون . . یاندی او دوداقلار که صحرای غم افزاده نحر اولدی او حلقی که عطشان لبِ دریاده گوردی او بیلکلر که صدمه یدِ أعداده یای فصلی عربستان اوچ گون دم گرماده چوللرده قالان نعشِ عریانه سلام اولسون . . حقّه او جوانلار که جان وئردی صمیمانه اطرافِ امامتده صف چکدیله مردانه وئردیلر اورک باشین قلخان دم پیکانه سرچشمه ی کوثردن نوش ائتدیله پیمانه اول انجم أنوارِ ایمانه سلام اولسون . . یاز «یحیوی» فرصتدور نوحه شه ابراره آثار قریحوندن پخش ایله عزاداره ذکر ایله مصیباتین توک اشگیوی رخساره محشر گونی بو سلطان شافعدی گنه کاره اول مُشفىِ امراضِ عصیانه سلام اولسون . 🌸🌸🌸🌸🌸🌸🌸🌸🌸🌸

تشنه سو کنارینده، لبلره سلام اولسون 🍂🍂🍂🍂🍂🍂🍂🍂🍂🍂 #سلام_بر_عاشورائیان . مرحوم یحیوی اردبیلی . تشنه سو کنارینده، لبلره سلام اولسون قانه غرق اولان باشسیز، پیکره سلام اولسون . . تربت مقدّس که، کیمیادن آرتوقدور قبّه‌ی منوّر که، نه سمادن آرتوقدور بقعه‌ی مطهّر که، هر بنادن آرتوقدور کیم دیه بیلو‌ر کعبه، کربلادن آرتوقدور اوندا دفن اولان شاه بی‌سره سلام اولسون . . روحی روح الارواحه، جسمی روح ذیروحه سینه که خدنگیله، خنجریله مشروحه صورت خون‌آلوده، سجده‌گاه مجروحه هم یَدان مقطوعه، هم قفای مذبوحه لخته لخته قان دولموش، گوزلره سلام اولسون . . کاکل سَمن سایه، قامت دلارایه شب چراغ مظلومان، نور چشم زهرایه گوهر شب افروز و اهل بیت طاهایه طاقت دل زینب، نوجوان لیلایه قطعه قطعه دوغرانمیش، اکبره سلام اولسون . . گُلعذار زیبایه، سرو قّد رعنایه ابروان قوسینه دیده‌های شهلایه قانیلن اولان الوان، زلف عنبر آسایه آتلارین ایاقینده پاره پاره اعضایه قان حنا خضاب ائتمیش، اللره سلام اولسون . . طفل بی‌زبانی که، گُل کیمی سولوب یاندی اوچ گئجه گونوز عطشان، دل دوداقی اودلاندی ظهر یوم عاشورا، سو یانیندا اوخلاندی شهپر آچدی پیکاندان، قوش کیمی قانادلاندی شاهباز خونین پر، اصغره سلام اولسون . . بیر جوان که منصبده، کربلا علمداری خون سرخیله رنگین، بید‌ق نگونساری قویدی قان سووا قیمت، مشگی اولدی گُلناری سو یولیندا سعی ایتدی، تا کسیلدی قولّاری صاحب دو بازوی احمره سلام اولسون . . شدّ‌ت سوسوزلقدان، اودلانان دوداقلاره آت دوشونده قاچماقدان، زخم‌دار ایاقلاره شام‌ده قرانلوقدا، آج یاتان اوشاقلاره بیر ده ام‌کلثومه، زینب دل افکاره دختران خاتون محشره سلام اولسون . . خواهر علی‌اکبر قالدی بیت‌الاحزان‌دا یوخ چراغی یوخ فرشی، بیر خرابه زندان‌دا تُپراق اوسته جان ویردی، اولدو کافرستان‌دا کَفنی بیر قرا معجر، دفنی کُنج ویران‌دا اول سکینه‌ی محنت پروره سلام اولسون . . سیّدالعبادی که بسته‌ی طناب اولدی شهرلرده حقّینده، ظلم بی‌حساب اولدی پیشوای اسلامه خارجی خطاب اولدی آتش شماتتده، خاطری کباب اولدی اول مریض دل خسته، سروره سلام اولسون . . کوفه‌ده عقیل اوغلی مسلم وفاداره مالک اوغلی ابراهیم، جان نثار مختاره ابن‌عوسَجه مسلم، هم حبیب سرداره شاهراه ایماندا، جان ویر‌ن جوانلاره طفل و پیر و برنایه، یکسره سلام اولسون . . یحیوی الون یئتسه، گنبد طلاپوشه بحر لطف مولانی، آهیلن گتور جوشه اخذ قیل او درگه‌دن، هر ایکی ایوه توشه احتراماً عرض ایله، پیش قبر شش‌گوشه محضر همایون انوره سلام اولسون . .🍂🍂🍂🍂🍂🍂🍂🍂🍂🍂🍂

﷽ یاحسین بوجمعیدن یکسر سلام اولسون سنه #حسینیه_دلکش_زنجانی #سلام_بر_عاشورائیان . . . #مرحوم احمد رمضانی ( دلکش زنجانی ) . . . یاحسین بوجمعیدن یکسر سلام اولسون سنه بیزدن ای فرزند پیغمبر سلام اولسون سنه . . ای منای عشقده تپراقلار اوسته جان وئرن جانینی الله یولوندا تشنه لب قربان وئرن نازنین باشین تنور خولیه مهمان وئرن ای قالان گل پیکری بی سر سلام اولسون سنه . . ای اسن باد خزان اول گلشن و گلزارینه ای یولی باغلی قالان قان آغلیان زوّارینه ای بیزی حسرت قویان اوز قبرینون دیدارینه ایلین آماج مین غملر سلام اولسون سنه . . ای باشی سر نیزه ده قرآن تلاوت ایلین کوفه ننون اهلین ره حقّه هدایت ایلین

﷽ ای حسین ای کربلا شاهی سلام اولسون سنه #حسینیه_نادری ➖➖➖➖➖➖ ➖➖➖➖➖ #سلام_بر_عاشورائیان . . . مرحوم قدرت اله نادری میانجی . . ای حسین ای کربلا شاهی سلام اولسون سنه اودلانان ظلمیله درگاهی سلام اولسون سنه . . ای شهید نیزه و خنجر قتیل کربلا ای چکن امتدن اؤتری عصریده بی حد بلا عالمین جانی سوسوز اطفالوه قربان اولا ای حجاز و مکه ‌نین شاهی سلام اولسون سنه . . ای وئرن الله یولوندا قاسم و اکبر فدا ای اولان عباسنون بیر جوت قولی تندن جدا اصغرون قربانی اوللوق یا ذبیحاً من قفا شیعه‌لر پشت و پناهگاهی سلام اولسون سنه . . تیتره‌ دوب اللهین عرشین صوت هل من ناصرون تلدن زینب دئدی: قربان سنه بو خواهرون