#زبانحال_حضرت_مسلم_ابن_عقیل_علیه_السلا جانَه گتُوردی مُسلمی دورِ زَمانَه یا حسین کُوفه دَه عُمریمُون گُلی دوندی خَزانَه یاحسین چرخِ وِلایتُون حسین یاره لی شاهبازیَم کوی مُحبتُون بُو گُون عاشقِ پاکبازیَم مُسلَمَم عشقوین آقا فِدیهء سَر فَرازیَم عشقیم عَیاندی حاجَتی یُوخدی بَیانَه یاحسین ای آدی آلِ هاشمَه مایهء فَخر و آبرُو روزِ ازَلدَه تاپمیشام بیر سَنُون عشقویلَه خُو حِیف ئورگیمدَه عاقبَت قالدی مَنیم بُو آرزو چاتمادی اَللّریم اِیلَه کَهفِ اَمانَه یاحسین مندَن حسین کَسُوب قَدَر قَهریلَه اِعتناسینی سالدى قَضا کَمندینَه درد و غَم آشناسینی زاغ و زَغَن اَسیر اِیدوب بُرجِ وَفا هُماسینی ظُلم اوُخُونا فَلک مَنی اِیتدی نِشانه یاحسین صِدق و صَفا مَسیرینی اَهلِ نِفاق اِیتُوردیلَر بوتهء جُوریدَه جَفا خارین اَکُوب بتُوردیلَر ظُلم لَرین نَهایتَه کُوفه لیلَر یِتُوردیلَر بِیع و شَرادَه ساندیلار سُودی زیانَه یاحسین اِیتدی یُولومدا یا حسین مَکریلَه کُوفیان کَمین دامِ بَلایَه سالدی بُو یاره لی شیری مُشرکین دورمی آلدى باغلیُوب قُولاریمی گُروهِ کین قَتلیمَه آختارور زیاد اوُغلی بَهانه یاحسین قُویمادی دَهرِ دُون منی بیردَه یِتَم وِصالیوَه اَللّریُوی ئوپوب باخام حَسرتیلَه جَمالیوَه صَدمَه یِتشمَسُون گُوروم سَلطنَت و جَلالیوَه سَنلَه وِیروب خدا شَرَف کُون و مَکانه یاحسین عشق سَفیرم حسین گر چه باشی بَلالیام کُوفه دَه یالقُوزام تَکم یُوخ کُمَکیم یارالیام سندَن اوُزاق سالوب منی دَستِ ستم آرالیام آیریلقُوندی دُوندرَن اَشگیمی قانَه یاحسین ماهِ سِپهرِ عشقوی رُویَت اِیدَنلَر ئولدورور مُسلمی اَللّرین ئوپُوب بِیعت اِیدَنلَر ئولدورور نامَه یازوب حُضوریوَه دَعوت اِئدنلَر ئولدورور عار اوُلا بِیلَه میزبان بِیلَه جَهانَه یاحسین دَگسَه سَنین یُولوندا مین یارَه بُو زارَه یُوخ دِیمَم یاره لی جِسمیمی اَگر چَکسلَه داره یُوخ دِیمَم دُونسَه گُوزومدَه گُوندوزوم یا شَبِ تاره یُوخ دِیمَم گِیتسَه باشیمدا لا دِیمَم نُوکِ سِنانَه یاحسین بَسکه گِیدوبدی قان سالوب پِیکریمی تَوانیدَن پِیکِ اَجَل یِتیوب داخی آیریلورام جَهانیدَن دارِ بَقایَه عازمَم اِیندی بُو دارِ فانیدَن اِیلوری رُوحیمُون قُوشی عَزمِ جِنانَه یاحسین قُویمادی کینهء زَمان کامَه چاتا بُو خونجِگر اِیلدی اِیکی اوُغلومی آخر عَم اوُغلی دَربدَر قالدی خَدیجَه نین گُوزی یُولدا ئولونجَه دِیدَه تَر بیردَه چَتین آچوب وورا زُلفینَه شانه یاحسین ئولمَگیمی اِیشت سَه گر قُویما خَدیجَه آغلاسین وای بابا وای دِیوب یانُوب قَلبِ جَهانی داغلاسین گُل یُوزه گُوزیاشی تُوکُوب باشینَه قاره باغلاسین هر شَب و روز گلمَه سین آه و فَغانَه یاحسین مُسلمَه عِزّتیلَه اِی یُولدا دُوتان عَزا حسین دُوت اَلینی، #حسینی_نُون ، اِی شَهِ کربَلا حسین اِیلَه کرم ئورکدَه کی دَردینَه قیل دَوا حسین ذِکری اوُلوبدی دِیلده هر آن یانا یانَه یاحسین #شادروان_حسینی_زنجانی

#زبانحال_حضرت_مسلم_ابن_عقیل_علیه_السلا جانَه گتُوردی مُسلمی دورِ زَمانَه یا حسین کُوفه دَه عُمریمُون گُلی دوندی خَزانَه یاحسین چرخِ وِلایتُون حسین یاره لی شاهبازیَم کوی مُحبتُون بُو گُون عاشقِ پاکبازیَم مُسلَمَم عشقوین آقا فِدیهء سَر فَرازیَم عشقیم عَیاندی حاجَتی یُوخدی بَیانَه یاحسین ای آدی آلِ هاشمَه مایهء فَخر و آبرُو روزِ ازَلدَه تاپمیشام بیر سَنُون عشقویلَه خُو حِیف ئورگیمدَه عاقبَت قالدی مَنیم بُو آرزو چاتمادی اَللّریم اِیلَه کَهفِ اَمانَه یاحسین مندَن حسین کَسُوب قَدَر قَهریلَه اِعتناسینی سالدى قَضا کَمندینَه درد و غَم آشناسینی زاغ و زَغَن اَسیر اِیدوب بُرجِ وَفا هُماسینی ظُلم اوُخُونا فَلک مَنی اِیتدی نِشانه یاحسین صِدق و صَفا مَسیرینی اَهلِ نِفاق اِیتُوردیلَر بوتهء جُوریدَه جَفا خارین اَکُوب بتُوردیلَر ظُلم لَرین نَهایتَه کُوفه لیلَر یِتُوردیلَر بِیع و شَرادَه ساندیلار سُودی زیانَه یاحسین اِیتدی یُولومدا یا حسین مَکریلَه کُوفیان کَمین دامِ بَلایَه سالدی بُو یاره لی شیری مُشرکین دورمی آلدى باغلیُوب قُولاریمی گُروهِ کین قَتلیمَه آختارور زیاد اوُغلی بَهانه یاحسین قُویمادی دَهرِ دُون منی بیردَه یِتَم وِصالیوَه اَللّریُوی ئوپوب باخام حَسرتیلَه جَمالیوَه صَدمَه یِتشمَسُون گُوروم سَلطنَت و جَلالیوَه سَنلَه وِیروب خدا شَرَف کُون و مَکانه یاحسین عشق سَفیرم حسین گر چه باشی بَلالیام کُوفه دَه یالقُوزام تَکم یُوخ کُمَکیم یارالیام سندَن اوُزاق سالوب منی دَستِ ستم آرالیام آیریلقُوندی دُوندرَن اَشگیمی قانَه یاحسین ماهِ سِپهرِ عشقوی رُویَت اِیدَنلَر ئولدورور مُسلمی اَللّرین ئوپُوب بِیعت اِیدَنلَر ئولدورور نامَه یازوب حُضوریوَه دَعوت اِئدنلَر ئولدورور عار اوُلا بِیلَه میزبان بِیلَه جَهانَه یاحسین دَگسَه سَنین یُولوندا مین یارَه بُو زارَه یُوخ دِیمَم یاره لی جِسمیمی اَگر چَکسلَه داره یُوخ دِیمَم دُونسَه گُوزومدَه گُوندوزوم یا شَبِ تاره یُوخ دِیمَم گِیتسَه باشیمدا لا دِیمَم نُوکِ سِنانَه یاحسین بَسکه گِیدوبدی قان سالوب پِیکریمی تَوانیدَن پِیکِ اَجَل یِتیوب داخی آیریلورام جَهانیدَن دارِ بَقایَه عازمَم اِیندی بُو دارِ فانیدَن اِیلوری رُوحیمُون قُوشی عَزمِ جِنانَه یاحسین قُویمادی کینهء زَمان کامَه چاتا بُو خونجِگر اِیلدی اِیکی اوُغلومی آخر عَم اوُغلی دَربدَر قالدی خَدیجَه نین گُوزی یُولدا ئولونجَه دِیدَه تَر بیردَه چَتین آچوب وورا زُلفینَه شانه یاحسین ئولمَگیمی اِیشت سَه گر قُویما خَدیجَه آغلاسین وای بابا وای دِیوب یانُوب قَلبِ جَهانی داغلاسین گُل یُوزه گُوزیاشی تُوکُوب باشینَه قاره باغلاسین هر شَب و روز گلمَه سین آه و فَغانَه یاحسین مُسلمَه عِزّتیلَه اِی یُولدا دُوتان عَزا حسین دُوت اَلینی، #حسینی_نُون ، اِی شَهِ کربَلا حسین اِیلَه کرم ئورکدَه کی دَردینَه قیل دَوا حسین ذِکری اوُلوبدی دِیلده هر آن یانا یانَه یاحسین #شادروان_حسینی_زنجانی @madahi_moharram