بیر آیری غصّه دن ایلور بیرآز اشاره قلم #طفلان_مسلم . حاج غلامرضا عینی فرد زنجانی . بیر آیری غصّه دن ایلور بیرآز اشاره قلم بیر ایل گئچوبدی قضایای کربلادن هم . او گونکه اولدی شهید مسلم وفا پرور قالوبدی ایکی بالاسی جهاندا دیده سی تر . اولاری ظلمیله محبوس ایدوبدی ابن زیاد بیر ایل قاوبدولار زنداندا آز قالوب ئوله لر . یازوللار اولدی نگهبان بو مطبه کاشف دانشدیلار بالالار قلب شیخ اولوب مضطر . دیدیله شیخه تانورسان رسول و حیدری سن جواب ویردی محمّددی خلقه پیغمبر . ایکیمجی شخص آدینی ایلدوز بوگون مطرح اودور وصیّ رسول و ابوالحسن حیدر . گوروبله شیعه دی خوشحال اولوب دیدیلر عقیلی حیدره قارداش تانورسان ای مهتر . جواب مُثبتیلن اولدولار اولار مسرور دیدیله مُسلمی گورمشدون؟اولدی دیده سی تر . دیدی سوروشمیون ئولدوردولر او سرداری او گنج عشقیدن امّا ایتیب ایکی گوهر . هایاندا ایندی او طفلان مُسلم مظلوم یوخومدی کوفه ده چوخدان بو ماجرایه خبر . دیدئلر بیز ائله طفلان مُسلموخ یا شیخ ائشیتدی بو سوزی اول شیخ خوش ضَمیر و بَصر . گجه زمانی اولاری گلوب ایدوب آزاد آپاردی حارث ایوینه ولی قضا و قدر . گتوردی باشلارینی ظلمیلن جدا ایلدی بو فکریلن که عُبید لعین دَرَجه ویرر . نه نوعی ظلم ایلدی یازماقا قلم آغلور قبول ائدون ائلیور ناله و فغان دفتر . . قوناقیدی بالالار حارثین ائوینده گجه اولاری قتله یتردی دیوم بولحظه نجه . . سیزه بیان ائلیوم داستانی مختصری تصادفاً تاپوب حارث او ایکی خونجگری . گجه نی اوردا قوناق ساخلاموشدی قایننه سی که صبح اولا گئده لر یثربه اولوب نظری . گورنده حارث ائوینده اوشاقلاری سورشوب آدوز ندی؟دئدیلر وئر امان، گورون بشری . امان ویروب، دئدیلر مسلمون بالالاریوخ وروبدی سیلی سالوب پنجه سینه زلف لری . گتوردی شطّه طرف قورخدولار که تک تکینون سنوبدی قوش کیمی یاری گجیله بال وپری . دیردیلر بیزی آزاد ایله گیداخ وطنه سنه جزا وئره حق یاده سال او دادگری . قبول ایلمدی سسلنوبدیلر ظالم آپارگیلان بیزی سات سال الیوه سیم و زری . گوروبله ایلمدی اعتنا او قاتل مست قوناقلارین توکه قانین اولوبدی خیره لری . دیدیلر گوزی یولدا قالان آنامز وار بیرایلدی بیزدن اونا یوخ خبر وئرون گذری . آپار دوباره بیزی ابن زیاد محضرینه که حبسه سالسا سالوب یوخ جنایتون ثمری . قوناقیدوق سنه ظالم بیزه امان وئردون عربده ننگیدی اولموب بو سوزلرون اثری . کسوبدی باشلارینی سالدی کیسیه حارث گتوردی ابن زیاده بالاجا ایکی سری . باخوبدی باشلارا ابن زیاد اولوب حیران اگرچه رحم یوخیدی یانوب ولی جگری . دئدی سنه کیم اجازه وئروبدی باش کسه سن؟ ائدوبدی حارثی اعدام بو اولدی سیم و زری . آنالاری اولارون آغلادی گجه گوندوز یانان ئورکده چوخالدی مصیبت و کدری . قالوبدی گوزلری یوللاردا بینوا آنانون بیر ایل گئچوب بالالارینون گلوب ئولوم خبری .🌴🌴🌴🌴🌴🌴🌴🌴🌴

ای حارث ایله بیر نظر خدایه ورما سن بیزی #طفلان_مسلم ▪️🌿✨▪️🌿✨▪️🌿✨ #فرزندان حضرت مسلم علیه السلام غفاری زنجانی . ای حارث ایله بیر نظر خدایه ورما سن بیزی گتورمه عرش اعظمی نوایه ورما سن بیزی . . دیوب پیمبر خدا یتیمه حرمت ایلیون چکون نوازشیله ال باشینا خدمت ایلیون ویرون تسلّی دلدہ کی غمینه شرکت ایلیون ایوینده دوشمشوک بو گون بلایه ورما سن بیزی . . گتور اله بو باره ده پیمبرین رضاسینی گتورمه قهره شرم ایله یتیم لرین خداسینی ایکی آتاسیزون گوگه اوجاتما چوخ نواسینی بو قدر اویما عالم فنایه ورما سن بیزی . . گل ایندی قول قولا ئوزون جفا الیله چات بیزی مثال آهو صیدنوک قباقه ایندی قات بیزی غلاملر کیمی آپار بو شهرین ایچره سات بیزی آنامدا باتماسون داخی عزایه ورما سن بیزی . . یوروبدی غصّه لر بیزی بیر ایلدی دوستاق اولموشوق آتا غمینده باتموشوق مثال غنچه سولموشوق بیر آشنا تاپانمادوق گزوب ز بس یورولموشوق دوا تاپاق بو درد بی دوایه ورما سن بیزی . . وفا باغندا بیر گلوک خزانه ویرمه شرم ایله جهاندا هانسی میزبان قوناقین اینجدوب بیله وفادن اهلی کوفه نون تاپوپ ندندی فاصله ندندی گیتموسوز ره وفایه ورما سن بیزی . . وفاسیز آدلاروز گرک دوشه همیشه دللره یازانمورخ زمانه ده بونی کتاب و دفتره قوناقنون باشون چکر بو اهل کوفه خنجره کسوک باشی ورار بولار جدایه ورما سن بیزی . . وفا گلی اکیلمیوب بو کوفه ده بو شهرده نه باغلاریندا وار صفا نه چشمه سی نه نهرده یتوبدی هاشمیلره جفاسی چوخ بو دهرده اماندی شرکت ایتمه بو جفایه ورما سن بیزی . . بیر ایلدی آیری دوشموشک وطندن ائلّر آغلیار گلنده موجه بحرلر آخاندا سئللّر آغلیار ووراندا شانه زلف گلستانه یلّر آغلیار بیزیمده آهیمیز چخار سمایه ورما سن بیزی . . . @rozevanoheayammoharramsoghandi