گلدی زیارت ایتسون قبر حسینی جابر #اربعین 🏴🏴💫🌾🏴🏴💫🌾 #مرحوم لعلی تبریزی . گلدی زیارت ایتسون قبر حسینی جابر گوردی قالوب مزاری بی زائر و مجاور . . اول مرقد شریفی شوقیله ایتدی بیر دور عرض ایلدی امامین قالماز مزاری بو طور بیر بیله پادشاهه آیا روادی بو جور قبری غبار ایچینده قالسون بو نوعی آخر . . سویلوبدی زار و گریان جابر بحال رنجور اولسون سنه سلام ای جلّادی شمر منحور ای جسم زاری رنجور ای نحر پاکی منحور کسدیله تشنه باشون آخر بو قوم کافر . . آغوشه چکدی جابر اول اکبرین مزارین توکدی سرشک چشمین آرتوردی آه و زارین عرض ایلدی فداسی بو قبرپرغبارین بو توزلی قبره قربان روح و روان جابر . . باخجاق بو قبره آرتار غم بو دلی حزینه نولدی بس اهل بیتین ای یوسف مدینه سندن ننوعی بلمم آیری دوشوب سکینه شامه اولوب پیاده اخرنجه مسافر . . جابر او مرقد اوسته مشغولیدی نوایه ناگاه دوشدی بیر سس اول دشت نینوایه بُلدی که اهل بیتی صحرای کربلایه افغان و شور و شینله یکسر اولوبلا حاضر . . زین العبادی گورجاق ایتدی سلام تقدیم اول سیّد جلیله شوقیله ایتدی تعظیم ویردی سلامه پاسخ ایلوب زیاده تکریم قد فزت بالسعاده یا زایرالمقابر . . اول دمده آل حیدر یوز قویدی اول مزاره قبر حسینی جان تک چکوب کناره لیلا گلوب مزار اکبرده آه و زاره هر بلبل اوز گلینه شوقیله اولدی زایر . . #اربعین #لعلی_تبریزی #گلدی_زیارت_ایتسون_قبر_حسینی_جابر #ترکی @rozevanoheayammoharramsoghandi