بیلمم نولوب زمانه دولوب دور بیله داشا رحم ائیلمیر یامان گونو قارداش دا قارداشا یوخ دور گولن، گولنده یالاندان گولور ولی گوزلر بهانه آختاریری داییم اغلاشا چوخ دان دی گون باتیب، یا منیم کوردی گوزلریم یا که ایاق قویوب دومان هر یئرده داغ داشا درد و غم زمان ائیله یالقیزیلیب منی سانکی بیر آن رعیته محتاج اولوب پاشا زندان اولوب عمرلریمز یوخ داخی صفا هیچ بیلمدوق که چیخدی نه نوعی عومور باشا قان اوتدوروب فلک بیزه بیر عمر صبح و شام نامرد الی سویوق سو قاتیب دیر بیزیم آشا خلقین اگر بیر عده سینیی قارقییب فلک ساقیز سالیر بیر عده ولی آغریماز باشا بیر عده چوخ یئییب یاتا بیلمی راحات، ولی ببر عده بیر تکه چورکه باش چالیر داشا شاعر الین بوش اولسادا باش ایمه اوزگیه انسان یاشا ایگیت یاشا یوخ عیبی آز یاشا دنیا فنادی سعی ایله بیل قدر و قیمیتن خوشبخت دیر جهانیده هر کیم یاشار قوشا #محمد_هوشمند

چقدر داغ دلت آتشین و پابرجاست چقدر زخم وجودت عمیق و ناپیداست کتاب زنده ی کرب بلا و شاماتی حدیث حادثه ها با تو قابل معناست اگر برای شهیدان بود فقط یک روز تمام عمر برای تو روز عاشوراست رضا به حقی و با آنهمه جفا و ستم میان آتش و خون هر چه دیده ای زیباست شکسته بغض تو و کس نبود همدم تو سکوت گریه ی تو آشناترین غوغاست گشود قفل دل خلق را دعاهایت هنوز سیره تو رهگشای انسانهاست به اهل شام سخن گفتی و نشان دادی که نسل پاک پیمبر زبانشان گویاست یزید مرد ولی زنده شد مرام حسین مسیر و راه شما امتداد راه خداست دلم به شوق بقیع ات همیشه در تپش است کویر تشنه جان در تلاطم دریاست غبار در گهتان می کند مرا مدهوش به حکم نوکری ام با خط شما امضاست #محمد_هوشمند #مدهوش

قبله گاه نور کربلا ای مهد عزت بحر عرفان کربلا کربلا ای جلوگاه نور یزدان کربلا سن جلالت ده خدا بیر توپراقی خلق ائتمییب حالیوه شامل دی الطاف فراوان کربلا حشره جک اهل ولانین کعبه آمالی سن دفن اولوب سینونده بیر مهر درخشان کربلا درک ائدنمز شانیوی بیر کس یاخیندان گورمه سه جذبه عشقونده وار چوخلی پریشان کربلا باخسا کیم عبرت گوزیله حقی باطل دن سئچر هر طرف ده واردی چوخ آیات و برهان کربلا مکتب آل اللهین عالمده دانشگاهی سن نشر اولور سندن جهانه نور قران کربلا سنده قانلی خطیله عشق اهلینین اسراری وار ائلییب عالملری مجذوب و حیران کربلا با وفا انسانلارا سن قبله گاه نورسن هر طرف دن قوزانیر انوار ایمان کربلا قتلگاهه کیم باخا بیر لحظه گر احساسیله حشره جک واردی یئری گر اولسا حیران کربلا بیر سو وار سنده آدی سو باطنی اوددان بتر ائیلییر عشق اهلینی معناده سوزان کربلا بیلمرم آیا ندن قان اولمادی نهر فرات ایچدی دشمن قالدی زهرا اوغلی عطشان کربلا سنده یئتمیش بیر گولی باغبان آلیب آغوشینه یوخدی هیچ یئرده بئله گوللی گولوستان کربلا سنده سو اوسته اولوب بیر جفت قول تندن قلم بر و بحری ائلییب تا حشر گریان کربلا اصغرین کسدی بوغازین زهریلی شمشیر تک درده سالدی عالمی اوچ شعبه پیکان کربلا باخدیلار بسمل قوشا میدان دا لشگر گولدولر اولمادی بیر کیمسده افسوس وجدان کربلا خیمگاهینده گوزوم آغلار بهارین ابری تک زینبین سنده تفاقی اولدی تالان کربلا یادیمه دوشدوقجا غملر داغلی قلبیم داغلانیر دوشموشم بیر درده که یوخ آیری درمان کربلا روز عاشورا نه یازدی منشی حق توپراقا شرحینه یوخ هیچ قلم ده ظرف و امکان کربلا قسمتیم اولسا زیارت خسته قلبیم دینجلر سنده وار جسمه دوا و روحه ریحان کربلا سنده جام صبریمی درد و مصیبت دولدورار هر طرف دن چشمه چشمه جوش ائدیر قان کربلا اربعین عاشقلره عشقین تجلیگاهیدور چون وئرور حق اهلینه هر ایل فراخوان کربلا دویماق اولماز تربتیندن آ زماندا نیلییم کاش اولام هر هفته بیر گون سنده مهمان کربلا هر نفس چکدوقجا قلبیم وای حسینیم وار دئیور خوشدو اولسا عمریمه بو یولدا پایان کربلا #محمد_هوشمند #مدهوش #کربلا