زمین کربلایه چونکی قویدون بیر قدم باجی #ورود_کربلا ✨✨▪️✨✨▪️ #ورود به کربلا زبانحال امام به حضرت زینب علیهما السلام #مرحوم میرزا عبدالوهاب حقیر خویی . #سبک_حسین_جان_گل_علمدارون #سبک_خداوندا_الیم_بوشدی . زمین کربلایه چونکی قویدون بیر قدم باجی مهیّا اول بلایه کربلاده دمبدم باجی انیس درد و غم باجی عزیزه محترم باجی . . مراحم منتهی اولدی یتیشدی مقصده راحل بو وادی رهروان کعبهٔ اخلاصه دور منزل نزول ائتجاق بو منزلده اولور شش گوشه ده نازل امین وحی تنزیله بلا و درد و غم باجی . . بو یردور کربلا معناده رشگ وادی ایمن وجوه طیّبینه چون بو خاک پاک اولور مدفن سنه ویرانه منزل من غریبه کربلا مسکن بو عهد قسمتی اوّل یازوب لوحه قلم باجی . . باجی شدّت گونونده سن منه همراز و همدم سن آنام زهرایه محنت مسندینده نایب غم سن مقام مَحرمیّتده بو گون اسراره مَحرم سن سنی فی الجمله مطلبدن گرک آگاه ائدم باجی . . آییلماز تا حیاتون وار باشون دنیاده محنتدن ولی بی طاقت اولما شدّت درد و مصیبتدن خبر وئرّم سنه بی شمّه اسرار شهادتدن وقوع واقعات کربلادن کیف و کم باجی . . بو چولده اَل تاپار آل رسوله آل سفیان ائدللر خاندان مصطفانی خانمان ویران یازوبلار کوفه دن صادر ائدوبلر قتلیمه فرمان گلور یوزمین قوشونلار شمر دون الده رقم باجی . . سوسوزلوق آتشینه یاندورالّار آل طاهانی چیخار سوز عطشدن گوگلره اطفالون افغانی خراب ائتماقلیقا بالمرّه ملک دین و ایمانی اولوب کفّار شام و کوفه یکسر هم قسم باجی . . بو چولده دوغرانور چون برگ گُل جسم علی اکبر اَمر پیکان دَمیندن صود سوسوزدان شیرخوار اصغر یخالّار قانه غلطان قاسمی قوم جفا گستر ائدللر قولّارین عباسیمین بوردا قلم باجی . . دوشر تیره تراب اوسته جوانان بنی هاشم اولور مقتول تیغ و تیر و خنجر قوم و قارداشیم گچر خورشید انور تک جدایه نازنین باشیم تاپار رونق متاع ظلم بازار ستم باجی . . بساط حشمت و جاهون اولور مندن صورا برهم اسیر اولماقلیقا آماده اول باغلا بئلون محکم حریم عصمته مَحرم اولانماز گرچه نامحرم ولی زنجیر ظلمه باغلانور اهل حرم باجی . . قضایه وئر رضا وئرمه الوندن صبر و ایمانین گورنده سینم اوسته شمری چاک ائتمه گریبانین اوجاتما سس مبادا کیم ائشیتسون دشمن افغانین چتین دور هر مصیبتدن شماتت لاجرم باجی . . بلا اقبال ائدنده سن بلادن اولما رو گردان عطای یاردور ائتمه تغافل شکردن بیر آن نه گلسه عاشقه معشوقدن ایلر قبول جان بلا شکرانه سینده لا دئمز سویلر نعم باجی . . کمند رشتهٔ ذکر مصیبتده اسیروندور مقصّر اولسا خدمتده باغیشلا اوز«حقیر»وندور کَرَم قیل مرحمتله دستگیر اول دستگیروندور همیشه عفودور آئین ارباب کرم باجی

زمین کربلایه چونکی قویدون بیر قدم باجی #ورود_کربلا ✨✨▪️✨✨▪️ #ورود به کربلا زبانحال امام به حضرت زینب علیهما السلام #مرحوم میرزا عبدالوهاب حقیر خویی . #سبک_حسین_جان_گل_علمدارون #سبک_خداوندا_الیم_بوشدی . زمین کربلایه چونکی قویدون بیر قدم باجی مهیّا اول بلایه کربلاده دمبدم باجی انیس درد و غم باجی عزیزه محترم باجی . . مراحم منتهی اولدی یتیشدی مقصده راحل بو وادی رهروان کعبهٔ اخلاصه دور منزل نزول ائتجاق بو منزلده اولور شش گوشه ده نازل امین وحی تنزیله بلا و درد و غم باجی . . بو یردور کربلا معناده رشگ وادی ایمن وجوه طیّبینه چون بو خاک پاک اولور مدفن سنه ویرانه منزل من غریبه کربلا مسکن بو عهد قسمتی اوّل یازوب لوحه قلم باجی . . باجی شدّت گونونده سن منه همراز و همدم سن آنام زهرایه محنت مسندینده نایب غم سن مقام مَحرمیّتده بو گون اسراره مَحرم سن سنی فی الجمله مطلبدن گرک آگاه ائدم باجی . . آییلماز تا حیاتون وار باشون دنیاده محنتدن ولی بی طاقت اولما شدّت درد و مصیبتدن خبر وئرّم سنه بی شمّه اسرار شهادتدن وقوع واقعات کربلادن کیف و کم باجی . . بو چولده اَل تاپار آل رسوله آل سفیان ائدللر خاندان مصطفانی خانمان ویران یازوبلار کوفه دن صادر ائدوبلر قتلیمه فرمان گلور یوزمین قوشونلار شمر دون الده رقم باجی . . سوسوزلوق آتشینه یاندورالّار آل طاهانی چیخار سوز عطشدن گوگلره اطفالون افغانی خراب ائتماقلیقا بالمرّه ملک دین و ایمانی اولوب کفّار شام و کوفه یکسر هم قسم باجی . . بو چولده دوغرانور چون برگ گُل جسم علی اکبر اَمر پیکان دَمیندن صود سوسوزدان شیرخوار اصغر یخالّار قانه غلطان قاسمی قوم جفا گستر ائدللر قولّارین عباسیمین بوردا قلم باجی . . دوشر تیره تراب اوسته جوانان بنی هاشم اولور مقتول تیغ و تیر و خنجر قوم و قارداشیم گچر خورشید انور تک جدایه نازنین باشیم تاپار رونق متاع ظلم بازار ستم باجی . . بساط حشمت و جاهون اولور مندن صورا برهم اسیر اولماقلیقا آماده اول باغلا بئلون محکم حریم عصمته مَحرم اولانماز گرچه نامحرم ولی زنجیر ظلمه باغلانور اهل حرم باجی . . قضایه وئر رضا وئرمه الوندن صبر و ایمانین گورنده سینم اوسته شمری چاک ائتمه گریبانین اوجاتما سس مبادا کیم ائشیتسون دشمن افغانین چتین دور هر مصیبتدن شماتت لاجرم باجی . . بلا اقبال ائدنده سن بلادن اولما رو گردان عطای یاردور ائتمه تغافل شکردن بیر آن نه گلسه عاشقه معشوقدن ایلر قبول جان بلا شکرانه سینده لا دئمز سویلر نعم باجی . . کمند رشتهٔ ذکر مصیبتده اسیروندور مقصّر اولسا خدمتده باغیشلا اوز«حقیر»وندور کَرَم قیل مرحمتله دستگیر اول دستگیروندور همیشه عفودور آئین ارباب کرم باجی

تا یتیشدی پایگاه عشقه شاهنشاه عشق #ورود_کربلا ▪️🌱▪️🌱▪️🌱▪️ #ورود حضرت امام حسین علیه السلام به ارض اقدس کربلا #مرحوم هادی تبریزی . تا یتیشدی پایگاه عشقه شاهنشاه عشق آچدی معلولین عشقه اوردا درمانگاه عشق . . فارغ التحصیل دانشگاه ذات کبریا دکتراسی اوسته نصب اولموش مدال قُل کَفی پارلمان حقّیده کاندیدۀ قالوا بلا ایلدی تصویب طرح خیمه و خرگاه عشق . . چون او شهده پرورش تاپموشدی روح انقلاب کربلاده انقلاب ایتماقه اولدی انتخاب ایستیوب اوّلده محبوبیّتین ایتسون حساب کوفیه یثربدن اعزام ایتدی کارآگاه عشق . . دستگاه اطّلاعات یزید کینه کام کعبه ده بیر توطعه ایتمیشدی بر ضدّ امام کعبه نی ترک ایتدی ناچاراً او شاه ذوالکرام سرعتیله عزم ایدوبدور راه موعدگاه عشق . . گوردی اسلامی ایدوب مجروح آدی اسلامیان زخم اسلامی یودی قانیله ایتدی پانسمان ایستیوب اسلامه بذل ایتسون حیات جاودان ایلدی تزریق ثارالله فنا فی الله عشق . . ناجی اسلام اولوب امّا اؤزی بیمار عشق چون که پای قلبینه باتدی ستمله خار عشق سجده گاه عشقیده دوشدی سوسوز تب دار عشق باشلادی راز و نیازه تاپدی خلوتگاه عشق . . یاندی نار عشقه شمع دین حق پروانه سی عشقیله لبریز اولوبدی زینبین پیمانه سی گلدی تَلّ اوسته دوروبدی فاطمه ریحانه سی گوردی قان ایچره دوشوبدور شاه عالی جاه عشق . . بزم یاره گئتماقا اوخلار ایدوبدور پیشواز یوخدی سو امّا که قانیله آلوبدی دستماز آننّینین داش یاره سی یرده آچوبدی جانماز تا نمازین ایلسون بر پا شه دلخواه عشق

ای قوشون سرداری قارداش ویرخبر لشگر دایانسون #ورود_کربلا ✨🍀▪️✨🍀▪️ #ورود اهل بیت به کربلا زبانحال حضرت سید الشهدا به حضرت اباالفضل علیه السلام مرحوم صحاف تبریزی . ای قوشون سرداری قارداش ویرخبر لشگر دایانسون غم قطارین ساربانلار ساخلاسون یکسر دایانسون کاروان دوشسون بو چولده آل پیغمبر دایانسون قاسم و اکبر دایانسون . . ای آتام حیدر نشانی وی علمدار سپاهیم مدفنیمدور بو بیابان کوی وصله شاهراهیم بیر چوخور یرده بو یرده نصب اولونسون خیمگاهیم گیچمرم بو سرزمین دن عترت حیدر دایانسون . . ویرمیشم روز ازل دل من خدای کبریایه جان ویرم عطشان بو چولده صبر ایدم هر بیر بلایه باشدا یتمیش بیر مجاهد گلمیشم بو کربلایه ایلسه هر کیم شراکت منله سرتاسر دایانسون . . سو یولین باغلار بو چولده ظلم الیله قوم عدوان آل پیغمبر قالولّار اوچ گیجه گوندوز لب عطشان خیمه لردن عرشه قارداش اوج ایدر فریاد و افغان آز قالور اوز گردشیندن چرخ کین گُستر دایانسون . . ال گوتورّم من بو چولده جمله یار و یاوریمدن قاسم وعبّاس و اکبر عون و فضل و جعفریمدن اللریم اوسته گیچن دم شیرخواره اصغریمدن وار یری سینمدن عرشه شعلۀ آذر دایانسون . . ایلرم آل رسوله من سنی بو چولده سقّا اوخلیوب مشگون سالولّار قولّارون سو اوسته اعدا اوج ایدر طاق سپهره خیمه لردن شور و غوغا بو غمه مشگلدی قارداش زینب مضطر دایانسون . . ایلمز هرگز حیا بو قوم کینه مصطفادن ظلمله آخر کَسَه لّر باشیمی عطشان قفادن تا آلور قرآن صداسین زینبیم نوک جدادن ظلم اعدادن چتیندور باشدا بیر معجر دایانسون

بزم نگاره ایلدیلر چون ندا منی #ورود_کربلا 🌱✨▪️🌱✨▪️🌱✨▪️ #زبان حال امام حسین علیه السلام در ورود به کربلا مرحوم ذلیل تبریزی . بزم نگاره ایلدیلر چون ندا منی عشق اهلینه خدا ایلدی ناخدا منی . کشتی عشقه جمع ایلدیم اهل عشقی من ثابت قدم گوروب هامی اهل وفا منی . کوی وفاده کعبه نی گلدیم طواف ایدم سعی ایلیوب سالوب یولا سعی و صفا منی . بیگانه لر بو نوع گمان ایلیوبدیلر بی آشنا ایدوبدی بو گون آشنا منی . فتوا ویروبله قتلیم ایچون مفتیان شهر ئولدورماقا هجوم ایلسین اشقیا منی . گلدیم منایه اکبری قربان کسم گرک ایتدی حواله ئوزگه منایه منا منی . دوشدی قدر قباقه اولوب رهنمای غم گودال قتلگاهه یتوردی قضا منی . قانیم گرک ہو معرکه نی لاله زار ایده حق ایلیوبدی آینۀ حق نما منی . عاشق لر ایچره دفتر قتل قتیل ده روز ازل یازوبلا ذبیحاً قفا . ابن زیاد نامه یازوب سعدین اوغلونا ایتسونله سُمّ مرکبیله توتیا منی . بو کربلا هواسینین اوزگه هواسی وار معلوم دور هوایه ویرور بو هوا منی . یعنی کَسَلله باشیمی لب تشنه اشقیا اوندان وورار جداده هوایه هوا منی . چکمزله ال یارالی باشیمدان بو کوفیان تا سنگسار ایتمَسَه آل زنا منی . مشتاقدور ذلیل او ششگوشه قبریوه عباس خاطرینه گل ایله دعا منی

اردوی همایون شهنشاه مدینه #ورود_کربلا 🏴💫🥀🏴💫🥀🏴💫🥀 #ورود آل محمد بکربلای معلا . مرحوم شعاع تبریزی . اردوی همایون شهنشاه مدینه غم دشتینه گلدی غمه باغلاندی زمینه . . سرلشکرینی محضره احضار ایلیوب شاه امر ایتدی چوخور یرده ورون خیمه و خرگاه . . فرمانده نیروی شه ملک امامت فوراً ایلدی امر ملوکانیه طاعت پخش ایتدی او جمعیّته بو حکمی او ساعت یکسر دایانوب دوردی گلن جمله سراپا فرمان مطاع شه کونین اولوب اجرا . . اوّل قورولوب پادشهین خیمه سراسی نصب اولدی اونون قبّه سی اوستونده لواسی بیر بیر دوشنوب خیمیه شاهانه اساسی غبطه یری وار ایتسه بو اجلاله سلیمان هاردیدی سلیماندا بیله عزّت شایان . . اقدام اولونوب خیمه و خرگاه دوشنسون یاتسین دوه لر اهل حرم ناقه دن انسون شاهانه اساسیله بلا دشتی بزنسون فتیان بنی هاشم ایدوب جمله اراده بیر بیر حرم عصمتی ایتسونله پیاده . . بیربیرلرینه سبقت ایدوب شیر ژیانلار جان نقدینی بازار محبّتده ساتانلار مین مهر و محبّتله او مه پاره جوانلار سویلردیله هر تک تکی بیر طفله مکرّر آغوشیمه گل ای صدف عصمته گوهر . . بیر یاندا دوشوب لشکر سلطان سلاطین نصب اولدی اویان سمتده خرگاه خواتین شهزاده لر اندیردی شهین خوردا بناتین هر تازه جوانین بالا بیر قز قوجاقندا بلبل دیه سن بس اوتوروب گل بوداقندا . . ویر بیرجه امان ای یوزومه گوزدن آخان یاش قوی باری ایدوم دلده کی گیزلین سوزومی فاش اندیردی اوغولّار آنانی باجینی قارداش اما نجه اَندیردیله یوخ شرحینه قدرت بیر گوز گوره هیهات ایله شو کت ایله عزّت . . تا اینکه چادرلار قورولوب اولدی مرتّب وقت اولدی که اجلال نزول ایلیه زینب محملدن اَنَن دمده او بانوی مؤدّب سرعتله گلوب محضره سرداری حسینون خم ایلدی زانوسین علمداری حسینون . . جمع اولدی جوانلار خانمون دوره سین آلدی بیکسلرین او چولده آرایه کسین آلدى زهرا قزی تا آل علینون سسین آلدی دولدوردی گوزون شوق شعفدن او دل آگاه سسلندی سیزی زینبه چوخ گورمسون الله . . صاقدان قولون اوّلده دوتوب شبه پیمبر قاسمده دوتوب صول قولون آهسته مؤقّر حایل اولوب اکرامیله عبّاس دلاور اندیردیله نازیله او بانوی حجازی رشگ ایتدى فلک گوردی بو اعزازیله نازی . . غملندی قویاندا ایاقین دشت بلایه اشگی خانمون آخدی گلوب شور و نوایه گویا بیله عرض ایلدی شاه شهدایه نه یردی بو یر گتدی منی درده حسینیم گل وورما بو صحراده سراپرده حسینیم . . قارداش بو یرین آب و هواسینده بلا وار نه قلب آچلور بوردا گولور یوز نه صفا وار قلبیم دویونور یوخسا باشمدا نه قضا وار بیر سرّیده وار گوگلومون آرامین آلوبدی زینب سنه قربان نیه رنگون سارالوبدی . . بیرده دیدی چوخ گورموشم ای سبط پیمبر دعوایه گیدنده آتامیز ساقی کوثر خرگاهین ایدردی اوجا یرلرده مقرّر علّت ندی سیز ایتدوز اونون عکسینه رفتار امر ایتدون اولا نصب چوخور یرده چادرلار . . افسرده گورنده باجیسین شاه شهیدان رأفتله دیدی آغلاما گوز یاشیوه قربان منله آتامون فرقی وار ای غمکش دوران چون دشمنه دعواده آتام غالب اولاردی قورسون اوجادا خیمه اودی طالب اولاردی . . تشریح ایلیوم من نه دیلیله جریانی مغلوب ایده جک لشکریمی دشمن جانی صحرایه حسینین آخاجاق سو کیمی قانی دنیا بویی دینه ویره جاخ رونق لایق جدّیم گتورن شرعه اولار آهنین عایق . . بو یر دولانوب روضۀ رضوان اولاجاقدی هر گوشه سی مین رشگی گلستان اولاجاقدی توپراقی هامی دردلره درمان اولاجاقدی عاجزلسه هر دردین علاجینده اطبّا بیر ذرّہ سی ایلر مین ایله درده مداوا . . معبودیمه بوردا ایدرم تشنه ملاقات حیرتده قالار صبریمه سکّان سماوات کعبه یرینه بو یر ایدر فخر و مباهات بو یردی نچون ظلمله ثارالله آخان پر ثارالهی زهرا آغاران زلفه یاخان یر . . یتمیش ایکی قربانه منادور بو بیابان هر تک تکی دین اوسته ویرر جان باجی عطشان قربانلاریم ایچره ولی وار بیر قوزی قربان چون سوز عطشدن یاناجاق لبلری زینب آغلار قویاجاق عالمی نسگللری زینب . . صبر اولماسا بو ظلمه حقیقت علن اولماز نخل ستم و جهل و جفا ریشه کن اولماز گر سنده اسیر اولماسان الله دیَن اولماز ویر ال اله منله ای آنام نور دو عینی تا قوزیاخ عالمده باجی پرچم دینی . . پایانه یتر شامده چون امر اسارت قارداشیسز اوغولسوز ایده سن یثربه رجعت من گیتمرم امّا وطن اولماز منه قسمت گورسن دولانان یرلریمی بیرده وطنده وورما یوزه سیلی یریمی خالی گورنده . . ختم ایله «شعاع» طایر فکرون گینه آزدی آغلاتدی قلم بسکه اسارت سوزی یازدی آغلا دیمورم آغلاما بیر غم مگر آزدی بیر عمرودی اودلور اورگون آتش حسرت چاتدی باشا عمر اولمادی قبری سنه قسمت .

بیمار عشق بودم و ناگه دوا رسید #ورود_کربلا 🌱🥀▪️🌱🥀▪️🌱🥀▪️ مرحوم نجمی تبریزی . بیمار عشق بودم و ناگه دوا رسید یعنی صدای زمزمۀ آشنا رسید . روز ب لی که بهر بلا داده بود دل اهل ولا به مقصد خود کربلا رسید . سر در کف ارادت و دل پای بند شوق شوریدگان دوست به بزم لقا رسید . بستند بر کمر کمر عشق اهل عشق چون زائران کعبه بکوی وفا رسید . هفتاد و دو فدای محبّت بصد نشاط از جان بشسته دست بکوه منا رسید . بنگر بکربلا که یکی شوره زار بود آخر به تربتش نظر کیمیا رسید . ثاراللهی که ریخته شد بر زمین وی از فیض آن به منصب خاک شفا رسید . حیران بماند نجمی از این شعر و شاعری کین کیمیا بدست گدا از کجا رسید @rozevanoheayammoharramsoghandi

ای باجی زینب بو یر کرب و بلا دور آگه اول #ورود_کربلا 🏴🏴🍁🏴🏴🍁🏴🏴 . مرحوم زایر عمو . ای باجی زینب بو یر کرب و بلا دور آگه اول هر بلا گلسه بو یرده سن منیله همره اول . . عالم معناده بو صحراده وار شأن و شرف گلمیشم من بو منای اهل عشقه جان بکف حقّه قربان اولماقا وار مندہ چوخ شور و شعف ویر رضا سنده قضایه ناظر قربانگه اول . . نایبه سنسن آنام زهرایه بانوی حیا باشه ویردی عمرینی غمله او خاتون جزا بو دیار غمده صبر ایت گلسه هر درد و بلا غصّه و غم چکماقا زهرایه سنده اَشبَه اول . . گورسن اعوانیم اگر یکسر بویاندى قانینه آخدیلار اولدوز کیمی کرب و بلا میدانینه تک تکی جانین نثار ایتدی گوزل جانانینه صبریله سیر ایت سپهر صبره سنده بیرمه اول . . حضرت جانانیله عهد ایتمیشم روز الست ترک سر قیلّام او عهدی قویمارام اولسون شکست جان ویرر منله لب عطشان عاشقان حق پرست بزم رازیم دی بو یر سن شاهد خلوتگه اول . . قطعه قطعه دوغرانار بوردا تمام آل رسول آل طاها شوکتین تاراج ایدر قوم جهول شمر اسیر و دستگیر ایتسه سنی اولما ملول اوز آتان شیر خدا تک دستگیر روبه اول . . من شهنشاه حجازم تاجدار عزّتم فوج غم گلسه دایانّام داشمارام باهمّتم صبریمیله فایق درد و بلا و محنتم زینبیم صبر ایله سنده تابع شاهنشه اول . . جامۀ صبری وجودیندن وفالی سویما سن شدّت درد و بلادن جانه هرگز دویما سن شمر علیل اوغلوم علینی ئولدورنده قویما سن ظلم بی پایان اهل شرّه مانع گه گه اول . . چکسه لر شامه قطارِ اهل بیتی کوفیان کوفه ده ویر اوّلین منزلده اجدادون نشان محمل بی پرده ده ایله گوزل خطبه بیان صحبتونده رهنمای کوفیانِ گمره اول . . ذبح اولان باشیم کئچر نوک جدای دشمنه من باخوم نوک جدا اوستن سنه سنده منه بو باخشدا قوّت دل ایلیوم احسان سنه سندہ یوللاردا امید و مونس آل الله اول . . زایرا عمرین تمام اولدی گلور پیک اجل محضر جان آفرینه یوخ الونده خیر عمل آغلا دائم بو حسینون دامنیندن چکمه ال نوحه یاز ایسته شفاعت سائل بو درگه اول . @rozevanoheayammoharramsoghandi

قدمون مبارک اولسون بورا کربلادی زینب #ورود_کربلا 🌱▪️✨🌱▪️✨🌱▪️✨ . حاج نادر بابایی . قدمون مبارک اولسون بورا کربلادی زینب بو چولون هواسی غمدور ، غمه مبتلادی زینب . . اولاجاق مقامی شایان گلر اهل راز و طاعت ایدر آلتی گوشه قبری هامی عشقیله زیارت اولا کیم او قبره زائر تاپاجاق ره شفاعت نجه تربتی معطر سبب شفادی زینب . . باجی بو دیاره غمده نچه گون قوناق قالار سان دلِ شبده اوخشویاندا آنامون سسین آلارسان بیلورم بو چولده آخر باشووا قرا سالارسان گجه لر بو چولده زهرا سنه همنوادی زینب . . بیزه باغلیار بو دشمن سو یانیندا راه چاره سووا عازم اولام اوندا قوجاقیمدا ما ه پاره گله بیلمیرم خیامه اوخ امنده شیر خواره او گون اصغرین بوغازی اوخا آشنادی زینب . . آناسی اگر چه گوزلر بالانون یولون خیمده غم الی ئورک باشیندا تب و تاب و پیچ وخمده بالاسین یارالی گورسه یری وار یانا بو غمده منه عمده مشگل اوندا اوخ امن همادی زینب . . منه کعبه حقیقی یازیلوب بو یر قضاده یاناجاق سنونده خیمون باجی شعلة جفاده سنیلن قاچار رقیّم بو دیار کربلاده یورولان قیزی قوجاقه آلاسان رضادی زینب . . سولاجاق منیم بهاریم باجی سن خزانه صبرایت سر نیزه اوسته باشیم گله جک بیانه صبر ایت یازیلوب سنه رسالت غم بیکرانه صبر ایت دیر اهل عالم احسن سنه مرحبادی زینب

باجی جان او یئردی بو یئر یقین اولاجاقدی مروه صفا منه #ورود_کربلا # 🏴🏴🌿🏴🏴🌿🏴🏴 #زبانحال امام حسین علیه السلام به خواهرش زینب کبراء علیها سلام هنگام ورود به سر زمین کربلای معلا اکبر قنبری تیکمه داش . باجی جان او یئردی بو یئر یقین اولاجاقدی مروه صفا منه من حسینم عشق خلیلیم بورادور حقیقی منا منه . . بو بلالی چولده خزان یئلی گل و گلستانه اسر باجی بومکاندا سولدورا گوللری بیلیرم که چوخ تله سر باجی ستمیله شمر دغا سوسوز باشیمی بو یئرده کسر باجی او چوخور مکانیده روبرو اولاجاقدی شمر دغا منه . . یازیلیبدی لوح الستیده گله جک قباقه بو مسئله یئته جک اوگون که بو دشتیده دوشه جکدی عرصه ده ول وله منی ذوالجناحیدن اشقیا ییخاجاقدی یاره لی مقتله کیمی داش ویرار کیمی اوخ ویرار کیمی خنجریله یارا منه . . بیلیرم بو چولده سنین باجی چکه جکدی دردو بلا باشین بیلیرم که آه و فغانیله آخاجاق عذاریوه گوز یاشین باجی یولما زلفونی صبر ائله ییخیلاندا مقتله قارداشین اوزون اهل بیتیمه اول کفیل باجی اوندا ائیله دعا منه . . باجی جان بو دشتیده کوفیان اوز عداوتین ائده جک عیان سو یانیندا اکبر و قاسمیم وئره جکدی ظلموله تشنه جان بو گروه کینه شعاریدن باجی الامان باجی الامان هامی جور و ظلمی گروه کین گوره جک بو یئرده روا منه . . او چوخور مکان کی او یئرده وار اورا قتلگاهیم اولار منیم نه بو چولده دادرسیم باجی نده بیر پناهیم اولار منیم نه یانیمدا اکبر و قاسمیم نده سر سپاهیم اولار منیم منی یالقوز اولدورر اشقیا باجی آغلار ارض و سما منه . . باجی اقتضاء زمان بودی باشوا نه گلسه بلا سنین منیلن شریک غم اولماقا بیلیرم واریندی وفا سنین هره نین وار آیری کفالتی شهدا منیم اسرا سنین باجی سن رقیه دن حافظ اول قالا شیر خواره بالا منه . . باجی سر سپاهیمین اشقیا ستمیله باغلیاجاق یولون بو بلالی چولده گروه کین آلاجاقدی ظلموله ساغ سولون اوجا بویلی قارداشیمین عدو ائده جک سو اوسته قلم قولون باجی ممکون اولمیاجاق توتام اونا بو مکاندا عزا منه . . گله جک قباقه او گون باجی یئته جک حسینین او ساعتی کسه جکدی باشیمی قاتلیم اورکینده چوخدی قساوتی دوشه جکدی توپراقا پیکریم باشیمین وار آیری حکایتی ویراجاقلا نیزیه باشیمی یازیلیبدی نوک جدا منه . . بو مکاندا آتش ظلموله آلیشیب خیام یانان زمان گلن اولماز اوندا هرایوه اود ایچینده سن دولانان زمان اوزوی ایتیرمه اماندی سن باجی خیمه لر تالانان زمان قورتار اوددان عابدی زینبیم ائله تکمیل حقین ادا منه . . باجی قارداشیندا ائلیکه تا اشیدیب بوسوزلری مو به مو او بلالی چولده بیلیب یقین اولاجاق بلایله روبرو دیله گلدی زینب خون جگر دئدی ای سفینه آبرو ای عزیز فاطمه قیل بیان یئنه هر سوزون وار اخا منه . . بیلیرم که لوح الستیده بئله طرح اولوبدی بو ماجرا سنه غم شریکی اولام گرک دوزم هر مصیبته برملا یازیلیبدی باشدا منیم آدیم من اولام بلا کش کربلا آتام اوغلی صبر ائدرم یئته نقدر بو چولده جفا منه . . بیلیرم تلاش ائدیر اشقیا که افول ائدوب باتا نهصتون ولی ذات پاکیمه آند اولا که چتین قویام یاتا نهصتون هدفیمده اوج تکامله چالوشام گرک چاتا نهصتون ائله که محول اولار اخا بو قیام حقده لوا منه . . آتام اوغلی سفره عصمتین بیلیسن که داد دوزی زینبم من اخا سپهر نجابتین او ایشیقلی اولدوزی زینبم داماریمدا شیر خدا قانی دولانیر علی قیزی زینبم یئتیشیبدی ارث بلاغت او لسان شیر خدا منه . . سن اوزون بیلیرسن اخا منیم نقدر واریمدی شهامتیم چکه هر نقدری بلا باشیم چتین امر صلب اولا طاقتیم من عقیلته العربم منیم وار آغیر وقار و متانتیم من او زینبم که وضوایله سود امیشدیریبدی آنا منه . . یازیلاندا لوح الستیده یازیلیبدی راز بقا سنون ابدی مکان اولا مدفنون بو زمین کرب و بلا سنون گله سنله محشره تک به تک ره حقیده شهدا سنون یئتیشیبدی قرعه ده ظلموله قولی باغلانان اسرا منه . . آتام اوغلی روز ازلده من اوزوم ائتمیشم بئله آرزو سنیلن بلاده قدم قدم دولانام بو دهریده کو به کو گوزومون یاشیلا ائدم گرک یارالی جنازه وی شستشو بئله درد و محنت و نیسگیله یاراشار اولونجه بکا منه . . سنون حسرتینده اولونجه من چکوب آه قلبیمی داغلارام نقدر که وار نفسیم منیم باشیما اخا قره باغلارام بیلیرم جهاندا بیر عمر من یانارام فراقیوه آغلارام سن اوزون دعا ائله حق اوزی ائده صبر و طاقت عطا منه . . سن اولنده من سنه آغلارام من اولنده وار کیمیم آغلیا من اولنده اولمیاجاق بیری گوزومی جان اوسته او باغلیا سنه سینه داغلیارام ولی کیم اولار منه سینه داغلیا سنه من عزا دوتارام اخا دوتاجاقدی کیملر عزا منه . . سنه یاره دیسه او یاره وین اولاجاق گوزوم یاشی مرهمی سنون هجریون غم و محنتی اولاجاق بو زینبون همدمی من اولنده سن ولی اولماسان قویاسان مزاره جنازه می آتام اوغلی بیلمیرم اوندا کیم اولاجاقدی باب رجا منه . .

چه کردی ای فلک با آل زهرا #ورود_کربلا ▪️✨🍃▪️✨🍃▪️✨🍃 #رسیدن حر در بیابان به امام علیه السلام. مرحوم حاج علی اصغر بنائی یزدی . چه کردی ای فلک با آل زهرا کنی آواره اندر کوه و صحرا . یکی را بر جنازه می زنی تیر یکی را سرجدا سازی ز شمشیر . عیال الله را اندر بیابان کنی از ظلم دشمن زارو گریان . حسین را با زنان آل اطهار چرا در دست حر کردی گرفتار . شدی همدست دشمن ای ستمگر ستم کردی باولاد پیمبر . حسین را در جهان بودش چه تقصیر که حر بالشکرش بودی عنانگیر . رسیدی لشگر از صحرای ماتم بآل مصطفی شد نوبت غم . چو شد حر ریاحی خدمت شاه سپاهش تشته و خود گشته گمراه . بامر شاه شد سیرآب لشگر سپهدار و سپاه و اسب یکسر . چوشد وقت نماز شاه بطحی دو لشگر بر جماعت شد مهیا . تمام آمد نماز شاه خوبان دو لشگر شد روان اندر بیابان . بدشت نینوا منزل سر آمد عجب عاشق بکوی دلبر آمد . مگو عاشق بگو جانباز معشوق رسیده آه طفلانشان بعیّوق . یقین این سرزمین وعده گاه است که زینب هم قرین اشک و آه است . بیا ای ساربان بر گیر محمل رسید این کاروان بارش بمنزل . جوانان خیمه ها بر پا نمائید که ما را بر سر آمد روز امید . زنید این خیمه ها امروز یاران که سوزد ز آتش این قوم عدوان . جوانان گرد شاه دین شده جمع همه پروانه و شه بوده چون شمع . نشسته در حرم لیلا بزاری که آمد اکبرش از بهر یاری . بدی اندر حرم کلثوم افکار که عباس آمد و گشتش مددکار . نشسته زینب وطفلان در اطراف که آمد شه بخیمه بهر الطاف . صحابه هر یکی در خیمۀ خویش همه بودند، زان صحرا به تشویش . بنائی چون نبود از جمع اصحاب رودخون از دوچشمش همچو میز آب .

ای باجی بو بازار عشقه من قویموشام قدم نقد جانله #ورود_کربلا 🌾🌱▪️✨🌾▪️🌱✨ . #سبک_ساخلا_ناقه_می … 8 سبک . مرحوم عاصی تبریزی ای باجی بو بازار عشقه من قویموشام قدم نقد جانله گلسه هر متاع بلا آلام شامه سن آپار کاروانله . صبر ائله گله هر بلا باجی اول بلائیله آشنا باجی . . . دلخوشام باجی گلسه هرقدر باشمه بو یرده بلای عشق اهل عشق ایچون افتخاریدور ایلسه اگر جان فدای عشق ایلینمز هر بوالهوس یقین امتحانی سیز ادعای عشق آشکار دور چون بو مسئله زر تاپار عیار امتحانله . . . وئرموشم ته دلدن ای باجی دل ازل گون ایستکلی یاریمه باش وئرم بوصحرای عشقده تا یتَم وصال نگاریمه اولموشام رضا مین بلا اوخی گر دگه دل بی قراریمه راه یاریده نوشدور منه دلخوشام همین خوش گمانله . . . تیغ تیز اعدای دینیله دوغرانار همین یرده اکبریم آتش جفا قلبیمی یاخار اوخلانار الیم اوسته اصغریم غم آلار الیمدن قراریمی جان وریر سوسوز یار و یاوریم قلبیمون اودون ایلرم خموش من بو دیدۀ خون فشانله . . . مین ملالیله قاسمه باجی طوی اساسی من ایلرم بنا کامه یتمه میش ظلمیله اولار بزم عشرتی مجلس عزا کیم گوروب باخا ایندیه کیمی نوعروس اله طویدا قان حنا هر گلن اونا تهنیت دیه گوز یاشیله آه و فغانله . . . خورداجا اوشاقلاریمون باجی بعضیسین اوگون ئولدورر عطش بعضیسی سوسووزلوقدان اود دوتار سو تاپانماز ایلر اولاردا غش سوزش عطشدن بویوکلرون برملا اولار جلدی منکمش صبر ائده حسینون بو محنته عهد ائدوب حق لامکانله . . . قارداشیم ابوالفضلمون باجی کوفیان ائدر قولارین قلم مشکی اوخلانار ظلموله اولار بار غصّه دن سرو قدی خم قوش کیمی آچار پر خدنگیله باش گئدر اولار سرنگون علم قارداشیم ئولوم آرزو ائدر اوندا کی دولار مشگی قانله . . . جور و ظلمدن قوم کینه جو بیله بولمه بیر آن دویار باجی باشیمی کسر تشنه لب عدو رختمی سراسر سویار باجی کهنه پیرهن اوسته جسممی گون ایونده عریان قویار باجی قتلگاهه گلسن تاپانماسان قارداشوی سن بیر نشانله . . . اود ورار او گون خیمه گاهمه یاندیرار باجی فرقۀ شریر ظلم الیله باغلالّا قول قولا هم سویار سیزی هم ائدر اسیر صبر ائله دایان هر مصیبته سر برهنه گئت شامه دستگیر من اؤزوم سیزون سرپرستوزم بونچه مقدّس جوانله . . . بولموسن نه طغیان ائدر باجی ظلموده یزید ستم شعار کِبریله او بی ننگ و بی وقار شامده قورار مجلس قمار اهل بیت زاریم باخاباخا بو دوداقلارا خیزران وورار واردی گور پیمبر ئوپن لبین نسبتی باجی خیزرانله . . . چون یزید دون شامده سیزه بیر خرابه یرده مکان وئرر اول خرابه ده روز و شب سنه درد و غصه یوز هر زمان وئرر بی کفن قوری یرده آج سوسوز عاقبت رقیّمده جان وئرر غصّه مرگ اولور بو قیزیم منیم ظلم بیحد ساربانله . . . همت ایله عاصی کناره سن قویما پا خط مستقیمیدن قورخ او حالت احتضاریدن هول حشر و نار جهیمدن بیرده بو حسینون زیارتین ایسته آل خدای کریمدن قسمت ایلییه تا بو ایل سنه قارداشون تقی نوحه خوانله . . @rozevanoheayammoharramsoghandi