کاروان کوچ ایدور شامه قارداش 🥀▪️🥀▪️#کوچ کربلا 🔸#سبک :کاروان رفته منزل به منزل #پرند تبریزی . کاروان کوچ ایدور شامه قارداش وار عجب غملی هنگامه قارداش قیزلارون ناقه لر اوسته آغلور دوندی گوزده گونوم شامه قارداش جسم بی روحیمه تازه جان ویر دور یولا سال دالمجااذان ویر . . اهل کین قویموری آغلیام من آغلیام سینمی داغلیام من نیلیوم یوخدی فرصت یارالی بیر به بیر یاره وی باغلیام من جسم بی روحیمه … . . پیکرون یاره سی چوخدی قارداش غصه لر قلبیمه اوخدی قارداش گلمیشم اللروندن اؤپم من وای منه اللرون یوخدی قارداش جسم بی روحیمه … . . عترتون سس چکوب آغلیولّار قلبیمی لاله تک داغلیولّار دئ ابوالفضله گلسون هرایه قیزلاری قول قولا باغلیولّار جسم بی روحیمه … . . تابش ائتمه دئدیم آفتابه قوی حسینیم گئده ناز خوابه یاتموسان گر بیله یاتماق اولماز دور حسین تسلیت ویر ربابه جسم بی روحیمه … . . بلبل آیرلسا غنچه گولوندن ناله ایلر یانار نسگلوندن صبحه تک یاتمیوب بو وفالی سالمیوب اصغر آدین دلیندن جسم بی روحیمه … . . زینبون بیر گونی اولسا سنسیز قان اولار قلبی اولماز محنسیز کاش اولیدی باجون گورمییدی جسمیوی قوملار اوسته کفن سیز جسم بی روحیمه … . . زینبم ناظم کاروانم باشون آردیجا شامه روانم قوملار اوسته قالوب جسمون عریان پیکروندن حسین ناگرانم جسم بی روحیمه … . . ای قویان عشقنه کونی حیران جانیوی ائتموسن دینه قربان ظاهراً گر چه مغلوب اولوبسان قانویله اولوب زنده قرآن جسم بی روحیمه … . . سن یتیشدون گوزل کامه قارداش گیمیشم من قرا جامه قارداش مفتضح ایلرم شام امیرین گر ایاقیم یته شامه قارداش جسم بی روحیمه … . . باشلادون یاریله عهد و پیمان ایلدون جانوی دینه قربان عشقیله عشقوی باشه ویردون زنده قالدی حسین دین وقرآن جسم بی روحیمه … . . خادموزدی «پرند» شاه شاهان قبریوه دعوت ائت کان احسان باشلاسون نوحه زینب دلیجه آغلاسون ایلسون آه و افغان جسم بی روحیمه …