#الهی_فاطمه_ته_غم_بمیرم #حضرت_زهرا_شام_غریبان 🥀🏴🥀🏴🥀🏴🥀🏴 الهی فاطمه ته غم بمیرم چه سخته توسه ماتم بهیرم چیکار هاکنم این شام غریبون بهونه بیتنه زهرا ته وچون چه بلاییه مه سر بورده زهرا عنان از دس من در بورده زهرا خنه که وچون مار دنی باشه انگاری که خوانه از هم بپاشه ته که بوردی صفای خنه بورده دیگه شور و نوای خنه بورده زهراجان بی ته مه چش سوندارنه حسین بیتابی کنه خو ندارنه ته چادر ره تا شه سربشته زینب خدا دونه مره بکوشته زینب مره بکوشته زینب نواجش حسینِ چشِ اسری مثل وارش ندومه از کدوم غصه بنالم ته مظلومی ره جار زمه به عالم شو نصف شو اِمه ته قبر کنار مثل ته یتیمون نالمبه زار زار ته که تا بوردی ای ماه مدینه ته غم و غصه هنیشته مه سینه وچون از بس کردنه بیقراری جمع هاکردمه من ته یادگاری تا مه چش کفنه به در و دیوار انگاری خنه مه سر بونه آوار بونه در ره عوض هاکنم ای یار ندومبه چیکار هاکنم با دیوار مه وسه دلخشی دیگه سَرابه دل«مداح» ازاین غصه کبابه 🥀🏴🥀🏴🥀🏴🥀🏴 شعر:علی اکبراسفندیار«مداح» #کانال_متن_روضه_مجمع_الذاکرین