‍ #یادش_بخیر_خنه_مار_دیه_اشون #حضرت_زهرا_دلگویه_مازنی 🏴🥀🏴🥀🏴🥀🏴🥀 یادش بخیر خِنه مار دَیّـه اَشون من شه جان مارقرون اَمشـو بَیّـه وِنــه شـام غــریبـون من شه جان مارقرون بِعیـن زار بنـالیم خواخر، برارون من شه جان مارقرون دیگه مار نِدارمی دل بَهییه خون من شه جان مارقرون من شه جان مارقرون ونه درد نهییه درمون بَمیرم دل داشته پرخون آخــر نِهشـتنـه اِمــا مــار داریم من شه جان مارقرون مـارِ جـا خِشـیِ روزگــار داریــم من شه جان مارقرون نِهشتنـه شـه خِنـه قــرار داریـم من شه جان مارقرون مـار ره بـو بَکِشیم وبهـار داریم من شه جان مارقرون من شه جان مارقرون ونه درد نهییه درمون بهیرم دل داشته پرخون مگه مِـه مـار کِـره هـاکـرده آزار من شه جان مارقرون وِره بَــزونـه و چِـش بَهییـه تـار من شه جان مارقرون بَمیـرم مِـه بـابـا سر زَنّـه دیـوار من شه جان مارقرون دیگه بی فـاطمـه وِنــه کاره زار من شه جان مارقرون من شه جان مارقرون ونه دردنهییه درمون بمیرم دل داشته پرخون چِل نفر نامَحرم مه ماریک تنه من شه جان مارقرون پِــره چِـشِ پَـلی وِره روشتنــه من شه جان مارقرون مِـه مار ره باچَک و لو بَکوشتنه من شه جان مارقرون مــردم مــدینـه چـه هِـروشتنـه من شه جان مارقرون من شه جان مارقرون ونه دردنهییه درمون بمیرم دل داشته پرخون 🏴🥀🏴🥀🏴🥀🏴🥀 شعر:علی اکبراسفندیار«مداح»

#حضرت_زهرا_س_دلگویه_مازنی #الهی_اسم_درد_و_داغ_بکفه #حضرت_زهرا_دلگویه_مازنی 🏴🥀🏴🥀🏴🥀🏴🥀🏴 الهی اِسم درد و داغ بَکِفه هیچ کسِ میون جدایی نَکِفه درد بـی درمـونه درد جــدایـی زهرا نَشـو تِـه مه درده دوایی زهـرا جان علی مدینه غـریبه طبیـب درد مــردم بـی طبیـبه زهرا نَشو مِـه خِنه ی سو شونه تِه بُوری مه روز تاریک شو بُونه خبر دارمه که تِـه سینه بَسوته میخ در تِره بـه دیوار بَـدوته تِـه نفس کَشنی مِه دل خِشیّه خَلـه آرزو داشتـمی نَهــیّه مه دل خواسّه حسن جان شادبَهووه مـه حسین جان تِـه دَس دامادبَهووه مه دل خواسّه غمه مأیوس هاکِنی تِه زینب ره شِه دَس عروس هاکِنی تِـه بُوری من دیگه تِـه قبـر کنار سر شو تــا صـوایی بَــزنـم زار فـاطمه جـان چتی دلخون نَهووم؟ من چِتـی تِـه فـاتحه خون بَهووم؟ تِـه دَنـی بـاشی خِنـه سـو نــدارنه چشمه ره مُـونـدِنه کـه او نـدارنه تِه تابـوته چِتی شه دوش بَهیرم؟ اِسـا دعا هاکِن من هم بَمیـرم چیکار هاکِنم زهرا تنگه مِـه دل الهـی جـای تِـه بُــورم زیـر گِـل مِـه دلِ درده«مداح» زار بَزوعه مِـه مظلومی ره باشعرجار بَزوعه 🏴🥀🏴🥀🏴🥀🏴🥀🏴 #علی_اکبر_اسفندیار_مداح

#حضرت_زهرا_س_دلگویه_مازنی علی جان درشومه خدانگهدار ‍ #علی_جان_در_شومه_خدا_نگهدار #حضرت_زهرا_دلگویه_مازنی 🏴🥀🏴🥀🏴🥀🏴🥀🏴 علی جان دَرشـومه خـدا نگهدار مـن تـه شـرمـندومه خدا نگهدار من که دُومّـه دیگه مِه کارتمومه دیگـه تِــوِسّـه کــدبــانو نَبــومـه بِشکسّه مه کَش ومه دَسّ وسینه دیگه مـره کـه نِخـوانـه مـدینه علی جـان حلال هاکِن فاطمه ره دیگـه از این روزگـار تنگ بِمـه ره نِـه سال یادش بخیرخِش بِیمه باتِه دیگه مِـه زندگـی از هـم بِپـاتِـه مِــره بَـــزونه مَـــردم مــدینــه بِشکِسّه مه دَسّ وکَش ومه سینه دَس نِدارمه وَچـونّه کَشِـه بَیـرم مِـه دل خواسّه کَشه بَیرم بَمیرم من که دَرمه شومه دل دارمه پرخون علی، جان تِـه و جان مِه وَچـون علی جان هر چی بَــوّم مهـربـونی مِـه تقـدیـر هَسّـه بَمیـرم جِــوونی علی جان بِـرمه هاکِن آروم آروم دیگه از زهرا داشتن بَعی مَحروم علی پیـرهنِ بِـن بَشـور مِـه تَنّـه تِـه شه دَسِّ جـا دَپـوش مه کَفنه علی نِهِـل مِـه وَچـون زار بَـزنن نِهِـل زار از غم شه مـار بَـزنن مِـه حسن جانِ یـادکه در نَشونه وِنِـه پیش مِـره کوچه دله زونـه شه جانِ زینبِ بی مـار قـرون مِـه دِتـرِ دل همه جا بُونه خون علی جان مـه زینبِ هوا ره دار اَتــا روز بــونـه کـربـلا گــرفتـار حسینِ غصه کـه دل جا نبونه وِره نصف شـو خَله تِشنا بونه اَتـا روز بُــونه کـرب و بــلا اِنّــه بشنوسّمه حسین ره اُو نَــدِنّــه من و مِـه وَچونِ غم هَسّه جانکاه بَخون مِه وِسّـه جانسوزانه«مداح» 🏴🥀🏴🥀🏴🥀🏴🥀🏴 #علی_اکبر_اسفندیار_مداح

#حضرت_زهرا_س_دلگویه_مازنی ‍ #درشونی_جان_مار_خدانگهدار #حضرت_زهرا_دلگویه_مازنی 🏴🥀🏴🥀🏴🥀🏴🥀🏴 درشونی جان مارخدا نگهدار آ مه دلِ قرار خدا نگهدار چنه سخته جان مار ته جدایی دعـا هـاکن من بَمیرم الهـی اِسا كه دَرى مه جا جدا بُونى چه اَنّه غريبونه دَري شونى؟ مـره ديگه اَمـون نَدِنه بِـرمه حسين پَلى شه بِرمه ره خِرمه نخوامه من حسينِ زار بَوينم نخوامه وره بِـرمه وار بَوينم كِمين دِتِر ته جورى مار بَديّه؟ وِنـه مـار جـوونی آزار بَـديّه جان ماردیگه مه یاد درنشونه تِـه زينـب بَميـره تـره بَـزونه عموسلمان، عمو مقداد وعمّار بَوينين چَنّه غريب هَسّه مه مار بنال«مداح» كه مه غم بَيّه تازه چی بَهووم من از تشييع جنازه؟ 🏴🥀🏴🥀🏴🥀🏴🥀🏴 #على_اكبر_اسفنديار_مداح

#حضرت_زهرا_دلگویه_مازنی الهی فاطمه ته دا ‍ #الهی_فاطمه_ته_دا_بمیرم #حضرت_زهرا_دلگویه_مازنی 🥀😭🥀😭🥀😭🥀😭 الهـی فـاطمه تـه دا بَمـیرم تِـوسّه مـن چتی عزا بَهـیرم؟ زهراجان عاقبت بوردی زیر خاک از غـم و غصه ی تـه بَیمه هلاک ته که بُوردی دیگه نـدارمه یاری روز و شو بَیّه مـه کار بِـرمه زاری نم نم وارش   دلِ نواجش فاطمه جان بَوین         خون وارنه مه چش بدون تـه چتی زنده بَمـونّم؟ چتی تِـوسّـه فـاتحه بَخـونّم؟ چیکار هاکنم با ناله ی وَچون تا بِرمه کِننه مه دل بونه خون بمیرم چنّـه زود بُـوردی زیـر گِل دره پاره بُونه مـه وَچون دل نم نم وارش   دلِ نواجش فاطمه جان بَوین         خون وارنه مه چش زینب نواجش مـره بَکوشته وِنه چِشِ وارش مـره بَکوشته حسینِ بِرمه چنّه دارنه زاری از همه بیشتر کِنّـه بی قراری بـه درد یتیمـی بَینه گرفتار من از غریبی سر زَمّه به دیوار زهرا دعا هاکن شفا بهیرم اَتـا شو تـه قبـر کنـار بمـیرم فاطمه جان دیگه مه یاد نشونه نانجیبون مه پَلی تره زونه حیف ته زهرا با این مهربونی کفن دَپوشی بُوردی در جوونی تره شه دسِ جا که غسل هدامه نَدومّه چه من اون شو جان ندامه ازبس که من وته غم هَسّه جانکاه بَوین با سوز دل خوندنه «مداح» 🥀😭🥀😭🥀😭🥀😭 #علی_اکبراسفندیارمداح

#حضرت_زهرا_دلگویه_مازنی ‍ #خدا_حافظ_علی_تا_ابدیت #حضرت_زهرا_دلگویه_مازنی 🏴😭🏴😭🏴😭🏴😭 خـدا حافظ علی تـا اَبدیّت پسر عمو ته جا دارمه وصیت گمون کمّه بمـو حکم خدایی بَـرسیّه دیگـه وقـت جدایی دیگه آثار مرگ بَهییه معلوم مره حلال هاکن علیِ مظلوم الهی علی ته بلا مه سینه بعد من غریب تر بونی مدینه علی ببخش اگه نَیّـه دَهووم فقط خواسّمه ته فدا بَهووم مه دس خالی بِیّه حاشا نکنّه شه محسن جانِ ته فدا هاکنّه علی ببخش اگه زود درمه شومه اگه بَمونّم ته درد سر بُومه نا دَس دارمه کار خِنه بَرسم نا کَش دارمه شه لینگ سر هِرسّم دیگه بَر نِنه مه جا کار خِنه مریضِ بد حاله بَمردن وِنه لـو بَخِـردمه فدای سرِ ته چو بَخِردمه فدای سرِ ته مه جان وَچون پیش بی بهونه ته دَس دَوِس بِیّه و مره زونه مره زونه چه شه چشّه دَوسّی علی مه جا ته آیا راضی هَسّی؟ علی جـان تـه جـان مـه دِتِـرون شه جـان زینب و کلثوم قروون علی جان ته و حسن و حسین مار بَمردون کننه شیون وشین تِه یاد درنشوعه علی جان هرشو مه حسین دارنه عادت بَخره او مبـادا کـه حسین تشـنا بَمـونّه مـه دُردونـه پسـر وِشـنا بَمـونّه اگر چه بعد من ندارنی غمخوار مه مار بَمردِ وَچونّه تِه خوار دار خدا حافـظ علـی خدا تِـه همراه تِـه التمـاس دعـا دارنـه «مداح» 🏴😭🏴😭🏴😭🏴😭 #علی_اکبر_اسفندیار_مداح

#حضرت_زهرا_دلگویه_مازنی ‍ #حضرت_زهرا_دلگویه_مازنی #سبک_خوش_اومدی_توازسفربابا 🥀😭🥀😭🥀😭🥀😭 تِه رنگ و رو چه بَیّه زرد و زار نکـنه خـوانی بُـوری جـان مار تـه دَنـی بـاشی بُـومی گرفتار مه جان ته قروون دعـا هاکـردمه تـه خوار بَـوّی تا زِنّـه هَسّمه مـه پیش دَوّی الهـی اینجـوری مـریـض نَـوّی مه جان ته قروون طاقت ندارمه من ته دوری ره بَـوین حسینِ بِـرمه زاری ره حسنِ بُغض و بی قراری ره ته دا بَمیرم مه جان ته قروون چه دَری شونی هنوز جان مـار خَله جوونی بـه امید خدا تـه خوار بُونی ته دا بمیرم جوون مـار بَمـیره درد دارنه مار که بوره خنه ره غم وارنه بـدون مـار خنه صفا نارنه ته جان فدامه ته که بوری بابا غریب بونه غصه و غم ونه نصیب بونه اسیر قـوم نـانجیب بـونه ته جان فدامه تـه دری بـابـا رنگ و رو دارنه ته دری خِنه سِک و سو دارنه انگار بهـار بِـک و بـو دارنه مه جان ته قروون 🥀😭🥀😭🥀😭🥀😭 #علی_اکبراسفندیار_مداح