آغلاما گوزون فداسی قیل منه بیان حسینم 🥀▪️▪️🥀▪️▪️ 🥀▪️🥀#دفن حضرت امیر علیه السلام زبانحال حضرت زینب علیها سلام با امام حسین علیه السلام 🔰#سبک_سو_یوخومدی_قزلاروندان … 5 سبک . #مرحوم شعاع تبریزی آغلاما گوزون فداسی قیل منه بیان حسینم جسم مرتضایه اولدی بس هارا مکان حسینم . . آغلیوب گتورمه قارداش قلبیمی بو نوعی درده بیله حسرتیله توکمه اشگیوی بو روی زرده واضح ایله چکمه قارداش بو اسفلى حاله پرده نجه یاتدی تپراق اوسته او شه جهان حسینم . . بلوسن منه ایدردی مهربان آتام نوازش ایتمدی بو چرخ گردون آل احمدیله سازش تا پماز آگهم ئولنجه محنتیم جهاندا کاهش اودی ایلرم ئولنجه اشکیمی روان حسینم . . بولورم شماره گلمز باشیمون منیم بلاسی قویمادى فلک آچلسون باشدا کی آنام قراسی ایکی قاره باشدا دلده تیر درد و غم یاراسی التیامینه بو دردین منده یوخ گمان حسینم . . بابامین فراقی آخر قلبمه سالوب شراره قلبده بو یاره قارداش زینبون گیدر مزاره داخی عالم اولدی زندان من زار و دلفکاره عزّتیم مبدّل اولدی ذلّته عیان حسینم . . بی سبب باجون بو نوعی ایتموری فغان وشیون بو قضیه نی دییَندن یانارام من امّ ایمن وار باشمدا نه بلالر بلورم او وقتدن من دیرم گر اشک چشمیم ویره بیر امان حسینم . . بیله نقل ایدور او خاتون بو اسفلی ماجرانی قویماز اهل کینه راحت اولا آل مصطفانی تنگ ایدر بیز اهلبیته اشقیا فنا جهانی کربلاده گوزده اشگیم اولاجاقدى قان حسینم . . گر چه حال ضعفدیدی بو گچن گئجه او سرور ولی دوزمیوب سوروشوم بو قضیه نی برادر منه بیر سوز ام ایمن باباجان دیور او مضطر یعنی کربلاده عطشان ویره جاقدی جان حسینم . . قزیوین ندور علاجی بیله ماجراسى اولسا ظلمله آنام بتولین گلِ گلسِتانی سولسا کربلاده جام چشمیم قلبمون قانیله دولسا نیلر اوندا قالسا یالقز گلِ گلسِتان حسینم . . آچدی گوزلرین بو سوزده چکدی آه سرد دلدن باخدی حسرتیله تو کدی قانلو یاش عذاره گوزدن دوز دیور قزیم بیوردی بو کلامی ام ایمن من بو سرّی ایلمیشدیم سویلدی بیان حسینم . . ایلدیم یقین که اولمام داخی من جهاندا راحت خوش گونه بیز اهلبیتی قویار اهل کینه حسرت قارداشیم حسندن اوّل زهریله آلالا طاقت نعشین اوخلارا ایده لّر ظلمله نشان حسینم . . گوئیا ایده لّه دعوت بیزی کربلایه عدوان باغلار اوُل بلالی چولده سو یولونی آل سفیان اوچ گون اوچ گجه بنات مصطفا قالالّار عطشان ظلمله اسر او چولده صرصر خزان حسینم . . سربسر اولیدی ویران بو فنا جهانی ایکاش ایمدیدن عذاره توکمه من گوزون فداسی قانیاش صبر ایله بابام غمینده گلمه بیله داده قارداش ساخلا کربلایه اشگون ای گل جنان حسینم . . . یا نمشام باشون بلاسین ایشیدنده من برادر یار و یاورون لب عطشان جانویرر او چولده یکسر سنی ظلمله اوغولسوز قویار اول گروه کافر حالیوه سنون تاپولماز بیر نفر یانان حسینیم . . جور ظلم اشقیادن چخار عرشه سوز آهون ترجمان ویرر سو اوسته ایکی قول بو سرسپاهون خرگهون یانار او چولده تالانار جلال جاهون سویار آل مصطفانی اوندا شامیان حسینیم . . سیدی «شعاع» غمونده متّصل سزیلدار آغلار قبریوین بو هیئتیله حسرتینده سینه داغلار دللرینده شوق قبرون اشگنی عذاره باغلار اولالار نولی بو وقفه سنه میهمان حسینم