🏴#شهادت_امام_موسی_کاظم_علیه_السلام ✍#سبک_مازنی ✍شاعر:علی اکبر اسفندیار #کانال_متن_روضه_مجمع_الذاکرین ▪️▪️▪️▪️▪️▪️▪️ مسلمانـون شمـا ره بـونه بـاور که من باشم امام موسی بن جعفر من اگر چه کـه پُـوسّ و هِسکامه بـه خـدا امـام صـادق ریکامه چهارده سالی که بَهیمه اسیر مـره بـا نـاسزا هـاکـردنه پیـر مه جا سِندی خَله بد تا هاکرده خَله اهانت به زهرا هاکرده به جای خِرد و خِراک بد گِتنه مه دل گوشه ره هر روز وِتنه این درده وِنه کِنِسّه بهووتن سیو چال دِله زنجیر مه گِردن مه تن از غل و زنجیر بَیّه کهو نَدونِسّمه که روز بُونه که شو چهارده سال اسیری خَله سخته اسیری فصل پیری خله سخته چهارده سال هی آه بَکِشیین چهارده سال شِه وَچونه نَدیین تا از دلتنگی بِیمه بِـرمه گَلی مِـره نـا سـزا گِتنه مـه پَلـی اگه مه غصه مَشت عالمینه مـه نـاله از غـریبیِ حسینه مـره هاکردنه تشییع جنازه حسین تن پاره از نعل تازه من که مثل حسین بلا نَدیمه شه سر ره نیزه ی بالا ندیمه مه جان خواخر ره که سر پیری نَـوِردنه کـوفه و شـام اسیـری مه وَچون اگـرم آه بَکشینه وِشون خـار مُغیلان ره نَدینه اگـر چه گـل شادی ره نچینه دردِ رقیـه جـانّه نَکشینه مه سینه«مداح» ازغم مفتلاعه مه غم و غصه از کرب وبلاعه #کانال_متن_روضه_مجمع_الذاکرین

🏴#تخریب_قبور_مطهر_بقیع 🏴#سبک_مازنی ✍شاعر:حسین آقا برار نیا ▪️▪️▪️▪️▪️▪️▪️▪️ سبک : رفق بی کلک مه جان ماره ... تمومه شیعیونه دل نخاره بقیعه وسسه دل بهییه پاره 🥀 غروبای بقیع دلگیره یارون ونه اون قبرای خاکی قربون 😭 مه دل خواسته بقیع زائر بواشم کنار صادق و باقر دواشم 🥀 دل خوانه وشونه قنبر بواشم مثه قنبر منم نوکر بواشم 😭 همش مه دل خوانه کوتر بواشم سر قبر امام حسن دواشم 🥀 بوینم قبر زین العابدین ره بخونم روضه ی ام البنین ره 😭 یاد حسین دتا چششه ونسسه ایموئه بقیع زار زار خونسسه 🥀 امون از درد بی درمون خدایا امون از دوریه وچون خدایا 😭 خداوندا بوین مه دل سروشته داغه کرببلا مره بکوشته 🥀 دشمن بزو مه چراغه دکوشته غریبونه مه وچوننه بکوشته 😭 الهی مار بمیره تشنا تشنا مه حسین جانه سر بهییه جدا 🥀 پسر سرجدا ته مار بمیره مه عباس ته فدا ته مار بمیره

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ رقیه جان ته دا بمیره عمه الهی من ته قروون چتی طاقت بیارم من ته غمه غـریـب محـله و خـرابـه کنـار تـه مظلومی ره مـن زار بزنم زار مـه جـان بـرار زا تـه غـم بَمـیرم دعا هاکن که تا من هم بمیرم دواره غم و غصه رو بموعه مه تیر بخرده دل اَی تو بموعه رقیه چِشّه بـاز هاکن گل من چتی من تره بِهلّم خاک بِن بمیرم تـه چِـش بِـن سیـو قیله تـه جـان تـن همه جـا کهو نیله چهل منزل روز وشو چو بخردی بمیرم که ته وِشنا بی بَمردی بمیرم که غریبی جان هدایی مـره کِشنه آخـر ایـن جـدایی اِسـا ونِـه شـه سر سر ره بَـروشم کفـن نــدارمـه تـا تـه تـن دَپـوشم الهی ته درد و بلا مه سینه چتـی بـدون تـه بـورم مـدینه «مداح»جان تِسّه در بُوره زار زار کــه خـرابـه کنـار بَیّـه تــه مـزار 🏴😭🏴😭🏴😭🏴😭

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ عمه جان ازاین همه بی خبری«۲» بَوین باسر بِموعه مه سفری جان پِره وِسّه چِش داشتمه راه«۲» بَدی جواب هِدا چشم انتظاری 🥀😭🥀😭🥀😭🥀😭 عمه حاجت روا بَهیمه دیگه شِه جان بابا ره بَدیمه دیگه وِنه قشنگ سر و صورت جا گــل آرزو ره بَچیـمه دیــگه نَدومّه خو دَرمِه یا که بیداری«۲»      بَوین با سر بِموعه مِه سفری 🌴       🌴        🌴       🌴 من فدای شاه عالم بَهووم شِه بابا ره از کِمین غم بَهووم جان پِره دل پُر از خون و غمه وِره از کِمینـتا مــاتم بَهــووم مِره که بَکوشته ای درد دوری«۲»      بَوین با سر بِموعه مِه سفری 🌴       🌴        🌴       🌴 عمه مِه بابای تِک چه خون اِنه؟ بَمیـرم خـون از وِنــه دِهون اِنـه عمـه جان یـاد اِنـه زونـه بابا ره؟ خـون از جـای زخم خیزرون اِنـه مگـه خیـزرون بُـونه مِـزد قـاری«۲»      بَوین با سر بموعه مه سفری 🌴       🌴        🌴       🌴 اَنّـه چو بَخِنّه تـن تَش وِشنه درد پهـلـو دَره مــره کِشـنه عمه جان دعا هاکن که بَمیرم بَمونّـم مِـه درد و بـلا تِشِنه عمه هاکری مِه وسّه مادری«۲»      بَوین با سر بِموعه مِـه سفری 🌴       🌴        🌴       🌴 عمه بـابـا ره گِمه بی بَهوونه همیشه مِه خاطری تِره زونه دیگـه تِوسّه بَهیمه درد سـر مِره شِه همراه بَوِر اَگه بونه جان بـابای فـداعه دِتِـری«۲»      بَوین باسر بموعه مه سفری 🌴       🌴       🌴        🌴 حلال هاکن عمه ته غم مه سینه خدا حافظ جان خواهر سکینه خرابه جان هداعن مه تقدیره غـم و غصـه یتیـمِ همنشـینه مه غمه خوندنه«مداح»به زاری«۲»      بَوین با سر بموعه مه سفری 🥀😭🥀😭🥀😭🥀😭

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار 🥀😭🥀😭🥀😭🥀😭 بَهیمه حاجت روا«۲» عمه خدا نگهدار«۲» دیگه بِمو مِه بابا«۲» عمه خدا نگهدار«۲» عمه بِرو تماشا ، مِه بابا آخر بِمو مِه آسمون ماه و،عزیز وسرور بِمو مِه زار ره که بَدیّه،باباجون باسربمو اَنّـه ناله بَزومه، مِه جان دیگه دربمو دیگه بَهیمی جدا«۲» عمه خدا نگهدار«۲» دیگه بَهیمه خَسّه، ازظلم این زمونه از غـریبی کِـردمه ، تـا بـابـا ره بَهـونه مِه خاطری عمه جان، اِمونه تِره زونه عمه یتیمِ وِسّـه، هیچـکی بابا نَبـونـه ای همدم با وفا«۲» عمه خدا نگهدار«۲» عمه بَعو به عالَم، من خَلِه چُو بَخِنّه به جرم بی گناهی،شلاق و لُو بَخِنّه نوبت به نوبت کِتِک،هم روزوشو بَخِنّه بَعـو کـه از غـریبی، دِق ها کِنّـه بَمِـنّه بَیمه شبیه زهرا«۲» عمه خدا نگهدار«۲» اگر چه عمه بَیمه، همسفر نِیمه راه اگر چه بَیّـه دیگه ، خرابه مِه قتلگاه غصه نَخِرعمه جان،هی نَکِش ازسینه آه عمه مِـه مزار بُـونه، بـی پنـاهونِ پنـاه مِه درد بَهییه دوا«۲» عمه خدا نگهدار«۲» الحَمدُالله که من، شبیه زهرا بَیمه فــدای ولایــت و، فـدای مــولا بَیمـه الحمدالله که از، جمع شهدا بَیمه علمدارِ نهضتِ، شِه جان بابا بَیمه شام بَهییه کربلا«۲» عمه خدا نگهدار«۲» 🥀😭🥀😭🥀😭🥀

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ لالا لالا مِه برار زا عمه قروون آخر بَیتمه تِه عزا عمه قروون لالا لالا مِــه دل خِشی هیچوقتی اینجور خُونَشی چند روزه که ته ناخِتی پِرِه سَرین سَـر باخِتی نَکنه کـه تِـه بَـمردی ازخوشحالی دِق هاکردی چِتی شِـه دل دارم غَمّه الهی نَهــیبُوم عَـمّه تـه که بی مِه دَم و نَفس اِسا دیگه راحت باخِس مه سینه اَی تیر بَـخرده مـه رقیه جـان بَـمرده بِرمِه ره با هِق هِق کردی سه سالگی دِق هاکردی ته این دنیا خِشی نَدی برار زا جان راحت بَعی آخ تِه خَله بَدی آزار راه که شی دَس گیتی دیوار مه یاد دَر نشونه تِه داغ مه چش پیش خِردی شلاق ته غم مه دِلّـه تَش بَـزو دشمن لُو ره تِه کَش بَزو مثل زهرا تِـه دِیم نیلی بَمیرم که خِردی سیلی ته جُرم و گناه چی بِیّـه؟ آخ ته جور مظلوم کی بِیّـه؟ تِه تَن و پِـه هَسّه کَـهو رقــیه بـابـا ره نَـــعو مردم پیش تحقیر بَعی سه ساله بی و پیر بَعی اَتـا غذا سِـر نَـخردی عاقبت وِشـنا بَـمردی رقیه جان دل نارمه من تِه تَـنِّه دَپـوشم کـفن تِه دَرد و بِـلا مِـه سینه بی خواخر بَـیّه سکینه ای همسفر خـدا حافظ خوارِ دِتّر خدا حافظ دَری شونی دل سَروشته ته غم«مداح»ره بَکوشته 🌹🏴🌹🏴🌹🏴🌹

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار

🏴#شهادت_حضرت_رقیه_سلام_الله_علیها 🏴#سبک_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ الهـی مِــن بَمــرده بُـوم رقـیه تِــه بَمــردن ره نَـدیبـوم رقـیه رقـــیه من تـه کَهـو دِیـمِ قـرون بَمیرم ته دِتا چِش کاسه ی خون مِـره تَش بَـزویی بـا این بَمردن من بَمــردمه از تِـه چـو بَخِردن مِـه قشنگِ کُوتِـر چه پَر بَکِشی؟ مِـره چه نَوِردی اِساکه دَی شی تِـه سـر تـا پــا کهـو عمـه بَمیره شِــه بــابـا ره نَعـو عمـه بَمیـره حسینِ پیش مِـره شرمنده نَکِن از ایـن بـدتـر مِـره درمانده نَکِن من اَمانت داری خوار خوار نَکِنّه مـن مـادری جـای تِـه مـار نَکِنّه سه ساله زهرا،نصف شو بَمِردی مِــه دِلّـه تِـه تـا مـدینه بَـوِردی زهــرای مــدینه هـم شـو بَمِرده مِـه مـار مثل تِه چَک و لوبَخِرده تِه کِچکِ دَسّ ولِینـگ کَهوی قِرون تِه شب و روز بَخِـردی چـوی قرون بَمـیرم کـه تِـه هـر شُو وِشنا خِتـی اَنّــه بــابــا بــابــا گِتــی تــا خِـتی تِـه بَمردِن مِـه دلّه کـه بَـزو چـاک تِــره چِتـی بِهـلّم سینـه ی خـاک تِـــه دعـــا مستجـاب بَیّـه رقـیه مِــه دل تِسّــه کبـاب بَیّـه رقـیه رقـیه جان تِـه غـم مِـره بَکـوشته شــلاق بَهـییـه و مِـــره بَـروشته تِـه مِه شیرین زبـون کاروان بی جانِ برار زا مِه تَن ره تِه جان بی الهـی کـه تِـه جـا حاجت بَهیـرم دعــا هـاکِـن بِـرار زا مـن بَمیرم بِرار زاجان ته بی عمه ی غمخوار رقــیه جــان دیگـه خـدا نگـهدار اگـرچــه تِـه مصیبت هَسّه جانکاه تِه سـوز دل ره هِـدایی بـه«مداح»