شروع ماه عزا و عرض ادب خدمت سالار شهیدان (با آهنگی ساده و دلنشین) گلوب گینه محرم الله اورکده واردی مین غم الله گییوبدی فاطمه قَراسین دیور بو وِردی عالم الله حسین یارالاریوه قوربان اسیربالالاریوه قوربان۲ چکوبله عرشه قاره یکسر بو غمده آغلییور پیَمبر آچوبدی جنّت ایچره باشین بیله دیور آتاسی حیدر خلیل و نوح و آدم آغلور گلوب نوایه مریم آغلور فراته باخ دونوبدی قانه آقام حسینه زمزم آغلور سَن ای مزاری آلتی گوشه گَتیرمیسَن بیزی خروشه گَلَر دیولله ماهِ غَمده داماردا شیعه قانی جوشه مریض عشقیوم حسین جان گوزل آدوندی درده درمان یوزوم قرادی گرچه مولا هارا گیدوم آقا قاپوندان عنایت ایت بو بیقراره اَسیریوَم گَل ایله چاره نولور گینه تاپام لیاقت کی زائرون اولام دوباره گَرک امیرِ عالَمینه اورک گَله فغان و شِینه اوزوم بوقولی ویرمیشم من ئولونجه آغلییم حسینه #محرم #سیدالشهدا التماس دعای فرج الاحقر مهدی عبادی

بنام خدا استقبال از محرم ♤♠️♤ چکدی خداعرشه قرا یا حسین/قوزانوب افلاکه نوا یاحسین سینه دولوب کرب وبلاعشقینه/شیعه گیوب رخت عزایاحسین ♤♤♤♠️♤♤♤ مین نچه ایلدی بئله برنامه وار/ماه محرم ده بو هنگامه وار زنده دی دین تا کی عزاخانه وار/دایر اولوب دار بقا یا حسین ♤♤♤♠️♤♤♤ یاد ائدروخ پرپر اولان اصغری/پیکری قانه بویانان اکبری قاسم شهزادهٔ نام آوری/یئرگوی اولوب غرق صفا یا حسین ♤♤♤♠️♤♤♤ زنجیره غم غصه لری باغلاروخ/سینه ووروب باش یاراروخ آغلاروخ محنت زینب ده اورک داغلاروخ/سیزده دی هر درده دوا یا حسین ♤♤♤♠️♤♤♤ یوخدی آقا آیری بیزیم پیشه میز/عشقون اولوبدی آقا اندیشه میز گوز یاشیدی روز جزا توشه میز/باخ بیزه سن روز جزا یاحسین ♤♤♤♠️♤♤♤ سن سن آقا عالمه نور بصر/عشقون ائدیب بیزلری شوریده سر جان رقیه بیزه بیر قیل نظر/حاجتیمیز ایله روا یا حسین ♤♤♤♠️♤♤♤ آند اولا بو لحظهٔ بو ساعته/آند اولا بو پرچمه بو هیأته آند اولا آدوندا اولان لذته/یوخ بیزه بیر آیری سرا یاحسین #ورود_محرم #سیدالشهدا ✍مسلم فرتوت فاخر """"""♡♡♡"""""""🏴🏴🏴

بنام خدا تقدیم به شعرا مادحین و عزاداران ایام محرم و احباب الهدائی های معظم و معززه "" "" "" "" "" مین نئچه ایلدی حسینون آدی دیلرده گزیر یوخدی سلطانلار ایچینده بئله برجسته امیر بو آدین سایه سینه دالدالانورپیر و جوان گون به گون بو علمین‌ سایه‌ سی گسترده له نیر قرنی لر کرب وبلا نهضتی نون قدمتی وار ائدیب آزاده لیگی زنده بو سلطان شهیر کربلاده دیوب هیهات من ‌الذلّه حسین بو شعاریله چوخی ایندیده میدانه گلیر کیم حسینچی اولا ظالم لره تعظیم ایلمز ننگیدی فرد مسلمان اولا عالم ده اجیر کیم حسینچی اُولا قویماز قدمون ٱیری یولا فانی دنیاده اوزون سیم و زَره ائتمز اسیر اگنینه گِیمَز حسینچی ابداً رخت ریا ایلمز پست و مقاماته اؤزؤن خوار وحقیر اویناماز اجنبی لَر سازینه عشاق حسین چون حسین عاشقی اولسون گرک عالم ده بصیر ای حسین درگهینون سائلی!بیل قدروی سن شأنووا چاتماز ، اینان مرتبت شاه و وزیر رتبه سین سلطنته وئرمز حسینون دَلی سی چون اونون قلبی فقط شاه شهیدانه اسیر فخر قیل منصبووا خادم دربار حسین چونکی ‌عالمده‌ سنون منصبووا یوخدی نظیر ای عزادار حسین !گؤز یاشوون قدرینی بیل بئل بو‌گؤز‌ یاشلاری‌نون‌ حسرتیلن عرش اهلی چکیر آرزو إئیلوب حبیب بن مظاهر دیریلَه شاه دین غملرینه آغلویا اُول نوکر پیر گَل حسین درگهینه آتش تبعیض ده یانان چونکی ‌یکسان‌ دی ‌بو درباریده سلطان و فقیر حُرّ تک چالگیلا سن‌؛ بو ابدیت قاپوسین چونکی حرّیّتَه جز راه حسین یوخدی مسیر عاشقان صدقیله کیم ویرسا قدم بو قاپودا اجرینی بیلمز اونون کیمسه به جز حیّ کبیر شعرا ایچره چوخی قلهٔ اشعاره چاتوب لیک هر شاعر اولانماز شه والایه سفیر "فاخرم" منده حسین در گهینون سائلیم آرزوم وار کی اولام منده بو در باریده پیر "" "" "" "" "" " ✍شاعر : مسلم فرتوت(فاخر) #سیدالشهدا #ورود_محرم #محرم1402