دفن حضرت زهرا (س ) آه یابن الحسن عذر ایستیورم سندن آقا یارالی قلبووه عاشقلروون جانی فدا میخ در بیلمیورم نیلدی مظلوم آنووا فقط عرض ایلیورم گول کیمی زهرا سولدی تک قویوب حیدر مظلومی جوانمرگ اولدی گون اوگون اولدی غرض فاطمه نی شاه جنان سینه سی یاره لی تابوته قویوبدور نگران گتیروب یاسمنین دفن ایلیه ناله کنان قویدی تابوتی یره سالدی احبانی یولا دیدی زهرانی گرک حیدر أوزی قبره قویا هره بیر سمته گیدوب قالدی علی شیرخدا گوزلریندن توکولور صورتینه اشک عزا دیدی بیر کلمه فقط دلبرینه شاه ولا دیدی زهرا بو گجه سنده علینون داشین آت یورولوبسان بیلیم قبریده گیت راحت یات یری وار ارض و سما ناله و افغان ایلیه اچا باش روح الامین گوزیاشینی قان ایلیه ایستدی عرشی علی فرشیده پنهان ایلیه هجر زهرا اوزمان لرزه سالوب صبر ایوینه قویدی حیدر یارالی دلبرینی قبر ایوینه اوتوروب قبرینون اوسته ایلیور آه و فغان دیدی خلق ایلمیوردی منی ای کاش یارادان بو غمون فاطمه جان قلبیمی بولدی آرادان بیت الاحزانه نه یوزلن دینن آیا قیودوم سنی مندن خبر آلسا بالالار من نه دیوم ناگهان خوابه گیدوب نور خدای ازلی گوردی رویاده علی فاطمه نی بلده الی دیدی دور گیت ایوه تز قالما بو مأواده علی دوردی فورا قیودوب منزله اطفاله گوره گوردی هر گوشه ده آغلور هره بیر حاله گوره بیری دی سیلی اونا ثانی ویراندا واریدیم بیری دی پشت دره قانی آخاندا واریدیم بیری دی محسنه حسرتله باخاندا واریدیم بالالار ناله سی قلب فلکی داغلوردی هامیدان چوخ ولی بیچاره حسن آغلوردی

یاس چمنیم لای لای سیمین بدنیم لای لای 🍁🍁🍁🌾🍁🍁🍁🌾 شهادت حضرت زهرا سلام الله علیها 🔰سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه … سبک_آتدان_یره_چون_دوشدی . مژده اردبیلی . یاس چمنیم لای لای سیمین بدنیم لای لای حق اوسته باتان قانه غرق محنیم لای لای لای لای ای حیدورن زهراسی لای لای لای لای ای کوثرون معناسی لای لای . . . ای انجمن عشقین انوار تجلّاسی گلزار تولاّنین یاس چمن آراسی ابن عم طاهانین روح شرف افزاسی حق اوسته فنا یئرده ،جاندان گئچنیم لای لای لای لای ای……… . . . سن گئتدون الیمدن من مأنوس فغان اولدوم تیر غم و اندوهه یثربده نشان اولدوم قالدی یاخام اللرده بی تاب و توان اولدوم فخرالنُّجبا اولموش مام حسنیم لای لای لای لای ای……… . . . بیر اولدوز اولوب باتدون افلاک ولایتدن بو باتماقون الحاصل سالدی منی طاقتدن درد اولدی که سن دویدون کانون امامتدن ظلمون اثریندن ای الدن گئدنیم لای لای لای لای ای……… . . . زینب قیزوون زهرا اشک تری قان اولدی اوغلون حسنین غمدن گوزیاشی روان اولدی یوخ سوز کی حسین اوغلون بی تاب و توان اولدی ای قدرت بازوی خیبر شکنیم لای لای لای لای ای……… . . . ای عالم خلقتده اسرار نهان زهرا محبوبۀ حق اولموش پیغمبره جان زهرا دشمن ستمیندن ای پهلوسی سینان زهرا بیر اللی قنوت دوتموش مظلوم ئولنیم لای لای لای لای ای……… . . . ای آگه اولان سرَّه دنیای قیامیدن ائتمه منی یا زهرا بی بهره شفاعتدن قیل (مژدۂ) نالانی سرگشته عنایتدن اولسون منیم عالمده شیواسخنیم لای لای لای لای ای………

یا اباصالح گنهکارم دعا ایله منی 🌾🌾🍁🌾🌾🌾 💫یا مهدی محمد رضا صادقی . یا اباصالح گنهکارم دعا ایله منی روسیه عبدِ خطاکارم دعا ایله منی . دوزدی جرمیم چوخدی نالایق سنه بیر عاشقم لطفووه اما سزاوارم دعا ایله منی . یوز چوورمه سن یوزومدن گل سنی زهرا آنان گر چه حقونده بدهکارم دعا ایله منی . محبس نفسه دچارم قول قانادسیز قوش کیمی عاشق بستان و گلزارم دعا ایله منی . ای گل باغ رسالت ای امام محتشم منده گللر ایچره بیرخارم دعا ائله منی . دورِ شمعونده حساب ایله منی پروانه تک آتش عشقه گرفتارم دعا ایله منی . لیلی و مجنون کیمی درده گرفتار اولموشام نیلیوم هجرونده بیمارم دعا ایله منی . گوزلریم آز قالدی چئخسون آغلاماقدان گل آقا حالیسن مشتاق دیدارم دعا ایله منی . جمعه سایماقدان یورلدوم یولدا قالدی گوزلریم گوزلَماقدان بسدی بیزارم دعا ایله منی . مستحق بیر سائلم گوز تیکمیشم درگاهیوه هر نه پای وئرسن خریدارم دعا ایله منی . آتموشام دنیانی باشدان ، من سنه خاطر آقا دوره گرد شهر و بازارم دعا ایله منی . روسیه “شیدا”یم آقا واردی عرضیم باخ منه جدیوه آخر عزادارم دعا ایله منی . نوکره اربابیلر لازمدی باش چکسون آقا من بو بابتدن طلبکارم دعا ایله منی

تاپولمورکیمسه غربتده خدا اهل فریق اولسون 🍂🍂🍂 🥀رازونیاز حضرت موسی ابن جعفر علیه السلام . مرحوم غلامعلی باقری الهام ( هوشی تبریری) . تاپولمورکیمسه غربتده خدا اهل فریق اولسون غم واندوه ومحنتده من زاره رفیق اولسون . اوزوم محبوس مجبورم یریمدورگوشۀ زندان قوری یرمسکنیم یارب انیسیم ناله وافغان گوزوم یولدا یوزوم یرده جفادن خسته ونالان نه واربیردادرس گلسون منه یارشفیق اولسون . . خدا بو کنج غربتده نه وار باجیم نه قارداشیم ایدن نه دردیمه چاره بلالیدور منیم باشیم عقیق آسا دونوبدوربوگوزومده قانه گوزیاشیم یقینیمدورخدا حاشا یمینده بوعقیق اولسون . . دل پردردیدن عرشه چخورآه شررباریم دُرغلطان ایدرجاری دمادم چشم خونباریم اوزوب ال ایل قبیلمندن غم ومحنت اولوب یاریم منیم تک یوخدی بیرکیمسه یم غمده غریق اولسون . . زبس غم چکموشم گوزده دونوبدورگوندوزم شامه بوتیره تارحبس ایچره یتوبدورعمروم اتمامه سیخوبدورمنجنیق غم سالوب بیراوزگه اندامه گورن یوخ بوفشاریله جهاندا منجیق اولسون . . گیدوب جانیم گلوبدوربودل پرمحنتیم درده قوری نی تک نوا قیللام پریشان حال وافسرده باخا هر کیمسه زنداندا دیروار بیرعبا یرده که یوخ جانی عبائیله اوجسمه بیرفریق اولسون . . منی هارون بی ایمان جفائیله ایدوب مسموم یری وارگرایده حالیم سراسرعالمی مغموم قوری تپراقلاراوسته جان ویروربوبیکس مظلوم گلوب ای کاش بیرکیمسه رفیق دل رقیق اولسون . . سرشک نابیدن یارب گجه گوندوز گوزوم نم دور یوزوم گرچه سولوب گل تک ولی گوزیاشی شبنمدور بو زهریله یانان قلبیم بولورسن که دولی غمدور بولنمزحالیمی بیرکس مگراهل علیق اولسون . . اوزوم شاهم ولی یارب قوری تپراق سریریمدور کمندعشق بوینومدا منیم شال حریریمدور بودرس عشقده جدیم حسین قابل دبیر یمدور بساط عشقده عاشق گرکدورچوخ دقیق اولسون . . بوزندان گوشه سی یارب اولوب من بیکسه لایق وُراردریای عشق ایچره وجودیم غوطه چون قایق وصال یاره یتماقه بوعشق ایلوب منی شایق جهاندا تزچاتار وصله اوعاشق که صدیق اولسون . . وفا رسمینده آگهسن خدا هر نه بلا چکدیم بو زندان و فا ایچره نقدری من جفا چکدیم ولیکن صفحۀ دلده هامی نقش وفا چکدیم وفارسمین بوله هرکس گرک اهل طریق اولسون . . منی دشمن جفائیله ایدوب رنجورو دلخسته ایاقیم قولاّریم قید جفائیله اولوب بسته گهی نی تک نواقیلّام سورونّم گه یوزوم اوسته اجل گلموربوذلتّدن وجودیم تا عتیق اولسون . . وطنده دشمنیم آیری بوغربتده غریبم من گویولده جوش ایدردردیم ولیکن بی طبیبم من شرار زهریله قلبیم یانارمحنت نصیبم من هانی بیرکیمسه عالمده منیم تک دل حریق اولسون . . سفارش ایلدی(مدحی) بوشرح حال اولا انشاء یازوب (هوشی) بوعنوانی بقدر قدرت ویارا سنی باب الحوائج ای خدای قادر و یکتا منیله مدحنی قویما گرفتارمضیق اولسون