#برار_غریب_در_وطن #امام_حسن_شهادت_دلگویه_مازنی 🏴🌾🏴🌾🏴🌾🏴🌾 برار غریبِ در وطن خواخربمیره غریب تر ازحسین حسن جان برار غم نصیبی چنّه شه خنه غریبی الهی نَهیبوُم خواخر نَدیبوُم تِه پاره جیگر برار مه دل بَیّه کعو چه اَنّه بونی پشت و رو تره بکوشتنه با او حسین کجه دری برو دس وپانزن ته قروون تره اِشـنّه یتیمون مره چه زار زار اِشنی مه چشِ پیش ته جان دنی ته که اَنه داشتی کرم آخر چه بعی بی حرم برار حسن مثل مه مار نا حرم دارنه نا مزار بغیراز دلِ ته خواخر بَسوته «مداح» جیگر 🏴🌾🏴🌾🏴🌾🏴🌾 شعر:علی اکبراسفندیار«مداح» @navaye_asheghaan

‍ #مسلمانون_امام_حسن_غریبه #امام_حسن_شهادت_دلگویه_مازنی 🏴🌾🏴🌾🏴🌾🏴🌾 مسلمانون امام حسن غریبه ونـه غم و غصه چنّـه عجیبه مسلمانون حسن کم غم نداشته وه شه خنه دله مَحرم نداشته آقا ندیمه به این مهربونی همـه جـا بَدیّـه نامهــربـونی هر چی غم و غصه دیّـه مدینه امام حسن جمع هاکرده شه سینه از آقایی حسن جان کم ندارنه حسن مثل شه مار حرم ندارنه وِنِسّـه نـاله بَزو کوه و صحرا عـزادار بَهینه مـاهی ودریـا حسن جان که حسین جانِ براره وشونِ وسّـه زینب بـی قـراره  ونه تابوت تا بیه تیر بارون شه سرسر ره زونه ونه برارون از اون روزی که زهرا ره بزونه قتل حسن ره هم امضا بـزونه دسـه دسـه نـانجـیبا بـمونه حسن چشِ پیش مار ره بزونه بخون«مداح»حسن اون روز بَمرده که ونه پیش ونه مار چو بَـخرده 🏴🌾🏴🌾🏴🌾🏴🌾 شعر:علی اکبراسفندیار«مداح» @navaye_asheghaan