#خوامه_از_زبون_زينب_بنالم #حضرت_زهرا_دلگویه_مازنی 🥀🏴🥀🏴🥀🏴🥀🏴 خوامه از زبونِ زينب بنالم از دلِ پُر خونِ زينب بنالم مسلمانون بي مار بَيّن چه سخته از کچیکی بی مار دَيّن چه سخته ازاون لحظه مه دل نالسّه زارزار كه تابوتِ دله باخته مه مار بدیمه دوش سر مار دَیّه شیّه غریبونه به چه زار دَيّه شيّه جدایی وفراق واللهِ سخته جوونِ مارِ داغ واللهِ سخته تابوت پشتِ سر مِه یادنشونه مه برارون چه زاری سینه زونه مه مارِ واری مظلومتر دنینه بشکسّه پَلي و بشكسّه سينه نصف شوسلمان ومقدادوعمّار چه غریبونه بوردنه مه مار الهی جان مار ته غم مه سینه چنه ته غریب هسی درمدینه ته غریبی مه داغِ کنّه تازه چنه خلوته ته تشییع جنازه هیجده ساله مارِ داغه بدیمی ونه تش بهیته باغه بدیمی مه جان مار چو بَخرده بَمرده اَنّه چَك و لو بَخرده بَمرده من شه چو بَخرده مارِ بلاره چَك و لو بخرده مارِ بلاره مه جان مار كه روز وشونداشته از درد كَش وسينه خُو نداشته سرخ سيو بِيه نفس نفس زو بشكسّه بالِ جا پَر ازقفس زو حسن جان خله شه سرسرره روشته مره بي تابيِ حسين بكوشته اَمه دل كه شه مثل تش وشنه حسينِ ناله اَماره كشنه همه دونّني مه مار چو بَخرده نَدومّه دونّني چه لو بَخرده؟ مه مار چونکه بیه یار ولایت نـه تنـها یـار،غمــخوار ولایـت سفارش دارمه از مار یادگاری دِتـرجـان هــاکـن ولایتِ يارى جان مار داشته اين همه حكايت عاقبــت بَيّــه فــداى ولايــت بنال«مداح» بنال مه زاره بخون غريبيِ مـه پِــر و مــار ره بَخـون 🥀🏴🥀🏴🥀🏴🥀🏴 شعر:علي اكبراسفنديار«مداح»

#علی_امشو_خوامه_با_شیون_وشین #حضرت_زهرا_دلگویه_مازنی 🥀🏴🥀🏴🥀🏴🥀🏴 علی روضه بخون باشیون وشین بنالیم از غریبیِ شه حسین حسینِ وِسّه مه دل نیرنه قرار ته روضه بخون و من بزنم زار بِشنوسّمه حسین کربلا شونه مِه وَچه ی سرخَله بلا شونه بشنوسّمه وِره تِشنا کِشنّه وِنه تن ره به خاک وخون کَشنّه بشنوسّمه وِنه سر بونه جدا الهی شه نازنین پسره دا علی جان مه حسین خَله غریبه اسیرِ دسِ قـــومِ نـــانجـیبه علی بشنوسّمه شام غریبون آواره بونِنِه حسینِ وچون بمیرم که بی برار بونه زینب اسیر دسِ اشرار بونه زینب مه دلِ درده «مداح»زار بزوعه با سوز وناله و آه زار بزوعه 🥀🏴🥀🏴🥀🏴🥀🏴 شعر:علی اکبراسفندیار«مداح»

#فاطمه_جان_تره_چتی_بشورم #حضرت_زهرا_دلگویه_مازنی 🥀🏴🥀🏴🥀🏴🥀🏴 فاطمه جان تِره چتی بشورم؟ نَدومّه از غم تِه كِجه بُورم؟ تِه چِش و دیم ته پَلی کهوعه کمینـتا نـانجـیب تره بــزوعـه? علی زنده باشه تِه چو بَخری? کهو تن ره خوانی کجه بَوری? ته نعشه درمه شورمه من بمیرم من زندگی ره کورمه من بمیرم فاطمه جان مره چیکار بَکِته علی دیگه از داغ تـه هِکِته کجه بُوردی مه عزیز وَچونِ مار از داغ ته شه سر ره زَمّه دیوار زهراجان دعا هاكن من بَميرم توسه كفن اندازه نَهيرم فاطمه جان ته که مه دلّه بُوتی تِه کَش بشکِسّه و مره نعوتی اِسا چِتي شِه سَرسَر ره نَروشم؟ تِره زهرا چِتی كفن دَپوشِم ای کاش که فاطمه من کوربَهیبوم تِه تن ره اینجوری کَهو نَدیبوم بَمیرم که تِه سَرتن هَسّه ناسور چتی من بزنم ته تَنّه كافور؟ تِره چتی بَشورم دل دره خون؟ تِه كَشِ جاهمش خون زنّه بيرون وَچون دَرنّه شِه خِدّه کِشنّه از داغِ تِه مثل کوره وِشِنّه فاطمه جان علی بَیّه گرفتار چیکارهاکنم با وَچون بی مار باور نكردمه ته پيش بَميرى مه سراغ بِيّه درد و داغ و پیری بَوین زهرا حسن سر زَنٌه دیوار گِنه جوونی بَمرده جانِ مار مه زینب جانِ دل دَربونه پاره از همه بیشتر حسین بی قراره بنال«مداح»كه مه دل پُرِ خونه مه چِشِ پیش مه زهرا ره بزونه 🥀🏴🥀🏴🥀🏴🥀🏴 شعر:على اكبراسفنديار«مداح»

‍ #یادش_بخیر_خنه_مار_دیه_اشون #حضرت_زهرا_دلگویه_مازنی 🏴🥀🏴🥀🏴🥀🏴🥀 یادش بخیر خِنه مار دَیّـه اَشون من شه جان مارقرون اَمشـو بَیّـه وِنــه شـام غــریبـون من شه جان مارقرون بِعیـن زار بنـالیم خواخر، برارون من شه جان مارقرون دیگه مار نِدارمی دل بَهییه خون من شه جان مارقرون من شه جان مارقرون ونه درد نهییه درمون بَمیرم دل داشته پرخون آخــر نِهشـتنـه اِمــا مــار داریم من شه جان مارقرون مـارِ جـا خِشـیِ روزگــار داریــم من شه جان مارقرون نِهشتنـه شـه خِنـه قــرار داریـم من شه جان مارقرون مـار ره بـو بَکِشیم وبهـار داریم من شه جان مارقرون من شه جان مارقرون ونه درد نهییه درمون بهیرم دل داشته پرخون مگه مِـه مـار کِـره هـاکـرده آزار من شه جان مارقرون وِره بَــزونـه و چِـش بَهییـه تـار من شه جان مارقرون بَمیـرم مِـه بـابـا سر زَنّـه دیـوار من شه جان مارقرون دیگه بی فـاطمـه وِنــه کاره زار من شه جان مارقرون من شه جان مارقرون ونه دردنهییه درمون بمیرم دل داشته پرخون چِل نفر نامَحرم مه ماریک تنه من شه جان مارقرون پِــره چِـشِ پَـلی وِره روشتنــه من شه جان مارقرون مِـه مار ره باچَک و لو بَکوشتنه من شه جان مارقرون مــردم مــدینـه چـه هِـروشتنـه من شه جان مارقرون من شه جان مارقرون ونه دردنهییه درمون بمیرم دل داشته پرخون 🏴🥀🏴🥀🏴🥀🏴🥀 شعر:علی اکبراسفندیار«مداح»

‍ #یادش_بخیر_خنه_مار_دیه_اشون #حضرت_زهرا_دلگویه_مازنی 🏴🥀🏴🥀🏴🥀🏴🥀 یادش بخیر خِنه مار دَیّـه اَشون من شه جان مارقرون اَمشـو بَیّـه وِنــه شـام غــریبـون من شه جان مارقرون بِعیـن زار بنـالیم خواخر، برارون من شه جان مارقرون دیگه مار نِدارمی دل بَهییه خون من شه جان مارقرون من شه جان مارقرون ونه درد نهییه درمون بَمیرم دل داشته پرخون آخــر نِهشـتنـه اِمــا مــار داریم من شه جان مارقرون مـارِ جـا خِشـیِ روزگــار داریــم من شه جان مارقرون نِهشتنـه شـه خِنـه قــرار داریـم من شه جان مارقرون مـار ره بـو بَکِشیم وبهـار داریم من شه جان مارقرون من شه جان مارقرون ونه درد نهییه درمون بهیرم دل داشته پرخون مگه مِـه مـار کِـره هـاکـرده آزار من شه جان مارقرون وِره بَــزونـه و چِـش بَهییـه تـار من شه جان مارقرون بَمیـرم مِـه بـابـا سر زَنّـه دیـوار من شه جان مارقرون دیگه بی فـاطمـه وِنــه کاره زار من شه جان مارقرون من شه جان مارقرون ونه دردنهییه درمون بمیرم دل داشته پرخون چِل نفر نامَحرم مه ماریک تنه من شه جان مارقرون پِــره چِـشِ پَـلی وِره روشتنــه من شه جان مارقرون مِـه مار ره باچَک و لو بَکوشتنه من شه جان مارقرون مــردم مــدینـه چـه هِـروشتنـه من شه جان مارقرون من شه جان مارقرون ونه دردنهییه درمون بمیرم دل داشته پرخون 🏴🥀🏴🥀🏴🥀🏴🥀 شعر:علی اکبراسفندیار«مداح»

‍ #حضرت_زهرا_دلگویه_مازنی #سبک:خوش اومدی توازسفربابا 🏴🥀🏴🥀🏴🥀🏴🥀 مِه یاد که در نَشونه زهرا جان مِـه پَلـی تِـره زونــه زهــرا جــان مِـه دل کـه پُره خـونه زهراجان                        ته غم بَمیرم خِنـه دیگـه بی سِک و سو بَیّـه چشـمه ره مـونـدنـه بـی او بَیّـه دِواره زخـــم سینــه نُــو بَیّــه                       تِه غم بَمیرم تِه که بَـدی تَش بَهیته مه باغ اِسـا چیـکار هـاکِـنم از تِــه داغ تـه یتیـمون گیــرنّـه تِـه ســراغ                      تِه غم بَمیرم فاطمه جان بی تِه علی میرنِه مِه جانّـه عاقبت تِه غم گیرنه هیچ کسی مِه سـراغه نَهیرنه                      ته غم بمیرم مـن دیگه مدینه غریبـمه اســـیر قـــوم نـــانجیــبـمه درد دارمــه امـا بی طبیبمه                      چتی هاکنم از داغ تِه مِه دل تَش وِشِنـه تِـه غـم و غصــه مـِره کِشـنه مِـه زار ره زینب زار زار اِشنه                      چتی هاکنم اون شـو کـه دَیمه تِر شِسّمه تِه کَش خـون اِموعه دَوِسّمـه از اون شودیگه من بِشکِسّمه                     ته غم بمیرم بُـــونـه دَگِـــردی خِــنــه دِواره حسیـنِ دل دَره بــونـه پـــاره تِــه زینـب دیگـه بُـونـه آواره                    ته غم بمیرم حسیـنِ بِـــرمـه مِــره بَکـوشته زینب خَله شِه سر ره بَروشته هـرشوحسن خو دِله سِروشته                   مه جان مار کو؟ چیـکار بَکـِته مِـره زهرا جان ازدست هدامه تره زهراجان مِـه دل از غصه پِره زهراجان                     ته غم بمیرم 🏴🥀🏴🥀🏴🥀🏴🥀 شعر:علی اکبراسفندیار«مداح»