‍ #در_شونی_زهرا_خدا_حافظ #نوحه_حضرت_زهرا_س_مازندرانی 🏴🥀🏴🥀🏴🥀🏴🥀 دَر شُونی زهرا خدا حافظ(۳) ____ مِن بُومِه تنها خدا حافظ(۳) ____ فاطمه من تِه وفای دور نصف شو خدا خدای دور تن داشتی زخم جِرای دور در نِموعه تِه صدای دور یار با وفا خدا حافظ (۳) زهرا جان بدون تِه سخته دیگه تِه علی سِیو بَخته اِسا که تِه بُوردی خاک بِن دیگه مِه بَمردنِ وقته مِه خِنِه صفا خدا حافظ (۳) فاطمه تِه بِلا مِه سینه با تِه بَد هاکرده مدینه به جرم یاری از ولایت تِه کَشّه با لو بشکِنّینه مِه دردِ دوا خدا حافظ (۳) داد و فغان از این زمونه مِه چِشِ پیش تِره بَزونه تِره که خواسّمه بَشورِم بَدیمه تِه کَش پُره خونه بَوِّم تِه فدا خدا حافظ (۳) تِه کَهو تَن ره که شِسّمه تا که تِره کفن کِردمه فاطمه جان من بَمردمه شِه بُغض و بِرمه خِردمه مه جان ته فدا خدا حافظ (۳) از غمِ تِه وِنِه بنالم مِه ناله ره بِشنوعه عالم تِه گناه چی بِیّه زهرا جان؟ هیچ جای تِه تن نَیّه سالم ته بَدی جفا خدا حافظ (۳) تِه یتیمونّه تِه نَعشِ ور تا بَدیمه زَنِّنِه پرپر دَنیبی بی بَوینی زهرا جان چِتی وِشون روشتِنِه شِه سر زار زو تِه کجیا خدا حافظ (۳) 🏴🥀🏴🥀🏴🥀🏴🥀 شعر:علی اکبراسفندیار«مداح»