‍ #دل_که_توسه_بیه_خون_چه_ننی #امام_زمان_دلگویه_مازنی 🌾🌸🌾🌸🌾🌸🌾🌸 دل که تِوسّه بَیّه خون چه نِنِی صاحب الزمون جان آقای مهربون چه نِنی صاحب الزمون مِه دل که غِصه ی باره جان آقادیگه خواره الهی تِه جان قرون چه نِنِی صاحب الزمون تاکه بَکِشم انتظارتاکه باشه دل بی قرار دیگه بَهیمه نیمه جون چه نِنِی صاحب الزمون اَمان ازاین دردفراق بدجوری بَزودِلّه داغ کِجِه بَهیرم تِه نشون چه نِنِی صاحب الزمون آقا التماس دعا نجف دَری یا کربلا? مدینه یاکه جمکرون چه نِنِی صاحب الزمون هرکسِ دل که بُونه تنگ آقاتِره هی دِنه وَنگ مردوزن وپیرو جوون چه نِنِی صاحب الزمون تِه درد وتِه بِلامِه دل تَرسمه بُورم زیر گِل تِره نَوینِم آقاجون چه نِنِی صاحب الزمون بَدجوری بَهیمی اِما گرفتار درد و بلا دوا ندارنه دَردمون چه نِنِی صاحب الزمون ازبس نَکِنّی بَندگی صفاندارنه زندگی درد دَکِته اَمه میون چه نِنِی صاحب الزمون تِه که تشریف ره بیاری شفابَهیره بیماری هیچکس نَمونّه پَریشون چه نِنِی صاحب الزمون هرکِجه آه وناله بی همه جاعکس لاله بی پرپر بَهینه شهیدون چه نِنِی صاحب الزمون اون روزی که دَسِّ عدو سرداردلهاره بَزو دَکِرده اَمه دِلّه خون چه نِنِی صاحب الزمون فتنه زیاد بَیّه ولی هَسّه غریب سید علی به یاریِ رهبرمون چه نِنِی صاحب الزمون از دَسِّ قوم نانجیب مسلمونی بَیّه غریب بَیّه همه ورد زبون چه نِنِی صاحب الزمون امام حسین وفاطمه تِه منتظرنه همه بَهیری انتقامشون چه نِنِی صاحب الزمون تِه جانِ مارره مدینه وِنِه کَشّه بِشکِنِینه سینه بَهییه لاله گون چه نِنِی صاحب الزمون روضه بخون ازکربلا زمین بناله بی هوا سینه بَزنِه آسمون چه نِنِی صاحب الزمون حسینِ سَرنیزه سِوار تِه عَمّه جانِه بی قرار اسیرِ شهرو بیابون چه نِنِی صاحب الزمون اَمان ازاین بی یاوَری بخاطرانگشتری مِه دِلّه بُوتِه ساربون چه نِنِی صاحب الزمون الهی که ای نورعین اَتاروزبین الحرمین اَمرهاکِنی«مداح»بَخون چه نِنِی صاحب الزمون 🌾🌸🌾🌸🌾🌸🌾🌸 شعر:علی اکبراسفندیار«مداح»