🏴#فراق_برادر 🏴#ترکی ▪️▪️▪️▪️▪️▪️▪️▪️▪️ شعر ترکی در فراق برادر بیر مثلدور داغ بیلر دنیاده قارداش قارداشی چوخ سالار محنت گونونده یاده قارداش قارداشی آرخادور ائلدور دایاقدور یاخشی قارداش قارداشا غم گونی سسلر همیشه داده قارداش قارداشی گر وفادار اولسا دریای محبتدور یقین جان بیلر عالم بوئی آزاده قارداش قارداشی لازم اولسا هر زماندا باش و جان ایلر فدا هر زماندا سسلسه امداده قارداش قارداشی دیزلریم تترر دوشنده یاده باغریم قان اولار وای اؤ ساعتدن گوره افتاده قارداش قارداشی وای اؤگوندن قارداشین بالینینه قارداش گله قولّاری یوخدور گوره هیجاده قارداش قارداشی شاه مظلومان حسین کرب و بلاده نیلدی گورمسین گؤز توش اولوب جلّاده قارداش قارداشی قان ائدر گوز یاشینی امواج غم طوفان ائدر غرق اولور گورسه درین دریاده قارداش قارداشی بیر گوزل سؤزدورمحبتدور حیاتین جوهری داده سسلر هر زمان دعواده قارداش قارداشی شعر:فرهاد فکری شعر ترکی در فراق برادر_نویسنده :کربلایی وحیدشریفی