‍ #کربلا_بیه_مدینه #نوحه_شهادت_امام_حسن_ع_مازنی #امام_حسن_مجتبی_ع 🏴🌾🏴🌾🏴🌾🏴🌾 کربلا بَیّـه مدینه زینب زَنّه سرو سینه گِنه بی قرار بَهیمه دیگه بی برار بَهیمه جانِ برار اَنّه مه پیش دَسِّ پاو بال بال نزن رنگ سیاهی ره حسن به مه شانس واِقبال نزن برار داغِ یتیمی ره شه وَچونِ خُردسال نزن از خَزانِ ته ای حسن«2» دیگه بی بهار بَهیمه دیگه بی برار بَهیمه الهی خواخر نَهیبوم برار تِه زار ره نَدیبوم زار زار برمه هاکردنه عزیز برار ره ندیبوم چی بِیه که بَمِردبوم این شب تار ره نَدیبوم از داغِ شِه پِرو شِه مار«2» من خَله آزار بَهیمه دیگه بی برار بَهیمه زینبِ آروم و قـرار حسین جان ته سرسلامت بشکسّه کمر ته برار حسین جان ته سرسلامت حسن بَیّـه تابوت سوار حسین جان ته سرسلامت حسین جان ته غصه نَخر«2» من ته غصه خوار بَهیمه دیگه بی برار بَهیمه ته مظلومی و غریبی دیگه مِره یاد نشونه تِوسّه بَمیرم حسن که ته نَعشِ تیر بَزونه الهی خواخر تِه فدا ته قبر هنوز بیابونه دیگه به دردو داغ ته«2» برار گرفتار بَهیمه«2» دیگه بی برار بَهیمه ته خوبی و مهربونی آوازه ی عالم بِیه دنیای کرم تِه پَلی ای جانِ برار کم بِیه اَنّه غریب بِی ته قاتل تِه خِنه ی مَحرم بِیه «مداح»بنال ازحال من«2» شمع شب تار بَهیمه دیگه بی برار بَهیمه 🏴🌾🏴🌾🏴🌾🏴🌾 شعر:علی اکبراسفندیار«مداح» سبک بنفس:علی اکبراسفندیار @navaye_asheghaan