زبانحال حضرت زینب (س) در فراق حضرت علی علیه السلام . #سبک_ای_درد_بی_درمانلارا_درمان_اباالفضل … 10 سبک مشابه  . مرحوم محمد حسن تابع دین ( تابع تبریزی ) . هجرونده گللم ای بابا فریاده سنسیز اشکیم آخار رخساریمه بطحاده سنسیز . . ای چاره سیز لر چاره سی وی قبله گاهیم بیرده یوزوم گولمز منیم دنیاده سنسیز . . باشیم بلاسی باشلانار مسموم حسندن حال حیاتیندن اولان مظلوم حسندن ئوز آشناسیندن اولان مغموم حسندن قان آغلارام بیر اوتلانان اکباده سنسیز . . اولدون اگر چه ای بابا باشدان یارالی ائتدون ولی من بی کسی ائلدن آرالی گه کوفه لی گه شامیلی گه کربلالی زینب یانار بیر نار غم افزاده سنسیز . . سنسیز جهاندا هر غم و رنگه بویانام ظلم آتشیله هر گجه گوندوزده یانام بیر گون اولار بو کوفه نین شهرین دولانام چوخ ظلم ایده لر سید سجاده سنسیز . . سنسیز دوشر باشیم منیم چوخ ماجرایه خشکیده نی تک دائماً گلَّم نوایه قارداشیمون باشین ویرار دشمن جدایه صید اولّوق آهو تک بابا صیاده سنسیز . . بیجا یره قلبیم قانی آخمور عذاره سندن صورا محنت لریم گلمز شماره سن تک عزیز جانیدن دوشدوم کناره چوخ غم یتر بو سینۀ ناشاده سنسیز . . گیرم چتیندی زینبه نار فراقون اما عطشدن سولمادی گل تک دوداقون ائتموب علی اصغر قانی الوان قوجاقون زینب گورر بیر بیله گون دنیاده سنسیز . . سوز عطشدن گلشن زهرا سولاندا گل غنچه سی پر وئرمه میش خندان اولاندا بو قان اولان دل تازه دن القان اولاندا اوخلار عدو شش ماهه بیر شهزاده سنسیز . . دشت بلاده ایلرم محشر نمایان اول دم کی قارداشیم اولار جانانه قربان گونلر قباقینده قالار گل جسمی عریان صبریم گیدر اول وقتیده برباده سن سیز . . وار #تابع دینون بابا درد نهانی صدقاً بیزه خدمت ائدر صبح و مسانی اولموش گجه گوندوز بو سوز ورد زبانی بیرده یوزوم گولمز منیم دنیاده سن سیز . . . #حیدریه_شهادت #هجرونده_گللم_ای_بابا_فریاده_سنسیز #ترکی