#بیاد_حیدربابای_شهریار
#سرودهٔ_رقیه_سعیدی_ڪیمیا
#بیست_و_هفتم_شهریور
#روز_شعروادب_فارسی
─┅═✧❁࿇❁✧═┅─
حیدر بابا ! سؤیله گؤلدن باهاردان
سنه سلام ائدن صـفالی یاردان
خبرون وار وفالی شهریار دان؟
گؤنلریمیز ایلَه دؤندی سـووشدی
دومان گلــدی یِئلــرینن قووشدی
دنیـا یالانیمـیش نئــجه بیلمدیک
گؤزدن آخان یاشلاریوی سیلمدیک
بیــرین محبتیــله دینــدیرمدیک
حیف اولا گئچدی عمروموز باهاری
گؤرنمــدیک بیر ده او شهــریاری
حیدر بابا ! دوره ده باغلارون وار
ئؤرگــوندا نچه مین داغلارون وار
یاده سالان سنی چوخ آغلارون وار
خــاطره لر واردی ســنون آدوندا
منیـــم ده آدیمی ساخلا یادوندا
ای کاش بیزه یامان گؤن اولموییدی
سن نن آیری سالان گؤن اولموییدی
ائلی اَلدن آلان گؤن اولموییدی
خوش گؤنلرین قدرین بیلیدیک ای کاش
آغلار گؤزین یاشین سیلیدیک ای کاش
یادیمدادی سنون نوروز گؤللرون
نغمه چالان نوالی بؤلبؤللرون
دامنوندا عطریلی سؤنبؤللرون
بیر ده سنی گلیب گؤرِیدیم ای کاش
سؤنبؤللرون باشین هؤرِیدیم ای کاش
حیدر بابا ! قوناقلارون چوخ اولسون
قویما دامنیوین گؤللری صُولسون
چشمه لرون آخار سوییله دولسون
گَلَن گؤرسون شوکتیوی شاد اولسون
گچن گؤنلر دوباره دن یاد اولسون
حیدر بابا ! شهریارا ســؤزوم وار
سنون اوجا داغلاروندا گؤزؤم وار
دئمه منیم آیریلیقا دؤزوم وار
کاشکی سنه گلیب قوناق اولیدیم
سنون سینوندا بیر بوداق اولیدیم
─┅═✧❁࿇❁✧═┅─
✍رقیه سعیدی(کیمیا)
┅┅┅┅┄❅[﷽❅┄┅┅┅┅┄
🌹#نَشـــــــر=صَــــدَقِہ جاریِہ
💠کانال نوای ذاکرین💠
Eitaa.com/navayehzakerin2
16.4هزار دنبال‌کننده
8 عکس
14 ویدیو
9 فایل
گلچین تخصصی و بروز اشعارونواهای مذهبی روضه،غزل مرثیه،نوحه وگریز،دودمه،ختم خوانی باحضورمداحان وشعرای آئینی👌آرامش
راه اندازی کانال درتلگرام سال ۱۳۹۴
خادم و بانی و مداح چه فرقی دارد
من فقط حاجتم این است که نوکرباشم
Eitaa.com/navayehzakerin2
@Aaramesh42
مشاهده در ایتا