‍#لالا_لالا_لالا_لالا_لالایی #دلگویه_مازنی #حضرت_علی_اصغر 🌹🏴🌹🏴🌹🏴🌹🏴 لالا لالا لالا لالا لالایی پسر دره اِنه بوی جدایی تِه ماهیِ واری دس وپا زَنّی تره او هم هادن دیگه نَمُونّی الهی که بَمِردبوم نَهیبُوم مار چه اینجوری مره اِشِنی زار زار پسرجان بُغض نکن مره کشنی دَرمه میرمه مره زار زار اِشنی جان پسر ته پیش من رو ندارمه بجان تـه قسم من او ندارمه خدا دونه که نا شیر دارمه نا او نِشتنه تسه او بیاره عمو نا زبون دارنی حرف بزنی مه جا نا از تشنایی در اِنِه ته صدا پسرجان بَدیمه ته اِلتماسّـه تِه زبون تِه دِهون دیم دماسّه تِه کَعُو تِکِ دور که پاره بَیّه تِه که نَدونّی مار بیچاره بَیّه خشک سینه ره چنگ نزن ته فدا چنه خون بموعه ته ناخونِ لا کی بَدیّه تِشنا وَچه باخسه شیر نَخرده وِشنا وَچه باخسه از تشنایی ته دس ولینگ چو بَیّه تِـوسّه آرزو دیـگه خُـو بَیّـه تِه مظلومی ره«مداح»جار بَزوعه تِـه زار ره بَـدیـه و زار بَـزوعـه 🌹🏴🌹🏴🌹🏴🌹🏴 شعر:علی اکبراسفندیار..مداح..