#در_مدح_امیرالمونین
سلام ای شیعه نون ماه منیری
سلام ای لشکر عشقین امیری
سلام ای کعبه نون مولود پاکی
سلام ای جبهه ی حق سینه چاکی
سلام ای شیعه نون دار و نداری
شرافت ملکینین شأن و وقاری
سلام ای مظهر ایمان و ایثار
یولی عاشقلره میزان و معیار
سلام ای نائب ختم نبوت
باشیندا اولین تاج امامت
جهانه گلمیوب مولا نظیرون
بلی وارسته دی مولا اسیرون
دوشوبدی صولتین عرش خدایه
اوزوک وئردین رکوعینده گدایه
ملکلر عشقیوه حیران قالیبلار
بهشتین عطرینی سندن آلیبلار
بونی تایید ائلر خلاق منان
سنی درک ائتمگه عاجزدی انسان
ولایتدور اگر شرط دیانت
سنون عشقوندی معیار ولایت
گئجه مشغولیدو ن راز و نیازه
نمازدا ایلیوردون روحی تازه
فتوحاتون هله ورد زباندی
آدون آرایش و زیب اذاندی
سنی هر کس قبول ائتسه اورکدن
مقدم دور جهاندا هر ملکدن
آدون رمز ورود باغ جنت
وارون خالق یانیندا شان و حرمت
نوا وئردون غریب و بی نوایه
یولون سرمشق اولوبدور اولیایه
سنیلن دین حق پاینده قالدی
آدون دِیر و کِنِشته لرزه سالدی
#عبـــــــــــــادے_طارمـــے
363 دنبال‌کننده
56 عکس
53 ویدیو
4 فایل
﷽
پایگاه اشعارعبادی طارمی
غزل
رباعی
دوبیتی
نوحه برای مناسبتهای مذهبی
شعر شیدایی من میل به دیوان دارد
به که گویم که دلم حالت بحران دارد
ادمین @ebadie_taroomi
مشاهده در ایتا