گفتگو ایلوردی بیرگون کعبه ایلن کربلا تا مکان برتر اولسون یئر یوزونده برملا #کعبه عرض ائتدی که من اهل زمینه سرورم بیت خلاق زمین و آسمان و خاورم روز دحوالارضیده اول من اولدوم آشکار اولدولار منن سورا کوه و بیابان پایدار حاجیلار طوف ایلیللر دوریمی پروانه تک احترام ائیلر منه ارض و سما چرخ و فلک منده گوز آچدی بو دنیایه علی شیر خدا منده واردی چشمه ی زمزم همان آب بقا چشمه ی جناتیدت افضلدی زمزم قطره سی پهن اولار دائم حیاتیمده کرامت سفره سی صبح وشب هر مملتکلردن قوناقیم وار منیم حدن آرتیخ گورملی صحن و رواقیم وار منیم #کربلا عرض ایلدی ای قبله ی ارض و سما سن اگر بیت خداسن منده وار خون خدا گر بهشته خاطر ایلوللر سنی مردم طواف باغ فرودسی گوررسن سینمی ائتسم شکاف سن اگر اولدون بو عالمده مقدس بیر بنا اولموشام من میزبان اهل بیت مصطفی آستانیم بوسه گاه قدسیاندور روز و شب شاه دینه اولماغا حامی من اولدوم منتخب زمزم و کوه صفایه ایلمه چوخ افتخار سیلکلنسه آسمانلار اصغرین قانی دامار انبیالر بیر به بیر خاکیمنن اولدی مستفیض ناامیداولماز قاپومدان چاره سیز قالموش مریض الله عشاق حسینه قاره نی خلعت ویریب سنده عاشقسن که قاره جسمیوه زینت ویریب #عبـــــــــــادے_طارمے #کعبه_و_کربلا