#پندیات_اجتماعی باخیرام هر طرفه قدرت یزدان گورورم گردش نه فلمی عرشیده میزان گورورم گجه کاولدوزلاریلان آی دوزولور اسپهره وقت طلعتده ولی مهر درخشان گورورم تپراقی داغلاری داشلاریله موجوداتی خلقی هم ما خلقی خادم انسان گورورم واردی بو خلق خداده نقدر نظم و نظام مور ومارین ایشینه عالمی حیران گورورم سالا بیلمز بشرین قدرتی نظمینده خلل نقدر عمر کچیر خلقیده سامان گورورم چوخلاری عطر بهاریله  اولار  غرق سرور من ولی لطف حقی روحیمه ریحان گورورم بیرینی حامی حق و بیرینی محو غرور بیرینیون حاجتینی حوری غلمان گورورم هرگون احداث اولوردهیرده چوخ منزلوکاخ کاخ ظلم و ستمی فانی و ویران گورورم فلکون  مرکبی  انسانی  چکور  مقصدینه تک تک انسانلارا بیر لحظه پایان گورورم یارادیب خالق منان بیزی تا شاکر اولاخ خالقین لطفینی هر بندیه یکسان گورورم پیرو اهرمن اولسا کیم اولار دشمن حق منزل اهرمنی  گوشه ی زندان گورورم یازدی کیم دفتر اعمالینه خیر و حسنات آخرتده یرینی باغ و گلستان گورورم گورخورام بیکسین آهی دوتاچوخ حاجیلری مکه وکعبه نی در سایه ی احسان گورورم طوف ایله کوچه ایتامی غریبانه حاجی بو یتیمخانه لری کعبه ی جانان گورورم پولووی خرج ائلمه  فخر و مباهاتیله سن قونشووی چون گجه لرزارو پریشان گورورم چاتماز اخرده سعادت یولونا شخص فخور شخص مغروری غلام درِ شیطان گورورم عار اولا  نوکر  اولام   اهرمنه   ذلتیلن باشیم اوسته کرم شاه خراسان گورورم #عبـــــــــــادے_طارمے

#آرزوی_کربلا کعبه دی کربلا   منه ،   مروه صفانی نینیرم جنته باشدی شانیده،طوف ومنانی نینیرم زینت خلقتدی اورا، یتمیش ایکی اولدوزی وار مست الیور حرم منی،سعی وصفانی نینیرم دوزدی که خلاق جهان ،بدویده خلق ائتدی اونی خادمی   وهابی    اولان    ،بیت  خدانی نینیرم خیل   ملائک   دولانار،   شوقیله اکبرباشینا ثانی یاتان یئرده داخی ،ورد ودعانی نینیرم گر چه  وئریلارحاجیلار،اهرمنی داشلاریلان شیطان حکومت ائلین ،یئرده وفانی نینیرم کعبه نی   ایستیسن  اگر،کرب و یلایه فکر ائله طوف ائله بین الحرمی، سسله حرانی نینیرم ظلمیله وهابی  اولوب ،  خادم شهر نبوی شهر پیمبرده اولان ،ظلم وجفانی نینیرم شیعه نین حجی باشلانارمحرم آیی حاجیلار منانی  مقتل  ایلین،  اهل   خطانی  نینیرم جامه  احرام  منه  ،  حسینی مین قراسیدی کعبه نین اوستونده اولان ،شال عزانی نینیرم #عبادی_طارمی

بحر مواجه دوشوب ذورق عشقیم اقاجان پوزولوب مثل سبو دفتر مشقیم اقا جان من که بیر عمر سنی سالدیم آقا دردسره سن سیز اولسام گدجاخ عمر گرانیم هدره حب دنیانی اگر باشدان آتا بیلسیدیم ایکی رکعت سنیلن یئرده نماز قیلسیدیم یوخیدی خوف وهراسیم داخی اول واقعه دن چون که خلعت آلارام من پسر فاطمه دن ایستیرم درگه داداریدن ای نور خدا اولمیام سنلن آقا دهریده بیر لحظه جدا #عبـــــــــــادے_طارمے

#پندیات فکر   ایلمییون   الموشام اسطوره غزلده خالق  غزل    عشقی   یازیب  روز ازلده اولماز    قلمه راز   حقیقت   یولی الهام تا شاعر   اوزی   اولماسا    دلداده عملده پاک اولسا اورک   جاری اولار   چشمه ی ایمان آزاده  بشر   باک ائلمز    جنگ   و جدلده هر   صورتی بیر  نوعیله خالق یارادوبدی یوسفده اولان یوز  گوروسن هانسی گوزلده ظاهرده هامی عالمه وارسته دی لیکن چوخلاری دونوب کافر اولوب  وقت اجلده #عبـــــــــــــادے_طارمـــے

#غزل قلبیمین باشینه حک ایلدی خطاط ازل عشقیدور تک بو جهاندا  یازیلان خیرالعمل دئدی صرف ایلمه اوقاتیوی چوخ پیشه لره عاشق اول که آلاجاق  جانیوی بیرگونده اجل کسلرده باشیوی دور یولون استونده مدام گرچه بیر گون اولاسان مضحکه بین ملل بو یولون  چوخدی مسلم خطر و حادثه سی سپر  ایله سینوی  غملره آختارما علل واریدور ظاهری هم باطنی هم بیش و کمی اصله فکر ایله که چوخدی بو طریقتده بدل آجیدور طعمه لری اینجیدجاق گاهی سنی عاقبت کاموی ایلر بو وزین عشقون عسل سد راه اولسا اگر یولدا سنه اهل دغا یاد ایله حضرت عشقی اولارا قویما محل تکده قالسان گوزووی تیکمه وفای دغله ایستمه همرهون اولسون نه سفیه نه دغل الیوی اوزمه علینون اتگیندن که سالار اهرمن فکریوه هر لحظه ده بیرخط و خلل کیمسه ده گورمدون هیچ حب ولایت اثری نه رفاقت ایله اونان نه ایله جنگ و جدل یازدی بیر یولدا (عبادی) اورگون نیتینی ایستیرم قابل اولا اهل ولایه بو غزل #عبـــــــــــادے_طارمے

💐🍃🌿🌸🍃🌾 🍃🌺🍂 🌿🍂       🔹🔸🔹🔸🔹🔸 🌹 #پندیات_غزل بیرگون منی احضار ائلدی پیر خرابات تاشرح ائلسین چاره و تدبیر مکافات               🔸🔹🔸🔹🔸🔹🔸 اماده  اولوب خدمتینه ائتدیم ارادت ابراز ایلدیم  مهریمی هنگام ملاقات             🔸🔹🔸🔹🔸🔹🔸 بیر آهیله عرض ایلدی ای خام طریقت بیهوده یارانموبدی بیزه  ارض وسماوات                🔸🔹🔸🔹🔸🔹🔸 تدبیر ائله عقبایه بو دنیاده قالان یوخ قویما سالا افکاریوه  بیگانه خرافات                   🔸🔹🔸🔹🔸🔹🔸 نامرده باش اگمه  اگر  اولسنده آجینان بیراهیه گتسون اوزوی ایله مجازات                 🔸🔹🔸🔹🔸🔹🔸 هرگون ائله پیمانیوی معشوقیله تمدید مقصوده یتیرمز سنی بی بهره ریاضات                           🔹🔸🔹🔸🔹🔸🔹 بیل باغلاما بو دهیریده هر بی سرو پایه اخیرده   ائدر  قلبیوی   کانون    جراحات                               🔹🔸🔹🔸🔹🔸🔹 تاپشورسا اگر کیمسه سنه مال ومنالین انصافیله   سن ایله   اونا   حفظ امانات                     🔸🔹🔸🔹🔸🔹🔸 هر بزمیده اگلشدون ایشد پندی بوهوکدن بیدار     ائلیر   فکریوی    توصیف حکایات                    🔸🔹🔸🔹🔸🔹🔸 تیکمه گوزووی  ثروت اشخاصه بو یولدا چاتماز ‌  سنه خالقدن   اودم  سیر کمالات                      🔸🔹🔸🔹🔸🔹🔸 یاز قلبیوه بو نکته نی سن ائتمه فراموش بی   عشق   #علی گلمز  اله رمز   فتوحات                  🔸🔹🔸🔹🔸🔹🔸      #عبـــــــــــادے_طارمے @navaye_montazer

ختم چهلم درفراق پدر ای اولان تپراقه مهمان دور آتا باغریم اولوب قان گچدی قرخ گون فرقتوندن ، ای یانان قلبیمه سلطان باشیوین سایه سی یوخدی ، تا دوشه باشیمین اوسته گول جمالون بیرده گورسم ایلرم جان سنه قربان سن گئدن وقتده بو دنیا کاش بوتون ویران اولیدی سن سیز اولدی ای بابا جان چون منه وحشتلی زندان سینمی محنت داغیتدی شمع سوزانیم سونوبدی بو فلک ظلمیله چکدی عمریوه چون خط پایان کیم سراغون آلسا مندن ،قبریوین ویرم نشانین قبریوی هر کس که گوردی ، آخدی اشکی مثل باران #عبـــــــــــادے_طارمے @navaye_montazer

#ماه_محرم یول گوزلمه  قیامت  گلسین  دوباره دهره چونکه قیام  کبری اعلان اولوب بو آیدا اعجازه باخ حسینده حیران قویوب جهانی شش  ماهه سی فدای  قرآن  اولوب بو آیدا قان   اقلیبدی    زینب   میدان غمده تنها خصم  علی اگرچه خندان اولوب بو آیدا اول جسمه که پیمبر بوسه ویراردی هرگون آتلار   ایاقی   اتدا شان شان اولوب بو آیدا چونکه  چیخیبدی  ماه زهرا  جدایه یاران گویده  قمر اوتانمیش  پنهان اولوب بو آیدا دنیایه لعنت اولسون انصافی یوخدی والله اهل ولایه   دنیا   زندان    اولوب بو آیدا باخ   عشقه   باخ  حسینه  کربوبلا چولونده جسمی   فدای   عهد و پیمان اولوب بوآیدا باشی   بلالی   زینب   گوردی  بلانی زیبا قلبی   اونون   اگر چه  القان  اولوب بوآیدا هاردان یازیم دیون سیز چوخدور بلالی سوزلر تک  اصغرین مدیحی  دیوان اولوب بو آیدا #عبـــــــــــــادے_طارمـــے @navaye_montazer

#غزل بی وفا دنیایه خاطر اهل عرفان غم یمز قالسا تنها رزمیده سردار میدان غم یمز کیم اولا سیر و سلوک و راه عشقه آشنا حربه ائتسه لشکر محرور شیطان غم یمز شمع عشقی طوف ایدر عاشق یانارپروانه تک جانینی اییلر  بلی معشوقه قربان غم یمز خار اولار گوزلرده گاهی دوز یولی سیر ایلین باغلیار معبودیله هر لحظه پیمان غم یمز یار و انصارون  فدا ایلر   مقدس عشقینه سو کنارینده قالار بی یار و عطشان غم یمز صود امر سربازی اگمز باش شرف سیز افسره جسمینی صد پاره ائتسه تیر و پیکان غم  یمز گر (عبادی)  عاشق   اولسا   کربلا  سردارینه اولسا دنیا  یکسره خار   مغیلان غم یمز #عبـــــــــــادے_طارمے @navaye_montazer

#مناجات_با_خدا نوشتم   نامه ای در  اوج   مستی به خلاق زمین و  عرش و هستی به  آن ستار   و   رحمان   و  توانا عزیز   و   قادر   و منصور  و دانا به    رزاق  کریم  خلق    و انسان عیوب   بنده اش را  کرده  پنهان به   نقاش   زمین    و   آسمان ها به نور   ماه و مهر  و کهکشان ها که یارب مانده ام درخلقت خویش مر   آگه ترم   کن از  پس و پیش نگه دارم    ز    توفانهای    دوران وفا داری   کنم بر   عهد و  پیمان مسیر حق اگر پر  رمز وراز است نگاهت برمن اری چاره سازاست نگیری   گر  الهی  دست   من  را بَرد  ابلیس  نفسم  هست من را ز   بس   که   با خلایق   مهربانی گذشتی    از     خطاهای    نهانی ترحم   کن  بر این   مسکین نالان که عقبای خودش را کرده  ویران اگر  چه  در  خیالم  بنده   هستم ز اعمالم  بسی   شرمنده   هستم غرورم   موجب  گمراهی  ام شد بنای سستی  و   کوتاهی   ام شد نشستم  هر  کجا  غیبت  شنیدم گنه را  بر  خودم  ارزان   خریدم نگشتم  نادم  از   اعمال  خویشم گمان کردم  که از   فرزانه  پیشم شدم  نوکر     به    ارباب   رذایل بدور  از  نیکی و  ذکر  و  فضایل وسطات    گر  کند  سقای  ارباب درون   عاشقان  و  خیل   احباب یقین  دارم  به امیدی  دو   چندان رسد    آلام و   درد   سینه   درمان نباشد   واسطی جز    اهل  عترت کند    ما را  ز   پیش  تو    شفاعت نجات این سرا در دستشان  است تمام هستی ام  از هستشان  است اگر   آنان  در   این  عالم    نبودند ستمکاران    جهان   را می ربودند به   پاکان   داده ای  ذاتی   مقدس نباشد   در دو  عالم  مثلشان   کس به    شان  و   حرمت   والای    آنان سعادت  کن   نصیبم   وقت   پایان #عبـــــــــــــادے_طارمـــے @navaye_montazer

#حسین_جان عشقون  یاییلیب کشور  ایرانه حسین جان فتح ایلمیسن دیللری شاهانه حسین جان یول    گوزلیوروخ    تا    یتیشه  ماه محرم تکریم  ایلیاخ عشقیوی مستانه حسین جان عشاقیوه   حسرتله      باخار     دیده  اغیار بیز فخر   ائلروخ  دیده  گریانه  حسین جان تا واردی بو عالم بیزه  سرورسن حسین جان باش اگمروخ هر والی و سلطانه حسین جان خالقده بیلور دردیمیزین مرهمی  سن سن ای نور ویرن   اختر و  کیهانه حسین جان ایراندا  بو آی   هامی سنی   یکسره سسلر جان  یاندیراریخ بیز سنه جانانه حسین جان آذرباییجان     اهلی    زبان      زدی جهاندا عباسین  ایدوبدی  بیزی.  دیوانه حسین جان خالق  ویروب   عشقون دل عشاقیوه نعمت سن شمع شرف ، بیزسنه پروانه حسین جان باشانلانسا  محرم   گلجاخ    شوره جماعت عشاقی  چکرسن گئنه  میدانه حسین جان #عبـــــــــــادے_طارمے @navaye_montazer

ارزش گریه بر اباعبدالله.....