دردیمون آی چاره سی لای لای علی بوغازدا اوخ یاره سی لای لای علی هایاندا قالدون بالا نه تئز سارالدون بالا سینه می ترک ایلدون جانیمی آلدون بالا سن دئماق اولماز ننه محتاجی سن کعبه مسافرلرینون تاجی سن قونداقون احرام، صودامر حاجی سن فرشته گوشواره سی لای لای علی سن که سوسوزلوقدان ئولوردون بالا بس نیه جان اوسته گولوردون بالا یاره نی سن چاره بیلوردون بالا یاره سی ئوز چاره سی لای لای علی چکدی اوغول فاطمه نازون سنون غملی ربابه نه نیازون سنون امام ئوزی قیلدی نمازون سنون شاه الی گهواره سی لای لای علی کلامی زنجانی #نوحه #حضرت_علی_اصغر #حاج_محمدباقر_منصوری #کلامی_زنجانی @nohematn

دور سنه قربان گئدورم رقیه گور نه پریشان گئدورم رقیه ‏ دور بالا عمه ن قولونی آچوبلار ‏ ‏هم صاقینی هم صولونی آچوبلار ‏ کرب و بلانین یولونی آچوبلار ‏ ‏اکبره مهمان گئدورم رقیه ‏ عمه سولوبدی چمنیم گئدون سیز ‏ ‏اولدی خرابه وطنیم گئدون سیز عمّه بولود تک بیلورم دولارسان گوزیاشوویلا اتگون بولارسان کرب و بلانین یولونی سولارسان بوردا یریم خوشدی منیم گئدون سیز دور ئوزوم آلّلام گوزوین قاداسین ‏ ‏الده قالوب غارت اولان اساسین من کیمه سوغات آپاروم لباسین ‏ ‏دیده سی گریان گئدورم رقیّه گون که باتار روشن اولار چراغلار ‏ ‏کیم سنی غربتده گلوب سراغلار ‏ قبریوین اوسته اوتوروب کیم آغلار ‏ ‏من که یانوندان گئدورم رقیه ‏ سندن آییردی منی بو زمانه مندن ئوتور گلمه بئله فغانه ساخلا قرا کوینگیمی نشانه تپراق اولوب پیرهنیم گئدون سیز گئتدون ئوزون قالدی آدون دیلیمده ‏ ‏یوخدی فراقونده توان دلیمده خورداجا گوشواره قالوب الیمده ‏ قلبیم اولوب قان گئدورم رقیّه وای منی گوزدن نیه بس آتوبسان ‏ ‏خون دلیم گوزیاشیما قاتوبسان ‏ قبریده یورقون یارالی یاتوبسان ‏ ‏من ولی نالان گئدورم رقیه عمّه سن الله یوزیوین توزون سیل توزلودی قبریم داشی، دور یوزون سیل آغلاما قربانون اولوم گوزون سیل دای یومولوبدی دهنیم گئدون سیز کلامی زنجانی ‏#نوحه #حضرت_رقیه #حاج_سلیم_مؤذن_زاده #حاج_صدیف #کلامی_زنجانی @nohematn

بو گئجه شاه دین حجّتین اتمام ائدوب ئوز پیامین حسین عالمه اعلام ائدوب گئتدی بیگانه لر قالدی پروانه لر یا حسین جان دئدی من ایستورم معرفت احیاء اولا قالسا هر کیم گرگ اهل تولّا اولا ئوزی عطشان ولی سینه سی دریا اولا منی حق حاکم دولت اسلام ائدوب کیمده وار اهتمام قالماسین انکاریده ثبت نام ایلسون دفتر احراریده من ئوزوم ناظرم پرده پنداریده قالماسین کیم ئوزون بنده ابهام ائدوب یوخ نیازیم منیم هئچ کسه غیر از خدا مهربان اللهیم دردیمه ایلر دوا دئمه پیچیده دور فلسفه کربلا میِ توحید ایچر کیم طلب جام ائدوب تا قوتاردی سؤزون سرور آزادگان ایاقا دوردولار حق طلبان زمان دئدیلر یا حسین آدیوه قربان بو جان قاپووا گلمیشوخ عشق بیزی رام ائدوب بیزی مین یول اگر دوغراسالار تیغیلن گینه باش وئرماقا حاضروخ ای بت شکن صادق عاشقلره کرب و بلادور وطن بو پیامی بیزه گؤزلرون الهام ائدوب سؤز دولاندی چاتوب نوبه بنی هاشمه هم اباالفضله هم اکبریلن قاسمه دئدیلر امر ائله ئولماقا یوخ واهمه شور عشقون بیزی بسته ی بو دام ائدوب گلدی سس عرشیدن اهل ولا زنده باد قتلگه زنده باد، کرب و بلا زنده باد معرفت زنده باد، عشق و صفا زنده باد چیخدی صفدن او کی عاشقی بدنام ائدوب کلامی زنجانی ‏#نوحه #شب_عاشورا #حاج_مرتضی_حیدری #حاج_اصغر_زنجانی ‏‏#کلامی_زنجانی‏ @nohematn

آتدان یئره چون دوشدی لیلانین عزیز اوقلی بیلمم نه حالا قالدی زهرانین عزیز اوقلی سو یرینه ایچدی قان علی اکبر روحی لک الفدا جان علی اکبر سسلندی گولوم لای لای، آرام دلیم لای لای دور تترور الیم لای لای، لای¬لای گوزلیم لای لای سن جدّیوه مهمانسان قوی منده گلیم لای لای سو یرینه ایچدی قان علی اکبر روحی لک الفدا جان علی اکبر کلامی زنجانی ‏#نوحه #حضرت_علی_اکبر #حاج_محمدباقر_منصوری #کلامی_زنجانی @nohematn

آتدان یئره چون دوشدی لیلانین عزیز اوقلی بیلمم نه حالا قالدی زهرانین عزیز اوقلی سو یرینه ایچدی قان علی اکبر روحی لک الفدا جان علی اکبر مظلوم آتاسی گلدی اکبر باشینون اوسته گوردی بویانوب قانه دردانه دلخسته آلدی دیزینون اوسته قانلی باشی آهسته اوپدی بالاسین شاه مردانین عزیز اوقلی سسلندی گولوم لای لای، آرام دلیم لای لای سن جدّیوه مهمانسان قوی منده گلیم لای لای میداندا گولور دشمن، آغلور شه بی یاور سسلور یارالی اوغلون، بلکه اویانا اکبر صدپاره اولوپ پیکر، قانیله دولوپ گوزلر بی کس آنا آهیله افلاکه نوا سالدی معناده خانم زهرا باشینه قرا سالدی گُل مین ورق اولموشدی تپراقه عبا سالدی کلامی زنجانی ‏#نوحه #حضرت_علی_اکبر #حاج_داود_علیزاده #کلامی_زنجانی‏ @nohematn

ای حسین عشق منی حسین عشق منی صد مرده زنده می شود از ذکر یا حسین ارباب ما معلم عیسی بن مریم است عیسی اگر در آخر عمرش به عرش رفت قنداقه ی حسین شرف عرش اعظم است با یوسفش مقایسه کردم نگار گفت کو شاه مصر باشد و این شاه عالم است کلامی زنجانی ‏ ‏#نوحه #امام_حسین علیه السلام #حاج_محمود_کریمی #کلامی_زنجانی @nohematn

ای گوزلریمون نوری غرق محنیم لای لای ای قمچیلر آلتیندا دلدن دوشنیم لای لای دردیمون درمانی لای لای رقیه گوزلرون قربانی لای لای رقیه کلامی زنجانی #نوحه #حضرت_رقیه #سید_محمد_عاملی #کلامی_زنجانی @nohematn