قان یاغدی کربلاده صحرایه یا محمّد ئولدی حسین خبر وئر زهرایه یا محمّد بازار عشق ایچیده تنها حسین دولاندی بیر معنوی تجارت اقبالینیه توخاندی وئردی متاع عمرین حکم بقا قازاندی الله رضاسین ائتدی سرمایه یا محمّد ظالم قیافه سینده اول شمر نامسلمان گلدی حسینی گوردی گودالیده وئریر جان سو وئرمدی او حالدا خنجر قویوبدی دالدان کسدی او باشی ساتسون ترسایه یا محمّد قطع علائقیلن ترک ائتدی ما سوانی ارنی دئمز ائشیتمز آواز لن ترانی قانی یازار حسینین یا ربّنا ترانی بو عالمی نشان وئر موسایه یا محمّد یحیوی اردبیلی #نوحه #امام_حسین علیه السلام #روز_عاشورا #یحیوی #حاج_محمدباقر_منصوری @nohematn

ویرانه ده نازلی بالام جان وئردی دینجلدی بو دختر شیرین کلام جان وئردی دینجلدی بختی بو طفلون اوجیدن دوشدی سرازیره یکسر آتا قارداشلارین چکدیله شمشیره کرب و بلادن شامه دین باغلاندی زنجیره یاتماق اونا اولدی حرام جان وئردی دینجلدی یحیوی ‏#نوحه #حضرت_رقیه #حاج_داود_مؤذن_زاده #حاج_سلیم_مؤذن_زاده #یحیوی @nohematn