بداهه ی تصویر: نماشونِ گــدر هسّا دنــی تـــه هـمه جا تـه خور هسـّادنی تـه تمومه‌راه گـذر اسّــانــه تســه مه‌دل تی‌جا اوگر هسّا دنی‌تـه #تقی_صداقتی ته غم  کوفای اِندا  کر  بَهیتِه مه چش مِیا ره اَسّـر وَر بَهیتِه ته قدرِ  دون نهیمی انده آخِد ته یادِ سر ره پَـیلـم سر بَهیتِه #محمدحسن_خطی بهشته، بو هدائه مار ِ سرپیش مه دلّه سو هدائه مار ِسرپیش ننا بوردا شه ارمونّه سّرِشتــه اسا وشکو هدائه مار سِرپیش #حوا_واحدی‌گشنیانی تَشی سِموارِّ اَی ئـو کــمبه تسّه خرابِ منزله ، سـو کِــمبه تِسّه اگه‌دونم کِمین، را(ه)جا اِنی اَی گَتی دریو ره حسنو کِــمبه تسّه #جمشید_پریچی دَرِ زلِـفـینّه وا هـاکن  ننا جان نـفار، دروِنّه لا  هاکن ننا جان ننا سفره ره بِل ایوونِ گوشه مره لس‌لسَ‌صدا هاکن نناجان #خاطره_صابری ننائه‌خسه چش‌چش سو نزنه ندومــه چه ون گـل بو نزنه؟ چه اون‌کچیک‌خنه، کئو دَرِسه مِه تنگِ دلّــه پـش پـشو نزنه   #ناصر_ساجدی