منیم باشیمداکی بیر یاریه دوزنمیرسن 🥀🌾▪️🥀🌾▪️ 🥀🌾🥀#زبانحال حضرت امیرالمومنین علیه السلام در لحظات وداع با حضرت زبنب سلام الله علیها #حاج رضا محمدی (ولایی) . منیم باشیمداکی بیر یاریه دوزنمیرسن قاباقداکی غم بی انتهایه نیلرسن . گورنمیسن بویارانی،وورولسا اون سگیز عزیزیوون باشی نوک جدایه نیلرسن . منی بوبستربیماریده گورنمیرسن قویانداخنجری قاتل قفایه نیلرسن . باشیمدان آیری یارام یوخدی،دوردمین اوخ گورسون ووروبلا بیر تن گلگون قبایه نیلرسن . منی گلیم آراسیندا دئدوم گورنمزسن ییغیلسا دوغرانان اعضا عبایه نیلرسن . یاریبدی فرقیمی شمشیر،اوحالداسان،آهن عمود،انه سرصاحب لوایه نیلرسن . نه من آجام نه سوسوز سن بوقدری پوزقونسان اوگونکی سو دونه جک کیمیایه نیلرسن . اوگون اگر بالا دیرناخلاسا آنا دوشونی آنا یانا یانا باخسا بالایه نیلرسن . کیچیک بویوک،سودامر قان ایچنده سویرینه عطش سسی اوجالاندا سمایه نیلرسن . باشیم قانین گوروسن طاقتون گئدور الدن گوزون ساتاشسا اوباشسیز فدایه نیلرسن . گورنده جسمینی آتلار ایاقی آلتیندا بسان مصحف اولوب آیه آیه نیلرسن . ائدوبدی قلبوی قان ظلم مسجد کوفه جفای قتلگه کربلایه نیلرسن . منی بوکه له ئولندن سورا قیزیم کفنه بوکنده قارداشیوی بوریایه نیلرسن . یانوندا واردی سنون یددی قارداشون الان اوگون کی یوخ بیری گلسون هرایه نیلرسن . سن آغلیاندا بوگون سس وئرور سنه چوخلار گوله للر اونداکی اعدا بکایه نیلرسن . سنه بوقدری تسلا ویرن بوگون واردی اسیراولاندا اوگون اشقیایه نیلرسن . بوکوفه اهلی کی الان سنه خانوم سویلور اسیرآدیلا گلن بوسرایه نیلرسن . کنیزلرون گولوب ال چالسا، کول سپه باشوا گرآشنا دونه ناآشنایه نیلرسن . آنون(ولایی)بجردوب سنی ، قیزیم زینب گوروم جزاگونی اهل ولایه نیلرسن

یتیشدی وقت وصالیم قیزیم خداحافظ ▪️🍂🍂▪️🍂🍂▪️ 🍂▪️🍂#زبانحال حضرت امیرالمومنین علیه السلام در لحظات وداع با حضرت زینب علیها سلام #نوید آسال اردبیلی . یتیشدی وقت وصالیم قیزیم خداحافظ قوتاردی درد و ملالیم قیزیم خداحافظ . . اجل تَری دوزولوب زینبیم عذاریمده غم ایندی مسکن ایدوب قلب داغداریمده بو خوشدی حیدره کی محضر نگاریمده بویاندی قانه جمالیم قیزیم خداحافظ . . جهاندا دوشمدیم آیری طریق تقوادن گلوبدی عدلیمه احسن مقام بالادن عدالتیم منی آخر سالوبدی یارادن بودور دلیل قتالیم قیزیم خداحافظ . . دیدیم گرک کی اوزوم کشف راز ایدم زینب فقیری جامعه ده سرفراز ایدم زینب غنی و مستحقی هم طراز ایدم زینب بوییدی دلده خیالیم قیزیم خداحافظ . . گوز آچمیشام بو جهانه حریم جاناندا بو آتمیش اوچ ایلی گزدیم سبیل سبحاندا بویاندی قانه یوزوم بیت پاک رحماندا بودور دلیل کمالیم قیزیم خداحافظ . . حکومت ایلمیشم بش ایل اهل اسلامه تفاوت اولمادی حکمیمده خاصیلن عامه همیشه وصله لی جامه گیردیم اندامه مدالیدی منه شالیم قیزیم خداحافظ . . بو امته من امامم وصی پیغمبر اوزوم کی واقف شرعم مسائلی ازبر ولی بو شهریده گور زینب ای وفاپرور حرام اولوبدی حلالیم قیزیم خداحافظ . . ایلیکی اولدی باشیم طعمه تیغ برانه چاتوبدی شهره خبرمرتضاباتوب قانه آخوبدی قانی علینون حریم منانه داغیلدی جاه وجلالیم قیزیم خداحافظ . . ایدوبدی خلق تعجب کی بونه جریاندی گلوبدی مسجده حیدر، مگرمسلماندی بو سوزلری اشیدندن سینمده طوفاندی یتوبدی عرشه ملالیم قیزیم خداحافظ . . بو کوفه اهلی قیزیم بی وفا جماعتدی بولاردی بنده زر فاقد دیانتدی بولاردی دشمن قرآن عدوی نهضتدی بولاردی قاتل آلیم قیزیم خداحافظ . . جهاندا حضرت حقدن نشانیم زینب قیامته کیمی دین پاسبانیم زینب شهید راه حقم جاودانیم زینب یوخومدی وقت زوالیم قیزیم خداحافظ . . او حیدری کی اورک نار غمله داغلاردی یتیم اوشاقلاری زینب کیمین قوجاخلاردی توکنده اشک اولار مرتضاده آغلاردی بوییدی حسن خصالیم قیزیم خداحافظ . . بوگون حضور حقه چون روانیدور حیدر وصال یاره چاتور شادمانیدور حیدر ولی یتیمیلرون ناگرانیدور حیدر غمینیدور اودی حالیم قیزیم خداحافظ . . حکومتیمده اولوبدور کیمون حقی فانی بوبیرسوزی منه سویله سنی حسین جانی آخوبدی هانسی گناه اوسته فرقیمون قانی کیمیله واردی جدالیم قیزیم خداحافظ . . قیزیم قسم اولا پیغمبرون رسالتینه بیرعمری سعی ایلدیم دینیمون صیانتینه قلیجدا ویرمیشام اللهیمون رضایتینه عدوله یوخدی مقالیم قیزیم خداحافظ

محرابده قانه باتان وای بابام ایوای 🌾▪️🌾▪️🌾▪️🌾▪️ 🌾▪️🌾#زبانحال حضرت زینب سلام الله علیها در عزای پدر بزرگوارش 🔰#سبک_بزم_عزاده_گیمیشم #مرحوم تائب تبریزی . محرابده قانه باتان وای بابام ایوای گزلین مزار ایچره یاتان وای بابام ایوای سن تک مظلوم اولماز سن تک محروم اولماز . . قدرون بولونموب ای شه انس وجان گیتدون تیر بلایایه اولوب سن نشان گیتدون ایتدون بلالی زینبون باغریقان گیتدون ای غم لریله باغریقان وای بابام ایوای . . هیچ دل سنون قلبون کیمی قانیله دولماز هیچ گل چمنده ای بابا سن کیمی سولماز هیچ لاله سن تک قان اوتوب باغریقان اولماز دائم غمیله قان اوتان وای بابام ایوای . . دائم مناجات ایلین سوز و ساز اوسته ئولدون رضای حضرت بی نیاز اوسته اولدون فدای راه دین سن نماز اوسته قربان راه عدل اولان وای بابام ایوای . . یاری چتیندور گورسه گر یار اوزاقینده آویز اولار قندیل غم دل اطاقینده اوندان چتین قاتل گزه گوز قاباقینده ای دشمنی فرصت تاپان وای بابام ایوای . . سن تک بلاکش بیر نفر گلموب ایجاده سن تک آپارموب عمرینی درد و غم باده سن تک بابا مظلوم اولان یوخدی دنیاده ای باغریقان مظلوم اولان وای بابام ایوای . . بیر عمر توش اولدون بابا شرّ اشراره اولدی وجودین آشنا طعن اغیاره ووردی آجی دل لر یانان قلبوه یاره قلبینده مین زخم زبان وای بابام ایوای . . سن تک بابا چوخ آز گولن اولمادی بیر کس چاهه دیدون دردون بولن اولمادی بیر کس گوز یاشوی گوزدن سیلن اولمادی بیر کس چوللرده یالقیز آغلیان وای بابام ایوای . . ای غم غبارین سینه دن سیلمین ایوای دل دردینی بیر کیمسنه بولمین ایوای زهرا آنامیزدان صورا گولمین ایوای آغلار گوزی دائم دولان وای بابام ایوای . . قانه باتوب مقصودیوه سن اؤزون چاتدون گوزدن بیله آغلار قالان قزلارون آتدون گیتدون آتاسیز قزلارا زینبون قاتدون اولموش منه ورد زبان وای بابام ایوای . . هر بیر آتاسیز رسمدور غم له دل داغلار اوخشار یانار گوزدن یوزه گوز یاشی باغلار چوخ آغلیان وار قزلارون چوخ گوزل آغلار ای قزلارین آغلار قویان وای بابام ایوای . . سنسیز نجه هجران اوخی قلبمی اویماز لاله کیمی بو سینه مه داغ دل قویماز آغلار نقدر اوخشار سنه زینبون دویماز آغلار یانار ایلر بیان وای بابام ایوای . . گیتدون چخاتدون وصلتین جامه سین تندن آتدون منی دویدون مگر ای بابا مندن مندن اگر دویساندا من دویمادیم سندن وردیم اولار جاندان دویان وای بابام ایوای . . تائب حسینه گر اولا خدمتون شایان وار خدمت شایانوه اجر بی پایان زینب دلینجه بوسوزی بیرده قیل عنوان محرابده قانه باتان وای بابام ایوای

اوز قانینه غلطان اولان بابام وای 🍁🍁🌴🍁🍁🌴 🍁#زبانحال حضرت زینب سلام الله علیها در عزای پدر بزرگوارش . 🔰#سبک_امید_و_سقای_حرم_اباالفضل مشابه🌴 . مرحوم تائب تبریزی . اوز قانینه غلطان اولان بابام وای قدری قبری پنهان اولان بابام وای زینب یانار دیر آغلار گوزیله اوز عدلینه قربان اولان بابام وای . . چوخ گل سولار سن تک سولان تاپولماز دنیادن سن کیمی دویان تاپولماز چوخلار مظلوم اولوب فنا دنیاده سن تک ولی مظلوم اولان تاپولماز . . قلبون کیمی هیچ دل غمیله دولماز هیچ گل یوزون کیمی چمنده سولماز باغریقان لیقدا لاله آد چخاردوب امّا سنون کیمی باغریقان اولماز . . حق بیشه سینده آدون شیر دیولدی جنگاه لرده شیر گیر دیولدى دنیا سنه ایله تنزّل ویردی آدون معاوییله بیر دیولدی . . فنا دنیانی بالمرّه اونوتدون فقط هر حالده اللهى دوتدون گوز یاشون دولاندی گوزونده قانه از بسکه غم یدون از بس قان اوتدون . . دوشمز یارین دلیندن هیچ یار آدی یارین عشقی باشه بلا یارادی سن گورموسن او قدر دل یاراسی قلبون مرهم گوتورمین یارادی . . یاندی داغ داش گوردی آه سردیوی گوزون یاشی یوزدن یودی گردیوی درد اهلی تاپمادون دردون دیماقا گیتدون دئدون قویولارا دردیوی . . سن تک اوزی چوخ آز گولن اولمادی دردون ندور دلده بولن اولمادی دردیوی قوییه دیدون آغلادون سنون گوز یاشیوی سیلن اولمادی . . حالوه وار یری قویی آغلاسا احوالوه یانوب اورک داغلاسا از بسکه أودلی دردیوی ایشیدوب وار حقی اورگی ورم باغلاسا . . تائب بیله بولمه لیاقتون وار شخصیتون یا قدر و قیمتون وار وابسته سن چون که آقان حسینه اودور که احترام و حرمتون وار

گوز آچدی ناطق قرآن 🍃#زبانحال حضرت امیرعلیه السلام به حسنین هنگام شهادت #حاج علی اصغر فریدی . گوز آچدی ناطق قرآن گوروبدور عترتین گریان بویوردی ائتمه یین افغان حسن جانم حسین جانم . . سیزه یوز وئرسه غم گویا گلر شوره آناز زهرا آچار باش حضرت طاها حسن جانم حسین جانم . . منیم روح روانیم سیز قرار جسم و جانیم سیز عزیزیم مهربانیم سیز حسن جانم حسین جانم . . قیلیجلاندی منیم باشیم بویاندى قانه گؤز یاشیم باتیب یاسه بنی هاشم حسن جانم حسین جانم . . باتیبدیر عترتیم یاسه یئتوب چوخ غصه عباسه باخین اول اشجع الناسه حسن جانم حسین جانم . . گؤرورسوز جوخ پریشانم یارالی سینه سوزانم سیزه بو گئجه مهمانم حسین جانم حسین جانم . . گؤزومده اشک آلیم وار اورکده چوخ ملالیم وار باتان گون تک زوالیم وار حسن جانم حسین جانم . . یاخیندیر من ائدم رحلت تاپا دشمنلریم جرأت سیزه چوخ ظلم ائدرامت حسن جانم حسین جانم . . جلوس ائیلین کناریمده بو حال احتضاریمده سؤزوم وار قلب زاریمده حسن جانم حسین جانم

بابا درد فراقوندان سنون بو باغرى قان زینب 🥀✨#زبانحال حضرت زینب سلام الله علیها در شهادت پدر #مرحوم میرزا محمد تقی ولادی (وافی تبریزی) . بابا درد فراقوندان سنون بو باغرى قان زینب ئولنجه وار یری قیلسا مدام آه و فغان زینب بابا بو باغرى قان زینب . . عجب قید ملالندان دِلی ایتمشدیم آزاده سنیله شادیدیم هر آن بو محنت خانه دنیاده کول اولدی باشیمه سنسیز بو دار حیرت افزاده گونی قاره گوزی یاشلی قالور شیون کنان زینب . . عزیز دهردیم اما عجب آخرده خوار اولدوم سن ئولدون عزّتیم گیتدی پریشان روزگار اولدوم گرفتار غم و درد و اسیر آه و زار اولدوم چتین بو بار محنتدن تاپا بیر آن امان زینب . . ئولونجه توکمسون غمدن نجه رخساره گوز یاشی اولوبدور مبتلا مین مین بلایه غملو بیر باشی انیسی غم ، ایشی محنت ، فغان و ناله یولداشی یری وار توکسه گوز یاشی یرینه لخته قان زینب . . گوگل بو آتش غمدن دوتوب اود گور یانوب سونمز عبادتگاهوی خالی بابا زینب گوره بولمز بابا بوجان ئوله ،بلمم آتاسیزلار ندن ئولمز ئولیدی گورمییدی بو گونی کاش الامان زینب . . سنون بو محنتون گتدی بابا عالملری درده توکنمز دردیمی منده دیوم قوی پرده به پرده بابا سندن صورا دست جفای شمر کافرده پیاده قولّاری باغلو اولی شامه روان زینب . . یتنجه شامه هر ساعت بابا عریان دوه أسته وورالّارباشیمه قمچی چوخ اولّام زار و دلخسته یتوب ویرانه ده اولّام اگرچه ظاهراً رسته ولی ویرانه دردیندن چکر دائم فغان زینب . . نه ویرانه بابا بنزر دیمم بیر گنج زندانه قوجاقلوب دیزلرین هریان ،گلور هر بیکس افغانه کیمی جدّا دیر کیم وا اخا سویلر گلور جانه کیمی سویلر یوخوم گلمور ، آجام ای مهربان زینب . . رقیّه نسگلی یاددان چخاردور هر غم و دردی او طفلون غملری هر بیر ملالیمله برابردی دیرعمّه ندن بو یر بیله بی سایه گستردی نولوب اوز خانه میز اولدوخ بیله بی خانمان ، زینب . . آچاندان قولارین قمچی یرین هر آن نشان ویرسون گوگول ایستر که صبر ایلوب دوامِ جاودان ویرسون گوزوم گورسون،گوزوم نوری قوری یرلرده جان ویرسون اونا باخدوقجا اودلانسون حیاتیندن دویان زینب . . نقدری «وافیا» قیلسان عذاره گوزیاشون جاری خلوصون اولسا زینبدور ، او گوز یاشون خریداری اولا هرکیمسه صدقیله بو شاهون گر عزاداری اونی محشر گونی قویماز قالا نالان ، اینان زینب .

ای نماز اوسته جمالی قانه غلطان وای بابام وای 🍁🍃#زبانحال حضرت زینب سلام الله علیها در شهادت حضرت علی علیه السلام . 🔰#سبک_ای_ویرن_ویرانه_یرده . #مرحوم حاج حیدر خوندل تبریزی . ای نماز اوسته جمالی قانه غلطان وای بابام وای بی وفا افراد الیندن باغرى آلقان وای بابام وای . . ای وجودی دستگاه آفرینش افتخاری وی سریر عشقه والی تخت عزت شهریاری حقلیم عمرومجه اولسا گوز یاشیم هجرونده جاری باغریمی درد فراقون ایلیوب قان وای بابام وای . . ای بابا با اینکه سنسن خلقته بیر فرد کامل بولمدى افسوس قدر و شأنوی بوقوم جاهل کیمدی سندن غیر اولسون هل اتی شأنینده نازل ای سراپای وجودی شرح قرآن وای بابام وای . . گونده بیر نحویله قلبون داغلانوب سوز المدن گوردون آلوده محیطی درده گلدون درد و غمدن انتقاد ایتدون همیشه ظلمدن اهل ستمدن قویمادون بو امره قالسون نقص و نقصان وای بابام وای . . سن او مرد حقّ سن حق جلوه ایلر هر سوزوندن بیر یتیم و مستمندی سالمادون اصلا گوزوندن هر فقیر و دردمندی ایلدون راضی اوزوندن ای وجودی عدل محض و لطف و احسان وای بابام وای . . تا باشوندان دگدی جبراً تیغ زهر آلود دشمن عالمین توپراق سپلماق باشینه اولدی مبرهن چون که انسانیّتین شخصیّت ممتازی سنسن سنله ارکان هدایت اولدی ویران وای بابام وای . . جاهل اشخاصین الیندن بسکه اولموشدون معذّب قانیله دولموشدی قلبون گوزلرون قربانی زینب کلمۀ فزت و ربّ الکعبه دن روشندی مطلب مشکلون شمشیر الیله اولدی آسان وای بابام وای . . بسکه تحقیر ایتدیلر شخصیّتون بو قوم جاهل بولمدی سنده اولان معنانی اوباش و اراذل آغلارام من چون الیمدن گیتدی بیر انسان کامل مثلوی هیهات گورسون چشم دوران وای بابام وای . . بیر محیطی که سنه آرتوق واریدی احتیاجی روشن اولسون نور افکارونله تا تیره زجاجی حیف تبعیدونده تشخیص ایتدیلر راه علاجی شهردن جبریله آیریلدون پریشان وای بابام وای . . گوردولر سنسیز اولور آشفته تر امر خلافت امر ایدوب جبراً خلیفه یا على قیل شهره رجعت گلدون اما قویمادی افسوس اهل کینه راحت باز تبعید ایتدیلر بو قوم عدوان وای بابام وای . . گوردی نوروندن دوشور خفّاش بد فطرت شعاعه صادر ایتدی امر، ویردی چنگ زیل امتناعه یا علی گیت قال مُسیّجده قاریشما اجتماعه نیّر چرخ هدانی ایتدی پنهان وایت بابام وای

#زبانحال علی علیه السلام 🥀🏴🥀🏴🥀🏴 یارا دیدی باشمدان/ قان آخدی گوز قاشمدان/ ارث آپارار اباالفضل ع/ مندن آل هاشمدان/ محرابه یخلدم من/ محشر اولوبدی عَلن/ گوردی یارا باشمدا/ وردی باشینه حسن ع/ منه بیر یارا دیدی/ زینبین قدین ایدی/ کربوبلاده اولماز/ درد وغمینین حدی/ اورگی سیخیلاجاخ/ حسینی ع یخیلاجاخ/ الی قوینوندا گلوب/ باشی اوسته دوراجاخ/ دیجک جان حسینیم/ آغلارام قان حسینیم/ عمروم بوبی ایلرم/ سنه فغان حسینیم/ اوخ قلبوی سوکوبدی/ قلبون قانن توکوبدی/ کورکدن چخا دوبسان/ قامتووی بو کوبدی/ قلبیمی داغلارام من/ قلبوه آغلارام من/ امکانیم اگر اولسا/ یاراسن با غلا رام من/ جان ای شه بی کمک/ ننمون سینه سی تک/ سینون سو کولوب حسین/ آغلیور عرش وفلک/ آغلارام آغلار کیمی اوچ پر اوخ مسمار کیمی سوکوب سینُوی قارداش دردون وار داغلار کیمی بیر اوخ دیدی اصغره بیریده سر لشگره بیریده قلبون سوکوب دردون دوشر دیلره دردوی بیلر شیعه قاروی گیر شیعه اوز سینه سینه ورار نوحوی دیر شیعه (نوری)آغلار غموه/ یاره لن دَمُوَه/ اولن لحظه سنده / گل،،یخلا مَقدَموه/ التماس دعا اللهم صل علی محمد ‌وآل محمد وعجل فرجهم

🏴#زبانحال حضرت زینب کبری سلام ا... علیها در کنار بستر امیرالمؤمنین علیه السلام🏴 🎶(اصغریم ای شیرین زبانیم) روزگارین داد اَلیندن ناله و فریاد اَلیندن بِش یاشیمدان غمه اَسیرم اولمادیم آزاد اَلیندن زینبین ناله سَسی عرشه چاتیب وای بابا مَحاسینون قانه باتیب بابام ایوای بابام ایوای چوخ اولوب غمون جهاندا یانموسان یاده سالاندا سن او گون دوشدون اَیاقدان آنامی ثانی ووراندا یوردولار سنی بابا قوم دَنی آنامی وورانلار ئولدوردی سنی بابام ایوای بابام ایوای بابا دَردون منه گَلیدی زینبون ایکاش ئولیدی تیغ کین سنه دَگینجه قیزیوین قلبین دَلیدی یاراوی، گوروب اورک داغلییَرم آنامین، یاره سی تک باغلییَرم بابام ایوای بابام ایوای چوخدی محنتیم بولَرسن گیدوسن سن دینجَلَرسن یخیلان وقتیده حسینیم قتلگاهیده گَلَرسن او چوخور یره اوزون یِتیر بابا آنامی گَلَنده سن گَتیر بابا بابام ایوای بابام ایوای #امیرالمومنین_ع #حضرت_علی_علیه_السلام التماس دعای فرج الاحقر مهدی عبادی