▪️دنیانی ترک ائتدی بو گون شاه ولایت
▪️🥀▪️🌾▪️🥀▪️🌾
▪️🥀▪️#شهادت حضرت علی علیه السلام
🔰#سبک_ای_در_بی_درمانلارا … 10 سبک
#سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
.
احسان تبریزی
.
دنیانی ترک ائتدی بو گون شاه ولایت
سوندی جهاندا مشعل عدل وعدالت
ناله ائدیر ارض وسما
عالم اولوب ماتمسرا
مظلوم علی وای …
.
.
.
ائتدی اثر غم آب وآتش خاک وباده
درد وغم ومحنت اولوب حدّن زیاده
گویده ملک یکسر گلیب افغان وداده
نه یئرده وار نه گویده وار بو درده طاقت
ناله ائدیر ارض وسما
عالم اولوب ماتمسرا
مظلوم علی وای …
.
.
.
قالدی یتیم لر کوفه ده بی یار وهمدم
یوخ باش چکن بیر دیندیردن دیللرده وار غم
یول گوزلیور بیداد رسلر حالی برهم
بس هاردادور گلمیر ائدن بیزدن حمایت
ناله ائدیر ارض وسما
عالم اولوب ماتمسرا
مظلوم علی وای …
.
.
.
ایوای علی ئولدی دیور گویده ملک لر
ناله ائدن وقته ملک آغلور فلک لر
اوت دوتدی یاندی آتش غمده اوره ک لر
شیر خدا قبره گئدیر باشدا جراحت
ناله ائدیر ارض وسما
عالم اولوب ماتمسرا
مظلوم علی وای …
.
.
.
آخر نفسده زینبه حسرتله باخدی
زینب جهانی آهیله یاندیردی یاخدی
اولدوز کیمی قان یاش یوزه گوزلردن آخدی
باشه ووروب قان آغلادی آل رسالت
ناله ائدیر ارض وسما
عالم اولوب ماتمسرا
مظلوم علی وای …
.
.
.
قویدی فلک آغلار بو گون آل عبانی
تپراق آلوب آغوشینه شیر خدانی
دفن ایلییب لر نیمه شب شمس ولانی
زهرا کیمی قبری اولوبدی بی علامت
ناله ائدیر ارض وسما
عالم اولوب ماتمسرا
مظلوم علی وای …
باشدان دگوب بیر یاره شاه لافتایه
🍂▪️🌾✨🍂▪️🌾✨
🍂▪️✨🍂#زبان حال زینب کبری سلام الله علیها
در شهادت حضرت علی علیه السلام
🔰#سبک_ای_در_بی_درمانلارا … 10 سبک
#سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
.
#حاج علی اصغر فریدی
.
باشدان دگوب بیر یاره شاه لافتایه
اوج ایلییبدیر زینبین آهی سمایه
دلده نوا گؤزده سرشگی سینه سوزان
اوخشار ولیّ داوری با دیده گریان
محرابده قانه باتان
باغریم اولوب هجرینده قان
ایوای بابام وای (2)
.
.
رحم ائتمدی دشمن سنی بو حاله سالدى
باشین یاریلدی گول کیمی رنگین سارالدى
چوخ بیکسون بوگون گؤزی یوللاردا قالدى
چوخ ائولری باشسیز قویان ایوای بابام وای
.
.
چوخ ائولرین سنسن بابا امید گاهی
بی کسلرین بی چیزلرین سنسن پناهی
سنسیز چیخیبدیر زینبین افلاکه آهی
باغریم اولوب هجرینده قان ایوای بابام وای
.
.
آفت زده گل تک سولوب بو گل جمالین
آل اللهی دیلدن سالیب درد و ملالین
آرامینى الدن آلیب آشفته حالین
اشکیم اولور گوزدن روان ایوای بابام وای
.
.
نیسگیل لریوی من بابا سالدوقجا یاده
یانّام گتورّم عالم امکانی داده
شاد اولمارام من بیرده بو دار فناده
ویردیم اولاجاق هر زمان ای وای بابام وای
.
.
بو غمده اطفالین گلیب نی تک نوایه
وئرّم تسلّی شوریله آل عبایه
من ساخلارام بو ناله می کرب و بلایه
اوردا اولار قدیم کمان ایوای بابام وای
.
.
سنسیز منیم گولمز یوزوم بیرده جهاندا
قانه دونر باغریم سنی یاده سالاندا
اشکیم آخار رخساره اولسام هر مکاندا
چوخ ائیلرم داد و فغان ای وای بابام وای
.
.
پروانه تک شمع ملال و غمده یاندین
یوزویردی هر غصه سنه دوزدون دایاندین
آخر نماز اوستونده سن قانه بویاندین
آغلار غمینده قدسیان ایوای بابام وای