مرتضی غمینده گلمه سن چوخ نوایه زینب 🍂🍂▪️🍂🍂▪️ #▪️شهادت حضرت علی علیه السلام . #علومی تبریزی . مرتضی غمینده گلمه سن چوخ نوایه زینب ساخلا بو سرشگ چشموی کربلایه زینب . . بو بلالی باشوین باجی چوخ بلاسی واردی حاضر اول جهاندا بیر اوزون ماجراسی واردی قارداشون حسینون قاباقدا بیر کربلاسی واردی توش اولارسان اوردا چوخ غمه چوخ بلایه زینب . . بیرجه تیغله شیر لم یزل ترک ایدوب جهانی آغلادار حسینون مصیبتی جمله ماسوانی قانیله مزیّن ایدر حسین دشت کربلانی آل مصطفی هم اسیر اولار اشقیایه زینب . . عزّتیله قبره قویوب بو گون مرتضانی احباب ماتمنده گوز یاشنی توکر شیونله اصحاب پیکر حسین یرده عترتین گل یوزونده خوناب چوخ اثر ایدر درد و محنتی انبیایه زینب

تیغ ستم ویرلدی مسجد ده مرتضایه ▪️🍃🍂▪️🍃🍂 🥀#شهادت حضرت علی علیه السلام #علومی تبریزی . تیغ ستم ویرلدی مسجد ده مرتضایه گلدی نوایه زهرا غم یتدی مصطفایه . . غملندی بوغمیله نوح و خلیل آدم محرابه ده یخلدی ارکان دین اعظم غم دوتدی ماسوانی غمدن پوزولدی عالم فرصت یتوب الهی اشرار بی حیایه . . دولدوردی ماسوانی روح الامین صداسی هر یاندا اولدی برپا شیر خدا عزاسی اطرافنی آلوبدی اولادی اقرباسی آل علی خدایا دوشدی بیوک بلایه . . مشغولیدی نمازه محرابده او سرور ناگه یتشدی الده تیغ ستم او کافر ضربت ویروب امامه یاندی جهان سراسر گلدی نوایه زهرا غم یتدی ماسوایه .

دعوالرین اصلانی پیمبر دل و جانی 🍁✨▪️🍁✨▪️🍁 ▪️🍁▪️#شهادت حضرت علی علیه السلام #علومی تبریزی . دعوالرین اصلانی پیمبر دل و جانی صف لر داغدان جنگلرین شیر ژیانی توپراقلارا میداندا یخان اهل جفانی ارکان هدا راه هدایتده یخلدى بیر تیغله محراب عبادتده یخلدی . . حیرتده قویاردی هامونی وقت عبادت پیکانی چکوبلر ایاقندان ایله راحت بیر طاعته باخ ائتمیوب احساس اذیّت علّت نه ئیدی سجدۀ طاعتده یخلدی بیر تیغله محراب عبادتده یخلدی . . تنها نه بو اسلامه پیمبرلره حامی شمشیری کیمی قاطع و برّنده کلامی اعدانی سالان خونه اونون شهرت و نامی آتمش اوچ ایل عمر ایلدی محنتده یخلدی بیر تیغله محراب عبادتده یخلدی . . پیغمبر رحمت ایلین وقتده معراج گوردی که علی باشینا گویده قویولوب تاج ویردی اسداللهه اوز انگشترینی باج افسوس که اجرای عدالتده یخلدی بیر تیغله محراب عبادتده یخلدی . . بیر شه که یته مرحمتی شاه گدایه ویرانه ده دائم اولا همدم فقرایه باشسیزلارین عالمده سالا باشینه سایه قویدی بو فنا عالمی ظلمتده یخلدی بیر تیغله محراب عبادتده یخلدی . . . بیر شه که اونون وصفنه نازل اولوب آیات توصیفنه قالمیش هامی ارباب خرد مات هیهات اونون مثلی گله عالمه هیهات صد حیف که بیر تیغ عداوتده یخلدی بیر تیغله محراب عبادتده یخلدی . . حیدر یخلوب سجده ده شقّ القمر اولدی جنّتده خانم فاطمه خونین جگر اولدی سسلندی ملک دین ایوی زیر و زبر اولدی محرابه على حین صلابتده یخلدی بیر تیغله محراب عبادتده یخلدى . . سس دوشدی که محرابده حیدر یارالاندى معناده دل پاک پیمبر یارالاندى آلدی بو سسی زینب مضطر یارالاندى مشغول نمازیدی او حالتده یخلدی بیر تیغله محراب عبادتده یخلدی

باخ کوفیه عرش کبریادن گور بیر نلر اولدی یا محمد 🍂▪️🥀🍂▪️🥀🍂 ▪️#شهادت حضرت علی علیه السلام . #علومی تبریزی . باخ کوفیه عرش کبریادن گور بیر نلر اولدی یا محمد محرابده فرق مرتضاده شق القمر اولدی یامحمد . . سلطان وحوش شیر شرزه بیر بیشه ده قالسا اولسا گر پیر روباه و گرازلر او وقتده باش قوزار اولا تمامی بیر شیر شیر حقه روبه زمانه محرابده گلدی ویردی شمشیر سس گلدی که رکن دین و ایمان زیر و زبر اولدی یا محمد . . خورشید ولا خسوفه دوشدی اقطار جهانی دوتدی ظلمت محرابه یخلدی حجت الله کفاره شکار اولوب نه راحت اوج ایلدی بانگ وا علیا گورسندی علائم قیامت قان آغلادی باشه ویردی زینب تا با خبر اولدی یا محمد

دگنده تیغ کین حیدر باشندان 🥀🍂▪️🥀🍂▪️ 🏴#شهادت حضرت علی علیه السلام #علومی تبریزی . دگنده تیغ کین حیدر باشندان دوشوب عمّامه پیغمبر باشندان . . گلوب فریاده سکان سماوات کسوفه دوشدی خورشید مساوات گوره دنیا علینی بیرده هیهات کسیلدی سایۀ داور باشندان . . بیوک بیر انقلاب اولدی پدیدار ستون عدلی ناگه یخدی کفار چکوب روح الامین شوریله بیر جار علینون ویردی بیر كافر باشندان . . خراب ایتدی عدو ارکان دینی ایشیت قُتل الامیرالمومنینی ایشتسه نالۀ روح الامینی کیمون دوشمز یره افسر باشندان . . بو سس ناگه گیدوب طاهایه یتدی اوجالدی حضرت زهرایه یتدی همینکه زینب کبرایه یتدی آچلدی شوریله معجر باشندان . . دوشوب محرابده صبحون زمانی سپیلدی توپراقا ظلمیله قانی نه راحت دشمن مرتدّ و زانی ویروب بیر زهرلی خنجر باشندان . . توکولدی مسجده اولادی حیران علینی تاپدیلار القانه غلطان ایدوب قان مسجد و محرابی الوان آخور قان هر دم اول سرور باشندان . . علومی بو خیانت اولدی عادت ایدوب سرمشق اونی اهل عداوت بلا دشتنده ده بیر بیله ضربت ویریلدی ظلمیله اکبر باشندان