#شهادت_حضرت_امام_موسی کاظم علیه_السلام ای خدا عشقوندَه زندان باغِ جنّت دور منه گوشهء زنداندا جان وِیرماق سَعادت دور منه تاپموشام بو یِردَه اُوز آختاردیقیم دلخواهیمی اِیتموشم دلخواهیمه بسته دل آگاهیمی قیلموشام روشن بو ظلمت اِیودَه شمعِ آهیمی شمع آهیم، ظلمت اِیو، شاُن و شَرافت دور منه صفحهء عشقه لوای فتحی یارَب وورموشام بادهء عشقیله بو دل جامینی دولدورموشام اِیتموشم ترکِ عَلایق، بزمِ خَلوت قورموشام گوشهء زندان عَجب بیر بزمِ خلوت دور منه شمعِ عشقه یانماقا پَرواسیزام پروانه دَن وَصلِ جانان آختاران عاشق اِیدر پَروا، ندَن بزمِ رازِ عشقی خالی اِیتموشم بیگانه دَن آشنا بو یِردَه بو عشقی محبّت دور منه ای خدا حسرت چَکردیم بیله خَلوت مَنزله تا او خَلوتدَه یته نُقصانِ عَهدیم کامله سالموشام آختاردیقیم خَلوت یِری اِیمدی اَله عُمریدَن آختاردیقیم ساعت بو ساعت دور منه کُنجِ زنداندا اُولوب بیر بو گِیجیله گُوندووزم نوشِ جاندور ساغر صهبای غم، یوخدور سوزوم وِرد و ذکریم یا هُوَ المَحبوب دور، یِردَه یوزوم گوشهء زندان دَگُول، دارالعبادت دور منه خوش دوشر معنای عشقی صورته بوردا سالام سویدوقونجا اِیلیوب یارَب عَبادت کام آلام دشمنیم قویمور وَلی اوز حالیمیله من قالام فکری هر ساعتدَه اظهار خصُومت دور منه اولموشام چون طائرِ بی پَر گرفتارِ قَفس یوخدی بیر کیمسه منه فریادرس ای دادرس بو سیزیلتیم دمبدم اُولموش منیله هم نَفس هم نشین دائم بو یِردَه رنج و زحمت دور منه گُوشهء زندان نه مدّت دور مَکانیم دور منیم هر نَفسدَه هر نفس سوزِ نَهانیم دور منیم کُنده و زَنجیر اَیاقدا هم زبانیم دور منیم همدمیم مُحنتدی، مُونس دردِ حسرت دور منه واردی سینمده منیم بی حدّ نسگل یاره سی بیر یانا بو نسگلیم بو اُود لانان دل یاره سی طَعن اِیدور سِند اِبنِ شاهک چوخ وورور دل یاره سی هر مُصیبتدَن چَتین طعن و شماتت دور منه قورتاران ای یوسفِ صدّیقی قَعرِ چاهیدَن حَرِّ ناری دور اِیدن جدّیم خلیل اللّهیدن قیل منی آزاد شَرَِّ دشمنِ گُمراهیدَن بو حیاتیمدن گُوارا حالِ رحلت دور منه خوشدی یارَب جان وِیروب من قُربِ جانانه چاتام ماسِواللهی مَقامِ قُربیدَه گُوزدَن آتام چوخ یوروب ظلمیله دشمن قَبریدَه راحت یاتام بیله قالماقدان اُلوم واقعدَه راحت دور منه ائل آرالی گوشهء غُربتدَه جان وِیرّم خدا نه قَیزیم مَعصومه واردی دردیمی دلدَن آلا گُوزلریم یولدا قالوب دور گَلدی نه اُوغلوم رضا قول بویون اُولماق اُونیله عُمدَه نیّت دور منه #تائبم خدمتگُذارِ خاندانِ عترتم صدقیلَه سیز خاندانه کمترین بیر نوکرم بیر بَراتِ بیتِ حقّ آل حقدَن ای کانِ کرم اِیدَه آلیم دلدَه بیر وَقفه زیارت دور منه التماس دعای فرج #زنده_یاد_تائب_تبریزی