گلون دوتاخ شیعه لر عزای خیرالنسا 🍂🍁🥀🍂🍁🥀 شهادت حضرت زهرا سلام الله علیها . مرحوم #دلریش . گلون دوتاخ شیعه لر عزای خیرالنسا ائداخ فغان آغلياخ برای خیرالنسا . . گرک بوگون آغلاسون هامی به درد و محن عمامه الده نوا ائدر حسین و حسن روادی خون جگر اگر گله دیده دن سالوبدی زینب باشا قرای خیرالنسا . . همیشه بر عکسیدور بو بی وفا روزگار زمانه هئچ اولمادی اونیله بیر سازگار گئجه گونوز آغلادی بسان ابر بهار اولوبدی خون جگر غذای خیرالنسا . . هنوز دفن اولمامیش وجود خیرالبشر قاپوسی یاندی سینوب قولی اونون شیعه لر یخیلدی زهرا گیروب او دمده صحنه عمر يتوب على گوشینه صدای خیرالنسا . . گلوب ولی خدا بتولین امدادینه باخوب او مظلومينون فغان و فریادینه وصیت مصطفا دوشوب او دم یادینه دئدی سن اول شاهد ای خدای خیرالنسا . . پیمبرین امرينه بوگون من ائتدوم عمل ولیک بو طایفه جری اولوب آچدی ال بروزه اوز کینه سین وئروب شقی ازل دگیل بو نوعی ستم جزای خیرالنسا . . محبت اهلی گرک بو غمده قان آغلاسون سرشک دیده یوزه ائدوب روان آغلاسون خلوص قلبیله چوخ چکوب فغان آغلاسون ظهور ائده اوندا تا ولای خیرالنسا . . نقدر انتسن خیال بو غمده يوخ انتها بوکوب هامی شیعه نين بئلینی بو ماجرا دوشر گینه یاديمه بساط کرب وبلا گلون دوتاخ بیر عزا سوای خیرالنسا . . امان او وقتدن ستون گروه کافر، حسین قویوبالا گل جسمیوی ستمله بی سر حسین گلنده بالينيوه بتول ازهر حسین اوجالدی عرشه او دم نوای خیرالنسا . . باساردی گه باغرينا او جسم عريانيوی ياخاردی آغ زلفینه گھی سنون قانیوی نه حالته دوشدی بس گوروب شتربانیوی دونوب كمانه قد رسای خیرالنسا . . بو شيعه لر یاحسین فداسی نیسگیللرون سموم ظلم ایلدی خزان سنون گللرون ستمله کسدی نئجه او ساربان اللرون بو غمده آرتار غمی بکای خیرالنسا . . نقدری واردی نفس بسان نی «دلریشا» ائله فغان و نوا بو غمده صبح و مسا يقين بو مظلومیدور شفیع روز جزا چکر قلم جرميوه خدای خیرالنسا

02 فاطمیهترکیدلریش #شیعه گرک دیده سی خونبار اولا#فاطمیه_دلریش #شهادت حضرت زهراسلام الله علیها #مرحوم دلریش ✨▪️▪️🏴✨▪️▪️🏴 شیعه گرک دیده سی خونبار اولا حضرت زهرایه عزادار اولا . . لازم و ملزومدی اهل ولا باشه ووروب ایلیه شور و نوا تازه لنوب ماتم خیرالنّسا قويمون عزاسینی اونون خوار اولا . . قويمادی دلشاد اونی بو روزگار ختم نبیدن صورا بی اختیار آغلوب او مظلومه چو ابر بهار خواه گونوز خواه شب تار اولا . . شیعه نی بس نالۀ شبگیر ائدوب ناله سی عالملره تأثير ائدوب اهل مدینه اونی دلگیر ائدوب قويمادیلار باری عزادار اولا . . اولدیلا مانع بلی گوز یاشینه وورمادیلار قمچی اونون باشینه قويمادیلار زینبی قارداشینه بیر دم عزادار او دل افکار اولا . . . شیعه لر انصافیدی زهرا قیزی زینب کبرا شه بطحا قیزی ظلميله انسیّۀ حورا قیزی شمر ستمکاره گرفتار اولا . . . شرح ائده بولمم من اونون غملرین آلديلا باشیندان عدو معجرین ایلدی حایل یوزینه اللرین اولمادی بیر کیمسه هوادار اولا . . . گر چه اوزی شمره گرفتاریدی لیک هوادار اونا بیماریدی روز و شب امّا بو پرستاریدی قويمازیدی زار او بیمار اولا . . . گوردی حسین باشی چو ماه تمام نوک جداده ائلیوب عزم شام سویلدی آردونجه اخا صبح و شام گلّم اگر شامیده بازار اولا . . . شمر مرامین گتوروب حاصله وئردی او سرسلسليه سلسله سویلدی زینب هامی سرقافله قافلیه قافله سالار اولا . . . شیعه همان زینبی کیم آفتاب دوشمدی باشینه گوروب بینقاب ایلدیله داخل بزم شراب مجلس عیش، عترت اطهار اولا . . . «دلریشه» یارب بو حضّاريلن قسمت ائله جمله عزاداریلن سینه زنان دیده خونباریلن نیمۀ شعباندا عزادار اولا . . . #فاطمیه #دلریش #فاطمیه_شهادت #دلریش #زبدةالاشعار @rozeh_daftari1