عروق عشقيمه تزريق خون ايدر عشقون #رضویه #شمس_شاب_تبریزی در مدح حضرت امام رضا (ع) . سامان فردکانی . عروق عشقيمه تزريق خون ايدر عشقون صغير مکتبى بس ذوالفنون ايدر عشقون . مکارم علوى سنده جمع اولوب الحق ثبوت صاد صمد سندن اولدى مستنطق . سنيله غبطه گه جنت اولدى خطۀ طوس صراط فلسفۀ عشقه اولموسان فانوس . قواى خمسه شهادت ويرور امامتيوه نزول ايدور ملکوت عنصرى زيارتيوه . نه کعبه ؛طوف ضريحون ايدر منى حاجى فلک الى السّمک اولموش بو باب محتاجى . الهۀ بشرّيت سن اى الاهه ضليل دوروبدى دست به سينه قاپوندا عزرائيل . دوشوبدى باشيمه تقصير توبه ميدن ايدم الون اؤپوب مى آلوب مست اولوب خياله گيدم . بو مى نه ميدى که ذرّاتى پخش نور ايلور بو باده دن قمر برج حق ظهور ايلور . بو مى نه ميدى که مستيندن هيچ خبر اولماز يقين بو جام ولايتدى بى شرر اولماز . بو مى نه ميدى که کوثردن اخذ کام ايلدى ايچنلرين ايکى دنیا غمون تمام ايلدى . بو مى نه ميدى که هر ذره سى بقا يازيلوب صحيفۀ قطراتوندا يارضا يازيلوب . غريبه ميدى بو مى ايچديم هرچه باداباد منى خراب ايلدون ساقيا ايوين آباد . الينده اؤپملى اولسامدا بير قدح آلارام خمار باخما منه هوليدن ميى جالارام . سن اى سقى اللهه تالى سقى اللهون اوغلى سن اى ازل مهه همتا ازل مهون اوغلى . سن اى ترحّم و رأفتده اول و آخر سن اى ولايتى مخلوقه باطن و ظاهر . سن اى عذارى وران طعنه ماه وخورشيده سن اى تحوّل مطلق رکوده توحيده . سن اى ايدن باخشى آهن سياهى طلا سن اى خزينۀ مخفى حبيب ذات خدا . سن اى خميده قاشون اهل عالمه محراب سن اى نماز وصال نگار خلد جناب . سن اى فراخور عرفان شرقه مهر منير سن اى مثلّث نفسه حدود ضلع کبير . سن اى ترنم باران سراب انسانه سن اى نهايت ذوق و صفا گلستانه . سن اى عصارۀ ديوان مکتب تقوا سن اى قصيدۀ پرمحتواى ذات خدا . جمال ماهيوى ستر وجاهتون اؤرتر سنون قدملريوه جبرئيل يوز سورتر . سن اى بو قدرتيله ذات حقّه بنده اولان مقام قرعۀ توحيد ده برنده اولان . نه مى نه مطرب وساقى من ايچمه ميش مستم سواد زلفيوه ايللردى ساقيا بستم . سن اى حسينه جگر قانينى روان ايلين سن اى سرشکيله مين خضرى جاودان ايلين . صرير کلکيم اويالدور بشير قافله مى که بلکه کرببلادن آزالدا فاصله مى . حسينه آغلاماقين اجرى بى نهايتدور حسينه آغليانون مقصدى زيارتدور . اليم يتيشسه اگر چوخ شکايتيم واردى سوال عشقيمه قصد اجابتيم واردى . بو نوعى عرض ايدرم بينوانى يوخلالار مگر شها صود امر بير بالانى يوخلالار . بو «فردکانی» شباب عهدينى آتوب باشدان گسسته دور بو جهاندا خيالى گوز قاشدان . حقيقى عاشق اولان قلبيده سوزون ساخلار بو قدر دلبر آرا يارينه گوزون ساخلار 🌸🌸🌸🌸🌸🌸🌸🌸🌸🌸🌸🌸